Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Пӗр хулӑ хуҫӑлать, пин хулӑ хуҫӑлмасть.
[ваттисен сӑмахӗ]
 

Хыпарсем

Хулара
cap.ru сӑнӳкерчӗкӗ
cap.ru сӑнӳкерчӗкӗ

Шупашкарти Ленин районӗнчи ЗАГС пайӗнче ӗҫлекенсем кунашкал ята унччен пӗрре те регистрацилемен. Нумаях пулмасть вӑл ашшӗ-амӑшӗ тин ҫуралнӑ хӗрне ҫавнашкал ят ҫыртарнӑ. Вӑл - Милинтина.

Ашшӗ Максим ятлӑ, амӑшӗ - Александра. Апла хӗрача Милинтина Максимовна пулать. Янӑравлӑ илтӗнет.

Мӗне пӗлтерет-ха Милинтина ят? Тӗнче тетелӗнче ҫырнине ӗненес тӗк, вӑл "ҫынна пӑхма юратакан" тесе куҫать.

 

Вӗренӳ
ЧПУ сайтӗнчи сӑн
ЧПУ сайтӗнчи сӑн

И.Н.Ульянов ячӗллӗ Чӑваш патшалӑх университечӗн 4 студенчӗ Пӗтӗм Раҫҫейри "Студентсен стартапӗ" конкурса хутшӑнса 1-ер миллион тенкӗ ҫӗнсе илнӗ. Вӗсем ку укҫапа хӑйсен бизнес проекчӗсене аталантарӗҫ. Сӑмах май, конкурсра 650 ҫӗнтерӳҫе палӑртнӑ. Ҫав йыша пирӗн ентешсем те лекнӗ.

Гранта вырӑс тата чӑваш филологийӗпе журналистика факультечӗн студентки Елена Астраханцева, экономика факультетӗнче вӗренекен Анна Мишина, химипе фармацевтика факультечӗн студенчӗ Александр Новиков, ЧПУн Улатӑрти филиалӗнче вӗренекен Евгения Тюрюшова ҫӗнсе илнӗ.

 

Пӑтӑрмахсем
severinform.ru сӑнӳкерчӗкӗ
severinform.ru сӑнӳкерчӗкӗ

Шупашкар хулинче пурӑнакан икӗ ҫамрӑк ватӑ ҫынсене улталаса укҫаллӑ пулнӑ. Йӗрке хуралҫисене хӑйсем ӗнентернӗ тӑрӑх, вӗсем мессенджерсенчен пӗринче пӗлтерӳ асӑрханӑ имӗш. Унта ҫынсем патне кайса укҫа илсе тухма, ӑна ятарлӑ счёт ҫине хума сӗннӗ-мӗн. Укҫан 10 проценчӗ хӑйсене юлать тесе шантарнӑ.

Пенсионерсене вара теприсем стационар номерӗ ҫине шӑнкӑравласа вӗсен ҫывӑх ҫыннисем инкеке лекнӗ, кирлӗ ҫынсене укҫа парсан пӑтӑрмахран ҫӑлӑнса юлма пулать тесе ӗнентернӗ.

69 ҫулти хӗрарӑм мӑнукӗшӗн «тӑрӑшса» 240 пин тенкӗ тыттарса янӑ, 85 ҫулти кинемей тӑванӗн хӗрне «пулӑшма» –180 пин тенкӗ; 81 ҫулти хӗрарӑм «аварие лекнӗ» ывӑлӗшӗн хӑраса ӳкнӗ – 500 пин тенкӗ кӑларса тыттарнӑ.

 

Пӑтӑрмахсем
21.мвд.рф сайтран илнӗ сӑнӳкерчӗк
21.мвд.рф сайтран илнӗ сӑнӳкерчӗк

Вӑрмар районӗнчи ял арҫыннисем укҫа ҫухатнӑ. Вӗсенчен пӗри йӗрке хуралҫисене 2 пин тенкӗ ҫӗтнине евитленӗ. Хӑй ӗнентернӗ тӑрӑх, ун патӗнче 45 ҫулти хӗрарӑм ҫеҫ пулнӑ. Унпа иккӗшӗ эрех ӗҫнӗ. Кайран арҫыннӑн укҫи ҫӗтнӗ. Пурӗ 6 пин тенкӗ.

Шанчӑксӑр хӗрарӑма шыранӑ вӑхӑтра тепӗр ялти арҫын укҫа ҫухални пирки пакунлисене пӗлтернӗ. Вӑл та маларах асӑннӑ хӗрарӑм хӑйӗн патӗнче пулнине пӗлтернӗ. «Кӗмӗл» ҫипуҫ кӗсйинчен ҫӗтнӗ иккен.

Пакунлисем хӗрарӑма тытса чарсан хайхи тек тунман – укҫа вӑрланине йышӑннӑ. Укҫан пӗр пайне вӑл эрех ӗҫсе пӗтерме ӗлкернӗ.

Унччен те судпа айӑпланнӑ хӗрарӑм тӗлӗшпе пуҫиле ӗҫ пуҫарнӑ.

 

Ҫурт-йӗр
Cap.ru сайтран илнӗ сӑнӳкерчӗк
Cap.ru сайтран илнӗ сӑнӳкерчӗк

Чӑваш Енӗн тӗп хулинчен Ҫурҫӗре самолётсем вӗҫме тытӑнӗҫ.

«ЮВТ-Аэро» акционерсен обществи «Шупашкар-Сургут» авиамаршрута ҫирӗплетнӗ.

Асӑннӑ маршрутпа «CRJ-200» самолётсем ҫула тухӗҫ. Вӗсем кӑҫалхи ҫурла уйӑхӗн 1-мӗшӗнчен тытӑнса раштав уйӑхӗн 31-мӗшӗччен вӗҫӗҫ. Самолётсем эрнере икӗ хутчен ҫула тухӗҫ. Суперджета 50 пассажир вырнаҫӗ.

Ҫул укҫи тӑкакӗн 61 процентне хыснаран саплаштарӗҫ.

 

Раҫҫейре
tamvesti.ru сӑнӳкерчӗкӗ
tamvesti.ru сӑнӳкерчӗкӗ

Паян ҫӗршыв Президенчӗ Владимир ️Путин РФ Пенси тата Социаллӑ страховани фончӗсене пӗрлештересси ҫинчен калакан саккуна алӑ пуснӑ. Вӗсем малашне пӗрлехи Социаллӑ фонд шутланӗҫ.

Ҫӗнӗлӗх патшалӑха социаллӑ тӳлевсене оперативлӑ, адреслӑ йӗркелесе пыма май парӗ.

Раҫҫей Федерацийӗн пенси тата социаллӑ страховани фончӗ (Социаллӑ фонд) ӗҫе 2023 ҫулхи кӑрлач уйӑхӗн 1-мӗшӗнчен тытӑнӗ. Куҫӑм тапхӑрӗ 2 ҫула та тӑсӑлма пултарӗ.

Ҫынсен пулӑшу ыйтма унчченхи адреспах каймалла.

Хыпар ҫӑлкуҫӗ: https://t.me/rian_ru/171072
 

Статистика
shlakov.net сайтри сӑн
shlakov.net сайтри сӑн

Кӑҫал 6 уйӑхра республикӑра 720 ҫын вӑйлах наркӑмӑшланнине палӑртнӑ. Вӗсенчен 325-шӗ эрех-сӑрапа минренӗ. 94 ҫын эрехпе наркӑмӑшланнине пула вилнӗ.

17 ҫула ҫитмен 34 ача спирт шӗвекӗ ӗҫсе хӑйне япӑх туйнӑ. 14 ҫула ҫитменнисен йышӗнче 14 яш-хӗр эрех ӗҫнине палӑртнӑ. Эрехпе ытларах Элӗк, Красноармейски, Патӑрьел, Канаш, Муркаш, Пӑрачкав, Шӑмӑршӑ районӗсенче, Шупашкарта, Улатӑрта наркӑмӑшланнӑ.

Кӑмпапа наркӑмӑшланнӑ тӗслӗхсем те пулнӑ. Унашкал 7 тӗслӗхе шута илнӗ.

Хыпар ҫӑлкуҫӗ: https://pg21.ru/news/80308
 

Хулара
21.мвд.рф сайтран илнӗ сӑнӳкерчӗкӗсемпе усӑ курса хатӗрленӗ коллаж
21.мвд.рф сайтран илнӗ сӑнӳкерчӗкӗсемпе усӑ курса хатӗрленӗ коллаж

Ҫӗнӗ Шупашкарти пляжра пӗр хӗрарӑм укҫа тупнӑ. Пурӗ 4 купюра. Вӗсем – 5 пинлӗскерсем.

Укҫана 31 ҫулти хӗрарӑм асӑрханӑ. Купюрӑсем япӑхнӑскерсем пулнӑ. Вӗсем чӑн укҫан туйӑнманран хӗрарӑм укҫана кӑтартма банка кайнӑ. Чӑн та, суя укҫа пулнӑ.

Йӗрке хуралҫисем хӗрарӑма суя укҫапа лавккара татӑлма хӑтланманшӑн ырлаҫҫӗ. Хӑйсем вара ҫав купюрӑсем пляжа епле пырса лекнине палӑртассипе ҫине тӑрассине пӗлтернӗ.

 

Хулара

Шупашкар хула администрацийӗ хӑш-пӗр троллейбус маршрутне улшӑнусем кӗртесшӗн. Ку 6-мӗш, 8-мӗш, 9-мӗш тата 11-мӗш маршрутсене пырса тивет. Ҫавӑн пекех 5-мӗш троллейбуса каллех ҫӳреттерме пуҫласшӑн.

Тӗслӗхрен, 8-мӗш троллейбуса Чукун ҫул вокзалӗнчен Роза Люксембург урамӗ таран ярасшӑн. Ҫапла Алькешре пурӑнакан ҫынсем Трактор тӑвакансен проспектне ҫӑмӑллӑнах ҫитме пултараҫҫӗ. 6-мӗш троллейбус ҫулне улӑштарсан Ленин Комсомолӗн урамне ҫитме май пулӗ.

Хыпар ҫӑлкуҫӗ: https://pg21.ru/news/80311
 

Персона
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкар хулинче Семён Ислюкова асра тытнине палӑртса палӑк лартӗҫ. Халӗ хула мэрийӗн архитектурӑпа градостроительство управленийӗ проектсен конкурсне ирттерессине пӗлтернӗ. Малти виҫӗ вырӑна йышӑннӑ проектсемшӗн преми парӗҫ. Премин пӗтӗмӗшле фончӗ – 100 пин тенкӗ.

Семен Ислюков пирӗн республикӑна 30 ҫул – 1955-1985-мӗш ҫулсенче – ертсе пынӑ. Чӑваш АССРӗн Верховнӑй Совечӗн президиумӗн председателӗ, РСФСР Верховнӑй Совечӗн президиумӗн председателӗн заместителӗ, СССР Верховнӑй Совечӗн депутачӗ пулнӑ. Семён Ислюков республикӑна ертсе пынӑ ҫулсенче Шупашкарта Агрегат тата Трактор завочӗсем, Пир-авӑр тата хими комбиначӗсем, гидроэлектростанци туса лартнӑ.

Шупашкарта Семён Ислюков урамӗ тата вӑл пурӑннӑ Шупашкарти Ленинград урамӗнчи 14-мӗш ҫурт ҫине асӑну хӑми вырнаҫтарнӑ.

 

Страницӑсем: 1 ... 650, 651, 652, 653, 654, 655, 656, 657, 658, 659, [660], 661, 662, 663, 664, 665, 666, 667, 668, 669, 670, ... 3740
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (06.10.2024 21:00) сайра пӗлӗтлӗ ҫанталӑк, атмосфера пусӑмӗ 756 - 758 мм, 7 - 9 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Йывăртарах вăхăт малалла пырать. Хирĕçес хăрушлăх пысăк пулни, ăнланманлăх таврари çынсемпе хутшăнăва пăсма пултарать. Ырăрах, чăтăмлăрах пулма тăрăшăр, ытти çынсене илтĕр. Сирĕншĕн ку çăмăлах пулмĕ, анчах лайăх кăтартусем пулĕç - вĕсем пуласлăхра палăрĕç.

Юпа, 06

1894
130
Салтыков Яков Игнатьевич, парти ӗҫченӗ ҫуралнӑ.
1977
47
Тани Юн, чӑваш актриси ҫут тӗнчерен уйрӑлса кайнӑ.
1997
27
Симунов Николай Васильевич, чӑваш ҫыравҫи ҫут тӗнчерен уйрӑлса кайнӑ.
Пулӑм хуш...Пулӑм хуш...