Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Пӑсма пӗр кун, тума виҫ кун.
[ваттисен сӑмахӗ]
 

Хыпарсем: судсем

Республикӑра
Суд приставӗсен управлени ҫурчӗ. Google.Map-ран тунӑ скриншот
Суд приставӗсен управлени ҫурчӗ. Google.Map-ран тунӑ скриншот

Федерацин суд приставӗсен службин Чӑваш Енри Управленийӗ пӗлтернӗ тӑрӑх, вӗсен сотрудникӗсем васкавлӑ та майлашуллӑ ӗҫленине пула республикӑри 36 ҫын умӗнчи ӗҫ укҫи парӑмне татса пама май килнӗ. Ҫакна тумашкӑн ӗҫпе тивӗҫтерекенӗн хваттерне сутма тивнӗ.

Ӗҫпе тивӗҫтерекен ӗҫ укҫи тӗлӗшӗпе хӑйӗн ӗҫченӗсем умӗнче 1 млн та 800 пин тенкӗлӗх парӑма кӗнӗ. Ҫак парӑма пӗтерес тӗлӗшпе суд приставӗсем пӗр пӳлӗмлӗ хваттере арестленӗ, каярахпа ӑна сутса янӑ. Сӑмах республикӑри пӗр агропредприяти пирки пыни паллӑ. Конкретлӑ хӑшӗ пирки сӑмах пынине вара пӗлтермен.

Суд приставӗсен служби ҫирӗплетнӗ тӑрӑх ыйтӑва ҫакӑн пек татса пама предприяти ертӳҫи ку ыйтӑва татса парас тӗлӗшпе нимӗн те туманни, тата вӑл хӑй ҫине илнӗ тивӗҫе пурнӑҫламанни хистенӗ.

 

Пӑтӑрмахсем

Хӗр банкоматран ют ҫын укҫине илнӗ. Куншӑн ун тӗлӗшпе пуҫиле ӗҫ пуҫарнӑ. Халӗ унӑн явап тытма тивӗ.

Пуш уйӑхӗн 17-мӗшӗнче Шупашкарта пурӑнакан 34 ҫулти арҫын банкомат урлӑ хӑйӗн счечӗ ҫине 29 пин тенкӗ хума тӑнӑ. Анчах операцие вӗҫлемесӗрех хайхискер пӑрӑнса утнӑ. Счечӗ ҫине укҫа куҫманнине кура вӑл каялла таврӑннӑ. Анчах банкоматра унӑн укҫи пулман ӗнтӗ, ӑна такам илсе кайнӑ.

Видеокамерӑна пӑхсан ҫакӑ палӑрнӑ: бакномат патне хӗр пынӑ. Ӑна тупса палӑртнӑ. Суд пуличчен унӑн таҫта тухса ҫӳреме юрамасть.

 

Пӑтӑрмахсем
pixabay.com сӑнӳкерчӗкӗ
pixabay.com сӑнӳкерчӗкӗ

Улатӑрти район пульницинче ӗҫлекен тухтӑр йӗрке хуралҫисене пулӑшнӑшӑн ята кӗнӗ.

ЧР Следстви комитечӗн Чӑваш Енри управленийӗнче пӗлтернӗ тӑрӑх, хирург-тухтӑр 2019 ҫулхи ҫурла уйӑхӗнчен тытӑнса 2021 ҫулхи утӑ уйӑхӗччен йӗрке хуралҫисене сӗтевле пулӑшса пурӑннӑ. 2 пин тенкӗ укҫалла вӑл вӗсене (пурӗ 5 ҫынна) ӗҫрен пӑрӑнма ирӗк паракан справка ҫырса панӑ. Сӗтев панӑ йӗрке хуралҫисене халӗ ӗҫрен кӑларса янӑ ӗнтӗ. Вӗсенчен пӗрне 5 пин тенкӗлх штраф хурса панӑ.

Тухтӑр пирки каласан, 2021 ҫулхи ҫӗртме уйӑхӗнче вӑл пӗлӗшӗнчен 1 пин тенкӗ илнӗ, ӑна вӑл больничнӑй уҫса панӑ.

Врач тӗлӗшпе пуҫарнӑ пуҫиле ӗҫе Улатӑр районӗнчи суда ярса панӑ.

 

Пӑтӑрмахсем
portretist.moy.su сӑнӳкерчӗкӗ
portretist.moy.su сӑнӳкерчӗкӗ

Краснодар крайӗнче пурӑнакан хӗрарӑма Чӑваш Енре суд тунӑ. Хӗрарӑм унччен Чӑваш Енре пурӑннӑ. Кунта вӑл пуҫлӑх пулса ӗҫленӗ — Вӑрнарти 1-мӗш шкулта директор пулнӑ.

Директорта тӑрӑшнӑ вӑхӑтра хӗрарӑм 2017 ҫулхи чӳк уйӑхӗнчен пуҫласа 2020 ҫулхи раштав уйӑхӗччен ӗҫ вырӑнӗпе усӑ курса пурӑнни ҫиеле тухнӑ. Вӑл учительсене преми тӳленӗ те укҫан пӗр пайне хӑйне пама ыйтнӑ. Ҫапла майпа виҫӗ преподаватель директора пурӗ 150 пине яхӑн тенкӗ тыттарнӑ.

Следстви пынӑ вӑхӑтра экс-директор вӗрентекенсене укҫана каялла тавӑрса панӑ. Хӗрарӑма суд тӗрмене хупмасӑр 2,5 ҫуллӑха ирӗкрен хӑтарма йышӑннӑ.

Хыпар ҫӑлкуҫӗ: http://sovch.chuvashia.com/?p=247128
 

Республикӑра
Следстви комитечӗ тунӑ сӑн
Следстви комитечӗ тунӑ сӑн

Пӗлтӗр раштав уйӑхӗн 18-мӗшӗнче юсанмалли 6-мӗш колонири айӑпланнӑ арҫын каҫхине апатланнӑ вӑхӑтра вӗри апат турилккине колони ӗҫченӗ ҫине пенӗ. Лешӗн кӑкӑрӗ тӗлӗнчи, пичӗ, мӑйӗ пиҫсе кайнӑ. Ҫакна сывлӑха ҫӑмӑл сиен кӳнипе танлаштарнӑ.

Айӑпланнӑ ҫын тӗлӗшпе пуҫиле ӗҫ пуҫарнӑ. Ӑна колонири йӗркене пӑснӑшӑн айӑпланӑ.

Суд пулнӑ. Приговорпа килӗшӳллӗн, ӑна 5 ҫуллӑха айӑпланӑ. Унчченхи айӑплав пӗтменнине кура ӑна ҫирӗп режимлӑ колоние 5,5 ҫуллӑха ӑсатма йышӑннӑ.

Суд приговорӗ саккунлӑ вӑя кӗмен-ха.

Хыпар ҫӑлкуҫӗ: https://m.pg21.ru/news/77721
 

Хулара
Следстви комитечӗ тунӑ сӑн
Следстви комитечӗ тунӑ сӑн

Юпа уйӑхӗн 12-мӗшӗнче, пӗлтӗр, 28 ҫулти хӗрарӑм Шупашкарта Богдан Хмельницкий урамӗнчи чарӑнура маршруткӑна ларнӑ та кӑшт кайсан водителе мӑйӗнчен ҫӗҫӗпе чикнӗ. Тепӗр маршрутка водителӗ пулӑшнипе, шӑп ҫав вӑхӑтра иртсе пыракан васкавлӑ медпулӑшу чарӑннипе руль умӗнче ларнӑ арҫынна часах пульницӑна илсе ҫитернӗ, операци тунӑ. Вӑл чӗрех юлнӑ.

28 ҫулти хӗрарӑма вара тытса чарнӑ. Ҫынна вӗлерме тӑнӑшӑн ун тӗлӗшпе пуҫиле ӗҫ пуҫарнӑ. Тытса чарнӑ чухне вӑл йӗрке хуралҫисене хирӗҫлеме те шухӑшламан. Аманнӑ водителе пулӑшу кӳнине ҫул айккинче пӑхса тӑнӑ. Ҫак арҫынна вӑл унччен палламан. Чарӑнура маршруткӑн малти ларкӑчӗ ҫине вырнаҫсан пӗр кӗтмен ҫӗртен ҫӗҫӗпе яшлаттарнӑ.

Следстви вӑхӑтӗнче психиатри экспертизи тунӑ. Вӑл ҫакна кӑтартнӑ: ҫамрӑк хӗрарӑм преступлени вӑхӑтӗнче хӑй мӗн тунине ӑнланман. Ҫавна май суд ӑна ятарлӑ учреждение сипленмешкӗн яма йышӑннӑ.

 

Республикӑра

Вӑрнарти 1-мӗш шкулта директорта ӗҫленӗ хӗрарӑм вӗрентекенсен премийӗсене илнӗ те хӑйӗн тӗллевӗпе усӑ курнӑ: хӗрне кредит тӳлеме пулӑшнӑ, шкул валли те укҫа юлнӑ.

Следстви тата суд палӑртнӑ тӑрӑх, 2017 ҫулхи чӳк уйӑхӗнчен пуҫласа 2020 ҫулхи раштавччен вӑл виҫӗ вӗрентекенӗн преми пайне илнӗ. Пӗтӗмпе - 149 пин тенкӗ. Ку укҫапа вӑл шкулти хуҫалӑх расхучӗсемшӗн тӳленӗ, хӗрне те кредит тӳлеме панӑ.

Следстви вӑхӑтӗнче хӗрарӑм тӑкаксене саплаштарнӑ. Суд ӑна тӗрмене хупмасӑр 2,5 ҫуллӑха айӑплама йышӑннӑ. Тӗрӗслев вӑхӑчӗ – 2,5 ҫул.

Хыпар ҫӑлкуҫӗ: https://pg21.ru/news/77262
 

Пӑтӑрмахсем
Александр Андреевӑн Фейсбукри страницинчен илнӗ сӑнӳкерчӗк
Александр Андреевӑн Фейсбукри страницинчен илнӗ сӑнӳкерчӗк

Шупашкартан Кӳкеҫе тата Кӳкеҫрен Шупашкара пассажирсене турттаракан 162-мӗш маршурта Софронов хушаматлӑ ҫынпа килӗшӳ тунӑ водительсем туттаратчӗҫ. Юлашки вӑхӑтра асӑннӑ маршрутпа ҫӳрекенсем йӗркеллех ӗҫлеме тытӑннӑччӗ-ха. Тепӗр тесен, пӗрмай тӗрӗслесе тӑни вӗсене ҫапла тума хистерӗ пулинех. Унччен вара маршрут водителӗсем йӗркеллӗ ҫӳременни пулкалатчӗ-ха.

Пассажирсене хӳтӗлесе Чӑваш Ен Патшалӑх Канашӗн депутачӗ Александр Андреев республикӑн Транспорт тата ҫул-йӗр хуҫалӑхӗн ӗҫченӗсемпе унчечн тӗл пулнӑччӗ-ха.

Асӑннӑ хастар халӗ Фейсбукра пӗлтернӗ тӑрӑх, Софронова пассажирсене турттарма пӑрахтарӗҫ. Ҫапла тума суд урлӑ йышӑннӑ.

 

Пӑтӑрмахсем
 stolica-s.su сӑнӳкерчӗкӗ
stolica-s.su сӑнӳкерчӗкӗ

Мускав облаҫӗнче пурӑнакан арҫын Чӑваш Енри кинемее машинӑпа ҫапса хӑварнӑ. Вӑл ӑна вилмеллех амантнӑ. Инкек хыҫҫӑн водитель вырӑнтан тапса сикнӗ. Хӑйне тупаймаҫҫӗ тенӗ пулинех. Анчах вӑл хытах йӑнӑшнӑ.

45 ҫулти арҫын ватӑ хӗрарӑма 2020 ҫулхи авӑн уйӑхӗн 23-мӗшӗнче каҫхи 19 сехет тӗлӗнче ҫапса хӑварнӑ. Инкек «Никольски — Етӗрне — Нурӑс» ҫул ҫинче, Элӗк районӗнчи Крымсарайккӑ ялӗ тӗлӗнче пулса иртнӗ.

Ҫынна вилмеллех амантнӑ, ҫитменнине тата инкек вырӑнӗнчен тапса сикнӗ водителе суд 7 ҫул ҫурӑлӑха тӗрмене ӑсатма йышӑннӑ.

 

Республикӑра
Халӑх тетелӗнчи сӑн
Халӑх тетелӗнчи сӑн

2012 ҫулхи ҫу уйӑхӗнче Шупашкарта пурӑнакан Дмитрий Каруев Пӗрлӗхлӗ Раҫҫей партин йышӑну пӳлӗмӗнче Владимир Путинӑна портретне, икӗ гвоздика вырнаҫтарнӑ. Унтан вӑл портрет ҫине сурнӑ.

Ун чухне ӑна пуҫтахланнӑшӑн 15 талӑклӑха арестленӗ. Анчах Европӑри ҫынсен правине хӳтӗлекен суд ҫакӑ ҫыннӑн правине пӑсни тесе йышӑннӑ: кашнин хӑйӗн шухӑшне палӑртма ирӗк пур. Суд Шупашкарти арҫынна куншӑн 12400 евро памалла тесе йышӑннӑ. Ку 1 миллион тенкӗпе танлашать.

Хыпар ҫӑлкуҫӗ: https://m.pg21.ru/news/76853
 

Страницӑсем: 1 ... 7, 8, 9, 10, 11, 12, 13, 14, 15, 16, [17], 18, 19, 20, 21, 22, 23, 24, 25, 26, 27, ... 124
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
кил-йышри арҫын
пӗтӗм кил-йышпа тухаҫҫӗ
хӑнана ӑсатма никам та тухмасть
хуҫа тарҫи
хуҫа арӑмӗ
хуть те кам тухсан та
хуҫа хӑй