|
Республикӑра
 cap.ru сайтри сӑн Йӗпреҫ районӗнчи Пучинке ялӗнчи пӗвере пулӑсем вилнӗ. Мӗн пулнӑ унта? ЧР Ҫутҫанталӑк министерствин ӗҫченӗсем вырӑна тухнӑ. Ҫак тата ытти ведомство специалисчӗсем ял ҫыннисемпе пӗрле пӗвене пӑхса ҫаврӑннӑ, пулӑ нумай вилнине палӑртнӑ. Пӗвери шыва тӗрӗслемешкӗн илнӗ. Унӑн пӗтӗмлетӗвӗ пирки министерство каярах пӗлтерме шантарнӑ. Сӑмах май, нумаях пулмасть Канаш тата Шупашкар районӗсенче те пӗвере пулӑ нумай вилнине палӑртнӑ. Хыпар ҫӑлкуҫӗ:
|
|
Сывлӑх
 cap.ru сӑнӳкерчӗкӗ Чӑваш Енри тухтӑрсем телемедицина мелӗпе тӑтӑшах канашлаҫҫӗ, ҫавна май вӗсем ҫынсене вилӗмрен те ҫӑлса хӑвараҫҫӗ. Кӑҫалхи 4 уйӑхра 1500-е яхӑн телемедицина консультацийӗ ирттернӗ. Районсенчи тухтӑрсем республикӑрисемпе канашлаҫҫӗ, республикӑрисем — федераци клиникисенчисемпе. Пысӑк шайри пултаруллӑ тухтӑрсем хӑйсен ӗҫтешӗсене видеомелпе тӗрлӗ канаш параҫҫӗ. Хӑш-пӗр чухне медицина консилиумӗсем пухаҫҫӗ. Телемедицина пулӑшӑвӗ аталаннине пула пациента тепӗр больницӑна илсе кайса кӑтартма хӑтланмалла мар. Хыпар ҫӑлкуҫӗ:
|
|
Республикӑра
 epp.genproc.gov.ru сӑнӳкерчӗкӗ Чӑваш Ен прокуратуринче ҫӗнӗ ҫын ӗҫе кӳлӗннӗ. Прокурор ҫумӗ пулма 45 ҫулти Евгений Кима шаннӑ. Хушӑва РФ генпрокурорӗ Игорь Краснов алӑ пуснӑ. Чӑваш Енӗн надзор органӗнче ака уйӑхӗн 25-мӗшӗнче ӗҫлеме тытӑннӑ. Унччен вӑл Магадан облаҫӗнче прокурор ҫумӗ пулса тӑрӑшнӑ. Евгений Ким 1976 ҫулхи ҫӗртме уйӑхӗн 28-мӗшӗнче ҫуралнӑ. Хабаровскри патшалӑхӑн экономикӑпа право академийӗнче вӗреннӗ. Прокуратура тытӑмӗнче 1999 ҫултанпа ӗҫлет. 2012-2016 ҫулсенче Хабаровскра, Хабаровск крайӗнче прокурорта тӑрӑшнӑ. Кайран вӑл Магадан облаҫӗнче прокурор ҫумӗ пулса тӑрӑшнӑ. Хыпар ҫӑлкуҫӗ:
|
|
Пӑтӑрмахсем
 гибдд.рф/r/21 сӑнӳкерчӗкӗ Ҫу уйӑхӗн 10-мӗшӗнче 19 сехет те 10 минутра Канаш районӗнче ҫӑмӑл машина инкеке лекнӗ. Автомобиль «Ҫӗрпӳ-Чӗмпӗр» ҫулпа пынӑ. 21 ҫулти хӗр тытса пыракан «Тойота Каролла» машина кювета чӑмнӑ. Унччен вӑл хирӗҫ пыракан ҫул ҫине тухса кайнӑ, унтан ҫаврӑнса ӳкнӗ. Салонти пассажир аманнӑ. Вӑл хӑрушсӑрлӑх пиҫихиийӗпе ҫыхӑнман. Чӑваш Енӗн Патшалӑх ҫул-йӗр хӑрушсӑрлӑхӗн инспекцийӗнче пӗлтернӗ тӑрӑх, инкеке лекнӗ машинӑн малти урапи шӑтса кайнӑ, ҫавӑнпа вӑл пӑтӑрмаха ҫакланнӑ. Хыпар ҫӑлкуҫӗ:
|
|
Пӑтӑрмахсем
 Шупашкар хулинче тата республикӑн тӗп хулипе юнашар районсенче пурӑнакан арҫынсем йӗрке хуралҫисенчен пулӑшу ыйтма пӗлтӗрхи чӳк уйӑхӗнченпе тытӑнса кайнӑ. Вӗсем хӑйсем патне хӗрсене чӗнес тесе шӑнкӑравланӑ та арҫын патне лекнӗ. Хайхи этем: «Эпӗ — хулара пӑхса тӑраканӗ», — тесе хӑйӗнпе паллаштарнӑ. Пӑтӑрмаха ҫакланас мар тесен арҫынсене укҫа тӳлеме хистенӗ. Хӑраса ӳкнӗ арҫынсем ултавҫа 250 пине яхӑн тенкӗ куҫарса панӑ. Ултавҫӑ капкӑнне 5 арҫын ҫакланнӑ. Ҫынсене улталаканни Сарту облаҫӗнчи Энгельс хули ҫывӑхӗнчи таборсенчен пӗринче пурӑнакан 25 ҫулти арҫын пулнӑ иккен. Хӑй шар кӑтартнисене вӑл парӑма саплаштарма шантарнӑ. Пуҫиле ӗҫе йӗрке хуралҫисем малалла тӗпчеҫҫӗ. Хыпар ҫӑлкуҫӗ:
|
|
Пӑтӑрмахсем
 chuvashia.sledcom.ru сӑнӳкерчӗкӗ Шупашкар хулинче пӗр арҫын 14 ҫулти хӗрача ҫумне ҫулӑхнӑ. Усал шухӑшлӑ арҫын лавккаран тухакан 14 ҫулти пикене асӑрханӑ. Вӑл ӑна аллинчен ярса илнӗ те общество чарӑнӑвӗн хыҫне илсе кайнӑ. Унта хайхи этем хӗрача ҫумне ҫулӑхма тытӑнса кайнӑ. Пӑтӑрмаха ҫулпа иртсе пыракан машинӑри арҫын асӑрханӑ. 34 ҫулти Владимир Григорьев автомбильтен чупса тухса пырса вӑл хӗрачана пулӑшнӑ. Арҫынна халӗ Раҫҫей Следстви комитечӗн Тав хучӗпе чыслама тӑратнӑ. Хыпар ҫӑлкуҫӗ:
|
|
Ҫул-йӗр
 forum.zarulem сайтр сӑн «Шупашкар – Сӑр» автоҫулӑн 6 ҫухрӑмне, Улатӑр районӗнчине, юсӗҫ. Ҫавна май аукцион ирттереҫҫӗ. Малтанхи хак – 193,4 миллион тенкӗ. Пӗр ҫухрӑм 32,2 миллион тенке кайса ларӗ. Аукцион ҫу уйӑхӗн 27-мӗшӗнче иртӗ. Улатӑр районӗнчи Чӗмпӗр облаҫӗ еннелле каякан 6 ҫухрӑм ҫула юсӗҫ. Аукционра ҫӗнтернӗ организацин ӗҫе 6 уйӑхра вӗҫлемелле. Анчах ку тапхӑра виҫӗ ҫула тӑсӗҫ: кӑҫал утӑ уйӑхӗнче, ҫитес ҫул ҫӗртме-утӑ уйӑхӗсенче, 2024 ҫулта ҫӗртме-ҫурла уйӑхӗсенче. Хушма укҫа пулсан ҫула кӑҫалах сарса пӗтерӗҫ. Ҫук тӑк асфальта 2024 ҫулта сарӗҫ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Ҫу уйӑхӗн 7-мӗшӗнче Улатӑр районӗнче ҫул ҫине пӑши сиксе тухнӑ. Кӗтмен ҫӗртен сиксе тухнӑран ун ҫине «Лада Веста» машина пырса кӗнӗ. Руль умӗнче ларса пынӑ хӗрарӑм аманнӑ, пӑши вилсе выртнӑ. Тепӗр темиҫе сехетрен, ҫу уйӑхӗн 8-мӗшӗнче, ҫавӑн пек инкек Шупашкар районӗнче пулса иртнӗ. «ГАЗ-27471» автомобиль водителӗ «Атӑл» автоҫул ҫинче пӑшие пырса ҫапнӑ. Водитель аманман, тискер чӗрчун вара вилнӗ. Пӑши 500 килограма яхӑн таять. Вӑл машина кантӑкне те ватса пӑрахма пулать. Куҫ начар курнӑран чӗрчун машинӑна аякран асӑрхамасть. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Ӗнер Шупашкарта иртнӗ "Вилӗмсӗр полк" акцие 27 пине яхӑн ҫын хутшӑннӑ. Унта Донбасран эвакуациленнисем килнӗ. Пӗр ҫемье, тӗслӗхрен, Тӑван ҫӗршывӑн Аслӑ вӑрҫине хутшӑннӑ тӑванӗн портретне йӑтса утнӑ. Салтак Чӑваш Енре ҫуралнӑскер пулнӑ, Совет Союзӗн Паттӑрӗн ятне тивӗҫнӗ. Аса илтерер: пандемие пула икӗ ҫул Ҫӗнтерӳ кунӗнче мероприятисем онлайн мелпе иртмен. Кӑҫал парад та пулнӑ, салют та янӑ, ытти мероприяти те иртнӗ. Хыпар ҫӑлкуҫӗ:
|
|
Хулара
 "Про Город" сайтӗнчи сӑн Шупашкарта 17-мӗш маршрутпа ҫӳрекен троллейбусра кондуктор та кирлӗ мар. Унта стационар валидаторӗ вырнаҫтарнӑ. Вӑл пулӑшнипе банк карттипе е ЕТКпа тӳлесе билет туянма пулать. Пассажирӑн укҫа кӑна пулсан ӑна водитель билет парать. Палӑртмалла: хӑш-пӗр троллейбусра валидатор вырнаҫтарасси пирки пӗлтернӗччӗ. Ку сӑнав проекчӗ пек пулнӑ. Хыпар ҫӑлкуҫӗ:
|
+17.3 °C