Ҫак эрнере Чӑваш патшалӑх филармонийӗн артисчӗсене чысланӑ. Культура учрежденийӗнче нарӑс уйӑхӗн 22-мӗшӗнче ӗҫ коллективӗн пухӑвӗ иртнӗ. Унта республикӑн культура министрӗн ҫумӗ Георгий Богуславский хутшӑннӑ. Пухӑннисен умӗнче ҫавӑн пекех учреждени директорӗ Максим Матросов тухса калаҫнӑ.
Филармонин Хисеп грамотипе Татьяна Васильева солист-вокалиста, Павел Козырев юрисконсульта, «Nota «G» ташӑ ушкӑнӗн артисчӗсене Иван Томбачева, Николай Еремеева тата Сергей Ререкина чысланӑ.
Нарӑс уйӑхӗн 17-мӗшӗнче Чӑваш патшалӑх оперӑпа балет театрӗнче Раҫҫей тава тивӗҫлӗ артисткине, чӑваш халӑх артисткине Тамара Чумаковӑна асра тытса пуҫтарӑнӗҫ.
Ҫав каҫ театр солисчӗсем, хорӗ тата симфони оркестрӗ куракансене тӗрлӗ хайлавпа савӑнтарӗ. Концертӑн пӗрремӗш пайӗнче «Травиата», «Нарспи», «Кармен», «Мадам Баттерфляй», «Царская невеста», «Риголетто», «Севильский цирюльник», «Сильва», «Евгений Онегин» оперӑсенчи сыпӑксем янӑрӗҫ. Иккӗмӗш пая Герман Лебедев, Филипп Лукин, Федор Васильев, Анисим Асламас, Григорий Хирпӳ, Геннадий Максимов музыкинчен йӗркелӗҫ.
Астӑвӑм каҫне Иван Николаевпа Елена Гунина ертсе пырӗҫ. Режиссер-постановщикӗ – Анатолий Ильин.
Ҫӗмӗрлере ҫура хӗр шоу-бизнесра ӗҫлет.
Ҫав хӗр – Екатерина Решнова. Вӑл унччен «СТС» телеканалӑн фильмӗсенче вылянӑ, шоусене хутшӑннӑ. Нумаях пулмасть Екатерина «Дети» камитри тӗп сӑнара калӑпланӑ.
2019 ҫулта Екатерина Герман Сидаковӑн Драма шкулӗнче вӗреннӗ. 2019 ҫултанпа вӑл Антон Чехов театрӗнче актрисӑра ӗҫлет. Унсӑр пуҫне Катя «Девушки с Макаровым» кинокартинӑра Марина сӑнарне калӑпланӑ, «Развод» фильмра – Олеся рольне, «Быть» фильмра – Варя.
Чӑваш патшалӑх оперӑпа балет театрӗн артист-вокалистне (солистне) «Чӑваш Республикин тава тивӗҫлӗ артисчӗ» хисеплӗ ят панӑ.
Вӑл Чӑваш патшалӑх культура ӳнер институтӗнчи Раҫҫей тава тивӗҫлӗ артисткин, Чӑваш Республикин халӑх артисткин, В. Смирнова профессорӑн класӗнче вӗреннӗ.
2011 ҫултанпа Чӑваш патшалӑх оперӑпа балет театрӗнче ӗҫлет. Елена Сергеевна – Ҫамрӑк опера юрӑҫисен М.Д. Михайлов ячӗллӗ пӗтӗм тӗнчери II конкурсӗн лауреачӗ.
Паян Чӑваш Ен Элтеперӗ Олег Николаев республикӑри темиҫе ҫынна хисеплӗ ятсем пама йышӑннӑ.
Культура отрасльне илсен, Чӑваш патшалӑх оперӑпа балет театрӗнче ӗҫлекен Михаил Мокшанов артист-вокалист «Чӑваш Республикин халӑх артисчӗ» ята тивӗҫнӗ.
«Чӑваш Республикин культурӑн тава тивӗҫлӗ ӗҫченӗ» ята Патӑрьел районӗнчи Тури Чакӑ ялӗнчи «Чемен» халӑх фольклор ансамблӗн ертӳҫине Анатолий Гаврилова, Шупашкар районӗнчи Ҫӗньялти вулавӑшӑн заведующине Татьяна Кирилловӑна, Ҫеҫпӗл Мишши ячӗллӗ Чӑваш патшалӑх ҫамрӑксен театрӗн тӗп художникне Лариса Комиссаровӑна, Вӑрнарти ача-пӑча ӳнер шкулӗн преподавательне Зоя Табаковӑна пама йышӑннӑ.
Чӑваш патшалӑх юрӑпа ташӑ ансамблӗ иртнӗ ҫула пӗтӗмлетнӗ.
Пултарулӑх ушкӑнӗ иртнӗ ҫул гастрольсемпе те тухса ҫӳренӗ. Тутарстанра, Мари Элта, Пушкӑртстанра тата Чӗмпӗр облаҫӗнче пулнӑ. Пушкӑртстанра артистсем 8 районпа хулана ҫитсе концерт кӑтартнӑ.
Раҫҫей халӑхӗсен пултарулӑх коллективӗсен «Звезды народного искусства» (чӑв. Халӑх ӳнерӗн ҫӑлтӑрӗсем) гала-концертӗнче (вӑл раштавӑн 12-мӗшӗнче пулнӑ) «Русская песня» (чӑв. Вырӑс юрри) Мускаври патшалӑх академи театрӗн сцени ҫине тухнӑ.
Нарӑс уйӑхӗн 9-мӗшӗнче «Тӑван халӑх сасси» концерт иртӗ. Ӑна курас тесен Чӑваш патшалӑх филармонине каймалла.
Программӑн паха енӗ — аваллӑхри кӗвӗ-ҫемме паянхи кунпа ҫывӑхлатнӑ номерсене хаклама май пани. Композицисене хӑйне евӗр илемлетнисӗр пуҫне ҫутӑ оборудованийӗпе усӑ курса та хитрелетнӗ, артистсем ыттисенчен расна тумпа сцена ҫине тухӗҫ. Концерта «Ҫеҫпӗл» тата «Ҫавал» ушкӑнсем, «Дуняша Style» фолк-группа, «Nota «G» ташӑ ушкӑнӗ хутшӑнӗ.
Нарӑс уйӑхӗн 1-мӗшӗнче Шупашкара Питӗрти тенор концертпа килӗ.
Мероприятие йӗркелекенсем «Люблю… Ti amo… I love you… Je t’aime…» программӑна тӗнче эстрадин шедеврӗсенчен хатӗрленине ӗнентереҫҫӗ.
Чӑваш патшалӑх филармонин сцени ҫине Питӗрти Евгений Южин тенор тухӗ. Юрату ҫинчен тӗрлӗ чӗлхепе ҫырнӑ юрӑсене шӑрантарӗ вӑл: «Я люблю тебя до слёз», «O Sole Mio», «Скажите, девушки», «Nathalie», «Besame mucho», «Карузо», «Quizas», «Опавшие листья», «Вечная любовь» тата ытти те.
Чӑваш патшалӑх филармонийӗ Илья Ильфӑн тата Евгений Петровӑн «Двенадцать стульев» романӗ тӑрӑх лартнӑ мюзикла пырса курма йыхравлать. Ӑна культура учрежденийӗнче кӑрлач уйӑхӗн 6-мӗшӗнче 14 тата 19 сехетсенче кӑтартӗҫ.
Мюзклта Остап Бендер ролӗнче Константин Живулин пулӗ, Владимир Ашмарин Киса Воробьянинов сӑнарне калӑплӗ, Татьяна Васильева — Грицацуева, Чӑваш халӑх артистки Маргарита Финогентова — Петухова, Андрей Именнов — Федор Востриков, Динара Юнисова — Лиза, Анастасия Батюкова — Эллочка, Сергей Степанов — Щукин инженер. Тепӗр тесен, пурне те каласа каяр мар, курма кайсан пӗлме кӑсӑк пулмӗ.
Иртнӗ эрнере, раштавӑн 15-мӗшӗнче, Шупашкарти куракансене Аргентина артисчӗ хӑйӗн пултарулӑхӗпе савӑнтарнӑ.
Филармони залӗнче Чӑваш патшалӑх академи симфони капеллин оркестрӗн артисчӗсен, пӗтӗм тӗнчери конкурссен лауреачӗн Илья Алексеевӑн, «Джаз ТОНиКа» эстрадӑпа джаз музыкин оркестрӗн, Чӑваш Республикин искусствӑсен тава тивӗҫлӗ ӗҫченӗ Наталья Яклашкина дирижёрӗн концерчӗ иртнӗ.
Ӑна вырӑс джазӗн 100 ҫулхине, Аргентинӑри паллӑ композитор Астор Пьяццолла ҫуралнӑранпа 100 ҫул ҫитнине халалланӑ. Астор Пьяццолла танго-нуэвӑна пуҫарса яраканӗ шутланать. Вӑл Аргентина танговӗн жанрне джаз тата классика музыкипе чылай пуянлатнӑ.
Шупашкарти куракансене Аргентинӑри, Мускаври тата Шупашкарти артистсем те савӑнтарнӑ. Сцена ҫине ҫав кун Даниэль Туэро (Буэнес-Айрес) ташӑ ӑсти те тухнӑ.
+3.3 °C