Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта Марина Назарова ҫемье психологӗпе час-часах тӗлпулусем йӗркелеҫҫӗ. Вӑл унта тӑрӑшакан социаллӑ ӗҫченсемпе те, специалистсемпе те курса калаҫнӑ. Паян вара вал учреждени ҫумӗнчи уйлӑхра канакан ачасемпе тӗлпулу ирттернӗ.
Марина Геннадьевна шухӑшланӑ тӑрӑх, пурнӑҫра пулса иртекен пӗр пулӑм та ытахальтен мар. Ҫынна кӳрениччен хамӑр утӑмӑра тишкермелле. Ҫынна тав тума е унран каҫару ыйтма пӗлни те калама ҫук пӗлтерӗшлӗ. Ачасем те унӑн сӑмахне чунтан итленӗ.
Тӑвай округӗнчи Енӗш Нӑрваш шкулӗнчи пӑтӑрмах пирки Чӑваш халах сайчӗ унччен пӗлтернӗччӗ-ха. Аса илтерер: унти юлашки шӑнкӑрав вӑхӑтӗнче 10-мӗш класра вӗренекен пӗр хӗрача тухса калаҫнӑ чухне ӑна директор тата хӑш-пӗр учитель кӳрентернине пӗлтернӗ. Видеона тӗнче тетелне вырнаҫтарнӑ хыҫҫӑн шкулта прокуратура тӗрӗслев пуҫарнӑ.
Чӑваш Ен Патшалӑх Канашӗн депутачӗ Александр Андреев пӑтӑрмах хыҫҫӑн республикӑн Вӗренӳ министерствине ҫыру ҫырнӑ. Унтисем ӑна хуравланӑ тӑрӑх, шкул директорӗ Раиса Иллариронова ӗҫрен пӑрахма ыйтса заявлени ҫырнӑ иккен, ҫӗртме уйӑхӗн 3-мӗшӗнчен вӑл директор пуканне пушатнӑ.
10-мӗш класс хӗрачипе тата унпа пӗр класра вӗренекенсемпе калаҫу ирттернӗ-мӗн. Шкулта вӗренме ачасене хӑтлӑ пултӑр тесе ҫӗнӗ вӗренӳ ҫулӗнче те тӗрлӗ ӗҫ туса ирттересшӗн-мӗн.
Чӑваш Енре ачасене пӗр кунлӑха мӑнастире яма пулать. Ку – ҫӗнӗ проектпа килӗшӳллӗн. Чӑваш Енре «Пӗр кун – мӑнастирте» проект пуҫарнӑ. Унта республикӑри 500 яхӑн ача хутшӑнӗ.
Шӑпӑрлансене Муркаш округӗнчи тата Шупашкарти арҫынсен, Ҫӗрпӳри хӗрарӑмсен мӑнастирӗпе тата Улатӑрти мӑнастирпе паллаштарӗҫ, унти пурнӑҫ пирки каласа кӑтартӗҫ. Кунсӑр пуҫне чан ҫапма, чиркӳ тумӗсем ҫинче тӗрлеме вӗрентӗҫ. Ачасем кӗлӗсене те хутшӑнӗҫ, тропарь вулӗҫ.
К.В. Иванов ячӗллӗ Чӑваш патшалӑх академи драма театрӗнче 9-15 ҫулсенчи ачасем валли «Театральное лето» (чӑв. Театр ҫӑвӗ) театр студийӗ уҫӑлӗ.
Ачасем театр ӳнерӗпе паллашӗҫ, чаршав хыҫӗнче пулса иртекен вӑрттӑнлӑхсене пӗлӗҫ, сцена ҫине тухмалли тумтир тата ытти ҫинчен ҫӗннине, хальччен илтменнине пӗлӗс.
Профессилле актерсем вӗсене сцена ҫинче артистла тытма вӗрентӗҫ. Унсӑр пуҫне ачасене хӑюллӑн калаҫма, хускалма, ушкӑнпа ӗслеме хӑнӑхтарӗҫ.
Программа виҫӗ сменӑран тӑрӗ. Театр смени ҫӗртме уйӑхӗн 16-30-мӗшӗсенче, утӑ уйӑхӗн 1-14-мӗшӗсенче тата ҫурла уйӑхӗн 11-22-мӗшӗсенче ирхи 9 сехетрен 15 сехетчен ӗҫлӗ.
Ыйтса пӗлмелли телефон номерӗ: (8352) 62-02-21.
Ҫеҫпӗл Мишши ячӗллӗ Чӑваш патшалӑх ҫамрӑксен театрӗ ҫумӗнчи Вагаповсен ансамблӗ ҫӗртме уйӑхӗн 7-мӗшӗнче Мускавра иртнӗ «Звуки и краски столицы» (чӑв. Тӗп хулари сасӑсемпе сӑрӑсем) Пӗтӗм тӗнчери XXIX конкурс-фестивалӗнче пулнӑ.
Ача-пӑча коллективӗ Мускаври сецна ҫине «Савӑнать ача-пӑча» чӑваш ташшипе тата «Заиграй на балалайке», «Филимоновская игрушка» и «Девичья плясовая» вырӑс халах ташшисемпе тухнӑ.
Тӳресем Чӑваш Республикин культурӑн тава тивӗҫлӗ ӗҫченӗсем Светлана Белова тата Андрей Петров ертсе пыракан коллектива пысӑка хурса хакланӑ. Вӗсене «Чи лайӑх ертӳҫӗ» номинацире палӑртса хӑварнӑ. Ачасене те чысланӑ.
«Электроприбор» заводра ӗҫлекег Дмитрий Попков Сӑр юханшывӗнче 12-ри хӗрачапа пӗрле чутах путман 4 ачана ҫӑлнӑ.
Нумаях пулмасть пӗлтернӗччӗ ӗнтӗ: июнӗн 1-мӗшӗнче Сӑрта 12-ри хӗрача путнӑ, унӑн виллине ӗнер кӑна шыраса тупнӑ. Ҫавӑн чухне юлташӗсем путакан тантӑшне хӑйсем ҫӑлма хӑтланнӑ.
Дмитрий ҫав вӑхӑтра кимӗпе ҫыран леш енче пулнӑ. Кӑшкӑрашнине илтсен вӑл часрах пулӑшма васканӑ. Икӗ арҫын ачапа икӗ хӗрачана ҫӑлса ӗлкӗрнӗ. Анчах ишме пӗлмен Катьӑна авӑр туртса кӗрсе юхтарса кайнӑ.
Паян Сӑр юхан шывӗнче 12-ри хӗрачан виллине тупнӑ. Ӑна шырас ӗҫе нимеҫӗсем те хутшӑннӑ. Шӑпах вӗсем тупнӑ ӑна.
Нимеҫӗсем хӗрача виллине ҫыран хӗррине илсе тухнӑ. Аса илтерер: ку инкек ҫӗртме уйӑхӗн 1-мӗшӗнче пулнӑ. Ача ун чухне тантӑшӗсемпе шыва кӗме кайнӑ. Анчах вӑл ишме пӗлмен. Хӗрача тӑрук тарӑн ҫӗре лексе шыв айне кайнӑ. Тантӑшӗсем ӑна ҫӑлма хӑтланнӑ, анчах май килмен.
Аса илтерер: нумаях пулмасть Канаш округӗнчи Сухайкасси пӗвинче 17-ри каччӑ путса вилнӗ.
Улатӑр тӑрӑхӗнче Сӑр юханшывӗнче 12 ҫулти хӗрача путса вилнӗ. Ку инкек ҫӗртме уйӑхӗн 1-мӗшӗнче пулнӑ. Унӑн виллине халӗ те тупайман, шыраҫҫӗ.
Аса илтерер: нумаях пулмасть Канаш округӗнчи Сухайкасси пӗвинче 17 ҫулти ҫамрӑк путса вилнӗччӗ. Унччен маларах Атӑлта ГЭС ҫывӑхӗнче 49 ҫулти арҫыннӑн пурнӑҫӗ татӑлнӑ. Вӑл Ҫӗнӗ Шупашкартан пулнӑ.
Шупашкарта Республика кунне уявланӑ май ача-пӑчан илемле пултарулӑхӗн «Черчен чечексем» республикӑри VII фестиваль-конкурсе иртӗ. Унӑн гала-концерчӗ14 сехетре пуҫланӗ.
Унта республикӑри ача-пӑчапа ҫамрӑксен чи лайӑх коллективӗсем тата солисчӗсем сцена ҫине тухӗҫ.
Елчӗк районӗнчи Чӑваш Тӑрӑмӗнче пурӑнакан 39 ҫулти арҫыннӑн ҫул ҫитмен хӗрне алимент тӳлес килмен. Унӑн парӑмӗ 1,2 миллион тенкӗрен каҫса кайнӑ.
Вырӑнти район сучӗ ӑна РФ Пуҫиле кодексӗн 157-мӗш статйин 1-мӗш пайӗпе явап тыттарма йышӑннӑ. Унччен ӑна административлӑ майпа явап тыттарнӑ.
Халӗ арҫыннӑн 5 уйах ӗҫлесе юсанма тивӗ, унӑн тупӑшӗн 5 процентне патшалӑх тытса юлса пырӗ.
Шупашкарта ҫывӑх вӑхӑтра (29.08.2025 15:00) пӗлӗтлӗ ҫанталӑк, атмосфера пусӑмӗ 752 - 754 мм, 17 - 19 градус ӑшӑ пулӗ, ҫил 4-6 м/ҫ хӑвӑртлӑхпа хӗвеланӑҫ енчен вӗрӗ.
| Назаров Андрей Кузьмич, патшалӑх ӗҫченӗ ҫуралнӑ. | ||
| Осокина Софья Павловна, пир ҫинче ӳкерекен ӳнерҫӗ ҫуралнӑ. | ||
| Чернышев Александр Александрович, опера юрӑҫи, Чӑваш АССР тава тивӗҫлӗ артисчӗ ҫуралнӑ. | ||
| Маттикасси, Хырлӑх, Чӑршӑ тата Чӗрӗп ялсене пӗрлештерсе Вомпӑкасси ялне йӗркеленӗ. | ||
| Былинкина Лариса Геннадьевна, актриса, Чӑваш Республикин тава тивӗҫлӗ артистки ҫуралнӑ. | ||
| Игнатьев Михаил Васильевич президент вырӑнне йышӑннӑ. | ||
![]() | Пулӑм хуш... |