Сайта кӗр | Регистраци | Сайта кӗрсен унпа туллин усӑ курма пулӗ
 +13.3 °C
Ӳркенмен ӑста пулнӑ.
[ваттисен сӑмахӗ]
 

Хыпарсем: сывлӑх

Сывлӑх
ufanotes.ru сайтри сӑн
ufanotes.ru сайтри сӑн

Чӑваш Енре кӑшӑлвирусран сывалакансен йышӗ нумайлансах пырать. Юлашки талӑкра 259 ҫын инфекцие парӑнтарнӑ. Ҫапла майпа республикӑра кӑшӑлвирусран сывалнисен йышӗ 6001 ҫынпа танлашнӑ.

Ку таранччен 7373 ҫыннӑн кӑшӑлвирус пуррине палӑртнӑ. Ӗнертенпе ку йыша 33 ҫын хушӑннӑ. Хальлӗхе 1306 ҫын сипленет. Каварлӑ инфекци республикӑра пурӑнакан 68 ҫыннӑн пурнӑҫне татнӑ.

Чӑваш Енре кӑшӑлвирус сарӑлнин коэффициенчӗ 0,92-пе танлашать.

 

Сывлӑх

Кӑшӑлвируса йывӑррӑн чирлесе ирттернисене санаторисенче 10-12 кун реабилитацилеме 45 пине яхӑн кайса ларӗ. Ҫынсене ҫав шутран 10-11 пинне ҫеҫ тӳлеттерӗҫ. Ытти тӑкака, пурӗ 70 процентне яхӑн, республика хӑй ҫине илӗ.

45 пине яхӑн путевка шучӗпе ҫынсене пысӑк квалификациллӗ тухтӑр пулӑшӑвӗ кӳме, сиплев процедурисене туса ирттерме шантараҫҫӗ. Унсӑр пуҫне кунне пилӗк хутчен апатлантарӗҫ.

Ҫулталӑк вӗҫлениччен стационарсенче 2 пин ытла ҫын реабилитаци витӗр тухайӗ, унсӑр пуҫне кӑнтӑрлахи стационарсенче тепӗр ҫавӑн чухлӗ ҫынна пулӑшӗҫ. Ку цифрӑсене республикӑн Правительствин вице-премьерӗ Алла Салаева тунтикунхи планеркӑра асӑнса хӑварнӑ.

 

Вӗренӳ
мояоколица.рф сӑнӳкерчӗкӗ
мояоколица.рф сӑнӳкерчӗкӗ

Чӑваш Енри шкулсемпе ача пахчисене ҫӳрекенсенчен кӑшӑлвируспа чирлеменнине ӗнентерекен справка ыйтмӗҫ. Кун пирки республикӑн вӗренӳ тата ҫамрӑксен политикин министрӗ Сергей Яковлев республика Элтеперӗн тивӗҫӗсене вӑхӑтлӑх пурнӑҫлакан Олег Николаев тунтикунсерен ирттерекен канашлура шантарса каланӑ.

«Шкулсенче тата ача пахчисене маска тӑхӑнса ҫӳреме хистекен йӗрке ҫук, унсӑр пуҫне кӑшӑлвируспа чирлеменнине ӗнентерекен справка та ыйтмӗҫ», – тенӗ министр.

Ирсерен ачасен сывлӑхне тӗрӗслӗҫ, вӗсен ӳт температурине виҫӗҫ, сывлӑша рециркуляторпа сиенсӗрлетӗҫ, пысӑк ушкӑнлӑ мероприятисем ирттермӗҫ.

 

Сывлӑх
Dprof38.ru сайтри сӑн
Dprof38.ru сайтри сӑн

Чӑваш Енре кӑшӑлвируспа чирлекенсен йышӗ чакса пыратчӗ. Халӗ кӑтарту мӗнлерех-ши? ЧР Сывлӑх сыхлавӗн министерстви даннӑйсене ҫӗнетнӗ.

Паянхи кун тӗлне республикӑра 7309 ҫын инфекциленнӗ. Вӗсенчен 5512-шӗ сывалнӑ. Шел те, вилекенсен йышӗ татах ӳснӗ, 68 ҫынна ҫитнӗ.

Талӑкра халӗ 3035 ҫын чирлет. Юлашки талӑкра та кӑтарту ҫавӑн пекех, 30 ҫын инфекциленнӗ.

Аса илтерер: нумаях пулмасть республикӑра бассейнсене, фитнес-залсене, мунчасене тата саунӑсене ӗҫлеме ирӗк панӑ. Ку ыйтӑва иртнӗ эрнекун кӑшӑлвирус сарӑлассипе кӗрешекен оперштаб ларӑвӗнче сӳтсе явнӑ.

Хыпар ҫӑлкуҫӗ: https://pg21.ru/news/66191
 

Пӑтӑрмахсем

Ҫурла уйӑхӗн 14-мӗшӗнче 12 сехет те 30 минутра Вӑрнар районӗнче, «Никольски-Етӗрне-Нурӑс» ҫул ҫинче, «Киа-Спектра» автомашина хирӗҫ килмелли ҫул ҫине сиксе тухнӑ. Руль умӗнче Нурӑс ялӗнче пурӑнакан 32 ҫулти арҫын пулнӑ.

Ҫулпа ҫав тӑрӑхра пурӑнакан хӗрарӑм «Калина» машинӑпа пынӑ. Вӑл кӗтмен ҫӗртен сиксе тухнӑ транспортран пӑрӑнас тесе руле пӑрнӑ, анчах ӗлкӗреймен. Нурӑс арҫыннин автомобилӗ ӑна пырса ҫапнӑ. Ҫамрӑк хӗрарӑм инкек вырӑнӗнчех вилнӗ. Ют ҫӗршывра туса кӑларнӑ машинӑн водителӗпе машинӑри 51 ҫулти хӗрарӑм суранланнӑ. Вӗсене районти пульницӑна илсе кайнӑ.

Ҫул-йӗр инспекторӗсем шухӑшланӑ тӑрӑх, «Киа» машина ҫумӑр ҫунине пӑхмасӑрах хӑвӑрт кайнӑ тата унӑн урапин резини икӗ тӗрлӗ пулнӑ.

 

Пӑтӑрмахсем
twitter.com сӑнӳкерчӗкӗ
twitter.com сӑнӳкерчӗкӗ

Ҫурла уйӑхӗн 16-мӗшӗнче Муркаш районӗнче ирхи 2 сехетре икӗ ҫӑмӑл машина ҫапӑннӑ. Вӗсенчен пӗрин водителӗ тата унӑн хӗрӗ вилнӗ.

«Мускав-Ӗпхӳ» трассӑпа пыракан Мускав ҫынни «Volvo S60» автомашинӑпа Чулхула енне кайнӑ. Вӑл хӑй умӗнче пыракан «LADA GRANTA» автомобиль ҫине пырса кӗнӗ. Иккӗшӗ те ҫул айккине тухса кайнӑ. Хамӑр ҫӗршывра туса кӑларнӑ машинӑра Курган облаҫӗнчи ҫынсем пулнӑ. 47 ҫулти водитель тата унӑн хыҫалти ларкӑч ҫинчи ларса пынӑ 23 ҫулти хӗрӗ вырӑнтах вилнӗ. Арҫыннӑн мӑшӑрӗпе вӗсен 10 ҫулти ывӑлӗ аманнӑ. Вӗсене пульницӑна ӑсатнӑ.

Ют ҫӗршывра туса кӑларнӑ машинӑн водителӗ ӳсӗр пулнӑ.

 

ҪУР
16

Виҫҫӗн аманнӑ
 Таисия Ташней | 16.08.2020 20:08 |

Ҫул-йӗр

Паян, ҫурла уйӑхӗн 16-мӗшӗнче, Шупашкарти Ленин проспектӗнче ҫӑмӑл машина инкеке лекнӗ. Пӑтӑрмах ирхи 5 сехет те 25 минутра Тӗп почтамт умӗнче пулса иртнӗ. Машина юпа ҫине пырса тӑрӑннӑ.

Шалти ӗҫсен министерстви Инстаграмра пӗлтернӗ тӑрӑх, руль умӗнче Муркаш районӗнчи 27 ҫулти ҫамрӑк арҫын пулнӑ. Инкекре Шупашкарти 29 ҫулти хӗрарӑмпа 28 ҫулти арҫын аманнӑ.

Сарӑмсӑрлӑх сӑлтавне тӗпчевҫӗсем палӑртӗҫ.

 

Сывлӑх

Чӑваш Енре кӑшӑлвирусран пӗр талӑкра 197 ҫын сывалнӑ. Ҫав шутра – килте сипленнисем те.

Кӑшӑлвирус пандемийӗ пуҫланнӑранпа пирӗн республикӑра ҫӗнӗ йышши вируспа 5311 ҫын чирлесе сывалнӑ, 68 ҫын вилнӗ.

COVID-19 вирусран ҫак талӑкра никам та вилмен. Ҫӗнӗрен чирленисене тепӗр 32 ҫынна шута илнӗ. Эпидемиологи тапхӑрӗ пуҫланнӑранпа ҫӗнӗ йышши кӑшӑлвирус 7279 ҫынна ернӗ.

Кӗркунне пирӗн ҫӗршывра халӑха кӑшӑлвирусран вакцинацилеме пуҫласшӑн.

 

Сывлӑх
punkt-a.info сайтри сӑн
punkt-a.info сайтри сӑн

Чӑваш Енре тепӗр икӗ ҫын кӑшӑлвирусран вилнӗ. Ҫапла майпа инфекцие пула пурнӑҫран уйрӑлнисен йышӗ 68 ҫынна ҫитнӗ. Кун пирки федераци информаци центрӗ пӗлтерет.

Ӗнер те, паян та кӑшӑлвируспа пӗр талӑкра 34 ҫын чирленӗ. Пӗтӗмпе ку хисеп республикӑра 7247-е ҫитнӗ. Вӗсенчен 5114-шӗ сывалнӑ. Хальхи вӑхӑтра 2065 ҫын сипленет.

Паян валли тепӗр 183 ҫын кӑшӑлвирусран сывалнӑ. Палӑртмалла: кӑшӑлвирус сарӑлнин индексӗ халӗ те 1-рен пысӑкрах-ха.

 

Сывлӑх

Чӑваш Енре вертолет лапамӗсем тӑвассине тата вертолетсем ҫӳретме тытӑнассине эпир маларах пӗлтернӗччӗ. Аса илтерер: 2024 ҫул тӗлне Чӑваш Енре 30-тан кая мар пациента пульницӑна вертолетпа илсе ҫитерӗҫ.

Патшалӑх закупкисен сайтӗнче хыпарланӑ тӑрӑх, транспорт хатӗрӗ икӗ региона: Чӑваш Ене тата Мари Эла – тивӗҫтерӗ. Вӑл кирек хӑҫан та ҫула тухма хатӗр пулмалла. Хӗллехи вӑхӑтра заявка хыҫҫӑн – 60 минутра, ытти чухне – 30 минутра. Борт ҫине хӗрлӗ хӗрес ӳкернӗ ҫак транспортӑн икӗ пилот пулмалла, унта икӗ тухтӑртан кая мар лармалӑх вырӑн пӑхса хӑвармалла. Выртакан ҫын валли пӗр вырӑнтан кая мар кирлӗ. Унсӑр пуҫне чирлипе пӗрле ҫула тухниэӑ ҫынна та лартмалла.

Вертолета пӗр сехет арендӑна илни 231 пин те 066 тенкӗрен кая мар ларӗ. Чӑваш Ен вертолетпа 108 сехете яхӑн (25 миллион тенкӗ) усӑ курма палӑртать, Мари Эл — 65 сехете яхӑн (15 млн тенкӗ).

 

Страницӑсем: 1 ... 113, 114, 115, 116, 117, 118, 119, 120, 121, 122, [123], 124, 125, 126, 127, 128, 129, 130, 131, 132, 133, ... 239
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.06.2025 03:00) пӗлӗтлӗ ҫанталӑк, атмосфера пусӑмӗ 736 - 738 мм, 12 - 14 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере тӑшмансем ура хурасран асӑрханмалла, сирӗн тавра элек сарма пултараҫҫӗ. Сӑмах пама асӑрханӑр. Вӑхӑта ӗҫре ытлашши нумай ирттермелле мар. Чылай ӗҫ пурнӑҫлама ӑнӑҫлӑ эрне. Ӗҫ хыҫҫӑн киле ҫемье патне васкамалла,пӗччен пулмалла мар.

Ҫӗртме, 30

1898
127
Ют Николай Яковлевич, чӑваш критикӗ, халӑх пултарулӑхне пухакан, публицист ҫуралнӑ.
1923
102
Чӑваш ҫыравҫисемпе журналистсен пӗрлешӗвне туса хунӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
кил-йышри арҫын
хуҫа арӑмӗ
хуҫа хӑй
хӑнана ӑсатма никам та тухмасть
хуть те кам тухсан та
ӑсатма тухни — ҫылӑх, юрамасть
хуҫа тарҫи
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та