Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ват ҫынтан кулма хушман.
[ваттисен сӑмахӗ]
 

Хыпарсем: судсем

Республикӑра
ШӖМ тунӑ сӑн
ШӖМ тунӑ сӑн

Ака уйӑхӗн 30-мӗшӗнче Вӑрнар поселокӗнче пурӑнакан 58 ҫулти арҫын полицие ҫитнӗ. Унӑн икӗ машинине тапратса тарнӑ иккен.

Арҫын каланӑ тӑрӑх, Ҫӑкаллӑ Явӑшри унӑн ял хуҫалӑх кооперативӗнчен Лада Нивӑна тата Газеле тапратса тарнӑ. Машинӑсен алӑкӗ питӗрӗнчӗк пулман. Тапратмалли уҫҫи те унтах пулнӑ.

Вӑрӑсене ҫав кунпх тупнӑ. Вӗсем - 19-ти тата 20-ри каччӑсем, Ҫӑкаллӑ Явӑшрах пурӑнаҫҫӗ. Хайхискерсем судпа унччен те миҫе хут айӑпланнӑ.

Ӗҫ-пуҫ акӑ мӗнлӗ пулса иртнӗ. Икӗ каччӑ акан 29-мӗшӗнче ҫӗрле пӗрер машина тапратса кайнӑ. Аӗри транспорта килӗ умне лартса хӑварнӑ иа ҫыварма кӗнӗ. Тепри вара машинӑна кӳршисен тӗлӗнче хӑварнӑ. Каччӑсем айӑпне йышӑннӑ. Вӗсен тӗлӗшпе пуҫиле ӗҫ пуҫарнӑ.

Хыпар ҫӑлкуҫӗ: https://pg21.ru/news/78870
 

Республикӑра
regnum.ru сайтри сӑн
regnum.ru сайтри сӑн

Халӑха социаллӑ пулӑшу паракан центрӑн Шупашкар районӗнчи Кӑрмӑш ялӗнчи уйрӑмӗн экс-заведующийӗ ют ҫын укҫине кӗсьене чикнӗ. Ун тӗлӗшпе суд пулнӑ, ӑна тӗрмене хупмасӑр айӑпланӑ. ЧР прокуратури пӗлтернӗ тӑрӑх, ҫак хӗрарӑм 2018 ҫулхи ҫурла уйӑхӗнчен пуҫласа пӗлтӗри ҫу уйӑхӗччен ӗҫ вырӑнӗпе усӑ курнӑ. Ҫак тапхӑрта вӑл 86-ри кинемейӗн карточки ҫинчен 50 пин тенкӗ ытла тӑкакланӑ. Карточкӑна ӑна упрама панӑ.

Хӗрарӑм судра айӑпне йышӑннӑ, тӑкака саплаштарнӑ. Судья ӑна тӗрмене хупмасӑр 1 ҫул та 5 уйӑхлӑха айӑплама йышӑннӑ. Тӗрӗслев срокӗ - 1 ҫул.

Хыпар ҫӑлкуҫӗ: https://pg21.ru/news/78725
 

Хулара
zen.yandex.ru/media сайтри сӑн
zen.yandex.ru/media сайтри сӑн

Ҫӗнӗ Шупашкарти пӗр фирма ертӳҫи улталанӑ тесе шутлаҫҫӗ. Ун тӗлӗшпе пуҫиле ӗҫ пуҫарнӑ.

ЧР прокуратури пӗлтернӗ тӑрӑх, усламҫӑ унӑн ҫемйи комуналлӑ тӑкаксемшӗн тӳленӗ чухне субсиди илейменнине пӗлсе тӑрсах хӑйӗн тупӑшне пӗчӗкрех кӑтартса справка илнӗ. Ҫапла вӑл 2015 ҫулхи чӳк уйӑхӗнчен пуҫласа 2016 ҫулхи юпаччен коммуналлӑ тӑкаксен тӳлевӗшӗн 22 пин тенкӗ субсиди илнӗ. Республика хыснине ҫавӑн чухлӗ тӑкак кӳнӗ.

Следстви пуҫлансан усламҫӑ ҫав укҫана тавӑрса панӑ. Пуҫиле ӗҫе тишкерсе пӗтернӗ, ӑна кӗҫех Ҫӗнӗ Шупашкар хулин сучӗ пӑхса тухӗ.

 

Республикӑра
avatars.mds.yandex сайтри сӑн
avatars.mds.yandex сайтри сӑн

Шӑмӑршӑ районӗнчи 32 ҫулти арҫынна ватӑсене ҫаратнӑшӑн суд тунӑ. Анчах кинемейсем ҫакна кӗтсе илеймен, суд пуличчен вилнӗ.

2020 ҫулхи акан 28-мӗшӗнче ҫӗрле ҫутта сӳнтернӗ те 99 ҫулти кинемей патне кӗнӗ, ватӑскере ҫӗре йӑвантарса кӗсйинчи 5800 тенкине вӑрланӑ. Унччен ҫак арҫын ун патӗнче юсав ӗҫӗсем тунӑ.

Пӗлтӗр ҫу уйӑхӗнче вара Шӑмӑршӑра пурӑнакан хӗрарӑм патне кӗрсе телефон вӑрланӑ. Утӑ уйӑхӗнче 92-ри кинемей патне кӗрсе минтер айӗнчи 5 пин тенке йӑкӑртнӑ. 2020 ҫулхи кӑрлачӑн 2-мӗшӗнче ҫӗрле лавккана кӗрсе тӳлев йышӑнмалли терминалтан 7 пин тенкӗ вӑрланӑ.

Арҫынна ҫирӗп режимлӑ колоние 3 ҫуллӑха ӑсатма йышӑннӑ. Шел, кинемейсем суда кӗтсе илеймен, вилнӗ.

 

Республикӑра
Следстви комитечӗ тунӑ сӑн
Следстви комитечӗ тунӑ сӑн

Патӑрьел районӗнче пурӑнакан 26 ҫулти арҫынна суд тӑвӗҫ. Мӗншӗн?

2021 ҫулхи утӑ уйӑхӗнче вӑл Шӑмӑршӑра пурӑнмалли мар пӳлӗме тара илнӗ, компьютер техники туяннӑ та вӗсем ҫине астармӑш вӑйӑсем вылямалли программӑсем лартнӑ. Салонра ӗҫлеме администратор-кассирсене чӗннӗ.

Следстви комитечӗ пӗлтернӗ тӑрӑх, салон юпа уйӑхӗччен ӗҫленӗ. Хуҫи 167 пин тенкӗрен кая мар ӗҫлесе илнӗ.

Юпа уйӑхӗнче салона полицейскисем кӗрсе тӑнӑ. Ҫамрӑк арҫын тӗлӗшпе пуҫиле ӗҫ пуҫарнӑ. Ҫак ӗҫе кӗҫех Патӑрьел районӗн сучӗ пӑхса тухӗ.

 

Республикӑра
news.myseldon.com сайтри сӑн
news.myseldon.com сайтри сӑн

Владимир Ермолаева йӗплӗ пралук леш енчен срокран маларах кӑларнӑ. Ку информацие регионти прокуратура та ҫирӗплетнӗ.

Аса илтерер: Ермолаева 2020 ҫулхи раштав уйӑхӗнче пӗтӗмӗшле режимлӑ колоние 3 ҫуллӑха ӑсатнӑ. Следстви тата суд палӑртнӑ тӑрӑх, вӑл 2014 ҫулхи кӑрлачран пуҫласа 2016 ҫулхи авӑнччен, «СУОР» тӗп директорӗ пулнӑскер, налук тӳлемен. Вӑл 107 ытла миллион тенкӗ налукран пӑрӑннине ҫирӗплетнӗ.

Пӗлтӗр СР Аслӑ сучӗ аппеляцие пӑхса тухса Ермолаевӑн срокне ҫур ҫул кӗскетнӗ - 2,5 ҫул хӑварнӑ. Кӑҫал ака уйӑхӗнче вӑл ирӗкре пулнине асӑрханӑ. Прокуратура Владимир Ермолаев УДОпа тухнине пӗлтернӗ.

Хыпар ҫӑлкуҫӗ: https://pg21.ru/news/78448
 

Пӑтӑрмахсем
Следстви комитечӗ тунӑ сӑн
Следстви комитечӗ тунӑ сӑн

Куславккара пурӑнакан 32 ҫулти арҫын пӗлтӗр раштав уйӑхӗн 30-мӗшӗнче тӗрмерен ирӗке тухнӑ, анчах тепӗр 9 кунранах вӑл каллех преступлени тунӑ. Кун пирки сайтра пӗлтернеччӗ.

Ун телӗшпе суд пулнӑ. Хальхинче ӑна уйрӑм режимлӑ колоние 11 ҫуллӑха ӑсатнӑ. Палӑртмалла: арҫын унччен те судра пӗрре мар явап тытнӑ, йӗплӗ пралук леш енче пӗтӗмпе 13 ҫул ирттернӗ.

Следстви тата суд акӑ мӗн ҫирӗплетнӗ: кӑрлачӑн 9-мӗшӗнче вӑл урамра 45-ри арҫынпа паллашнӑ. Вӗсем эрех илнӗ те хваттере кайнӑ. Ӗҫкӗ вӑхӑтӗнче хайхискерсем хирӗҫсе кайнӑ. Тин кӑна тӗрмерен тухнӑ арҫын хӑнана 30 хутчен ҫапнӑ-тапнӑ. Лешӗ тепӗр кун реанимацире вилсе кайнӑ.

Хыпар ҫӑлкуҫӗ: https://pg21.ru/news/78434
 

Республикӑра

Шупашкарти ликерпа эрех савучӗ Етӗрнери спиртсавутран суд урлӑ 27 миллион тенкӗ шыраса илнӗ. Арбитраж сучӗ тавӑҫа тивӗҫтернӗ.

«100 лет Чебоксарская» эрех пирки тавлашу тахҫанах пырать. 2019 ҫул вӗҫӗнче УФАС комиссийӗ Етӗрнери спиртсавут этикеткӑпа саккуна пӑсса усӑ курнине палӑртнӑ. Анчах кун хыҫҫӑн та спиртсавут эрехе сутма чарӑнман. Ҫавна май ӑна 1,3 миллион тенкӗлӗх штрафланӑ.

Шупашкарти ликерпа эрех савучӗ Етӗрнери спиртсавутран тӑкакшӑн 3,8 миллион тенкӗ тата 46,5 миллион тенкӗ компенсаци ыйтнӑ. Арбитраж сучӗ Етӗрнери спиртсавута 27 миллион тенкӗ тӳлеттермелле тунӑ

 

Республикӑра
infourok.ru сӑнӳкерчӗкӗ
infourok.ru сӑнӳкерчӗкӗ

Шупашкарти Ленин районӗнчи прокуратура Чӑваш Енӗн пӗрлештернӗ командисене хатӗрлекен А. Игнатьев ячӗллӗ спорт хатӗрлевӗн центрӗнче тӗрӗслев ирттернӗ. Надзор органӗн ӗҫченӗсем Шупашкарти Пӑр кременӗн заведующийӗ пулса унччен судпа айӑпланнӑ ҫын ӗҫленине тупса палӑртнӑ.

Ҫав вӑхӑтрах саккун ҫавӑн пек должноҫсенче судпа айӑпланнӑ ҫынсене ӗҫлеме чарать.

Спорт шкулӗн директорӗ ячӗпе прокуратура асӑрхаттару хучӗ ҫырнӑ. Ака уйӑхӗн 1-мӗшӗнче Пӑр керменӗн директорне ӗҫрен кӑларнӑ.

 

Республикӑра
avatars.mds сайтри сӑн
avatars.mds сайтри сӑн

Патӑрьелте пурӑнакан хӗрарӑма суд тунӑ, ачасене хӗненӗшӗн тӗрмене хупмасӑр айӑпланӑ тата штраф тӳлеттерме йышӑннӑ. Кун пирки Следстви комитечӗ пӗлтерет.

40 ҫулти хӗрарӑмӑн — 12 ача. Пурте тӑван мар, опекӑна илнисем те пур.

Следстви пӗлтернӗ тӑрӑх, хӗрарӑм опекӑна илнӗ 9-ти арҫын ачана тата 10 ҫулти хӗрачана аллипе, кӗреҫепе пӗрре мар ҫапнӑ. 2021 ҫулхи нарӑс уйӑхӗнче вӑл тӑван мар 8-ти арҫын ачана ҫурӑмӗнчен ҫапнӑ.

Следстви вӑхӑтӗнче амӑшӗ опекӑна илнӗ ачисене тивӗҫлӗ воспитани паманни палӑрнӑ. Вӗсене социаллӑ реабилитаци центрне панӑ. Паянхи куна ҫав 7 ачаран улттӑшӗ ҫӗнӗ ҫемье тупнӑ.

Хӗрарӑма тӗрмене хупмасӑр 3 ҫуллӑха айӑплама, 25 пин тенкӗ штраф тӳлеттерме йышӑннӑ.

 

Страницӑсем: 1 ... 6, 7, 8, 9, 10, 11, 12, 13, 14, 15, [16], 17, 18, 19, 20, 21, 22, 23, 24, 25, 26, ... 124
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хуть те кам тухсан та
хӑнана ӑсатма никам та тухмасть
хуҫа арӑмӗ
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хуҫа хӑй
ӑсатма тухни — ҫылӑх, юрамасть
хуҫин ҫитӗннӗ ачисем
кил-йышри арҫын