Шупашкарти «Элара» савут умне тӗрлӗ кӳлепе вырнаҫтарасси ырӑ йӑлана кӗнӗ. Халӗ вара унта пӗртӑван Стругацкисен «Понедельник начинается в субботу» повеҫӗ тӑрӑх хатӗрленӗ инсталляцие туса лартнӑ. Питӗ илемлӗ фотозона пулса тухнӑ. Чӑх ури ҫинче тӑракан ҫурт умӗнче Яка карчӑк та пур.
Аса илтерер: унччен саут умӗнче жираф вырнаҫтарнӑччӗ.
Шупашкар хулинче пӗр хӗрарам ҫын машинипе ҫула тухас тенӗ.
Хӗвелле бульварти картишсенчен пӗринче руль ӳсӗр хӗрарӑм ларнине куракан тупӑннӑ. Пӑтӑрмах пирки хайхи ҫийӗнчех йӗрке хуралҫисене систернӗ.
Вырӑна пырса ҫитнӗ патшалӑхӑн ҫул-йӑрушсӑрлӑхӗн автоинспекторӗсем «Фольксваген Тигуан» румӗнчи ӳсӗр хӗрарӑма тытса чарнӑ. Ҫав хӗрарӑмпа машини хуҫи алкомаретсенчен пӗринче паллашнӑ. Арҫын ҫӗнӗ тусне киле йыхравланӑ, пӗрле эрех ӗҫнӗ хыҫҫӑн кил хуҫи ҫывӑрса кайнӑ. Вара хӑна (хӑйӗн водитель прави 2019 ҫултах тухнӑ) кил хуҫин машинине чӗртсе ҫула тухас тенӗ.
Шупашкарти Короленко урамӗнчи хваттерте икӗ каччӑ чутах тӗтемпе наркӑмӑшланман. Вӗсем каҫхине питӗ вӑйлӑ ҫывӑрнӑ: газ плити ҫинче вара кастрюль мӑкӑрланнӑ. Каччӑсем алӑкран шакканине те, ӑна болгаркӑпа ҫӗмӗрнине те илтмен.
Чӳречерен тӗтӗм тухнине кӳрши асӑрханӑ. Алӑкран шакканӑ — никам та уҫман. Вара вӑл 112 номерпе шӑнкӑравланӑ.
Ҫӑлавҫӑсем алӑка ҫӗмӗрсе кӗнӗ чухен те каччӑсем ҫывӑрнӑ. «Эу! Вӑранӑр! Ҫунатпӑр!» тесен ҫеҫ вӑраннӑ. Малтанах мӗн пулса иртнине ӑнланман, кайран ҫӑлавҫӑсене тав тунӑ.
Каччӑсем каҫхине газ плити ҫине апат пӗҫерме лартнӑ та хӑйсем ҫывӑрма выртнӑ иккен.
Шупашкар хулинчи халӑхӑн социаллӑ ыйтӑвӗсене твиӗҫтерекен комплекслӑ центрӑн пай заведующийӗ ӗҫлесе сипленме вӗренсе килнӗ.
Марина Петрова заведующи «Старость в радость» (чӑв. Ватлӑх савӑнма) ыркӑмӑллӑх фончӗ йӗркеленӗ икӗ кунлӑх курсра пӗлӗвне туптанӑ. Заняти «Внимание и забота» (чӑв. Тимлӗх тата тӑрӑшу) обществӑра иртнӗ. Хушма професси пӗлӗве паракан программа «Частые вопросы эрготерапии. Эрготерапия в системе социального обслуживания» (чӑв. Эрготерапинчи час-час тӗл пулакан ыйтусем. Социаллӑ пулӑшу сферинчи эрготерапи).
Веренӳ 72 сехет теори занятийӗнчен тата 2 кунла практикаран тӑнӑ.
Программа обучения была направлена на углубление знаний и навыков
Программа обучения была направлена на углубление знаний и навыков в области эрготерапии, что особенно важно для специалистов, работающих в сфере социального обслуживания
Шупашкарта пурӑнакан 33 ҫулти хӗрарӑм лайк лартнипе укҫа ӗҫлесе илес тенӗ.
Кулинари маркечӗсенчен пӗринче тӑрӑшакан кассира пӗр кунхине мессенджерсенчен пӗринче кӑсӑклӑ ӗҫ сӗннӗ. Маркетплейссенче таварсемшӗн лайк лартмалла, уншӑн укҫа тӳлӗҫ тесе ӗнентернӗ. Хавхаланса кайнӑ хӗрарӑм ятарлӑ ушкӑна кӗнӗ, унта кӑтартнӑ таварсемшӗн лайк лартма пуҫланӑ. Кӗҫех ӑна 300 тенкӗ тӳленӗ те.
Кӑштахран менеджер ӑна тавар туянса укҫаллӑ пулма сӗннӗ. Ултавҫӑ каланӑ сайтра регистрациленсе кассир малтанхи икӗ кунта 17 пин тенкӗ ытлалӑх тавар туяннӑ. Виҫҫӗмӗш кунхине ӑна 80 пин тенкӗлӗх тавар туянма хушнӑ. Кассир ӑна та туянасшӑн пулнӑ та, банк операцие чарса лартнӑ.
Ҫавӑн хыҫҫӑн ҫамрӑк хӗрарам ултавҫӑсемпе ҫыхланнине ӑнланса илнӗ.
Ҫу уйӑхӗн 30-мӗшӗнчен Шупашкарти юханшыв портӗнчен сулахай енчи пляжа трамвайчиксем ҫӳреме пуҫлӗҫ. Хаксем пӗлтерхи пекех юлччӑр тесе республика хыснинчен 6 миллион тенкӗ уйӑрнӑ. Аслисем валли билет хакӗ – 120 тенкӗ, 10 ҫул тултарман ачасем валли – 60 тенкӗ.
Атӑлӑн леш енчи пляжа ҫак кунсенче хӑтлӑлатса пӗтерӗҫ. Унӑн лаптӑкне пысӑклатӗҫ, ҫӑлав посчӗ тата медпункт пулӗҫ, видеосӑнав вырнаҫтарӗҫ.
Сӑмах май, ҫӗртмен 1-мӗшӗнчен Хусана тата Сӗвене «Валдайсем» ҫӳреме пуҫлӗҫ.
Шупашкарта пурӑнакан 13 ҫулти Кирилл Александров ҫак кунсенче Раҫҫей чемпионатӗнче палӑрнӑ. Вӑл Калуга хулинче иртнӗ ӑмӑртура 100 метр дистанцие ишсе кӗмӗл медаль ҫӗнсе илнӗ.
Палӑртмалла: Кирилл – спорт мастерӗн кандидачӗ, Раҫҫейӗн юниорсен пӗрлештернӗ командин резервӗн пайташӗ. Вӑл Мускавра Сергей Жилкин тренер патӗнче ӑсталӑхне туптать. Халӗ Кирилл 2028 ҫулта иртекен Паралим вӑййисене хатӗрленет.
Шупашкарта пурӑнакан 71 ҫулти арҫын ӗмӗрӗпе укҫа пухса пурӑннӑ. Унӑн кӗмӗлӗ ҫапла вара 2,5 миллион тенкӗ таран пуҫтарӑннӑ. Анчах нумаях пулмасть вӑл ҫав укҫана пач пӗлмен ҫынсене куҫарнӑ та панӑ.
71 ҫулти арҫынна мессенджерсенчен пӗринче вӑл ют ҫӗршыва укҫа куҫарса панӑ, ҫавӑншӑн ун тӗлӗшпе пуҫиле ӗҫ пуҫарнӑ тесе хӑратнӑ.
Улталаканнисем видеоҫыхӑнупа калаҫнӑ май хӑйсемпе Федерацин хӑрушсӑрлӑх службин тата Росфинмониторингӑн ӗҫченӗсем тесе суя удостоверенийӗсем кӑтартнӑ.
Пӗлмен-туман ҫынсене итлесе арҫын хӑй пухса пына 2,5 миллион тенке ют счетсем ҫине куҫарса янӑ.
Паян Шупашкарта Шумилов урамӗнчи 15-мӗш ҫуртри 3-мӗш хутри хваттерти чӳречерен 3 ҫулти хӗрача ӳкнӗ. Вӑл аманнӑ, ӑна пульницӑна илсе кайнӑ.
Ку инкек 14 сехет иртсен пулнӑ. Ҫав вӑхӑтра ачан амӑшӗ кӳршӗ пӳлӗмре ҫывӑрнӑ.
Следстви комитечӗн Чӑваш Енри следстви управленийӗ тӗрӗслев ирттерет. Шупашкарти Калинин районӗн прокуратури те тӗрӗслесе тӑрӗ.
Шупашкарти аслӑ шкулсенчен пӗринче ӗҫлекен преподаватель тӗлӗшпе пуҫарнӑ пуҫиле ӗҫе тӗпчесе пӗтернӗ. Университетри преподаватель 2023 ҫулхи ҫӗртме уйӑхӗнче стуеднтарн 20 пин тенкӗ кивҫен илнӗ. Хӗрарӑм тӗлӗшпе РФ Пуҫиле кодексӗн 290-мӗш статйин 3-мӗш пайӗпе килӗшӳллӗн пуҫиле ӗҫ пуҫарнӑ.
Студентӑн академи парӑмӗ пулнӑ. Укҫа илсен вӑл парӑма каҫарнӑ. Ун хыҫҫӑн студента зачетпа экзаменсем тытма ирӗк панӑ.
+26.3 °C