|
Ҫурт-йӗр
 чувашинформ.рф сӑнӳкерчӗкӗ Шупашкар районӗнчи Ҫӗктерте пурӑнакансем пӗр кунзне ӑшӑсӑр тӑрса юлнӑ. «Волжские зори» урамри нумай хваттерлӗ ҫуртра пурӑнакансен ҫав нушана тӳсме тивнӗ. «Пирӗн чӑтӑмлӑха тӗрӗслеҫҫӗ курӑнать», — тесе ҫырнӑ ҫав ҫуртра пурӑнакансем тӗнче тетелӗнчи халӑх ушкӑнӗсенчен пӗринчи пабликра. Ҫавӑн хыҫҫӑн Чӑваш Енри регион управленийӗн центрӗн специалисчӗсем ҫӑхава яваплисем патне ҫитернӗ. Вӗсем вырӑнтан хӑвӑрт хускалнӑ. Тепӗр куннех ҫынсене ӑшӑ пама тытӑннӑ. Хыпар ҫӑлкуҫӗ:
|
|
Республикӑра
 pixabay.com сӑнӳкерчӗкӗ Чӑваш Енри организацисенче тӑрӑшакансене инҫет ҫыхӑну мелӗпе ӗҫлеттерсшӗн. Кун пирки оперштабӑн паян иртнӗ ларӑвӗнче сӑмах хускатнӑ. Капла тума республика ертӳҫм Олег Николаев ыйтнӑ. Ҫавна вӑл малтанах бизнес-пӗрлӗхсен ячӗпе каланӑ. Элтепер май килнӗ таран ытларах ҫынна килтен ӗҫлеттерме ыйтса каланӑ. Сахалтан та — ҫитес икӗ эрнере. Кӑшӑлвируспа чирлекенсем Ҫӗнӗ ҫул хыҫҫӑн йышланнӑ иккен. Ҫынсем килте ӗҫлесе ларсан транспортра та халӑх сахалрах ҫӳрӗ. Халӑха турттаракан транспорт Шупашкарпа Ҫӗнӗ Шупашкарта епле ӗҫленине вара ЧР Транспорт министерствине ҫирӗпрех тӗрӗслесе тӑма хушнӑ. Автобуссене вӑхӑтра дезинфекцилемелле, пассажирсемпе водительсен маска тӑхӑнса ҫӳремелле. Хыпар ҫӑлкуҫӗ:
|
|
Сывлӑх
 Pinterest сайтри сӑн ЧР Сывлӑх сыхлавӗн министерстви омикрон штампа чирленӗ пӗрремӗш ҫын хӑйне мӗнле туйнине пӗлтернӗ. Республикӑри тӗп терапевт Лариса Тарасова каланӑ тӑрӑх, вӑл 67 ҫулта, республика тулашне тухса ҫӳремен, вакцинациленнӗ пулнӑ. Анчах унтанпа 21 кун ҫитменнипе антителӑсем пулса ӗлкӗреймен. Пациентӑн чирӗ вӑтам йывӑр иртет, сывлӑхӗ тӗлӗшпе йывӑрлӑхсем сиксе тухман. Сӑмах май, кӑрлач уйӑхӗн 18-мӗшӗ тӗлне Раҫҫейре 42 регионта 1682 ҫын омикрон штампа чирленӗ. Вӗсен 28 проценчӗ кӑшӑлвирусран икӗ компоненчӗпе те вакцинациленнӗ. Инфекциленнисен 70 проценчӗ чикӗ леш енче пулман. Лариса Тарасова тӗп терапевт прививка тутарнисем те омикронпа чирленине, анчах вӗсем чире ҫӑмӑллӑнрах ирттернине палӑртнӑ, халӑхӑн пысӑк пайӗ вакцинациленсен тин пандеми пӗтессине каланӑ. Хыпар ҫӑлкуҫӗ:
|
|
Пӑтӑрмахсем
 stihi.ru сӑнӳкерчӗкӗ Красноармейски районӗнче пурӑнакан арҫын хӑйӗн ҫуралнӑ кунне Шупашкарта паллӑ тӑвас тенӗ. Тусӗпе пӗрле вӗсем хваттер тара илнӗ. Унта икӗ хӗрарӑма йыхравланӑ. Хайхисене вӗсен пӗлӗшӗсем сӗннӗ иккен. Икӗ арҫынпа икӗ хӗрарӑм ҫуралнӑ куна аванах тунӑ. Ӗҫнӗ, ҫинӗ, савӑннӑ. Кайран арҫынсем тӳнсе кайнӑ. Ирпе ыйхӑран вӑрансан арҫын хӑйӗн банк картти ҫинчи 7 пин тенкӗ укҫана темиҫе ӑстрӑмпа паллӑ мар ҫынна куҫарса панине асӑрханӑ. Арҫын йӗрке хуралҫисенчен пулӑшу ыйтнӑ. Вӑл вӗсене никама та хӑй аллипе укҫа куҫарса паманнине пӗлтернӗ. Пакунлисем укҫа кам патне ҫитнине хӑвӑрт тупса палӑртнӑ. Ӑна арҫынсем патӗнче хӑнара пулнӑ хӗрарӑмсенчен пӗри, 33 ҫултискер, лешсем хуп турттарнӑ самантпа усӑ курса куҫарса панӑ иккен. Ҫын укҫине вӑрланӑшӑн халӗ ун тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
|
Сывлӑх
 Кӑшӑлвируспа чирлекенсен йышӗ ӳссе пырать. Юлашки талӑкра 116 ҫын инфекциленнӗ. Кун пирки стопкоронавирус.рф сайтра пӗлтернӗ. Юлашки талӑкра 7 ҫын пурнӑҫран уйрӑлнӑ. Ку таранччен республикӑри 4160 ҫын каварлӑ вируса парӑнтарайман. Статистика кӑтартнӑ тӑрӑх, чирленӗ кашни 11-мӗш ҫын вилнӗ. Паянхи кун тӗлне 47721 ҫын чирленӗ, вӗсенчен 41364-шӗ сывалнӑ. Юлашки талӑкра 67 ҫын сывалнӑ. Хальхи вӑхӑтра стационарта тата килте амбулатори мелӗпе 2197 ҫын кӑшӑлвирусран сипленет. Хыпар ҫӑлкуҫӗ:
|
|
Ҫурт-йӗр
 Чӑваш Енре премьер-министра тата министрсене хваттер тара илсе пурӑннин тӑкакне хыснаран саплаштарӗҫ. Ҫавӑн пек йышӑну проектне Чӑваш Ен Элтеперӗн Администрацийӗ хатӗрленӗ. Ҫӗнӗ йӗрке Министрсен Кабинечӗн Председательне, премьер-министрӑн ҫумӗсене, министрсене, Чӑваш Ен Элтеперӗн Администрацийӗн ертӳҫине, Раҫҫей Президенчӗ ҫумӗнчи Чӑваш Енӗн полпредне пырса тивӗ. Вӗсене тӑкака патшалӑх должноҫӗнче ӗҫленӗ вӑхӑтра саплаштармалла. Хваттер тара илсе пурӑнас, ҫавӑншӑн хыснаран укҫа илес текен тӳре-шаран социаллӑ килӗшӳ мелӗпе е харпӑрлӑхри ҫурт-йӗр пуррипе ҫуккине шута илӗҫ. Асӑннӑ пурлӑх Шупашкарта, Ҫӗнӗ Шупашкарта, Шупашкар, ӗнтӗрвӑрри, Муркаш тата Ҫӗрпӳ районӗсенче пулсан тара илнин тӑкакне спалаштармӗҫ. Хыпар ҫӑлкуҫӗ:
|
|
Политика
 chuvash.er.ru сайтри сӑн Чӑваш Енре Патшалӑх Думине суйланнӑ депутатсене тата сенатора республика хыснинчен уйӑрнӑ укҫапа машинӑпа илсе ҫӳрӗҫ. Ҫавна май аукцион ирттерессине пӗлтернӗ. Тӳре-шарана турттарма 3,3 миллион тенкӗ тӑкаклама хатӗр. Депутатсемпе сенаторсене хыснаран уйӑрнӑ укҫапа республикӑра илсе ҫӳрӗҫ. Аукцион хыҫҫӑн алӑ пуснӑ килӗшӳ 2022 ҫул вӗҫлениччен вӑйра пулӗ. Аса илтерер: РФ Патшалӑх Думине Чӑваш Енрен Алена Аршинова, Алла Салаева, Анатолий Аксаков, Ирина Филатова лекнӗ. Федераци Канашне Николай Владимиров суйланнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Паян ҫӗрле Патӑрьел районӗнчи Турхан ялӗнче лавкка ҫунса кайнӑ. Кун пирки Инкеклӗ лару-тӑру министерстви пӗлтерет. Ҫур ҫӗр иртни 1 сехет ҫурӑра Турханта хутӑш тавар сутакан лавкка ҫунма тытӑннӑ. Пушарнӑйсем вырӑна ҫитсен ҫулӑма пӗр сехетрен сӳнтернӗ. Ҫулӑм йывӑҫ пӳртӗн хушма ҫуртне, тӑррине тӗп тунӑ. Сӑмах май, Инкеклӗ лару-тӑру министерстви иртнӗ талӑкра Чӑваш Енре виҫӗ пушар пулнӑ. Хыпар ҫӑлкуҫӗ:
|
|
Сывлӑх
 Ҫӗрпӳ районӗнчи Пысӑк Чӑрӑш ялӗнчи фельдшерпа акушер пункчӗ 2015 ҫултанпа культура ҫуртӗнче ӗҫленӗ. Унчченхи авариллӗ лару-тӑрура пулнӑ, ҫавӑнпа ӑна клуба куҫарма йышӑннӑ. Унта ФАП 7 ҫул ӗҫленӗ. Анчах халӗ унӑн ӗҫне чарса лартнӑ. 2021 ҫулхи раштав уйӑхӗнче экспертиза ФАП санитарипе эпидемиологи требованийӗсене тивӗҫтермест тесе йышӑннӑ. Унти пӳлӗмсем санитрии йӗрки ыйтнинчен пӗчӗкрех-мӗн. Пысӑк Чӑрӑшра ҫӗнӗ ФАП 2024 ҫулта ҫеҫ тума палӑртнӑ. Ку ялти медпункта 5 ялти 370 ҫын ҫӳренӗ. Хыпар ҫӑлкуҫӗ:
|
|
Республикӑра
 kubnews.ru сайтри сӑн Сӗнтӗрвӑрри районӗнчи 36 ҫулти арҫын савнийӗпе вӑрҫӑнса кайнӑ тӗнче тетелӗнче хӗрсемпе паллашма тытӑннӑ. Вӑл паллашу сайтӗнче регистрациленнӗ. Анчах унта ултавҫӑ аллине ҫакланнӑ. Пӗр хӗрарӑм паллашнӑ-паллашман 2,5 пин тенкӗ кивҫен ыйтнӑ. Арҫын куҫарса панӑ. Тепӗр кун киви-енчӗке 50 пине яхӑн куҫарма ыйтнӑ. Укҫа хаклӑ йышши эмелсем илме, хӗрне сиплеме кирлӗ-мӗн. Кайран хӗрарӑм Шупашкарта тара илнӗ хваттершӗн 30 пин ыйтсан та арҫын иккӗленмен. Анчах хӗрарӑм унпа тӗл пулма килӗшменрен ҫыхӑну татӑлнӑ. Вӑл тепӗр хӗрпе паллашнӑ. Лешӗ ӑна хӑнана пыма шантарнӑ. Анчах ҫул тӑкакне саплаштарма, телефон номерӗ ҫине укҫа хума ыйтнӑ. Ҫӑпла вӑл ӑна 194 пине яхӑн куҫарса панӑ. Арҫын хӑйне улталанине ӑнлансан полицие кайнӑ. Хыпар ҫӑлкуҫӗ:
|
-9.7 °C