Чӑваш Енре тин ҫуралнӑ ачасене чӑваш тӗрриллӗ парне пама тытӑннӑ. Кӑҫал парнесене туянма резерв хыснинчен 19 миллион та 268,4 пин тенкӗ уйӑрнӑ. Ку хушӑва ЧР Элтеперӗ Олег Николаев алӑ пуснӑ.

Аса илтерер: унччен республика 11,9 миллион тенкӗпе 5167 парне туяннӑ. Ҫулталӑкра вара республикӑра 10 пине яхӑн ача кун ҫути курать.

Аса илтерер: тин ҫуралнӑ ачана чӑваш тӗрриллӗ вырӑн таврашӗ, ал шӑлли тата «Чӑваш Енри халӑхсен юмахӗсем» кӗнеке параҫҫӗ.

#хысна, #укҫа-тенкӗ, #ачасем, #Элтепер