Сайта кӗр | Регистраци | Сайта кӗрсен унпа туллин усӑ курма пулӗ
 +20.0 °C
Икӗ куяна хӑвалакан пӗрне те тытайман.
[ваттисен сӑмахӗ]
 

Хыпарсем: судсем

Республикӑра
Суд приставӗсен сайтӗнчи сӑн
Суд приставӗсен сайтӗнчи сӑн

Афганистан ҫынни миграци сакунне пӑснӑ. Чӑваш Енри суд приставӗсем ӑна патшалӑх чикки урлӑ каҫмалли пункт таран илсе ҫитернӗ.

Ют ҫӗршыв арҫынни, 32 ҫултискер, Раҫҫейре 10 ҫула яхӑн миграци саккуне пӑсса пурӑннӑ. Вӑл ҫак тапхӑрта Мускавра кун кунланӑ. Нумаях пулмасть Шупашкара тусӗ патне килнӗ. Шӑпах кунта вӑл миграци саккунне пӑсни тӑрӑ шыв ҫине тухнӑ.

Судра арҫын айӑпне йышӑнман, хӑйне тӳрре кӑларнӑ: вӑл ӗҫленӗ, ҫавӑнпа тӑван ҫӗршывне кайман. Суд вара айӑплӑ тесе йышӑннӑ: 5 пин тенкӗлӗх штрафланӑ, Раҫҫейрен каймалла тунӑ.

Хыпар ҫӑлкуҫӗ: https://pg21.ru/news/59145
 

Пӑтӑрмахсем
https://www2.hm.com/ru сайтри сӑнӳкерчӗк
https://www2.hm.com/ru сайтри сӑнӳкерчӗк

Вӑрнар поселокӗнчи суту-илӳ точкисенчен пӗринче ҫи-пуҫ сутакан пӗр усламҫӑ саккуна пӑснӑ. Ҫакна асӑннӑ районти прокуратура тӗрӗслевӗ вӑхӑтӗнче тупса палӑртнӑ.

Усламҫӑ футболка, халат, пижама, кӗпе сутнӑ. Унӑн тавар ҫинчен калакан хутсем пулман иккен. Ҫакӑ вара ҫӑмӑл промышленность продукцийӗн техника регламентне тата потребильсен парвине хӳтӗлесси ҫинчен калакан саккуна пӑсни шутланать.

Саккуна пӑсакан усламҫӑна прокуратура административлӑ майпа явап тыттарас тесе Чӑваш Ен Арбитраж судне ҫитнӗ. Унтисем надзор органӗн тавӑҫӗпе килӗшнӗ. Вӑрнарти усламҫӑ ҫӑмӑл промышленность продукцийӗн техника регламентне тата потребильсен правине хӳтӗлесси ҫинчен калакан саккуна пӑсать тесе ӑна явап тыттарма йышӑннӑ.

 

Ҫул-йӗр
"За рулем" порталти сӑн
"За рулем" порталти сӑн

«Нурӑс – Елчӗк – Патӑрьел» ҫул водительсемшӗн хӑрушлӑх кӑларса тӑратнӑ: вӑл арканнӑ, паллӑсем ҫителӗклӗ мар. Шӑтӑк-путӑк тӑршшӗ 2,65 метра ҫитнӗ, сарлакӑшӗ – 1,9 метра, тарӑнӑшӗ – 15 сантиметра. Пӗтӗмпе 24 пин тӑваткал метр ҫул сиенленнӗ.

Ҫак ҫитменлӗхсене прокуратура тӗрӗслевӗ вӑхӑтӗнче шута илнӗ те суда ярса панӑ. Суд Чӑвашупрдора ҫула юсаттарма йышӑннӑ.

Пӗр водитель «За рулем» порталӑн «Контактра» ушкӑнӗнче ҫырнӑ тӑрӑх, япӑх ҫул 8 ҫухрӑма яхӑн, унта сехетре 20 ҫухрӑм хӑвӑтлӑхпа ҫеҫ кайма тивет.

 

Республикӑра
cap.ru сайтри сӑн
cap.ru сайтри сӑн

Чӑлхапа трикотаж хапрӑкӗн учредителӗсенчен пӗрин тӗлӗшпе заявлени панӑ. Ку предприяти панкрута тухнипе ҫыхӑннӑ.

Ҫав учредительсенчен пӗри – Владимир Ермолаев. «Регнум» информаци агентстви пӗлтернӗ тӑрӑх, заявлени «субсидиарлӑ яваплӑх» тытассипе ҫыхӑннӑ.

Ҫавна май ЧР Арбитраж сучӗ Владимир Ермолаевран 71 миллион та 841 пин те 552 тенкӗ шыраса илесшӗн. Суд ларӑвӗ хӑҫан пулассине хальлӗхе палӑртман.

Хыпар ҫӑлкуҫӗ: https://pg21.ru/news/58885
 

Пӑтӑрмахсем
R21.fssprus.ru cӑнӳкерчӗкӗ
R21.fssprus.ru cӑнӳкерчӗкӗ

Шупашкар хулин Кӑнтӑр поселокӗнче пурӑнакан хӗрарӑм ют ҫӗр ҫине кӗрсе кайнӑ. Унта вӑл кирпӗчрен хуралтӑ купаласа лартнӑ. Ют ҫӗр ҫинчи пурлӑха тимӗр карта тытса ҫавӑрсах хӑйӗн туса хунӑ.

28-ти кил хуҫи ют ҫӗрпе хуҫаланнӑ пӑтӑрмах суда ҫитнӗ. Тӳресем хӗрарӑмӑн пурлӑхне сӳтме йышӑннӑ. Суд йышӑнӑвне суд приставӗсем патне ҫитернӗ. Кун хыҫҫӑн кун иртнӗ, анчах тимӗр карта унчченхи вырӑнтах пулнӑ.

Суд йышӑнӑвне хӑй кӑмӑлӗпе пурнӑҫламан хӗрарӑмпа приставсем телефонпа ҫыхӑннӑ, мӗншӗн тесен вӑл Шупашкарта пулман. Мускавра пурӑнать иккен. Ҫавӑн пирки суд приставӗсене хӗрарӑмӑн кӳршисем систернӗ.

Суд йышӑнӑвне кӑмӑлпа пурнӑҫламанни мӗнпе вӗҫленессине асӑрхаттарнӑ хыҫҫӑн хӗрарӑм рабочисем тытса картана та, хуралтӑна та сӳттернӗ. Хӗрарӑм ӗнентернӗ тӑрӑх, суд пулнине вӑл пӗлмен.

 

Республикӑра
http://dlyaribakov.ru сайтран илнӗ сӑн
http://dlyaribakov.ru сайтран илнӗ сӑн

Ҫӗмӗрле хулинче пурӑнакан арҫыннӑн саккуна пӑсса пулӑ тытнӑшӑн явап тытма тивнӗ. Кун пирки Чулхула облаҫӗн прокуратурин сайтӗнче хыпарланӑ.

Кӑҫал ака уйӑхӗн 21-мӗшӗнче 31 ҫулти арҫын пӗлӗшӗпе шӑпах ҫак кӳршӗ региона пулла кайнӑ. Хайхискерсем Прорва пӗвере 90 метр сарлакӑш, 1,5 метр ҫӳллӗш таната лартнӑ.

Анчах кӑштахран Чӑваш Ен ҫыннисене чӗрчунсен тӗнчине хӳтӗлекен центр ӗҫченӗсем тытса чарнӑ. Танатасене кӑларсан унта пулӑ пулман.

Арҫынсене суд тунӑ. Судья барконьерсем айӑплӑ тесе йышӑннӑ. Вӗсене тӗрмене хупмасӑр 2 ҫул та 3 уйӑхлӑха айӑпланӑ.

Хыпар ҫӑлкуҫӗ: https://pg21.ru/news/58858
 

Хулара
ypravo.com сайтри сӑн
ypravo.com сайтри сӑн

Шупашкарти пӗр ача пахчин заведующине ӗҫ вырӑнӗпе ытлашши усӑ курнӑшӑн айӑпланӑ. Ун тӗлӗшпе пуҫарнӑ пуҫиле ӗҫе суд пӑхса тухнӑ. Судья заведующие 150 пин тенкӗлӗх штрафлама йышӑннӑ.

Следстви комитечӗ тата суд палӑртнӑ тӑрӑх, заведующи ача пахчине хӑйӗн виҫӗ пӗлӗшне ӗҫе илнӗ. Анчах лешсем вара чӑнние ӗҫлемен, ӗҫ укҫине илсе тӑнӑ. Вӗсен шалӑвӗ валли пӗтӗмпе 700 пин тенкӗ тӑкакланӑ.

Шупашкар хула администрацийӗн вӗренӳ управленийӗ тӗлӗшпе представлени ҫырнӑ. Сӑмах май, Патӑрьел районӗнче ача пахчин заведующине те ӗҫ вырӑнӗпе усӑ курнӑшӑн штрафланӑччӗ. Кун пирки сайтра хыпарланӑччӗ.

Хыпар ҫӑлкуҫӗ: https://pg21.ru/news/58819
 

Пӑтӑрмахсем

Таджикистанра ҫуралнӑ каччӑ ҫара каяс килменнипе Чӑваш Енре пурӑннӑ. Анчах вӑл кунта тӗпленни миграци саккунӗпе килӗшсе тӑман.

Саккуна пӑсакан каччӑна суда чӗннӗ. Тӳрене унӑн мӗншӗн кунта пурӑннине ӑнлантарса пама тивнӗ. Таджикистана ҫамрӑкскерӗн чунӗ туртмасть иккен. Никам кӗтменрен мар. Тӑван кӗтесре унӑн ҫывӑх ҫыннисем пур мӗн-ха: ашшӗ-амӑшӗ, аппӑшӗ, пиччӗшӗ. Тӑван килӗ. Анчах унта ӑна ҫара илсе кайӗҫ. Ҫавӑнпа вӑл ҫуралнӑ вырӑна — Таджикистана — каясшӑн пулман.

Каччӑна суд хӗрхенмен, Раҫҫейрен кӑларса яма йышӑннӑ.

Федерацин суд приставӗсен службин Чӑваш Енри управленийӗн пресс-службинче пӗлтернӗ тӑрӑх, 18-ти каччӑна суд приставӗсем нумаях пулмасть Раҫҫей чикки урлӑ каҫарса янӑ-янах.

 

Республикӑра

Суд палӑртнӑ тӑрӑх, Вӑрнар районӗнче пурӑнакан 44 ҫулти хӗрарӑм ывӑлне хӗненӗ, ун умӗнчех эрех-сӑра ӗҫнӗ. Ҫапла майпа вӑл ачине япӑх тӗслӗх кӑтартнӑ. Амӑшӗ тӗлӗшпе приговор янӑранӑ: ӑна тӗрмене хупмасӑр 3 ҫул та 2 уйӑхлӑха айӑпланӑ.

Хӗрарӑм ывӑлне тивӗҫлипе пӑхманни пирки аслӑ ачисем йӗрке хуралне пӗлтернӗ. Суд хыҫҫӑн вӗсем кӗҫӗн шӑллӗне хӑйсем патне илсе кайнӑ.

Ҫак хӗрарӑм 2017 ҫулхи нарӑсран пуҫласа кӑҫалхи кӑрлаччен 9 ҫулти ывӑлне хӗненӗ, эрех-сӑрана ун умӗнче тутанма именмен. Ӗҫсе ӳсӗрӗлсен унран ывӑлне лекнӗ.

Халӗ хӗрарӑма амӑшӗн правинчен хӑтарас ыйтӑва пӑхса тухаҫҫӗ.

Хыпар ҫӑлкуҫӗ: https://pg21.ru/news/58749
 

Республикӑра
cheb.media сайтри сӑн
cheb.media сайтри сӑн

Шупашкар хула администрацийӗн пуҫлӑхӗн ывӑлне следстви изоляторне хупни пирки сайтра хыпарланӑччӗ.

Аса илтерер: 20 ҫулти каччӑ утӑ уйӑхӗн 22-мӗшӗнче Муркаш районӗнче ҫул ҫинче пулнӑ аварире айӑплӑ тесе шутлаҫҫӗ. Следстви версийӗ тӑрӑх, Ладыков-кӗҫӗнни «Ауди» водителӗ УАЗпа ҫапӑннӑ, кайран вырӑнтан тарнӑ. УАЗри водительпе пассажир аманнӑ, сурансенчен хӑшӗ-пӗри сывлӑха йывӑр сиен кӳнипе танлашнӑ.

Утӑ уйӑхӗн 26-мӗшӗнче суд Ладыков-кӗҫӗннине следстви изоляторне хупма йышӑннӑ. Анчах каччӑн ваккачӗ аппеляци панӑ. Нумаях пулмасть ЧР Аслӑ сучӗ ӑна пӑхса тухнӑ. Анчах вӑл та сити-менеджер ывӑлне СИЗОрах хӑварма йышӑннӑ.

 

Страницӑсем: 1 ... 4, 5, 6, 7, 8, 9, 10, 11, 12, 13, [14], 15, 16, 17, 18, 19, 20, 21, 22, 23, 24, ... 90
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.07.2020 03:00) пӗлӗтлӗ ҫанталӑк, атмосфера пусӑмӗ 748 - 750 мм, 19 - 21 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере çынсемпе хутшăнни усăллă. Юратуллă хутшăнусем пуçарни те пăсмĕ. Кăмăл пусăрăнчăк, çавăнпа хăвăра савăнтарма тăрăшăр. Тĕслĕхрен, туссемпе каçсерен чей ĕçме пухăнăр.

Ыйтӑм

Чӑваш халӑх сайтӗнче цензура пулмалла-и?
Ҫук, хуть те мӗнле материала ирӗклӗн вырнаҫтармалла
Ку ыйтӑва редакци татса памалла
Маншӑн ҫавах
Паллах, пулмалла, унсӑр ӑпӑр-тапӑр япала лартма пулать!
Пулмалла, анчах виҫеллӗ
Эпир Facebook-ра 1370+
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org