Ҫӗнӗ Шупашкарта 10-ри ачана таптаса кайнӑ троллейбус водителӗ тӗлӗшпе уголовлӑ ӗҫ пуҫарнӑ.
Аса илтерер: инкек чӳк уйӑхӗн 12-мӗшӗнче 16 сехетре Винокуров урамӗнчи 103-мӗш ҫурт ҫывӑхӗнче пулнӑ. Малтанлӑха пӗлтернӗ тӑрӑх, ача телефонпа калаҫса утнӑ хушӑра светофор хӗрлӗ ҫутӑ ҫутнӑ чухне ҫул урлӑ каҫма тӑнӑ. Ун ҫине троллейбус пырса кӗнӗ.
Троллейбус рулӗ умӗнче 38 ҫулти хӗрарӑм ларнӑ. Унӑн водитель стажӗ — 1 ҫултан сахалрах.
Ыран, чӳк уйӑхӗн 14-иӗшӗнче, паллӑ чӑваш ҫыравҫи Лидия Сарине 75 ҫул тултарать.
Ҫак кунсенче А. Гайдар ячӗллӗ вулавӑшпа ҫыравҫӑпа тӗлпулу иртнӗ. Унта Шупашкарти 22-мӗш вӑтам шкулта 4-мӗш класра вӗренекен кадетсене йыхравланӑ.
Лидия Михайловна ачалӑхри самантсене аса илсе каласа кӑтартнӑ, хӑйӗн сӑввисене вуласа панӑ. Лидия Михайловна халӑх юррисене те илемлӗ юрлать.
Республикӑра икӗ ача ашшӗ алимент тӳлемен, парӑм вара самай пухӑннӑ. 2023 ҫулхи юпан 6-мӗшӗнче ун тӗлӗшпе пуҫиле ӗҫ пуҫарнӑ, юпан 26-мӗшӗнче вара чарса лартнӑ – вӑл РФ Хӳтӗлев министерствипе контракт ҫырса ятарлӑ ҫар операцине кайнӑ.
Икӗ ҫултан вӑл парӑма татнӑ. Отпуска килсен арҫын суд приставӗсен депозит счечӗ ҫине 721 пин тенкӗ куҫарнӑ, ҫапла пӗтӗм парӑма татнӑ. Кун хыҫҫӑн арҫын тӗлӗшпе пуҫарнӑ пуҫиле ӗҫе хупнӑ.
Паян 16 сехетре Ҫӗнӗ Шупашкарта 10 ҫулти арҫын ача троллейбус айне пулса вилнӗ. Ку инкек Строительсен урамӗнче 21-мӗш ҫурт ҫывӑхӗнче пулнӑ.
Малтанлӑха палӑртнӑ тӑрӑх, ача светофор хӗрлӗ ҫутӑ ҫутнӑ чухне ҫул урлӑ каҫма тӑнӑ. Видеорегистратортан ҫакӑ та паллӑ: вӑл телефонпа калаҫса утнӑ.
Ун ҫине 55 «к» маршрутпа ҫӳрекен троллейбус пырса кӗнӗ. Шел те, ача авари вырӑнӗнчех вилнӗ. Халӗ ӗҫ-пуҫа уҫӑмлатаҫҫӗ.
Урал тӑрӑхӗнчи Ҫӳлти Пышма хулинчи 25-мӗш шкулта вӗренекен ачасем шкулта иртнӗ мероприятире чӑваш культурипе паллаштарнӑ.
Мероприятие Уралти халӑхсен культура хӑйнеевӗрлӗхне халалланӑ. Чӑваш культурипе паллаштарма вӗсене Екатеринбурги чӑваш культурин автономийӗ тата автономи хастарӗсем Владимир Ивановпа Светлана Костюкова пулӑшнӑ.
Паян каҫхине М-7 ҫул ҫинче, Лапсарпа Карачура хушшинче, 5 машина ҫапӑннӑ. Малтанлӑха пӗлтернӗ тӑрӑх, массӑллӑ авари микроавтобус водителӗ дистанцие пӑхӑнманнипе пулнӑ.
Темиҫе ҫын тухтӑрсенчен пулӑшу ыйтнӑ. Икӗ ачана пульницӑна тӗрӗслеме илсе кайнӑ.
Автобус рулӗ умӗнче 22 ҫулти арҫын пулнӑ. Хӑй каланӑ тӑрӑх, вӑл руль умӗнче кӑшт тимсӗрленнӗ те дистанцие пӑхӑнманнипе «Шевроле» ҫине пырса кӗнӗ. Ҫапла «сӑнчӑрпа» 3 машина, 1 микроавтобус ҫапӑннӑ. Шар курнӑ ҫынсем «Шевролере» пулнӑ.
Юпа уйӑхӗн 31-мӗшӗнче Шупашкарта 9-мӗш Пилӗкҫуллӑх проспектӗнчи картишре ача чуччу-балансирпа ярӑннӑ чухне икӗ аллине хуҫнӑ. Вӑл ҫӗре ӳксе суранланнӑ.
Тӗнче тетелӗнче кун пирки хыпар сарӑлсан Шупашкарти Ленин районӗн прокуратури тӗрӗслев пуҫарнӑ. Кун хыҫҫӑн ӗҫ-пуҫ мӗнле пулса иртнине уҫӑмлатӗҫ, ача-пӑча лапамӗ хӑрушсӑрлӑх мерисемпе килӗшсе тӑнипе тӑманнине палӑртӗҫ.
Кӑҫал юпа уйӑхӗнче Шупашкарти нумай хваттерлӗ ҫуртсен картишӗнче хӗрача виллине тупнӑ. Тӑванӗ кун хыҫҫӑн Раҫҫей Следстви комитечӗн председателӗн Александр Бастрыкинӑн «Контактри» страницине ҫырнӑ. Вӑл пӗлтернӗ тӑрӑх, хӗрачаран тантӑшӗсем кулнӑ. Хальхилле каласан – буллинг.
Чӑваш Енре кун тӗлӗшпе пуҫарнӑ пуҫиле ӗҫе тишкереҫҫӗ. Александр Бастрыкин Следстви комитечӗн Чӑваш Енри Следстви управленийӗн ертӳҫине Александр Полтинина ӗҫ-пуҫ мӗнле пынине пӗлтерсе тӑма, ӗҫе тишкерсе пӗтерсен пӗтӗмлетӳпе паллаштарма хушнӑ.
Юпан 24-мӗшӗнче Шупашкарти «Ҫӗнӗ хула» микрорайонти 65-мӗш шкулта ачасене кӑвакарнӑ ҫӑкӑр ҫитерни пирки тӗнче тетелӗнче хыпар сарӑлнӑ. Сӑнӳкерчӗке пӗр ачан амӑшӗ ӳкерсе уҫлӑха вырнаҫтарнӑ.
Кун хыҫҫӑн тӗрӗслев ирттернӗ. Шкул администрацийӗ пӗлтернӗ тӑрӑх, ҫав кун шкул апатланмӑшӗнче ҫӑкӑра тӗрӗсленӗ, пурте юпан 23 тата 24-мӗшӗнче пӗҫернӗскерсем пулнӑ. Шкул ертӳлӗхӗ камерӑсене пӑхса тухнӑ та ҫапла пӗтӗмлетӳ тунӑ: кӑвакарнӑ ҫӑкӑра ачан амӑшӗ апатланмӑша хӑйех илсе кӗнӗ. Ҫакна кам тунине хальлӗхе палӑртайман-мӗн.
Кӳкеҫри ачасен интернатне ыркӑмӑллӑх сестрисем килсе шарлотка пӗҫерме вӗрентнӗ. Ӑсталӑх класӗ питӗ кӑмӑллӑ лару-тӑрура иртнӗ.
Ачасем хаваспах хӑйсем чуста ҫӑрнӑ, панулми туранӑ. Таврана тутлӑ шӑршӑ сарӑлсан питӗ савӑннӑ вӗсем.
Педагог-йӗркелӳҫӗ Татьяна Афанасьева палӑртнӑ тӑрӑх, кун пек тӗлпулусем ачасемшӗн питӗ хаклӑ. Ку вӗсемшӗн ахаль кӑна урок мар. «Хӑйсен ӗҫӗшӗн савӑннипе ачасен куҫӗсем ҫиҫеҫҫӗ. Ҫакӑ чи кирли», – тенӗ вӑл.
-22.7 °C