|
Пӑтӑрмахсем
 ШӖМ тунӑ сӑн Ӗнер каҫхи 10 сехетре «Энӗш» автоҫулӑн 79-мӗш ҫухрӑмӗнче авари пулнӑ. Унта виҫӗ ҫыннӑн пурнӑҫӗ татӑлнӑ. Пурте – ҫамрӑк. Авари Чакаҫ ялӗ ҫывӑхӗнче, Канашран Йӗпреҫе каймалли ҫул ҫинче, пулнӑ. ВАЗ-2112 машина «Форд Фокуспа» ҫапӑннӑ. ШӖМ пӗлтернӗ тӑрӑх, аварире икӗ каччӑн тата пӗр хӗрӗн пурнӑҫӗ татӑлнӑ. Халӗ ӗҫ-пуҫа уҫӑмлатаҫҫӗ. Хыпар ҫӑлкуҫӗ:
|
|
Персона
 Олег Кортунов Ӗнер каҫалапа хыпар тухрӗ — Шупашкар мэрӗн чӗри чӑтайман та вӑл вилсе кайнӑ. Олег Кортунов 38-та кӑна пулнӑ. 1984 ҫулхи ака уйӑхӗн 28-мӗшӗнче вӑл Шупашкарта ҫуралнӑ. 2007 ҫулта Олег Кортунов аслӑ пӗлӳ илнӗ — ЧПУн машшин тӑвакан факультетран вӗренсе тухнӑ. Нумай пулмасть «Парламент ӗҫӗ-хӗлӗ тата парламент хушшинчи ҫыхӑнӑва йӗркелесси» программӑпа РФ Президенчӗ ҫумӗнчи халӑх хуҫалӑхӗпе патшалӑх службин Раҫҫей академинче магистратурӑна пӗтернӗ. 2007 ҫулта пӗлӳ илнӗ хыҫҫӑн хулари пысӑк предприятисенче ӗҫленӗ. Ӗҫӗ-хӗлӗнче инженертан пуҫласа тӗп директор ҫумӗ таран ӳснӗ. 2015 ҫултанпа Шупашкар хулин депутатсен пухӑвӗн депутачӗ. «Пӗрлӗхлӗ Раҫҫей» партийӗн Шупашкар хулин вырӑнти уйрӑмӗн секретарӗ пулнӑ. Шупашкар хулин мэрӗ пулма ӑна 2020 ҫулхи юпа уйӑхӗнче суйланӑ. Олег Кортуновӑн ашшӗ Игорь «Группа КСК» компанине йӗркелекенсенчен пӗри шутланать. Вӑл компани шутне «Чӑвашкабель» тата «Отделфинстрой» ҫурт тӑвакан компани кӗреҫҫӗ. Олег Кортуновӑн икӗ ача юлнӑ: ывӑлпа хӗр. Хыпар ҫӑлкуҫӗ:
|
|
Пӑтӑрмахсем
 cap.ru сӑнӳкерчӗкӗ Патӑрьел районӗнчи Тӑрӑн ялӗнче пурӑнакан арҫын амӑшне вӗлернӗ тесе шутлаҫҫӗ. РФ Следстви комитечӗн Чӑваш Енри следстви органӗсем ун тӗлӗшпе пуҫиле ӗҫ пуҫарнӑ. Следстви версийӗ тӑрӑх, ҫурла уйӑхӗн 16-мӗшӗнче арҫын верандӑра пулнӑ. Унта вӑл ватӑ амӑшӗпе хирӗҫсе кайнӑ та ӑна тӗксе янӑ. Лешӗ ӳксен пуҫӗнчен кӗреҫепе 10 хутран кая мар ҫапнӑ. Ватӑ хӗрарӑм йывӑр суранӗсене пула ҫавӑнтах вилнӗ. Арҫынна тытса чарнӑ. Хыпар ҫӑлкуҫӗ:
|
|
Республикӑра
 medicin.cap.ru сӑнӳкерчӗкӗсемпе усӑ курса Таисия Ташней хатӗрленӗ коллаж Комсомольски районӗнчи тӗп больницӑра ҫӗнӗ тӗп тухтӑр ӗҫе кӳлӗннӗ. Унпа республикӑн сывлӑх министрӗ Владимир Степанов видеоконференци ҫыхӑну мелӗпе ирттернӗ канашлура коллектива паллаштарнӑ. Коллектив, тӗрӗссипе, хӑйӗн ҫӗнӗ пуҫлӑхне унччен те пӗлнӗ-палланӑ-ха. Инна Ефремова тӗп врачӑн медицина енӗпе заместитель пулса тӑрӑшнӑ. Тӗп врача лартиччен ҫав тивӗҫе пурнӑҫласа пынӑ. Инна Ефремова 1993 ҫулта И.Н. Ульянов ячӗллӗ ЧПУран вӗренсе тухнӑ, «Сиплев ӗҫӗ» специальноҫа алла илнӗ. Терапевт специальноҫӗсӗр пуҫне вӑл кардиологи енӗпе аслӑ квалификациллӗ врач шутланать. Хыпар ҫӑлкуҫӗ:
|
|
Пӑтӑрмахсем
 Канмалли кунсенче, ҫурла уйӑхӗн 20-мӗшӗнче, Патӑрьел районӗнчи Шӑмӑршӑ лесничествинче пушар тухнӑ. 170 тӑваткал метр лаптӑк ҫинче сарӑлнӑскере хӑвӑртах сӳнтерме май килнӗ. Кун пек тӗслӗх Чӑваш Енре пӗрре мар пулнӑ. Ку – 9-мӗш тӗслӗх. Ҫурла уйӑхӗн 13-мӗшӗ тӗлне 13 тӗслӗх пулнӑ. Сӑмах май, хальхи вӑхӑтра Чулхула облаҫӗнче, Мари Элте вӑрмансем ҫунаҫҫӗ. Хӑшӗ-пӗри каланӑ тӑрӑх, паян ирхине Шупашкарта сарӑлнӑ тӗтӗм унтан ҫитнӗ. Хыпар ҫӑлкуҫӗ:
|
|
Пӑтӑрмахсем
 Паян 15 сехет ҫурӑра Ҫӗнӗ Шупашкарта 9-мӗш хутран 5 ҫулти ача ӳкнӗ. Ку инкек Юханшыв урамӗнчи 6-мӗш ҫуртра пулнӑ. Халӑх корреспонденчӗ «Про Город» хаҫата 15 сехет те 37 минутра пӗлтернӗ тӑрӑх, ача чӗрӗ пулнӑ. Инкек вырӑнне васкавлӑ медпулӑшу, полици ҫитнӗ. Хыпар ҫӑлкуҫӗ:
|
|
Персона
 И.Н.Ульянов ячӗллӗ Чӑваш патшалӑх университечӗ валли ҫӗнӗ проректор тупӑннӑ. Вӑл – унччен Тӗп суйлав комиссийӗн председателӗ пулнӑ Александр Цветков. 51 ҫултискер Тӗп суйлав комиссийӗн икӗ составне ертсе пынӑ. Пӗлтӗр раштав уйӑхӗнче ӑна ку должноҫе суйламан. Халӗ вӑл – ЧПУ проректорӗ. Александр Иванович Шупашкарта 1971 ҫулта ҫуралнӑ. 1996 ҫулта И.Н.Ульянов ячӗллӗ ЧПУна пӗтернӗ. Иртнӗ ӗмӗрӗн 90-мӗш ҫулӗсенче председатель ҫумӗ, ЧПУн студентсен канашӗн председателӗн ҫумӗ пулнӑ. Кайран та унтах ӗҫленӗ: юрисконсульт, юридици пайӗн пуҫлӑхӗ пулнӑ, ытти должноҫре ӗҫленӗ. Хыпар ҫӑлкуҫӗ:
|
|
Ҫутҫанталӑк
 © shutterstock.com Оксфорд университетӗнче палӑртнӑ тӑрӑх, крокодилсен 50% ытла йышӗ умӗнче паянхи кун вилсе пӗтес хӑрушлӑх тӑрать. Енчен те ҫак чӗрчунсем вилсе пӗтес пулсан ҫакӑ экологи катаклизмӗ патне ҫитерме пултарать. Экологсем шутланӑ тӑрӑх, ҫак рептилисен йышӗ 38% таран ҫитес ҫӗр ҫул хушшинче ҫухалма пултарать. Ҫак хӑрушлӑх ытларах енӗпе Азинче палӑрать. Пурӑнма юрӑхлӑ вырӑнсем чакни, браконьерсем алхасни, шыв-шурсене пӗвелени, ҫавӑн пекех пулӑ тытмалли хатӗр-хӗтӗрпе усӑ курни шӑван-ҫӳренсемшӗн питех те вӑйлӑ сиен кӳнӗ иккен. Тӗпчевҫӗ шухӑшӗпе, крокодилсем вилсе пӗтес пулсан, ҫутҫанталӑкра питӗ пӗлтерӗшлӗ вырӑн йышӑннине пула вӗсен хыҫҫӑн юлакан экологире ҫухатусем ытла та пысӑк пулмалла. Тӗслӗхрен, Филиппин крокодилӗсен апат-ҫимӗҫӗ шутне ял хуҫалӑха сиенлекен инвазивлӑ улма шуйттан мӑйракисем кӗреҫҫӗ. Китай аллигаторӗсене пула вара ҫӗр айӗнчи шӑтӑксем йӗркеленеҫҫӗ, вӗсенче кайран тӗрлӗ чӗрчунсем хӳтлӗх тупаҫҫӗ. Хыпар ҫӑлкуҫӗ:
|
|
Чӑвашлӑх
 cheb-centr.soc.cap.ru сӑнӳкерчӗкӗ Шупашкарти Чӑваш тӗррин музейне хулари ватӑсем кӑмӑлтан ҫӳреҫҫӗ. Шупашкар хулинчи халӑха социаллӑ пулӑшу кӳрекен центра ҫӳрекен кинемисемпе мучисене унта тӑтӑшах илсе каяҫҫӗ. Шупашкар хулин кунӗ умӗн социаллӑ учрежденин кӑнтӑрлахи 2-мӗш уйрӑмне ҫӳрекенсем музейри экспонатсемпе паллашнӑ. «Хамӑр историе пӗлмелле. Асаннесемпе кукамайсен арчинче упраннӑ япаласене музейра курма питех те хавас. Унта — пирӗн кун-ҫулӑмӑр, чӑваш халӑхӗн пуян эткерлӗхӗ», — палӑртнӑ музейра пулса курнӑ Марина Лямина ятлӑ кинемей. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Ӗнер, Шупашкар хулин ҫуралнӑ кунӗнче, кӳлмек тавра карталанса тӑнипе Чӑваш Ен Раҫҫей рекордне ҫӗнетнӗ. Кунашкал вӑрӑм вӑйӑ карти ҫӗршывра хальччен пулман. Кӳлмек тавра 12 пин те 731 ҫын тӑнӑ. Кӳлмек таврари лаптӑка 18 сектора пайланӑ. Кашнинче нимеҫӗ пулнӑ, ҫынсене картана тӑма пулӑшнӑ. Икӗ йӗркелӳҫӗ ҫынсене ятарлӑ хатӗрпе 40 минутра шутланӑ. «Кӗҫех ҫак ҫитӗнӗве Раҫҫей рекорчӗсен кӗнекинче курӑпӑр!» - ҫапла ҫырнӑ Шупашкар хула администрацийӗн пуҫлӑхӗ Денис Спирин Телеграм-каналӗнче. Хыпар ҫӑлкуҫӗ:
|
+12.3 °C