"Чебмедиа" сайтри сӑн

Ӗнер ЧР Пуҫлӑхӗ пулнӑ Михаил Игнатьев вилнӗренпе 3 ҫул ҫитнӗ. Вӑл 2020 ҫулхи ҫӗртме уйӑхӗн 18-мӗшӗнче Питӗрти пульницӑра куҫне ӗмӗрлӗхех хупнӑ.

Вӑл патшалӑх службинче 1996 ҫултанпа тӑрӑшнӑ. Малтан ял хуҫалӑх министрӗн ҫумӗ пулнӑ. Унтан Шупашкар районне ертсе пынӑ. 2002-2010 ҫулсенче вице-премьер – ял хуҫалӑх министрӗ пулнӑ. 2010 ҫулхи ҫулла республика Пуҫлӑхӗн пуканне йышӑннӑ.

2020 ҫулхи кӑрлачӑн 29-мӗшӗнче РФ Президенчӗ Владимир Путин шанчӑка ҫухатнӑ тесе ӑна должноҫрен кӑларнӑ. Ҫав ҫул ҫу уйӑхӗнче Михаил Игнатьев РФ Аслӑ судне ку тӗрӗс мар тесе тавӑҫ тӑратнӑ.

big-rostov.ru сайтри сӑн

Шупашкарта 75 ҫулти хӗрарӑма урамрах, ача-пӑча лапамӗнче, улталанӑ. Вӑл палламан хӗрарӑмсене 400 пин тенкӗ тыттарса янӑ.

Кинемей ура ыратнипе аптӑрать. Урамра пынӑ чухне ун патне хӗрарӑм пынӑ. Вӑл урине сиплеме пулӑшать-мӗн. Анчах сывалма темӗнле йӑла тумалла имӗш. Ҫав вӑхӑтра тепӗр хӗрарӑм пынӑ та ку сиплев унӑн амӑшне пулӑшни пирки каланӑ.

Кинемей вӗсене ӗненнӗ, килӗнчи 400 пин тенкине илсе тухса ҫав хӗрарӑмсене панӑ. Лешсем вара укҫапа ун ҫийӗн сулкалашнӑ та ҫухалнӑ.

Кинемей тепӗр кун полицие кайнӑ. Халӗ ҫав хӗрарӑмсем камсем пулнине палӑртаҫҫӗ.

Вӗренӳ министрӗн аккаунтӗнчи сӑн

Истори предмечӗпе Патшалӑхӑн пӗрлехи экзаменне мӗнле тытни паллӑ. Республикӑри виҫӗ ҫамрӑк 100 балл пухнӑ.

Вӗсен йышӗнче - Патӑрьелти 1-мӗш шкулӗнчи Самира Хусетдинова, Вӑрнарти 2-мӗш шкулти Елизавета Воробьева, Шупашкарти 3-мӗш лицейри Артем Трофимов.

ШӖМ тунӑ сӑн

Паян та республикӑри ҫул ҫинче авари пулнӑ. Унта та ҫын пурнӑҫӗ татӑлнӑ.

Авари Шупашкар районӗнчи Ишлей патӗнче 9 сехет те 20 минутра пулнӑ. Малтанлӑха пӗлтернӗ тӑрӑх "Лада Гранта водителӗ сулахай еннелле ҫаврӑннӑ чухне "Фольксвагена" ҫул паман.

Аварире "Гранта" водителӗ, 63 ҫулти арҫын, вилнӗ. "Фольксваген" водителӗ тата икӗ пассажир аманнӑ. Пӗр пассажирӗ 12 ҫулта кӑна.

Елена Нарпи страницинчен илнӗ сӑнӳкерчӗксем

Ҫакӑн пек хыпарланӑ Чӑваш патшалӑх университечӗн преподавателӗ тата ҫыравҫӑ Елен Нарпи Чӑваш патшалӑх ҫамрӑксен театрӗнче лартнӑ Ҫӗнӗ ӗҫ пирки.

Ҫӗртме уйӑхӗн 16-мӗшӗнче театр ҫинче чӑвашсен асамлӑ юмахне «Ух-х старик / Ух-х — властелин подземелья» ятлӑ спектакль кӑтартнӑ. «Телей пулчӗ пулӗ — спектакль сценарине ҫырма мана шанчӗҫ. Чӑвашла лартнӑ юмаха тӑвансемпех кайса куртӑмӑр. Туйӑмсем — тӗлӗнмелле! Сценарине ҫырнӑ чухне пӗр тӗрлӗ курӑнать иккен, сцена ҫинче мӗн кӑтартнине курса ларма вара пушшех интереслӗ. Тӗп режиссёр Байрас Ибрагимов чӑн-чӑн асамлӑх тунӑ пьесӑран. Артистсем выляни те ҫав тери ӗненмелле. Лолита Чекушкина ҫырнӑ кӗвӗ те шӑпах юмах валли. Пӗр сӑмахпа, ТЮЗ сцени ҫинче чӑвашсен авалхи асамлӑ тӗнчине кӗрсе пӑхма май паракан тепӗр селӗм спектакль ҫуралчӗ. Ку юмаха +0 тенӗ те, анчах вӑл аслисем валли те. Шӑпах ҫемьепе кайса курма меллӗ спектакль. 1 сехет пырать, сентябрьтен репертуарта пулать», — тесе хыпарланӑ халӑх тетелӗнчи хӑйӗн страницинче сценари авторӗ.

kcso19.eps74.ru сайтри сӑн

Шупашкар хӗрарӑмӗ ювелир лавккинчен парне выляса илнӗ тесе ӗненнӗ. Анчах ӑна улталанӑ.

Ӑна Пермь крайӗнчи 21 ҫулти каччӑ шӑнман пӑр ҫине лартса хӑванӑ тесе шутлаҫҫӗ. Хайхискер казинора выляма юратнӑ, анчах укҫи пулман. Ҫапла вӑл ювелир лавккинчен парне выляса илнӗ тесе палламан номерсем ҫине пӗлтерӳсем янӑ. Кун хыҫҫӑн банк карттин реквизичӗсене пӗлнӗ те унти укҫана вӑрланӑ.

Ҫак каччӑ тӗлӗшпе пуҫиле ӗҫ пуҫарнӑ.

Инкеклӗ лару-тӑру министерстви тунӑ сӑн

Паян ирхине Шупашкарти Эльмен урамӗнчи 12-мӗш ҫуртра 2-мӗш хутри хваттер ҫуннӑ. Ҫӑлавҫӑсене ҫав ҫуртрах пурӑнакан 45 ҫулти Алексей Кудашев чӗннӗ.

Арҫын хваттерте ҫынсем пулма пултарнине шута илсе алӑкран кӗме хӑтланнӑ, анчах май килмен. Урама тухсан вӑл тӗпелти чӳречерен ачасем пӑхнине курнӑ. Хваттерте вара ҫулӑм алхаснӑ. Алексей газ пӑрӑхӗ тӑрӑх хӑпарса чӳрече ҫӗмӗрнӗ те ачасене унтан кӑларнӑ. Пӗчӗкскерсем 2015 тата 2017 ҫулсенче ҫуралнӑскерсем. Сӗрӗмпе наркӑмӑшланнӑскерсене пульницӑна илсе кайнӑ.

ШӖМ тунӑ сӑн

Паян Куславкка районӗнче, Тутарстан чиккинчен инҫех мар, авари пулнӑ.

Ирхи 7 сехет те 15 минутра "Лада Калина" водителӗ автозаправкӑран тухса йывӑр тиевлӗ "Скания" машинӑран иртсе кайма тӑнӑ. Унран иртсе кайсан хирӗҫ ҫул ҫине тухса кайса йывӑр тиевлӗ тепӗр машинӑпа ҫапӑннӑ. Ҫапӑнсан хыҫалти "Скания" ҫине вирхӗнсе кайнӑ. Кайран хирӗҫ килнӗ йывӑр тиевлӗ машина минивэнпа ҫапӑннӑ.

Шел те, аварире "Калина" водителӗ тата 13 ҫулти пассажир вилнӗ.

t.me/pro_cheby канала вырнаҫтарнӑ видеоран илнӗ сӑнӳкерчӗксем

Шупашкар районӗнче тӑватӑ машина ҫапӑннӑ.

«М-7» федераци ҫулӗ ҫинче пулса иртнӗ инкекре пӗр ҫын вилнӗ, виҫҫӗн аманнӑ.

Патшалӑхӑн ҫул-йӗр хӑрушсӑрлӑхӗн патшалӑх инспекторӗсем малтанласа палӑртнӑ тӑрӑх, «Renault» фура малта пыракан «Logan» автомобиль ҫине пырса кӗнӗ, унтан «Logan» — «Nissan Terrano» ҫине, «Nissan Terrano» груз турттаракан «Scania» автомобильпе ҫапӑннӑ.

Инкекре «Renault Logan» машинӑн 64 ҫулти водителӗ вилмеллех аманнӑ, «Nissan» машинӑрисем аманнӑ, вӗсене пульницӑна ӑсатнӑ.

Элӗк районӗнче пурӑнакан виҫӗ арҫын выльӑх пуҫтарса ҫӳрекен усламҫӑна вӗлернӗ.

Кӑҫалхи ака уйӑхӗн 8-мӗшӗнче ҫав виҫӗ этем Элеккӗнушкӑнь ялне выльӑх-чӗрлӗх туянакан ҫын Чулхула облаҫӗнчен килнине пӗлнӗ. Усламҫӑн укҫа чылай пулӗ, ӑна ҫаратса тенӗ.

Усал шухӑш тытнӑскерсем (ушкӑнра 33 тата 40 ҫулсенчи шӑллӗпе пиччӗшӗ, вӗсен 53 ҫулти пӗлӗшӗ пулнӑ) выльӑх сутанҫи ӳтӗм тупса аслӑраххин килне илӗртсе кӗрсе кайнӑ. Унта пӗр тӑвансенчен асли арҫынна пуҫӗнчен кирпӗчпе ҫапнӑ, вӑл персе ансан ӑна виҫҫӗн тан хӗнесе пӗтернӗ. Унтан кил хуҫи вӗрен илсе тухнӑ та пӗр тӑвансенчен асли арҫынна пӑвма тытӑннӑ, тепӗр иккӗшӗ алли-уринчен тытса тӑнӑ.

Кайран вилене сайхах ҫине пенӗ. Унтан вӗсем выльӑх туянаканӑн машинине чӗртсе тепӗр яла тухса кайнӑ. Машинӑри пӑрӑва хӑйсен пӗлӗш-хӗрарӑмне парса хӑварнӑ.

...Арҫынсенчен пӗрне суд 24 ҫуллӑха хупса хума йышӑннӑ, теприсене — 17 та 15-шер ҫуллӑха.