Сайта кӗр | Регистраци | Сайта кӗрсен унпа туллин усӑ курма пулӗ
 +16.3 °C
Ырӑ тус укҫаран хаклӑрах.
[ваттисен сӑмахӗ]
 

Хыпарсен ҫыххи: Спорт

Спорт
cap.ru сайтри сӑн
cap.ru сайтри сӑн

Чӑваш Ен тата Мускав ҫывӑхӗн чысне хӳтӗлекен Денис Гаврилов Колумбири Калире иртнӗ ҫӑмӑл атлетика ӑмӑртӑвӗнче ылтӑн медаль ҫӗнсе илнӗ.

Пирӗн ентеш куҫ япӑх куракан спортсменсен йышӗнче 5 пин ҫухрӑма чупса финиша пӗрремӗш ҫитнӗ.

Сӑмах май, 2024 ҫулта Денис Гаврилов Чӑваш Енрен Парижри Паралимп вӑййисене хутшӑннӑ пӗртен-пӗр спортсмен пулнӑ. Медаль ҫӗнсе илме ӑна ун чухне 7 ҫеккунт ҫеҫ ҫитмен. Вӑл 2021 ҫулта Токиора иртнӗ Паралимп вӑййисене те хутшӑннӑ.

 

Спорт
«Контактри» сӑн
«Контактри» сӑн

Чӑваш Енри спорт гимнастки Елена Герасимова студентсен хушшинче иртнӗ Пӗтӗм Раҫҫейри ӑмӑртура виҫӗ медаль ҫӗнсе илнӗ.

Пирӗн ентеш Краснодар крайӗнче иртнӗ турнирта чи вӑйлисен хушшинче палӑрнӑ. Ӑмӑртӑва Раҫҫейри 15 аслӑ шкулти 100 яхӑн спортсмен хутшӑннӑ.

Елена тӗрлӗ ҫӳллӗшри бруссем ҫинче чи лайӑх кӑтартупа палӑрса ылтӑн медале тивӗҫнӗ. Ҫавӑн пекех пӗрене ҫинче хӑнӑхтарусем туса тата командӑпа тупӑшса кӗмӗл медальсем ҫӗнсе илнӗ.

Хыпар ҫӑлкуҫӗ: https://vk.com/wall-194537172_21383
 

Спорт
"Контактри" сӑн
"Контактри" сӑн

Чӑваш Енри спортсменка Вера Крылова Чулхулара ишессипе иртнӗ «Ока-Атӑл» ӑмӑртура ылтӑн медаль ҫӗнсе илнӗ. Турнира Аслӑ Ҫӗнтерӳ пулнӑранпа 80 ҫул ҫитнине халалланӑ.

Пирӗн ентеш 2,7 ҫухрӑма пуринчен малтан ишсе тухса пьедесталӑн ҫӳлти картлашки ҫине хӑпарнӑ.

Палӑртса хӑварар: Вера Крылова «Аквайспорт Чӑваш Ен» федерацире ӑсталӑхне туптать.

Хыпар ҫӑлкуҫӗ: https://vk.com/wall-194537172_21347
 

Спорт
"Контактри" сӑн
"Контактри" сӑн

Шупашкарта ҫуралса ӳснӗ Николай Сазонов Red Fox Elbrus Race фестивале хутшӑнса пысӑк кӑтартупа тӗлӗнтернӗ. Вӑл Эльбрус тӑвӗ ҫине 5 сехет ҫурӑра хӑпарнӑ. Дистанци – 2000 метр.

Ку ӑмӑрту хӑйне евӗрлӗхӗ – ту ҫине нумайран та 6 сехетре хӑпарасси. Ахаль чухне унта 10-12 сехетре хӑпараҫҫӗ.

Николай – 57 ҫулта. Альпинизмпа вӑл 52 ҫулта чухне кӑсӑкланма тытӑннӑ. «Хӑпарса ӗлкӗрессе хам та кӗтменччӗ. 20 градус сивӗ те, вӑйлӑ ҫил те пулчӗ. Часрах сӑн ӳкерӗнтӗмӗр те каялла антӑмӑр», – савӑнӑҫӗпе пайланнӑ Николай.

Хыпар ҫӑлкуҫӗ: https://vk.com/wall-191629825_76289
 

Спорт
Мальвина Петрова архивӗнчи сӑнӳкерчӗк
Мальвина Петрова архивӗнчи сӑнӳкерчӗк

Шупашкарти Анастасия Красильникова 10 километра чупассипе Хусанти марафонта ылтӑн медале ҫӗнсе илнине эпир унччен пӗлтернӗччӗ-ха. Пӗтӗм Раҫҫейри ӑмӑртӑва Чӑваш Енри Мальвина Петрова та хутшӑннӑ.

Хусанта ҫу уйӑхӗн 3-4-мӗшӗсенче иртнӗ ӑмӑртӑва 35 пине яхӑн ҫын хутшӑннӑ.

Чӑваш хӗрарӑмӗ 35-39 ҫулсенчи спортсменсем хушшинче 1-мӗш вырӑн йышӑннӑ.

Хыпар ҫӑлкуҫӗ: https://t.me/nikamran/15781?single
 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Шупашкарти Анастасия Красильникова 10 километра чупассипе Хусанти марафонта ылтӑн медале ҫӗнсе илнӗ. Пӗтӗм Раҫҫейри ӑмӑртура Михаил Кузнецов тренерӑн вӗренекенӗ 10 ҫухрӑма 32 минут та 29 ҫеккунтра чупса тухнӑ.

Анастасия Красильникова 3 пин километра чупассипе — ҫамрӑксем хушшинче Раҫҫейӗн рекордсменки.

«Ирхине ҫумӑр ҫӑватчӗ, кайран вӑл чарӑнчӗ, чупма ҫӑмӑл пулчӗ, ҫил те вӑйлӑ марччӗ», – каласа кӑтартна спорстменка.

 

Спорт
"Контактри" сӑн
"Контактри" сӑн

Олимп резервӗсен 3-мӗш спорт шкулӗнче ӑсталӑхне туптакан Савелий Фролов триатлон енӗпе иртнӗ Раҫҫей ӑмӑртӑвӗнчен ылтӑн медальпе таврӑннӑ.

Вӑл 13-14 ҫулсенчи спортсменсемпе «дуатлон-спринт» дисциплинӑра ӑмӑртнӑ. Вӑл 25:42 кӑтартупа пурне те парӑнтарса пьедесталӑн ҫӳлти картлашки ҫине хӑпарнӑ.

Палӑртса хӑварар: Савелий Фролов Сергей Сусметов тренер патӗнче ӑсталӑхне туптать.

Хыпар ҫӑлкуҫӗ: https://vk.com/wall-143818234_431143
 

Спорт
«Контактри» сӑн
«Контактри» сӑн

Чӗмпӗр хулинче бодибилдинг енӗпе Раҫҫей Кубокӗ иртнӗ. Унта Раҫҫейри 900 яхӑн атлет вӑй виҫме килнӗ. Чӑваш Ен чысне Анастасия Семенова хӳтӗленӗ.

Вал – 35 ҫулта. Анастасия эстетика фитнесӗн категорийӗнче вӑй виҫнӗ. Вӑл нумайӑшӗнчен ирттерсе пӑхӑр медаль ҫӗнсе илнӗ.

Хыпар ҫӑлкуҫӗ: https://vk.com/wall-191629825_76068
 

Спорт
«Контактри» сӑн
«Контактри» сӑн

Варвара Николаева 8 ҫулта кӑна-ха. Вӑл вара тӗнче чемпионки пулма ӗлкӗрнӗ те! Нумаях пулмасть вӑл Мускавра каратэ енӗпе иртнӗ тӗнче чемпионатне хутшӑннӑ. Унта 10 ҫӗршыври спортсменсем хутшӑннӑ.

«Ката, 8-9 ҫулсенчи хӗрачасем» категорире Варя ылтӑн медаль ҫӗнсе илнӗ. Ҫавӑн пекех вӑл ушкӑнпа катӑра ӑмӑртса ылӑн медаль илнӗ.

Варьӑн пӗтӗмпе – 43 награда, вӗсенчен 30-шӗ – ылтӑн медаль. Унӑн тренерӗ – Сергей Сергеев.

Хыпар ҫӑлкуҫӗ: https://vk.com/wall-194537172_20951
 

Спорт
«Контактри» сӑн
«Контактри» сӑн

Куҫӗ курмасан та уншӑн нимӗнле чӑрмав та ҫук. Мария Мамаева нумаях пулмасть Калугӑра ишес енӗпе иртнӗ Раҫҫей чемпионатӗнче тӳрех икӗ пӑхӑр медаль ҫӗнсе илнӗ.

Мария икӗ дистанцире вӑй виҫнӗ. 23 регионтан килнӗ 100 ытла спортсменран вӑл финиша виҫҫӗмӗш ҫитнӗ. Вӑйлӑ спортсменсене те парӑнтарнӑ вӑл.

Маттур спортсменкӑна ЧР спорт министрӗ Василий Петров та саламланӑ, малашне те ҫитӗнӳсем тума суннӑ.

Хыпар ҫӑлкуҫӗ: https://vk.com/wall-194537172_20821
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...115
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (10.10.2025 15:00) сайра пӗлӗтлӗ ҫанталӑк, атмосфера пусӑмӗ 751 - 753 мм, 16 - 18 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Эрне хастар иртӗ: калаҫусем, ҫӗнӗ теллевсем, пӗлтерӗшлӗ йышӑнусем... Ӗҫре хаюллӑнах ҫӗнӗ шухӑшсем сӗнӗр — вӗсене ырлӗҫ. Харпӑр пурнӑҫра пӗтӗмлетӳсем тума ан васкӑр, уйрӑмах — эрне варринче. Эрне вӗҫнелле хушма тупӑш тума майсем пулӗҫ.

Юпа, 10

1910
115
Юрьев Михаил Иванович, чӑваш сӑвӑҫи, литература критикӗ, журналист, тӑлмач ҫуралнӑ.
1946
79
Волков Александр Иванович, чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
ӑсатма тухни — ҫылӑх, юрамасть
хуть те кам тухсан та
хуҫа арӑмӗ
кил-йышри арҫын
пӗтӗм кил-йышпа тухаҫҫӗ
хуҫа тарҫи
хуҫа хӑй
хӑнана ӑсатма никам та тухмасть