Инкеклӗ лару-тӑру министерстви тунӑ сӑн

Паян ирхине Ҫӗнӗ Шупашкарта Совет урамӗнчи 27-мӗш ҫуртра, общежитире, пушар тухнӑ. Пушарнӑйсем 4 ҫын пурнӑҫне ҫалнӑ.

Ирхи 6 сехет ҫурӑра пӳлӗм хуҫи, хӗрарӑм, ӗҫе кайнӑ, электричествӑпа ӑшӑтакан кӑмакана ҫутса хӑварнӑ. Унӑн 12-ри ывӑлӗ вара ӑшӑнас тесе тата электроплита ҫутнӑ. Арҫын ача тӗтӗм шӑршипе вӑранса кайнӑ та кӳршисем патне чупнӑ.

Пушарнӑйсем 3-мӗш хутри чӳречерен арҫын ачана тата арҫынна эвакуациленӗ. Тепӗр икӗ ҫынна ҫӑлав хатӗрӗсемпе усӑ курса урама кӑларнӑ.

Малтанлӑха пӗлтернӗ тӑрӑх, пушар электросеть авариллӗ режимра ӗҫленине пула тухнӑ.

#пӑтӑрмахсем, #Ҫӗнӗ Шупашкар, #пушарсем, #ачасем, #ҫӑлавҫӑсем