Шупашкар хулине ҫутӑпа тивӗҫтерме кӑҫал хыснаран 17 миллиона яхӑн тенкӗ уйӑрма пӑхса хӑварнӑ.
Вӑл укҫа пурӗ 47 картишне ҫутатма тухса кайӗ. Ун валли пурӗ 169 юпа лартмалла, 284 светильник вырнаҫтармалла, пӑралука 5 километр ытла хумалла.
Ӗҫе подрядчик пулса «ВолгаРемСтрой» тата «Горсвет» предприятисем пурнӑҫлӗҫ. Палӑртнине вӗсен кӑҫалхи юпа уйӑхӗн 15-мӗшӗ тӗлне вӗҫлемелле.
Раҫҫейӗн авторсен обществи (РАО) В.И. Чапаев ячӗллӗ ӑратлӑ лаша заводӗнчен паллӑ музыка композицийӗсене янӑратнӑшӑн укҫа шыраса илмелле тунӑ. Чӑваш Енӗн Арбитраж сучӗ тавӑҫа тивӗҫтернӗ.
Авторсен обществи лаша заводӗнчен 620 пин тенкӗ шыраса илес, укҫана хӑйсен правине пӑснӑ авторсене куҫарса парас тенӗ, анчах суд тавӑҫа 310 пин тенкӗлӗх тивӗҫтернӗ.
Халӑхпа ирттернӗ мероприятире завод «Вирус» ушкӑн, Андрей Губин, «Сливки» ВИА, A’Studio, Люся Чеботина, «Отпетые мошенники» тата ытти хӑш-пӗр ушкӑнпа авторсен юррисене янӑратнӑ иккен.
Суд удовлетворил иск частично. Завод выплатит РАО 310 тыс. рублей.
Шупашкар хулинче пурӑнакан 29 ҫулти арҫын квадроцикл туянас тесе пӗлтерӗве тӗнче тетелӗнче шыранӑ. Транспорта вӑл тӳлевсӗр пӗлтерӳсен сайтӗнче асӑрханӑ. Унтан тавар сутаканпа ҫыхӑннӑ. Унпа мессенджерсенчен пӗринче калаҫнӑ.
Тавар туянас ӗмӗтлӗ ҫамрӑк транспорта ӑсатни пирки документсене илсен ҫеҫ тӳлессине пӗлтернӗ. Сутаканни туянас кӑмӑллин шухӑшне шута илнӗ. Темиҫе кунтан Шупашкар каччи тавар илсе килекен компание кайнӑ та посылка ытла пысӑк тесе ярса паманнине пӗлсен каччӑ 380 пин тенке ултавҫӑсене ярса панине ӑнланса илнӗ пакунлисене пӗлтернӗ.
Чӑваш Енри аграрисене ҫӗнӗ пулӑшу кӳме йышӑннӑ. «Контактра» халӑх тетелӗнчи «Чувашская Республика» (чӑв. Чӑваш Республики) пабликра пӗлтернӗ тӑрӑх, республикӑра «Чувашский хмель» (чӑв. Чӑваш хӑмли) ҫӗнӗ грант пурнӑҫа кӗме тытӑнӗ.
Укҫана хӑмла шалчине вырнаҫтарма тата юсаса ҫӗнетме кирлӗ материалсене туянма усӑ курма юрӗ. Анчах проекта грантпа уса кураканӑн хӑйӗн укҫине 20 процентран кая мар хывмалла.
Заявкӑсене Патшалӑхӑн финанс пулӑшӑвне паракан порталта ҫурла уйӑхӗн 2-мӗшӗччен йышӑнаҫҫӗ.
Шупашкарти таксист кинемее ултавҫӑсенчен ҫӑлса хӑварнӑ.
Утӑ уйӑхӗн пуҫламӑшӗнче унӑн Шупашкартан Хусана япаласем илсе кайса пама заказ тупӑннӑ. Клиент каланӑ тӑрӑх, вӑл командировкӑна кайна, анчах кирлӗ хӑш-пӗр Шупашкарта асламӑшӗ патӗнче тӑрса юлнӑ.
Таксист япала патне пырса ҫитсен кинемей илсе тухнӑ япаларан тӗлӗнсех кайна. Вата ҫын керен рюкзак тата минтер парса янӑ.
Водителе ҫакӑ сисчӗвлентернӗ, Хусана вӗҫтерес вырӑнне вӑл полицие васканӑ. Йӗрке хуралҫисем япаласене пӑхма пуҫланӑ та минтерте 2,2 миллион тенкӗ укҫа тупнӑ.
Кинемей патне маларах ултавҫӑсем шӑнкӑравланӑ иккен, ӑна вӗсем укҫана Хусана илсе кайса декларацилемелле, тепӗр талӑкран укҫана тавӑрса парасси пирки ӗнентернӗ.
Хусанта заказа 15 тата 16 ҫулти икӗ яш илсе юлмалла пулнӑ.
21 ҫулти каччӑ пӗр каҫхине килне хӗр чӗнсе илес тенӗ. Пӗлтерӗве вӑл тӗнче тетелӗнчӗ асӑрханӑ.
Качча пӗлтерӳре кӑтартнӑ номерпе шӑнкаравланӑ. Телефона тытнӑ хӗр «пулӑшушӑн малтанах укҫа тӳлесе хумаллине пӗлтернӗ. Каччӑ вӗсен сайтӗнче пӗрремӗш хутн пулнине кура унӑн страховка та тӳлемелле тесе ӗнентернӗ.
Качча пӗтӗмпе 40 пин тенкӗ ытла куҫарса панӑ. Кӑштахрах унран тата укҫа ыйтнӑ. Тем шанчӑклах мар пек туйӑннӑран каччӑ хӗре чӗнсе илес мар тенӗ. Анчах ун пек каласан унран тата укҫа тапӑнма, ҫывӑх ҫыннисене тавӑрассипе хӑратма тапранса кайнӑ. Хӑраса ӳкнӗ каччӑ 200 пин тенкӗ ытла куҫарса панӑ.
Ҫӗнӗ Шупашкарти арҫын арӑмӗ пулнӑ хӗрарӑма суда панӑ. Йалтах — укҫана пула. Хӗрарӑм унӑн 1,78 миллион тенкине вӑрланӑ иккен.
Арҫын ҫак укҫана ятарлӑ ҫар операцийӗнче пулнӑшӑн илнӗ. Арӑм пулнӑскер вара унӑн хваттерне килнӗ те нухрата йӑлтах йӑтса тухса кайнӑ, хӑйӗн банк счечӗ ҫине хунӑ. Арҫын полицие заявлени ҫырма кайсан хӗрарӑм 290 пин тенке тавӑрса панӑ.
Кун хыҫҫӑн арҫын ӑна суда панӑ. Халӗ хӗрарӑмӑн арҫынна 1,489 млн тенке тавӑрса памалла. Унсӑр пуҫне 93,5 пин тенкӗ процент тӳлемелле.
рокуратуру Шемуршинского района обратились два пенсионера, прожШӑмӑршӑ тӑрӑхӗнчи пӗр ялта пурӑнакан икӗ ватӑ ҫын пластик чӳрече ларттарас тенӗ. Усламҫӑпа вӗсем сӑмахпа калаҫса татӑлса килӗшӳ тунӑ.
Хайхи ватӑсен килӗсенчи чӳречесене пластикран лартса пама шантарнӑ. Ӗҫшӗн пӗри 65 пин тенкӗ тӳлесе хунӑ, тепри — 40 пин.
Кун хыҫҫӑн кун, эрне хыҫҫӑн эрне иртнӗ, чӳрече лартакан килмен те килмен. Ҫавна хайхи этем укҫа-тенкӗ енчен йыварлӑха кӗрсе ӳкнипе сӑлтавланӑ. Анчах ватӑсем алӑ усса ларман, йӗрке хуралҫисен пулӑшу ыйтнӑ. Прокуратура вӗсене хӳтӗлесе Патӑрьел районӗнчи суда тавӑҫпа тухнӑ. Ватӑсене укҫана тавӑрса памалла тунӑ.
Канаш районӗнчи пӗр ялта пурӑнакан 57 ҫулти арҫын инветсиципе тупӑш курас тенӗ те хӑй пухса пынӑ 1,6 миллион тенке ултавҫӑсене куҫарса панӑ.
Сӑмах май каласан, арҫын пӗр предприятире тӗп инженерта ӗҫлекенскер иккен. Анчах ултавҫӑсем такама та шӑнман пӑрпа лартса яма пултараҫҫӗ.
Иртнӗ уйӑхра вӑл тӗнче тетелӗнче унпа палламан ҫын калаҫу пуҫарнӑ. Хӑйӗнпе менеджер тесе паллаштарнӑ ҫын нефть компанине инвестици хывса тупӑш курма пулать тесе ӗнентернӗ. Тӗп инженер 1,6 миллион тенке ют ҫынсене куҫарса панӑ.
Хӑй улталаннине ӑнланса илнӗ хыҫҫӑн йӗрке хуралҫисенчен пулӑшу ыйтнӑ. Вӗсене вӑл ӑнлантарнӑ тӑрӑх, инвестиципе илнӗ тупӑшпа машина туянма ӗмӗтленнӗ. «Хушма тупӑш» пирки вӑл чылайччен никама та пӗлтермен.
Канаш районӗнчи пӗр ялта пурӑнакан 57 ҫулти арҫын инветсиципе тупӑш курас тенӗ те хӑй пухса пынӑ 1,6 миллион тенке ултавҫӑсене куҫарса панӑ.
Сӑмах май каласан, арҫын пӗр предприятире тӗп инженерта ӗҫлекенскер иккен. Анчах ултавҫӑсем такама та шӑнман пӑрпа лартса яма пултараҫҫӗ.
Иртнӗ уйӑхра вӑл тӗнче тетелӗнче унпа палламан ҫын калаҫу пуҫарнӑ. Хӑйӗнпе менеджер тесе паллаштарнӑ ҫын нефть компанине инвестици хывса тупӑш курма пулать тесе ӗнентернӗ. Тӗп инженер 1,6 миллион тенке ют ҫынсене куҫарса панӑ.
Хӑй улталаннине ӑнланса илнӗ хыҫҫӑн йӗрке хуралҫисенчен пулӑшу ыйтнӑ. Вӗсене вӑл ӑнлантарнӑ тӑрӑх, инвестиципе илнӗ тупӑшпа машина туянма ӗмӗтленнӗ. «Хушма тупӑш» пирки вӑл чылайччен никама та пӗлтермен.
-9.7 °C