vk.com/tsur21 сӑнӳкерчӗкӗ

Халӗ ҫынсенчен чылайӑшӗ халӑх тетелӗсенче ларать. Унтах вӗсем хӑйсене пӑшӑрхантаракан ыйтӑвӗсене те татса пама тӑрӑшаҫҫӗ.

Чӑваш Енӗн Регион управленийӗн центрӗнче пӗлтернӗ тӑрӑх, пӗр эрнере кӑна, раштав уйӑхӗн 14-20-мӗшӗсенче, халӑхран 1758 ҫыру килсе ҫитнӗ. Вӗсене патшалӑх пабликӗсем йышӑннӑ.

Халӑх тетелӗсенче ҫынсен ыйтӑвне вӑтамран 3 сехет те 26 минутра хуравлаҫҫӗ. Ку енӗпе уйрӑмах хастар муниципалитетсен йышӗнче — Шупашкар, Ҫӗмӗрле, Канаш, Шупашкар муниципаллӑ округӗ.

vk.com/olegnikolaev страницинчен илне сӑнӳкерчӗк

Ҫулталӑк пуҫланнӑранпа пирӗн республикӑра ача ҫурални ҫинчен 8 667 акт ҫырса хунӑ, ҫав шутран 4 256-шӗ — хӗрача пирки, 4 411-шӗ — арҫын ача. Кӑҫал уйрӑмах анлӑ сарӑлнӑ ятсен хушшинче Ева тата Матвей.

1930-1940-мӗш ҫулсенче пирӗн республикӑри ашшӗ-амӑшӗ ывӑл-хӗрне Николайпа Мария ят хума юратнӑ. 1940-1950 ҫулсенче Валентинапа Николай анлӑ сарӑлнӑ, 1950-1960 ҫулсенче — Галинӑпа Николай, 1960-1970 ҫулсенче — Еленӑпа Владимир, 1970-1980 ҫулсенче — Еленӑпа Сергей, 1980-1990 ҫулсенче — Татьянӑпа Александр, 1990-2000 ҫулсенче —Анастасияпа Александр, 2000-2010 ҫулсенче — Анастасияпа Дмитрий, 2010-2020 ҫулсенче — Аннӑпа Кирилл.

Олег Николаевӑн «Контактра» страницинчи видеоран илне сӑнӳкерчӗк

Пирӗн республикӑра электромобильсене зарядкӑна лартмалли станцисем уҫӑлсах пыраҫҫӗ. Халӗ ун пекки Шупашкарти Иван Яковлев проспектӗнчи 5-мӗш ҫуртра уҫӑлнӑ. 8 заряд станцийӗнчен тӑракан проекта РУСЭЛ тата ЧЭАЗ компанисем хута янӑ.

Кашни станциех машинӑсене хӑвӑрт вӑй илтерет. Вӗсен хӑвачӗ — 150 кВт, ҫав вӑхӑтрах 22кВт хӑвӑртлӑхпа та ӗҫлеттерме пулать. Зарядка валли пӗр сехетрен сахалрах вӑхӑт иртет. Зарядки китайский, европа тата япони машинисем валли.

Раҫҫейре, сӑмах май каласан, «Электромобиль тата водород автомобилӗ» проект пурнӑҫа кӗрсе пырать.

cap.ru сӑнӳкерчӗкӗ

ЧР Элтеперӗ Олег Николаев Раҫҫейӗн юрӑ- кӗвӗ карттине тӑвасси пирки ҫуркуннех каланӑччӗ. Нумаях пулмасть «Раҫҫейри хальхи юрӑ-кӗвӗ картти» Президент фончӗн пулӑшӑвне тивӗҫнӗ.

Проекта савӑнӑҫлӑ, лару-тӑрура Республика кунӗнче, Чӑваш автономи облаҫӗ йӗркеленнӗренпе 105 ҫул ҫитнӗ май, хӑтлама палӑртнӑ. Палӑртмалла: юрӑ-кӗвӗ карттине Раҫҫейӗн тӗрленӗ карттине тӗпе хурса хатӗрлӗҫ.

ШӖМ тунӑ сӑн

Пая Но 16 сехет те 45 минутра «Атӑл – Сӗнтӗрвӑрри» автоҫул ҫинче авари пулнӑ. Инкекре икӗ ҫын пурнӑҫӗ татӑлнӑ.

Малтанлӑха пӗлтернӗ тӑрӑх, «Лада Калина» хирӗҫ ҫул ҫине тухнӑ та унта «Рено Сандерӑпа» ҫапӑннӑ. Аварире «Ладӑри» 43-ри водитель тата иномаркӑри 81 ҫулти кинемей вилнӗ. Иномаркӑри тепӗр ватӑ ҫынна пульницӑна илсе кайнӑ. «Ренори» водитель урӑ пулнӑ. Вӑл ватӑ ашшӗ-амӑшне Сӗнтӗрвӑрринчен Ҫӗнӗ Шупашкара илсе кайма тухнӑ.

Василий Кузьмин сӑнӳкерчӗкӗ

Чӑваш Енре «Сӑр» юханшывӗ урлӑ сарнӑ кӗпере уҫнӑ. Ӑна машинӑсем хӑвӑрт ҫӳремелли «М-7» автомобиль ҫул валли тунӑ.

Кӗпер тӑршшӗ — 2,4 километр.

Сӑмах май каласан, Чӑваш Енре ку кӗпер чи вӑрӑмми иккен.

Инкеклӗ лару-тӑру министерстви тунӑ сӑн

Ҫур ҫӗрте Патӑрьел округӗнчи Алманчӑ ялӗнче пушар алхаснӑ. Ленин урамӗнчи кирпӗч ҫурт ҫуннӑ. Ҫӑлавҫӑсем 185 тӑваткал метр лаптӑк ҫинчи ҫулӑма сӳнтернӗ, «хӗрлӗ автана» кӳршӗ ҫуртсем ҫине куҫма паман.

Пушара сӳнтерсен 46 ҫулти арҫын виллине тупнӑ. Инкек вӑхӑтӗнче пиччӗшӗ те килтех пулнӑ. Вӑл ҫӑлӑнса ӗлкӗрнӗ, чӗрех юлнӑ. Малтанлӑха палӑртнӑ тӑрӑх, пушар пирус асӑрханмасӑр туртнӑран тухнӑ.

Палӑртмалла: ҫулталӑк пуҫланнӑранпа республикӑра 1394 пушар тухнӑ.

cap.ru сӑнӳкерчӗкӗ

Улатӑрти район пульницинче чӗрепе юн тымарӗсен центрӗ уҫӑлнӑранпа икӗ эрне иртнӗ. Унта инсульт тӳссе ирттернӗ ҫынсем сипленеҫҫӗ. Пациентсенчен пӗрне тромболизис процедури туса ирттернӗ те.

Хальхи вӑхӑтра ҫав уйрӑмра 8 ҫын сипленет иккен, тепӗр иккӗн реанимаци уйрӑмӗнчи ятарлӑ палатӑра выртать. Асӑннӑ центра неврологи уйрӑмӗнче уҫнӑ.

Пуҫ миминче юн начар чупнипе нушаланакансене маларах Улатӑртан Ҫӗмӗрлене илсе кайнӑ. Ун пек чирпе вара кашни минучӗ хаклӑ.

cap.ru сайтри сӑн ӳкерчӗк.

Канаш хулин тӗп архитекторӗ пулнӑ Денис Церфус ҫӗнӗ ӗҫре вӑй хума тытӑнӗ. Вӑл Шупашкар хула администрацийӗн архитектура тата хула строительствин управленийӗн пуҫлӑхӗн ҫумӗнче ӗҫлеме пуҫланӑ.

Управлений пуҫлӑхӗн вакансийӗ хальлӗхе пушӑ. Аса илтерер: авӑн уйӑхӗнче управлени ертӳҫин ҫумӗнче Сергей Стройков ӗҫлеме пуҫланӑ. Вӑл 2007-2012 ҫулсенче хулан архитекторӗ пулнӑ.

Каласа хӑварар: Денис Церфус 2022-2024 ҫулсенче Канаш хулин тӗп архитекторӗ пулнӑ.

Инкеклӗ лару-тӑру министерстви тунӑ сӑн

Раштав уйӑхӗн 20-мӗшӗнче Сосновка поселокӗ ҫывӑхӗнче каҫхи 5 сехетре ҫӑлавҫӑсем инкеке лекнӗ пулӑҫӑ патне ҫитнӗ.

Мари Элте пурӑнакан 37 ҫулти арҫын Атӑл ҫине пӗчченех пулла кайнӑ. Ҫӳхе пӑр тӗлне лексен вӑл путма пуҫланӑ.

Телее, вӑл пӑр тыткӑнӗнчен хӑйех тухма пултарнӑ, тӳрех ҫӑлавҫӑсене чӗннӗ.

Йӗпеннӗ, халтан кайнӑ пулӑҫа телефонӗ ҫинчи хунар ҫути пулӑшнипе тупнӑ. Ӑшӑннӑ хыҫҫӑн ӑна ҫыран хӗррине илсе тухнӑ.