Татьяна Акимова биатлонистка

Ҫак кунсенче Норвегин тӗп хулин пӗр районӗ шутланакан Холменколленра биатлон енӗпе тӗнче чемпионачӗ иртет. Унта пирӗн ҫӗршыв спортсменӗсем те хутшӑнаҫҫӗ. Раҫҫейӗн командине Чӑваш Енӗн биатлон шкулӗн воспитанникӗ Татьяна Акимова та лекнӗ.

Шел те, пирӗн спортсменсем (арҫынӗсем те, хӗрарӑмӗсем уйрӑмах) ҫӗнтерӳпе хальлӗхе савӑнтараймарӗҫ-ха. Биатлона кӑмӑллакансем арҫынсене шанчӗҫ те, анчах вӗсем те ҫӗнтерӳ пьедесталӗ ҫине лекеймерӗҫ.

Паян хӗрарӑмсем уйрӑм тупӑшура чупӗҫ. Раҫҫей комндине пиллӗкӗн кӗнӗ: ҫав шутра — Чӑвашри Татьяна Акимова та. Вӑл тӗнче чемпионачӗн дебютантки шутланать. Унсӑр пуҫне Екатерина Юрлова, Дарья Виролайнен, Екатерина Шумилова тата Анастасия Загоруйко тупӑшӗҫ. Трансляцие «Матч.ТВ» телеканал каҫхи 17 сехет те 30 минутра кӑтартӗ.

Владислав Смирнов тунӑ сӑн

Шупашкарти кӳлмекре авточупӑвӑн финалӗ иртнӗ. Раҫҫей Кубокӗн пӗтӗмлетӳ тапхӑрӗ пуш уйӑхӗн 6-мӗшӗнче пулнӑ.

Авточупура Егор Санин тата Андрей Подролян ҫӗнтернӗ. Ҫанталӑка пула кӑштах улшӑнусем кӗртме тивнӗ. Малтанах 1400 класс валли чупу иртнӗ. Унтан 1600 класс валли масс-старт пулнӑ.

Ҫанталӑк ӑшӑ тӑнӑ май пӑр ҫинче кӳлленчӗксем пулнӑ, ҫавна май урапа айӗнчен сирпӗннӗ вӑл. Кунашкал ӑмӑрту куракансене питӗ килӗшнӗ.

1400 класра Егор Санин ҫӗнтернӗ. 1600 класс чупура вара Андрей Подолян мала тухнӑ.

Кӑҫалхи хӗллехи сезонта Чӑваш Енри самбо федерацийӗн спортсменӗсем тӗнче тата Европа ӑмӑртӑвӗсене хутшӑнмашкӑн пилӗк путевка ҫӗнсе илнӗ.

Вера Лоткова, Наталья Степанова, Регина Миндубаева ҫулталӑк пуҫлансанах пухмача ылтӑн тата кӗмӗл медальсемпе пуянлатнӑ, Европа тата тӗнче чемпионачӗсене хутшӑнмашкӑн путевка ҫӗнсе илнӗ. Ҫак ятпа вӗсене ЧР спорт министрӗ Сергей Шелтуков саламланӑ.

Палӑртмалла: халӗ Чӑваш Енре 2 пине яхӑн ҫын самбо енӗпе хатӗрленет. Вӗсенчен 150 ытларахӑшӗ — хӗрсем. Вӗсем спортра ҫитӗнӳсем тума талпӑнаҫҫӗ.

Челепи облаҫӗнче нарӑсӑн 27–28-мӗшӗсенче фристайл енӗпе пӗтӗм тӗнчери ӑмӑрту иртнӗ. Унта ҫамрӑк спортсменсем Лана Прусаковӑпа Дмитрий Мулендеев медальсем ҫӗнсе илнӗ.

Пӗрремӗш кунхине слоуп-стайл дисциплинӑра ӑмӑртнӑ. Хӗрсен хушшинче Ҫӗнӗ Шупашкар хӗрӗ Лана Прусакова ылтӑн медаль ҫӗнсе илнӗ. Иккӗмӗш вырӑна Мускав хӗрӗ Анастасия Таталина йышӑннӑ. Пӑхӑр медале вара Красноярскри Анастасия Пашинова тивӗҫнӗ.

Арҫынсен хушшинче Мускаври Антон Голубев мала тухнӑ. Кӗмӗл медале Польшӑри Штепан Карпиель ҫӗнсе илнӗ. Шупашкарти Дмитрий Мулендеев финиша виҫҫӗмӗш ҫитнӗ.

Палӑртса хӑварар: Ланӑпа Дмитрий Олимп резервӗсен ачасемпе ҫамрӑксен 2-мӗш спорт шкулӗнче ӑс пухаҫҫӗ.

Хура халӑхӑн пуҫне Раҫҫей патшалӑхӗн влаҫӗнче ларакансем минретсех пыраҫҫӗ. Спорт мероприятийӗсенче тӗл пулакан пӗр пулӑма эп урӑхла ниепле те урӑх ӑнлантарма пултараймастӑп. Сӑмахӑм чӑваш ялавӗ пирки. Пӗр хут асӑрхасан — юрӗччӗ, нормӑран тухса ӳкнӗ пулӑм теме пулӗччӗ. Ҫук вӗт, сахал мар тӗл пулать — спорт мероприятийӗсенче чӑваш ялавӗ валли тимлӗх уйӑрмаҫҫӗ. Пӑхатӑн та, хӑш-пӗр ял тӑрӑхӗ Чӑваш Республикинчен тухса ӳкнӗнех туйӑнать. «Ху чӑваш пулнишӗн ӑҫта сан мӑнаҫлӑх? Пирӗн асаттесемпе мӑн асаттесем ҫав виҫӗ тӗслӗ ялава кӑна мухтама хӑйсен пуҫӗсене хунӑ-ши?» — текен ыйту парас килет вӗсене.

Хам спорт мероприятисенче пулмастӑп, анчах та хыпарсене лартнӑ май хӑш чухне вӗсенче ӳкернӗ сӑнсемпе паллашма тивет. Ав, пӗрине пӑхнӑ май спорт залӗнче Раҫҫейӗн тата Чӑваш Енӗн ялавӗсем ҫакӑнса тӑнине куртӑм. Мухтамалла пек. Анчах Раҫҫей ялавӗ чиперех ҫакӑнса тӑрать пулсан, пирӗн республикӑнни — усӑнса аннӑ. Ҫакна никам та асӑрхамасть, сахал мар пухӑннӑ халӑх кунта нимӗнле йӗркесӗрлӗх те ҫук тесе шутлать. «Ара мӗн ара? Усӑнса аннӑ?

Малалла...

Нумаях пулмасть Етӗрне районӗнчи Кӑкшӑм ял тӑрӑхӗнчи Пӑчанар ялӗнче ҫуралса ӳснӗ Чечен Республикинче службӑра тӑнӑ чухне пуҫне хунӑ Анатолий Геннадьевич Иванова (1976–1996) асӑнса йӗлтӗрпе чупассипе ӑмӑртусем иртрӗҫ.

Малтанах Кӑкшӑмри шкул ачисемпе тӗлпулу иртрӗ. Ачасем умӗнче районти салтак амӑшӗсен комитечӗн председателӗ Л. Егорова, салтакӑн амӑшӗ Калиса Иванова тата унӑн пиччӗшӗ Зиновий Иванов интернационалист ҫинчен каласа пачӗҫ.

Кӑҫалхи ӑмӑрту Анатолий ячӗпе 11-мӗш хут иртрӗ. Ӑмӑртӑва район шайӗнче ирттернӗ, унта районти тата кӳршӗри Хӗрлӗ Чутай тата Элӗк районӗсенчи 100 ытла спортсмен хутшӑннӑ.

VIP-ӑмӑртура малти вырӑнсене пурне те Хӗрлӗ Чутай районӗнчи «Нива» СХПК-ра тӑрӑшакансем ҫӗнсе илнӗ (ертӳҫи Владимир Мурайкин). Вӗсем Кӑшӑмри шкул директорне Андрей Иванова тата салтакӑн тӑванӗсене ӑмӑртӑва интереслӗ йӗркеленӗшӗн тав тунӑ.

Ӑмӑрту ҫӗнтерӳҫисене ЧР Патшалӑх Канашӗн депутачӗ Валерий Павлов, райадминистраци пуҫлӑхӗ Владимир Кузьмин, Етӗрне районӗнчи ЧРООООИВА (чӑв.

Малалла...

Ҫӑмӑл атлетика енӗпе Раҫҫей чемпионачӗ иртнӗ. Унта пирӗн ентеш Анжелика Сидорова ҫӳллӗше сиксе чи лайӑх кӑтартупа палӑрнӑ.

Чемпионат Мускавра нарӑс уйӑхӗн 23-мӗшӗнче иртнӗ. Анжелика Сидорова 4.70 метр ҫӳллеше сикме пултарнӑ. 4.65 метра вӑл виҫҫӗмӗш хутӗнче ҫеҫ парӑнтарнӑ. 4.70 метра вара пӗрре сиксех каҫнӑ. 4.80 метра Анжелика илеймен. Ҫапах вӑл Раҫҫей чемпионӗ пулса тӑнӑ.

Чемпионатра пӗрремӗш вырӑн ҫӗнсе илнисӗр пуҫне Анжелика Сидорова Раҫҫейӗн хӗллехи Гран-принче ҫӗнтернӗ. Унта шӑчӑпа сиксе вӑл 100 пин тенкӗлӗх чек илнӗ.

Чӑваш спортсменкисем армрестлинг енӗпе тӗнче ӑмӑртӑвне каймашкӑн путевкӑсем ҫӗнсе илнӗ. Кун пирки ЧР влаҫӗсен официаллӑ порталӗнче хыпарлаҫҫӗ.

Нарӑс уйӑхӗн 17-20-мӗшӗсенче Мускав облаҫӗнчи Раменское хулинче юниорсен хушшинче Раҫҫей тупӑшӑвӗ иртнӗ. Унта спортсменсем Европа тата тӗнче ӑмӑртӑвӗсене каймалли путевкӑсемшӗн вӑй виҫнӗ.

Пирӗн спортсменсем мӗн пур виҫере палӑрнӑ. Эльмира Алеева тата Марина Ковалевская иккӗмӗш вырӑн йышӑннӑ. Анна Гаврилова вара пӑхӑр медаль ҫӗнсе илнӗ.

Ҫапла пирӗн хӗрсем Раҫҫейӗн пӗрлештернӗ командине кӗнӗ. Вӗсем ҫу уйӑхӗнче Румынире иртекен Европа ӑмӑртӑвне хутшӑнӗҫ. Юпа уйӑхӗнче вара Болгарие тӗнче ӑмӑртӑвне кайӗҫ.

Лана Прусакова

Чӑваш Енри фристайл ӑсти Лана Прусакова ӗнер ылтӑн медаль ҫӗнсе илнӗ.

Лана Прусакова Норвегире иртекен ҫамрӑксен хӗллехи II Олимп вӑййине (вӑл нарӑс уйӑхӗн 12-мӗшӗнче пуҫланнӑ та 21-мӗшӗччен тӑсӑлӗ) хутшӑннӑ. Хӑй вӑл Ҫӗнӗ Шупашкартан, 15 ҫулта. Олимп резервӗн 2-мӗш ача-пӑчапа спорт шкулӗнче пултарулӑха туптаканскер ҫамрӑксен Олимп вӑййине пике слоупстайл (акӑлчанран ку сӑмаха ту хысакӗнчен йӗлтӗрпе ярӑнса анни тесе куҫарма пулать) енӗпе ӑмӑртнӑ. Ку дисциплинӑна Чӑваш Енӗн Физкультурӑпа спорт министерстви кӑткӑс тата пӑхма илемлисенчен пӗри тесе хаклать.

Ҫӗнӗ Шупашкар хӗрне Лана Прусаковӑна фристайлӑн слоупстайл енӗпе Раҫҫейӗн пӗрлештернӗ командин аслӑ тренерӗ Никита Васильев ӑсталӑха туптама пулӑшнӑ.

Вячеслав Акимов

Пирӗн ентеш биатлон марафонӗ енӗпе иртнӗ Раҫҫей емпионатӗнче чемпион ятне ҫӗнсе илнӗ. Ӑмӑрту Тӗмен облаҫӗнчи Уватра иртнӗ.

Тупӑшу ӗнер, нарӑсӑн 16-мӗшӗнче, вӗҫленнӗ. Чӑваш спортсменӗ Вячеслав Акимов пӗрремӗш вырӑна ҫӗнсе илсе чемпион ятне тивӗҫнӗ. Вӑл Олимп резервӗсен ачасемпе ҫамрӑксен 2-мӗш спорт шкулӗнче ӑсталӑхне туптать.

Вячеслав 40 ҫухрӑмлӑ дистанцире пӗрле вӗренекен Павел Магазаеева 30 ҫеккунт ҫеҫ выляса янӑ. Павел ӑмӑртура Чӑваш Ен тата Мӑкшӑ Республикин чысне хӳтӗленӗ. Виҫҫӗмӗш вырӑна Тӗмен спортсменӗ Иван Печёнин тухнӑ.

Акимов 4 хутчен йӑнӑшнӑ. Тепӗр чӑваш спортсменӗ Павел Охотников вара дистанцие 9-мӗш вӗҫленӗ.