https://t.me/myagkie_lapki_mich/5732 сӑнӳкерчӗкӗ

Чӑваш Енре пӗр ачана йытӑ ҫыртнӑ. Халӗ ҫавӑншӑн ачан ашшӗ-амӑшӗ йытӑ хуҫинчен укҫа шыраса илесшӗн.

Пӑтӑрмах кӑҫалхи ҫу уйӑхнче Етӗрне районӗнчи Стрелецки ялӗнче пулса иртнӗ. Пӗрисен ачи вырӑнти лавкка умӗнче пулнӑ. Ҫавӑнта ӑна йытӑ тапӑннӑ, ҫыртса илнӗ.

Йытта хуҫисем урама уҫӑлма никамсӑр кӑларса янӑ иккен.

Ача шар курнишӗн йытӑ хуҫисенчен 50 пин тенкӗ укҫа шыраса илесшӗн. Чӑваш Енӗн прокуратуринче пӗлтернӗ тӑрӑх, ку ӗҫе ҫывӑх вӑхӑтра судра пӑхса тухӗҫ.

#пӑтӑрмахсем, #сывлӑх, #ачасем, #йытӑсем, #урамсем, #лавккасем, #Етӗрне районӗ, #Стрелецки, #укҫа-тенкӗ, #прокуратура