Ӗнер Тӑвай округӗнчи Тӗмер ялӗнче пушар тухни пирки пӗлтернӗччӗ. Инкеклӗ лару-тӑру министерствин Чӑваш Енри тӗп управленийӗ инкек пирки тӗплӗнрех пӗлтернӗ.
Пушар тухнӑ вӑхӑтра килте виҫӗ ача тата вӗсен асламӑшӗ(е кукамӑшӗ) пулнӑ. Хӗрарӑм икӗ мӑнукӗпе, 3-ри тата 4-ри хӗрачасемпе, ҫӑлӑнса ӗлкӗрнӗ. Вӗсене пульницӑна илсе кайна. Шел те, 2 ҫулти арҫые ачан пурнӑҫӗ татӑлнӑ.
Паян 12 сехет те 45 минутра Тӑаай округӗнчи Тӗмер ялӗнче пушар тухнӑ. Килте аслисемсӗр пуҫне ачасем те пулнӑ.
Шел те, инкекре пӗр ача вилнӗ. Икӗ аслӑ ҫынна тата икӗ ачана пульницӑна илсе ҫитернӗ.
Халӗ пушар мӗнрен тухнине тӗпчеҫҫӗ. Ҫакна район прокуратури тӗрӗслесе тӑрӗ.
Ӗнер каҫхи 7 сехет ҫурӑра Йӗпреҫ округӗнчи Хурамал тата Ҫӗнӗ Выҫли ялӗсен хушшинчи ҫул ҫинче иномарка икӗ хӗрачана ҫапса кайнӑ. Вилмеллех. 2008 тата 2009 ҫулсенче ҫуралнӑ хӗрачасем вырӑнтах вилнӗ. Ҫакӑ паллӑ: вӗсем ҫулпа утса пынӑ.
Иномарка рулӗ умӗнче 1998 ҫулта ҫуралнӑ арҫын пулнӑ. Вӑл ӳсӗр пулни паллӑ.
Ку тӗслӗх тӗлӗшпе пуҫиле ӗҫ пуҫарнӑ.
Ӗнер Ҫӗнӗ Шупашкарта 17 сехет ҫурӑра Совет урамӗнчи 33-мӗш ҫурт ҫывӑхӗнче 2-мӗш класс ачи машина айне пулнӑ. Малтанлӑха палӑртнӑ тӑрӑх, арҫын ача юраман вырӑнтан ҫул урлӑ каҫнӑ. Ҫавӑн чухне ун ҫине «Киа» пырса кӗнӗ.
Ачан пуҫӗ суранланнӑ. Ӑна васкавлӑ медпулӑшупа пульницӑна илсе кайнӑ.
Сӑмах май, иртнӗ эрнекун Шупашкарта икӗ ача машина кустӑрми айне лекнӗ. Ун чухне 10 ҫулти хӗрача тата 9-ти ача шар курнӑ.
Шупашкарти «Ҫӗнӗ хула» микрорайонта пӗр арҫын пӗр яша тытса тӑрса хӑйӗн ывӑлне ҫапма хушнӑ, хӑй вӑл ҫав вӑхӑтра яша тытса тӑнӑ.
Ку пӑтӑрмах пирки тӗнче тетелӗнчи тӗрлӗ ҫӑлкуҫра хыпар сарӑлнӑ хыҫҫӑн РФ Следстви комитечӗн Чӑваш Енри управленийӗн ӗҫченӗсем тӗрӗслев пуҫарнӑ.
Скейт-паркра ярӑнакан яшсем пӗчӗк ачана пӑрӑнма ыйтнӑ-мӗн. Ҫакӑ ачан ашшӗне килӗшмен. Яшсенчен пӗрне вӑл ярса илнӗ те хӑйӗн пӗчӗк ывӑлне яша ҫапма хушнӑ.
Кӑҫалхи чӳк уйӑхӗн 16-мӗшӗнче Ҫеҫпӗл Мишши ҫуралнӑранпа шӑп та лӑп 125 ҫул ҫитет. Ҫавна май Лидия Филиппова, Ҫеҫпӗл Мишши ентешӗ, журналист тата публицист, ҫыравҫӑ, ӑсчах-тӗпчевҫӗ «Пурӑн, пирӗн Ҫеҫпӗл!» - «Живи, наш Сеспель!» сӑвӑсен пуххине хатӗрлесе кӑларнӑ. Ҫав кӗнекене Патӑрьелти пӗтӗмӗшле пӗлӳ паракан 2-мӗш номерлӗ вӑтам шкулта хӑтланӑ.
Хӑтлава Ҫеҫпӗл Мишшин «Тинӗсе» сӑввине шкул ачисем вуланинчен пуҫланӑ. Ӑна 10-мӗш класра вӗренекен София Цыганова тата Яна Головина ӑста янраттарнӑ. Кун пирки Мая Селендеева тӗнче тетелӗнчи хӑйӗн страницинче пӗлтернӗ.
Ҫеҫпӗл сӑввисенеытти ача та чун-чӗри витӗр шӑрантарса кӑларнӑ.
«Ҫеҫпӗл Мишши сӑввисем паянхи кун та мӑнаҫлӑн янӑраҫҫӗ. Апла кӑвар чун-чӗреллӗ сӑвӑҫӑмӑр халӑх чӗринче пурӑнать тесех тӗв турӑмӑр. Ҫыравҫӑсемпе тӗл пулни те хавхалантарчӗ темелле вӗсене. Шурӑ хуламӑртан Лидия Филипповӑпа пӗрле Галина Кӗмӗл, Мальвина Петрова сӑвӑҫсем те килчӗҫ хӑтлава», — хыпарланӑ Мая Селендеева.
Ҫурла уйӑхӗн 27-мӗшӗнче Ҫӗнӗ Шупашкарта пурӑнакан ҫемьере виҫӗреш ҫуралнӑ. Кӑҫал кун пекки ҫак хулара – пӗрремӗш хут.
Артемпа Анна Манучарян ҫемйинче икӗ арҫын ача тата хӗрача ҫуралнӑ. Пепкесем Шупашкарта ҫут тӗнчене килнӗ. Ҫапла Манучарянсем харӑсах нумай ачаллӑ ҫемье пулса тӑнӑ. Ачасем ҫуралнине ӗнентерекен хута администрацин ЗАГС пайӗнче панӑ.
Сӑмах май, Ҫӗнӗ Шупашкарта пӗлтӗр те виҫӗреш пулнӑ.
Ӗнер, авӑн уйӑхӗн 3-мӗшӗнче, Чӑваш Енре Пӗрлӗхлӗ кӗрешӗвӗн «Кӗрешӳ» республикӑри центрӗ уҫӑлнӑ. Ӑна Шупашкарти 11-мӗш спорт шкулӗнче йӗркеленӗ.
Ҫӗнӗ центрта 500 ытла ачапа ҫамрӑк тренировкӑна ҫӳрейӗҫ, вӗсемпе 10 преподаватель ӗҫлӗ.
Малтанласа центрта каратэ, киокушин, хутӑш ҫапӑҫу, панкратион, хӗвелтухӑҫ кӗрешӗвӗ, кудо енӗпе уйрӑмсем ӗҫлӗҫ, каярах кӗрешӗвӗн ытти енӗпе уҫӑлӗҫ.
Кӗрешӳ центрӗнче пысӑк шайри ӑмӑртусене ирттерме палӑртаҫҫӗ.
Нумаях пулмасть Ҫӗнӗ Шупашкарти васкавлӑ медпулӑшу тухтӑрӗсем 15 ҫулти ачан пурнӑҫне ҫӑлнӑ. Вӗсем ӑна леш тӗнчерене 3 хутчен туртса кӑларнӑ.
Ача газпа наркӑмӑшланнӑ, тӑнне ҫухатнӑ. Нуъмонджон Каримов тухтӑр тата унӑн бригади унччен пилӗ ачаллӑ ҫемьене кун пек лару-тӑрура пулӑшнӑ. Хальхинче те вӗсем реанимаци мероприятийӗсене ӑнӑҫлӑ туса ирттернӗ. Ачана Республикӑри клиника пульницине илсе кайнӑ чухне тухтӑрсем ӑна клиника вилӗмӗнчен 3 хутчен ҫӑлнӑ.
Ачана пульницӑна ӑнӑҫлӑ илсе ҫитернӗ. Халӗ вӑл унта сипленет.
Шупашкарти шкулсенче ирхи тата кӑнтӑрлахи апатсен хакне ӳстернӗ. Юлашкинчен хаксене 2022 ҫулта хӑпартнӑччӗ.
Йышӑнӑва ҫак кунсенче Шупашкар пуҫлӑхӗ Владимир Доброхотов алӑ пуснӑ. Авӑн уйӑхӗнчен кӗҫӗн тата аслӑ классен апатланӑвӗ хакланнӑ. 1-4-мӗш классенчи комплекслӑ апатлану 25 тенкӗрен 30 тенкӗ таран ӳснӗ, комплекслӑ кӑнтӑрлахи апат – 68-тан 73 тенкӗ таран. Кӗҫӗн классем унчченхи пекех тӳлевсӗр апатланаҫҫӗ, анчах суйламалла: ирхи е кӑнтӑрлахи.
5-11-мӗш классенче ирхи апатлану 5 тенкӗ хӑпарнӑ: 35 тенкӗпе танлашнӑ. Кӑнтӑрлахи апат хакӗ – 82 тенкӗ /унччен 72 тенкӗ пулнӑ.
+10.8 °C