Шупашкара Чӗмпӗрти артистсем килнӗ. Пушӑ алӑпа мар – спектакльпе.
Чӗмпӗр облаҫӗнчи В.М.Леонтьев ячӗллӗ пукане театрӗ Чӑваш Ене гастрольпе ҫитнӗ. Вӗсем Чӑваш патшалӑх пукане театрӗн сцени ҫинче «Зайкина избушка» спектакль кӑтартнӑ.
Ку спектакль Пӗтӗм тӗнчери пуканесен «В Гостях у Мойдыся» фестивальте чи лайӑх ача-пӑча спектаклӗн ятне илнӗ. Мӗн пирки-ха вӑл? Тавҫӑрулӑх тата туслӑх хӑравҫӑ туйӑмне ҫӗнтерме тата тӗрӗсмарлӑхпа кӗрешме пулӑшни пирки.
Спектакаль кӑтартнисӗр пуҫне кӳршӗ регионти артистсем пӗчӗк куракансемпе эксклюзивлӑ ӑсталӑх класӗ ирттернӗ, унта пукансене мӗнле «итлеттермелли» пирки каласа кӑтартнӑ. Раҫҫей тава тивӗҫлӗ артисчӗ Андрей Козлов тата Марина Салинӑпа Артем Петров актерсем пулӑшнипе ачасем пуканесене «итлеттернӗ», кулиса хыҫӗнчи пурнӑҫпа паллашнӑ.
Палӑртма питӗ кӑмӑллӑ: республикӑри шкул ачисем чӑваш йӑли-йӗркипе ҫывӑхрах паллашаҫҫӗ.
Сӑмах – Сӗнтӗрвӑрри округӗнчи Кайри Шӗнерпуҫ ялӗнчи шӑпӑрлансем пирки. Вӗсем ҫуллахи каникула усӑллӑ ирттереҫҫӗ.
Ҫак кунсенче кӗмӗл волонтер Эльвира Николаева ялти ачасем валли ӑсталӑх класӗ йӗркеленӗ. Шӑпӑрлансем наци тумне тӑхӑнса курнӑ, чӑваш вӑййисене вылянӑ. Кунсӑр пуҫне вӑйӑ картине тӑрса чӑваш юррисене юрланӑ.
Чӑваш ачисене чӑваш йӑли-йӗркипе паллаштарни питӗ аван. Ку – питӗ лайӑх тӗслӗх. Ыттисем те Сӗнтӗрвӑрри округӗнчи Кайри Шӗнерпуҫ ялӗнче пурӑнакансенчен тӗслӗх илсен тем пекехчӗ.
К.В. Иванов ячӗллӗ Чӑваш патшалӑх академи драма театрӗнче ачасем валлли ҫуллахи театр студийӗ ӗҫлессине эпир унччен пӗлтернӗччӗ-ха. Унти иккӗмӗш сменӑна ҫӳрекен ачасем сцена ҫинче спектакль кӑтартма хатӗрленеҫҫӗ иккен. Кун пирки театрӑн пресс-служби халӑх тетелӗнчи хайӗн страницинче хыпарланӑ.
Театр артисчӗсем вӗсемпе эрне ытла ӑсталӑх сехечӗсем ирттернӗ, сцена ҫинче хусканма, калаҫма, юрлама-ташлама вӗрентнӗ.
Тепӗр смена ҫӗртме уйӑхӗн 22-мӗшӗнче пуҫланса утӑ уйӑхӗн 3-мӗшӗччен пырӗ.
Канаш округӗнчи Уҫырма ялӗнче 15 ҫулти арҫын ача кӑмака хутма тӑрсан пиҫсе кайнӑ. Ку инкек мунча хутма тӑрсан пулнӑ.
Ҫӗртме уйӑхӗн 13-мӗшӗнче кӑнтӑрла арҫын ача кӑмакана чӗртнӗ чухне газ хатӗрӗпе усӑ курнӑ. Анчах вӑл тӑрук аллинчех ҫунма пуҫланӑ. Кайран ҫулӑм урайне, стена ҫине куҫнӑ. Юрать-ха, арҫын ача урама чупса тухма ӗлкӗрнӗ. Анчах, шел те, хӑй пиҫсе кайнӑ.
Вырӑна пушарнӑйсем ҫитнӗ. Вӗсем 30 тӑваткал метр лаптӑк ҫинче сарӑлнӑ ҫулӑма сӳнтернӗ. Ку ӗҫе 6 ҫӑлавҫӑ тата 2 техника хутшӑннӑ.
Ҫулӑм мунчан тӑррине тата шалти отделкине сиенлетнӗ. Арҫын ачана вара пульницӑна илсе ҫитернӗ.
Палӑртса хӑварар: пӗр талӑкра ҫӑлавҫӑсем 7 пушар сӳнтернӗ. Ҫулталӑк пуҫланнӑранпа вара республикӑра 585 пушар пулнӑ.
Паян Чӑваш Енре шыв ҫинче инкек пулнӑ. Улатӑр округӗнче 14 ҫулти арҫын ача путса вилнӗ.
Вӑл тусӗсемпе пӗрле Ахматово ялӗнчен инҫех мар Улатӑр юханшывӗнче шыва кӗнӗ. Тахӑш самантра арҫын ача шывпа чыхӑнса кайнӑ та тӑрук путнӑ. Шел те, юлташӗсем ӑна пулӑшайман. Унӑн виллине водолаз тупса ҫыран хӗррине кӑларнӑ.
Инкеклӗ лару-тӑру министерстви асӑрхаттарать: ачасене шыв хӗррине аслисемсӗр ямалла мар.
Палӑртса хӑварар: ҫулла пуҫланнӑранпа республикӑра шыв-шур ҫинче пулнӑ пӗрремӗш инкек ку.
Шупашкарти тухтӑрсем 6-мӗш хутран ӳкнӗ 16 ҫулти хӗрӗн пурнӑҫне ҫӑлса хӑварнӑ.
Хальхи вӑхӑтра вӑл Республикӑри ача-пӑча клиника больницинче реабилитаци витӗр тухать. Сиплев вӑраха тӑсӑлӗ, анчах тухтӑрсем лайӑххине кӑна шантараҫҫӗ: реабилитаци витӗр тухсан хӗр утма кӑна мар, ташлама та пултарӗ.
Нумаях пулмасть пульницӑра катастрофа медицинин тата васкавлӑ медпулӑшу центрӗн тӗп тухтӑрӗ Ольга Краузе пулнӑ. Вӑл анестезиологи тата реанимаци уйрӑмӗнче выртакан 16-ри хӗр патне те кӗрсе тухнӑ. Пациентка ун чухне тухтӑр пулма ӗмӗтленнине пӗлтернӗ. Ольга Краузе унпа пӗрле Шупашкарти медицина колледжне экскурсие кайса килме калаҫса татӑлнӑ.
Сӑмах май, кӑҫал Республикӑри ача-пӑча клиника пульницине ҫӳллӗшӗнчен ӳкнӗ 6 ачана илсе ҫитернӗ.
Чӑваш Енри предприятисенче демографи стандартне йышӑнаҫҫӗ. Кун пирки ӗнер республикӑн Правительство ҫуртӗнче иртнӗ Чӑваш Енӗн Ӗҫ тата социаллӑ хӳтлӗх министерствин анлӑ ларӑвӗнче калаҫнӑ.
Ун пек стандарта йышӑнни ҫынна ӗҫпе ҫемьене ҫураҫтарса пыма май парать. Паянхи кун тӗлне 1400-а яхӑн предприятире коллективлӑ килӗшӳсенче ачаллӑ ҫемьесене ҫӑмӑллӑх пама пӑхса хӑварнӑ.
«Ҫемьене тата унӑн интересне хӳтӗлесси республика Правительствин тӗп ҫул-йӗрӗ пулса тӑрать. Демографи лару-тӑрӑвӗ епле пуласси ҫӑмӑллӑхсемпе тӳлевсенчен ҫеҫ килмест, ҫынсен ыранхи куна шанса пӑхмалла», — тенӗ ларура республика Элтеперӗ Олег Николаев.
Пысӑк предприятисем ачаллӑ ҫемьесене тӗрлӗ ҫӑмӑллӑх пама пӑхса хӑвараҫҫӗ, ҫав шутра — ача ҫуралсан, хваттер туянма, санаторипе курортра канма, ӗҫре меллӗ график тата ытти те. Кун пек предприятисен шутӗнче ҫаксене асӑнса хӑвармалла: Вӑрнарти хутӑш препаратсен завочӗ, Химпром, Газпром, Чапаев ячӗллӗ производство пӗрлешӗвӗ, Шупашкарти агрегат завочӗ.
Шупашкарта пурӑнакан 25 ҫулти пилӗк ача амӑшӗ тӗлӗшпе пуҫиле ӗҫ пуҫарнӑ. Вӑл хыснари ҫур миллион тенке вӑрланӑ тесе шутлаҫҫӗ.
Следстви версийӗ тӑрӑх, 2023 ҫулта вӑл Социаллӑ фонда документсем тӑратса патшалӑх субсидине илнӗ: 500 пин тенкӗ. Ку укҫана ӑна «Демографи» наци проекчӗпе килӗшӳллӗн округра ҫурт тума уйӑрса панӑ. Вӑл вара унпа тӗллевлӗ усӑ курман, хӑй пӗлнӗ пек тӑкакланӑ.
Следстви пынӑ вӑхӑтра хӗрарӑмӑн йӗрке хуралне килсе хӑйӗн ятне паллӑ тумалла тесе йышӑннӑ.
Тӳрех палӑртар: хальччен ашшӗ-амӑшӗ тупӑннах ӗнтӗ. Ку патӑрмах пирки «Ҫыхӑнура» форумра ҫӗртме уйӑхӗн 2-мӗшӗнче пӗлтернӗ.
Ҫӳхе тӑхӑннӑ пӗчӗк арҫын ача урамра пӗччен ҫӳренӗ, ҫумӑр пуҫлансан та вӑл нумай хваттерлӗ ҫурт картишӗнчех юлнӑ.
Радужнӑй микрорайонта ҫӳхе тӑхӑннӑ пӗчӗк ача урамра 2 сехете яхӑн выляса ҫӳрени пирки асӑннӑ урамри 5-мӗш ҫуртӑн чатӗнче пӑшӑрханса ҫырнӑ. Ҫумӑр пуҫлансан пурте урамран кӗрсе пӗтнӗ, вӑл вара урамри сак ҫинче пӗчченех ларса юлнӑ. Ачан хӑйӗнпе пӗрле самокат пулнӑ.
Сӑнӳкерчӗк тӑрӑх хакласан, арҫын ача ҫӳхе кофтӑпа (ҫӗртме уйӑхӗн 2-мӗшӗнче ҫанталӑк сулхӑннччӗ, вӑл кун урамра нумайӑшӗ ҫӳхе курткӑпа ҫӳренӗ), сандалипе (носки те тӑхӑнман) тата ҫӳхе кӑвак шӑлаварпа пулнӑ.
Ача патне йӗрке хуралҫисене чӗнсе илнӗ. Ача калаҫмасть-мӗн.
Чӑваш патшалӑх ҫамрӑксен театрӗнче «В мире сцены» (чӑв. Сцена тӗнчинче) театр уйлӑхӗ уҫӑлнӑ. Ӑна ҫӗртме уйӑхӗн 1-мӗшӗнче, Ачасене хӳтӗлемелли пӗтӗм тӗнчери кун ӗҫлеттерсе янӑ.
Уйлӑхӑн пӗрремӗш сменине «Узоры народов единства» (чӑв. Пӗрлехи халӑх эрешӗҫем) ят панӑ. Ун вӑхӑтӗнче ачасене тӗрӗ ӳнерӗпе паллаштарӗҫ. Унсӑр пуҫне вӗсем театрти специальноҫсем пирки пӗлӗҫ.
Уйлӑхӑн пӗрремӗш кунӗнчех ачасем пӗр-пӗринпе туслашма ҫеҫ мар, чаршав хыҫӗнчи пурнӑҫпа кӗскен паллашма ӗлкӗрнӗ. Вокал енӗпе Мария Благушина заняти ирттернӗ те ӗнтӗ. Алевтина Семенова артистка дикципе артилляци енӗпе ӑсталӑх лаҫҫи ирттернӗ. Актер ӑсталӑхне ачасене Чӑваш Республикин тава тивӗҫлӗ артисчӗ, театрӑн тӗп режиссёрӗ Дмитрий Михайлов хӑнӑхтарӗ.
+25.4 °C