Сайта кӗр | Регистраци | Сайта кӗрсен унпа туллин усӑ курма пулӗ
 +14.3 °C
Выльӑх-чӗрлӗх алла пӑхать.
[ваттисен сӑмахӗ]
 

Хыпарсем: ачасем

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Комсомольски районӗнче икӗ арҫын ача пӗве патӗнче пӑр тӑрӑх ҫӳренӗ те каялла тухайман. Ара, пӑр ҫӳхе. Паллах, вӗсем хӑраса кайнӑ.

Вӗсене пулӑшма пушар хуралӗн ӗҫченӗсем - пай пуҫлӑхӗ Иван Ананьев тата уйрӑм командирӗ Алексей Вунберов - ҫитнӗ. Вӗсем пусма-патакпа усӑ курса ачасене ҫыран хӗррине тухма пулӑшнӑ.

Унта вӗсен сывлӑхне тӗрӗслесе киле янӑ. Ачасем аманман, хӑранӑ кӑна.

 

Республикӑра
cap.ru сайтри сӑн
cap.ru сайтри сӑн

Хӗрлӗ Чутай шкулӗнче ӑс пухакан ачасем «ӑслӑ» вӗлле шутласа кӑларнӑ. Ку ӗҫ хальлӗхе вӗҫленмен-ха.

ЧР Ял хуҫалӑх министерстви пӗлтернӗ тӑрӑх, ӑна ачасем пуҫтараҫҫӗ. Проекта вырӑнти фермер Данис Лобастов шутласа кӑларнӑ. Ачасем «ӑслӑ» вӗллене тӑватӑ урокра туса пӗтерме шантарнӑ.

Мӗнле велле-ха вӑл? Унпа дистанци мелӗпех ӗҫлеме пулать. Смартфон ҫинчи пускӑча пуссах пыла банкӑсене тултарма май пур. Ачасем пыл сӑпасӗнче ку хатӗрпе пӗрремӗш хут пыл пуҫтарӗҫ.

Хыпар ҫӑлкуҫӗ: https://t.me/mcx_chuvashia/1669
 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

«Мӗн авалтан чӑвашсем пӗрне-пӗри пулӑшса, тимлӗх уйӑрма тӑрӑшнӑ, йывӑр чухне те яланах алӑ пама пӗлнӗ. Пурне те марафона хутшӑнма чӗнсе калатӑп. Ачасене пулӑшу пани, каяллах ырӑпа таврӑнассине пурсӑмӑр та лайӑх пӗлсе тӑратпӑр. Вӗсем — пирӗн пуласлӑх. Ырӑ пурнӑҫпа пурӑнма кашни ача тивӗҫлӗ, ҫак ӑнлава пурин те асра тытмалла», — тесе каланӑ Чӑваш Ен Элтеперӗ Олег Николаев Раҫҫейри Ача-пӑча фончӗн председателӗпе Дмитрий Лихановпа ирттернӗ ӗҫлӗ тӗлпулура.

Пирӗн республикӑра ҫак эрнере «Ачалӑхшӑн, ачалӑх ячӗпе» марафон пуҫланнӑ. Ӑна Раҫҫейри Ача-пӑча фончӗн Чӑваш Енри уйрӑмӗ кӑҫалхипе 35-мӗш хут ирттерет.

 

Республикӑра
t.me/Chuv_today сӑнӳкерчӗкӗ
t.me/Chuv_today сӑнӳкерчӗкӗ

Шупашкарта пурӑнакан ремесленник пӗчӗк пушмаксем ӑсталать.

Радик Смирнов коллекцийӗнче — тӑпӑл-тӑпӑл та пӗчӗк 200 ытла атӑ, ҫулла тӑхӑнмали уҫӑ туфли, лодочки, кроссовки, сабо.

Анчах ҫавсене урана тӑхӑнса ҫӳреймӗн. Чи пӗчӗк пушмак тӑршшӗ — 4 миллиметр.

Нумаях пулмасть ӑста Шупашкарти ача пахчисенчен пӗринче пулнӑ, шӑпӑрлансене хӑй ӑсталанӑ атӑ-пушмакпа паллаштарнӑ. Пӗчӗк атӑ-пушмака епле туни ҫинчен те каласа кӑтартнӑ.

Хыпар ҫӑлкуҫӗ: h
 

Хулара
proavto21.ru сайтри сӑн
proavto21.ru сайтри сӑн

Пуш уйӑхӗн 16-мӗшӗнче Шупашкарта арҫын ывӑлне Республикӑри ача-пӑча клиника пульницине илсе кайма тухнӑ. Анчах вӗсен машини ҫӗмӗрӗлсе ларнӑ. Арҫын ачана вара тухтӑрсен пулӑшӑвӗ питӗ кирлӗ пулнӑ.

Арҫын "Энергозапчаҫ" чарӑну патӗнче дежурствӑра тӑракан инспекторсем патне пырса пулӑшу ыйтнӑ. Полицин аслӑ сержанчӗ Станислав Сергеев тата полицин кӗҫӗн сержанчӗ Тимофей Шаклин арҫынпа ачана служба машинипе пульницӑна питӗ хӑвӑрт илсе ҫитернӗ.

 

Ҫурт-йӗр

Пӑрачкав районӗнчи Кудеиха ялӗ ҫывӑхӗнче пурӑнакансем арканса пӗтнӗ ҫулшӑн пӑшӑрханни пирки сайтра ҫырнӑччӗ. Аса илтерер: М-12 федераци ҫулне тунипе унти ҫула йывӑр тиевлӗ машинӑсем ҫӗмӗсе пӗтернӗ. Ҫавна май ачасем шкула, ача пахчине каяймаҫҫӗ.

Кун хыҫҫӑн унта ҫул ҫине вӗтӗ чул сарнӑ. Анчах халӗ вӑл пылчӑк ӑшне путса пӗтнӗ. Водительсем ку ҫулпа ҫӳреме шикленеҫҫӗ. Ҫынсем вӗсем патне кӗҫех лавккана апат-ҫимӗҫ кӳрсе килме пӑрахасран шикленеҫҫӗ.

ЧР транспорт министрӗ лару-тӑрӑва тӗрӗслесе тӑнине пӗтернӗ. Прокуратура ҫул-йӗре тивӗҫлӗ шайра тытса тӑма ыйтать. Анчах усси пур-и? Сӑнӳкерчӗкре йӑлтах паллӑ.

 

Вӗренӳ
«Чӑваш Ен» ПТРК видеовӗнчен илнӗ сӑнӳкерчӗк
«Чӑваш Ен» ПТРК видеовӗнчен илнӗ сӑнӳкерчӗк

Шупашкарти 5-мӗш гимназие ҫӳрекен 24 хӗрпе каччӑ шкулта пӗлӳ илнипех пӗрлех ҫӑкӑр пӗҫерме, тӗрлӗ пылак апат-ҫимӗҫпе сыр хатӗрлеме вӗреннӗ. Ҫак ӑсталӑха вӗсем Чӑваш патшалӑх аграри университетӗнче туптанӑ. Халӗ яш-кӗрӗмпе хӗр-упраҫа професси илнине ҫирӗплетекен свидетельство панӑ.

«Чӑваш Ен» патшалӑх телерадиокомпанийӗ пӗлтернӗ тӑрӑх, 8-шӗ пылак ҫимӗҫ хатӗрлеме, 5-шӗ ҫӑкӑр тавраш пӗҫерме вӗренме кӑмӑл тунӑ. «Технологи урокӗнче ҫуралнӑ пуҫару аслӑ шкулшӑн та, гимназипе унта вӗренекенсемшӗн те, ачасен ашшӗ-амӑшӗшӗн те усӑллӑ пулса тухнӑ», — пӗтӗмлетнӗ свидетельствӑллӑ пулса тӑнӑ ачасемпе тӗл пулса калаҫнӑ хыҫҫӑн тележурналистсем.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Тӑвай районӗнчи Турикас Тушкил ялӗнче пӗр ҫемьере пушар пулнӑ. Йывӑҫ ҫурт ҫунса кӗлленнӗ. Унта нумай ачаллӑ ҫемье пурӑннӑ: 46-ри хӗрарӑм, унӑн 11-ти, 15 ҫулти тата 7-ри ачисем, 45 ҫулти арҫын /хӗрарӑмӑн савнийӗ/.

Пушар тухни пирки ҫур ҫӗр иртни 2 сехет ҫурӑра пӗлтернӗ. Кил хуҫи хӗрарӑмӗ тата 11 ҫулти ача пушарта вилнӗ. 7-ри хӗрача тата 15 ҫулти арҫын ача, 45-ри арҫын чӳрече ҫӗмӗрле урама тухма ӗлкӗрнӗ. Пушара ирхи 4 сехет тӗлне сӳнтернӗ. Пушарнӑйсем ҫулӑме кӳршӗри ҫуртсем ҫине куҫма паман.

Палӑртмалла: ҫемье шутра тӑман. Ку ҫемье эрех-сӑрапа иртӗхни пирки те тивӗҫлӗ органсене пӗлтернӗ тӗслӗх пулман. Халӗ тивӗҫлӗ органсем тӗрӗслев ирттереҫҫӗ.

 

Статистика
www.usynovite.ru сӑнӳкерчӗкӗ
www.usynovite.ru сӑнӳкерчӗкӗ

Иртнӗ ҫул пирӗн республикӑра вилекенсен шучӗ 2021 ҫултинчен 4799 ҫын чухлӗ (е 23,5%) сахалланнӑ. Ҫав шутра ҫуралакансен йышӗ пӗлтӗр виҫӗмҫулхинчен 1124 ҫын (е 10,1%) чакнӑ.

2022 ҫулта ҫуралнисенчен 3399-шӗ (е 34,1 проценчӗ) ҫемьере пӗрремӗш ача пулнӑ, 3376 ача (33,9%) – иккӗмӗш, 2306 ача (23,2%) — виҫҫӗмӗш, 870 ача (8,7%) — тӑваттӑмӗш тата ун хыҫҫӑнхи.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Пуш уйӑхӗнчен тытӑнса ҫӗртме уйӑхӗнче пирӗн республикӑра «Черчен чечексем» фестиваль-конкурс иртӗ. Ача-пӑчан художество пултарулӑхӗн республика шайӗнчи V фестиваль-конкурсне Республикӑн халӑх пултарулӑхӗн центрӗ йӗркелет.

Конкурса ака уйӑхӗн 10-мӗшӗччен муниципалитет округӗсенче йӗркелӗҫ, иккӗмӗш тапхӑрӗн вӑхӑтӗнче видеоӗҫсене Республикӑн халӑх пултарулӑхӗн центрӗ хаклӗ. Ҫӗртме уйӑхӗн 24-мӗшӗнче ҫӗнтерӳҫӗсен гала-концерчӗ иртӗ.

 

Страницӑсем: 1 ... 41, 42, 43, 44, 45, 46, 47, 48, 49, 50, [51], 52, 53, 54, 55, 56, 57, 58, 59, 60, 61, ... 331
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.08.2025 21:00) пӗлӗтлӗ ҫанталӑк, атмосфера пусӑмӗ 753 - 755 мм, 12 - 14 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 29

1891
134
Назаров Андрей Кузьмич, патшалӑх ӗҫченӗ ҫуралнӑ.
1916
109
Осокина Софья Павловна, пир ҫинче ӳкерекен ӳнерҫӗ ҫуралнӑ.
1937
88
Чернышев Александр Александрович, опера юрӑҫи, Чӑваш АССР тава тивӗҫлӗ артисчӗ ҫуралнӑ.
1963
62
Маттикасси, Хырлӑх, Чӑршӑ тата Чӗрӗп ялсене пӗрлештерсе Вомпӑкасси ялне йӗркеленӗ.
1968
57
Былинкина Лариса Геннадьевна, актриса, Чӑваш Республикин тава тивӗҫлӗ артистки ҫуралнӑ.
2010
15
Игнатьев Михаил Васильевич президент вырӑнне йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хӑнана ӑсатма никам та тухмасть
пӗтӗм кил-йышпа тухаҫҫӗ
хуть те кам тухсан та
хуҫа тарҫи
кил-йышри арҫын
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫин ҫитӗннӗ ачисем
хуҫа хӑй