56orb.ru сайтри сӑн

Раҫҫейре ҫӑмарта хакланни пирки унччен пӗлтернӗччӗ. «Amur.life» сайт хыпарланӑ тӑрӑх, хӑш-пӗр регионта ӑна пӗрер сутма пуҫланӑ.

Паянхи кун Крымра пӗр теҫетке ҫӑмарта 200 тенкӗ тӑрать. Ытла хаклӑ пулнӑран ӑна пӗрер сутаҫҫӗ, пӗри 20 тенкӗ тӑрать. Эренпурпа Новосибирскра пӗр ҫӑмартана 11,5 тенкӗпе сутаҫҫӗ.

Аналитиксемпе тӗрлӗ тӗрӗслев органӗсем каланӑ тӑрӑх, ҫӑмарта хакӗ кайӑк-кӗшӗк грипне, электроэнерги хакланнине пула ӳснӗ.

Коммуналлӑ пулӑшушӑн тата ҫурт-йӗре тытса тӑнишӗн тӳленӗ чух хӑш-пӗр банксем комисси илеҫҫӗ. Раҫҫейӗн Патшалӑх Думи пенсионерсене, инвалидсене, сахал тупӑшлисене, ҫар хирӗҫтӑрӑвне хутшӑннисене комисси тӳлеттерме чарма йышӑннӑ.

Саккуна виҫҫӗмӗш вулавпа йышӑннӑ.

«Саккунри ҫӗнӗ йӗрке социаллӑ пулӑшу кирлӗ категорисене ҫеҫ пырса тивет. Тулли перечене РФ Правительстви ҫирӗплетӗ», — тесе ҫырнӑ Телеграмри хӑйӗн каналӗнче РФ Патшалӑх Думин председателӗ Вячеслав Володин.

21.мвд.рф сайтри видеоран илнӗ сӑнӳкерчӗк

Паян Шупашкарти Максим Горький проспектӗнче 1-мӗш ҫурт патӗнче пӗр хӗрарӑм аманнӑ. Вӑл ҫуран ҫӳрекенсене ҫул урлӑ каҫма пӑхса хӑварнӑ вырӑнпа каҫнӑ чухне ун ҫине машина пырса кӗнӗ.

«Hyundai Solaris» рулӗ умӗнче 53 арҫын пулнӑ. 57 ҫулти хӗрарӑма пульницӑна ӑсатнӑ.

Чӑваш Енӗн Шалти ӗҫсен министерствинче пӗлтернӗ тӑрӑх, инкек сӑлтавне Шупашкар хулинчи патшалӑхӑн автоинспекцийӗн ӗҫченӗсем палӑртаҫҫӗ.

cap.ru сӑнӳкерчӗкӗ

Шупашкар муниципалитет округӗнчи Ойкас ялӗнче пурӑнакансем малашне ҫӗнӗ ФАПа пулӑшу ыйтма ҫӳрӗҫ. Унти фельдшер Зоя Григорьева 30 ҫул ӗҫлет. Унччен вӑл пациентсене кивӗ медпунктра йышӑннӑ. Ҫавӑнпа вӑл ҫӗнӗ ФАП лайӑх пулнинн никамран лайӑх пӗлет.

Хальхи ФАПсенче пысӑк хӑвӑртлӑхлӑ тӗнче тетелӗ те пур. Ку фельдшерсене районти пульница тухтӑрӗсемпе консультаци ирттерме май парать.

Ку ФАП Шупашкар муниципалитет округӗнче - 11-мӗш. Унта эмелсемпе медикаментсем - лейкопластырьтен пуҫласа пурнӑҫшӑн пӗлтерӗшлӗ препаратсем таранах - илме пулать.

Ҫулталӑк вӗҫлениччен Шупашкар муниципалитет округӗнче тепӗр виҫӗ ФАП уҫӗҫ. Иккӗшне графикрен маларах туса пыраҫҫӗ.

forum.na-svyazi.ru сайтри сӑн

«Ядринкассы» тесе ҫырнӑ пулнӑ Шупашкар муниципалитет округӗнче. Ку – ял ятне кӑтартакан табличка ҫинче. Унта пурӑнакан пӗр ҫын йӑнӑша тӳрлетме ыйтса ҫӑхав ҫырнӑ.

Росреестр ӗҫченӗсем Шупашкар округӗн администрацийӗ тӗлӗшпе асӑрхаттару янӑ. Вӗсем йӑнӑша тӳрлетме вӑхӑт панӑ: раштав уйӑхӗн 31-мӗшӗччен. «Ядринкассы» «Ядринкасы» пулса тӑнине Росреестра ҫав ҫӑхав ҫырнӑ ҫыннах пӗлтернӗ.

Палӑртмалла: Географи ячӗсен патшалӑх каталогӗпе килӗшӳллӗн, сӑмаха пӗр «с»-па ҫырмалла – «Ядринкасы».

git21.rostrud.gov.ru сайтри сӑн

Шупашкар муниципалитет округӗнчи Карачура ялӗнче вырнаҫнӑ «Чувашское» предприятире вӑкӑр унта ӗҫлекен арҫынна амантнӑ. ЧР Патшалӑх ӗҫ инспекцийӗ ку ӗҫ-пуҫа тишкерет.

Малтанлӑха пӗлтернӗ тӑрӑх, раштав уйӑхӗн 5-мӗшӗнче ҫур ҫӗр иртни 47 минутра выльӑх пӑхакан арҫын вӑкӑр витерен тухса кайнине асӑрханӑ. Вӑл ӑна каялла хӑваласа кӗртме тӑнӑ. Вӑкӑр ӑна тӗкнӗ. Арҫыннӑн аяк пӗрчисем аманнӑ

Алина Федорова архивӗнчи сӑн

ЧР цифра министрӗн халӗ икӗ ҫумӗ те пур. Пушаннӑ вакансие Алина Федорова йышӑннӑ. Вӑл МИХсемпе ӗҫлӗ.

Вӑл унччен «Чӑваш Ен» ПТРКра ӗҫленӗ, Наци телерадиокомпанийӗ уҫӑлсан унта куҫнӑ. Пӗр хушӑ Нефтеюганскри телекурава ертсе пынӑ. Темиҫе ҫул каялла вара Чӑваш Ене таврӑннӑ та Наци телерадиокомпанийӗн директорӗн ҫумӗ пулнӑ. Юлашкинчен К.В.Иванов ячӗллӗ Чӑваш патшалӑх драма театрӗнче тӗп администраторта ӗҫленӗ.

Аса илтерер: цифра министрӗн ҫумӗ пулнӑ Анна Иванова ӗҫрен чӳк уйӑхӗн 14-мӗшӗнче кайнӑ. Халӗ Михаил Степанов министрӑн икӗ ҫум: Екатерина Грабко тата Алина Федорова.

ursassi.ru сайтри сӑн

Пӗлтӗрхи ҫӗртме уйӑхӗн 1-мӗшӗнчен пуҫласа кӑҫалхи юпа уйӑхӗн 2-мӗшӗччен пысӑк проза жанрӗпе чӑвашла хайлавсем ҫыракан писательсен хушшинче конкурс иртнӗ. Чӑваш кӗнеке издательстви «Чӑваш романӗ» конкурса пӗтӗмлетнӗ.

Жюри ҫӗнтерӳҫе суйланӑ. Вӑл - Аркадий Русаков. Унӑн хайлавӗ «Турхан сӑмахӗ» ятлӑ.

Аркадий Русаковӑн хайлавӗ ҫитес ҫул кун ҫути курӗ. Аркадий Никандрович - Раҫҫей писателӗсен пӗрлӗхӗн пайташӗ. Вӑл темиҫе кӗнеке кӑларнӑ. Хӑй медицинӑра 40 ҫул ӗҫленӗ. Вӑл профессипе - невролог.

culture.cap.ru сӑнӳкерчӗкӗ

Ф.П. Павлов ячӗллӗ Шупашкарти музыка училищин Пысӑк концерт залӗнче «Час барокко» (чӑв. Барокко сехечӗ) симфони оркестрӗн концерчӗ иртнӗ.

Оркестрта – ҫамрӑксем. Вӗсем авалхи музыкӑна халӑх патне ҫитереҫҫӗ. Шупашкар ҫыннисем ушкӑн пултарулӑхне хаклаҫҫӗ – куракансем йышлӑн пуҫтарӑннӑ.

Концерт программине Генри Пёрселлӑн «Дидона и Эней» оперинчи сюитӑпа уҫнӑ.

culture.cap.ru сӑнӳкерчӗкӗ

Паян, раштав уйӑхӗн 7-мӗшӗнче, РСФСР, Чӑваш АССР халӑх артистки, Чӑваш АССРӗн Константин Иванов ячӗллӗ Патшалӑх премийӗн лауреачӗ, Ҫӗрпӳ районӗн хисеплӗ ҫынни Нина Григорьева 85 ҫул тултарнӑ. Чӑваш патшалӑх академи драма театрӗнче ҫак самантра унӑн юбилей каҫӗ пырать.

Пулас артистка Ҫӗрпӳ районӗнчи Чиричкасси ялӗнче ҫуралнӑ. Ашшӗ малтанласа хирӗҫленӗ пулин те артист пулас ӗмӗтпе хавхаланса-ҫунатланса пурӑннӑскер Мускаври А.В. Луначарский ячӗллӗ театр искусствин институтне вӗренме кӗме пултарнӑ. 1961 ҫултанпа вӑл Чӑваш патшалӑх академи драма театрӗнче ӗҫлет.