Политика
Элтепер телеграм-каналӗнчи сӑн Авӑн уйӑхӗн 14-мӗшӗнче 12 сехетре ЧР Элтеперӗ Олег Николаев каллех тӳрӗ лини ирттерӗ. Хальхинче вӑл нейросетьсем пулӑшнипе иртӗ. Кунашкал тӳрӗ лини унччен пулман. Ыйтусене маларах Патшалӑх пулӑшӑвӗсен порталӗнче хӑварма, «Контактра» халӑх тетелӗнчи пост айӗнче ҫырма юрать. Эфир вӑхӑтӗнче колл-центр ӗҫлӗ. Унта ҫак номерпе шӑнкӑравлама пулать: 8 (8352) 565-100. Тӳрӗ эфира «Контактри» «Чувашская Республика» ушкӑнра, Олег Николаевӑн телеграм-каналӗнче, Наци телекуравӗпе кӑтартӗҫ. Ҫавӑн пекех Нацрадиопа та итлеме май пур. Хыпар ҫӑлкуҫӗ:
|
Республикӑра
bangkokbook.ru сайтри сӑн Етӗрне районӗнчи полицейскисем Талуй ялӗнче 39 ҫулти арҫыннӑн килӗнче 800 грамм тарӑ (порох), патронсем, Калашников автомачӗн макетне тупнӑ. Хӑй вӑл Шупашкарта пурӑнать, ҫулла вара Талуй ялӗнче амӑшӗн килӗнче пулнӑ. Арҫыннӑн килте ҫар хатӗрӗсем пулма пултарни пирки полицие ҫынсем пӗлтернӗ. Пакунлисем малтан унран ҫар припасӗсем пурри-ҫукки пирки ыйтнӑ. Лешӗ каланӑ тӑрӑх, ҫук. Анчах ухтарсан ав мӗн чухлӗ япала тупӑннӑ. Ҫар припасӗсем тата сирпӗнекен хатӗрсем упранӑшӑн арҫын тӗлӗшпе икӗ пуҫиле ӗҫ пуҫарнӑ. Хыпар ҫӑлкуҫӗ:
|
Хулара
yarmarka161.ru сайтри сӑн Ҫурла уйӑхӗн 20-мӗшӗнче Шупашкарта пурӑнакан 48 ҫулти хӗрарӑм тӗнче тетелӗнче 20 пин тенкӗ тӑракан шӑнтмӑш туянас тенӗ. Хайхискер сайтра заявка хӑварнӑ. Кӗҫех унпа менеджер ҫыхӑннӑ. Ҫапла хӗрарӑм вӑл каланӑ счет ҫине 20 пин тенкӗ куҫарнӑ. Менеджер шӑнтмӑша киле пырса пама шантарнӑ. Анчах вӑхӑт иртнӗ - никам та нимӗн те илсе килмен. Кун хыҫҫӑн тин хӗрарӑм ултавҫӑсен аллине лекнине ӑнланнӑ. Авӑн уйӑхӗн 2-мӗшӗнче вӑл полицие пырса кун пирки каласа кӑтартнӑ. Хыпар ҫӑлкуҫӗ:
|
Хулара
kolosinform.ru сайтри сӑн Шупашкарти предприятире ӗҫлекен 43 ҫулти хӗрарӑм тӗнче тетелӗнче савни тупнӑ та унпа ҫырӑннӑ. Арҫын Сирири ҫар ҫынни-мӗн. Хӗрарӑм ӑна пуҫа ҫухатасла юратса пӑрахнӑ. Ӑна вӑл йӑлтах ӗненнӗ. Арҫын миллион доллар, хӑйӗн наградисене тата хаклӑ япалисене ярса парассине каласан та, таможня налукне тӳлеме ыйтсан та хӗрарӑм япӑххи пирки шутламан. Хайхискер миллионерша пулма ӗмӗтленсе 300 пине яхӑн тенкӗ куҫарнӑ. Ӑна вӑл кредит илнӗ. Анчах «савни» посылкӑна яма васкаман, каллех укҫа куҫарасса кӗтнӗ. Ҫакӑн хыҫҫӑн тин хӗрарӑм хӑйне улталанине ӑнланнӑ. Хыпар ҫӑлкуҫӗ:
|
Пӑтӑрмахсем
Следстви комитечӗ тунӑ сӑн Ҫурла уйӑхӗн 31-мӗшӗнче 10 сехетре Шупашкарти предприятире бетон ҫӑрмалли хатӗрте 29 ҫулти арҫын виллине тупнӑ. РФ Следстви комитечӗ кун тӗлӗшпе следстви умӗнхи тӗрӗслев пуҫарнӑ. Вырӑна тӗплӗ тӗрӗсленӗ, ҫынсенчен ыйтса пӗлнӗ. Ӗҫри хӑрушсӑрлӑхшӑн яваплӑ ҫынсене палӑртаҫҫӗ. Тӗрӗслеве Патшалӑх ӗҫ инспекцийӗн ӗҫченӗсене те явӑҫтарнӑ. Кун хыҫҫӑн тивӗҫлӗ йышӑну тӑвӗҫ. Хыпар ҫӑлкуҫӗ:
|
Сывлӑх
t.me/pro_cheby сӑнӳечӗкӗ Ӗнертенпе, авӑн уйӑхӗн 1-мӗшӗнченпе, Чӑваш Енре энергетиксем сутма чарнӑ. Вӑхӑтлӑха мар. Республикӑра ятарласа йышӑну кӑларнӑ. Ачасене энергетик сутакан сутуҫӑсене штраф хурса пама йышӑннӑ. Уйрӑм ҫынсен 3,5 пинрен пуҫласа 5 пин тенкӗ таран кӑларса хума тивӗ, должноҫри ҫынсен — 10 пинрен пуҫласа 30 пин тенкӗ таран, предприяти-организацисен — 30 пинрен пуҫласа 50 пин тенкӗ таран. Хыпар ҫӑлкуҫӗ:
|
Республикӑра
cap.ru сӑнӳкерчӗкӗ Ҫи-пуҫ туса кӑларакан Чӑваш Енри предприятисем Мускаври курава хутшӑннӑ. Хӑйсен продукцийӗпе виҫӗ компани паллаштарнӑ: «Острая Роза» предприяти, «Пике» ҫӗвӗ фабрики, В.В. Мельникова уйрӑм усламҫӑ. Курава хутшӑнма вӗсене Экспорта аталантарма пулӑшакан центр май туса панӑ. «Экспоцентр» курав центрӗнче арҫынсен, хӗрарӑмсен, ача-пӑча, туй ҫипуҫӗн, тӗнчери « CPM — Collection Première Moscow» 40-мӗш куравӗ ҫурла уйӑхӗн 29-мӗшӗнчен пуҫласа авӑн уйӑхӗн 1-мӗшӗччен ӗҫленӗ. Чӑваш Енри «Острая Роза» пальто, ҫиелтен тӑхӑнмалли ытти тумтире ҫӗлет. «Пике» фабрика «Almando Melado» маркӑпа килте тата каннӑ чухне тӑхӑнмалли ҫипуҫ туса кӑларать, Валентина Мельникова усламҫӑ «YARCHE» брендпа спорт тумтирӗ шухӑшласа кӑларнӑ, «lifestyle» ятпа вӑл костюмсем, комбинезонсем, купальниксем ҫӗлет. Хыпар ҫӑлкуҫӗ:
|
Раҫҫейре
t.me/chuv_kray/1774 сӑнӳкерчӗкӗ Шупашкарти 5-мӗш гимназире вӗренекен Дима Еремеев паян «Россия 1» кӑтартакан концета хутшӑнӗ. Концерта Пӗлӳ кунне халалланӑ. Ҫамрӑк ентешӗмӗр унччен Кремль сцени ҫине тухнӑ. Унта лекес тесен яш кастинга хушӑннӑ. Ӑна Шаман, Лариса Долина, Лев Лещенко, Наташа Королева, Александр Панайотов тата Раҫҫейӗн ытти ҫӑлтӑрӗпе пӗрле хора лекме май килнӗ. 13 ҫулти Дима вокал ӑсталӑхне хулари 1-мӗш шкулӗнчи «5 октав» вокла студийӗнче (педагогӗ – Татьяна Шереметьева) туптать. Хыпар ҫӑлкуҫӗ:
|
Сывлӑх
forum.na-svyazi.ru сайтран илнӗ сӑн Россельхознадзора пӑхӑнакан Чӗрчунсен сывлӑхне сыхлакан федераци центрӗнче ҫӗнӗ проект старт илнӗ. Вӑл «Васкавлӑ веетринари служби» ятлӑ. Ветеринари тухтӑрӗсем васкавлӑ медпулӑшу параҫҫӗ: патологие палӑртаҫҫӗ, диагноз лартаҫҫӗ, анализ илеҫҫӗ, консультаци параҫҫӗ, сиплев ҫыраҫҫӗ тата чӗрчуна кайран та пӑхса тӑраҫҫӗ. Васкавлӑ ветринари пулӑшӑвӗ машиничне кирлӗ оборудовани йӑлтах пур: УЗИ аппарачӗ, анализ илмелли хатӗр, микроскоп. Васкавлӑ ветеринари пулӑшӑвне +7 (8352) 70-99-05 номерпе шӑнкӑравласа чӗнме пулать. Хыпар ҫӑлкуҫӗ:
|
Вӗренӳ
Сергей Артамновӑн телеграм-каналӗнчи сӑн Паян, Пӗлӳ кунӗнче, Сӗнтӗрвӑрри хулинчи «Коновалово» микрорайонта ҫӗнӗ шкул алӑкӗсене уҫнӑ. Ӑна ял территорийӗсене комплекслӑ аталантармалли программӑпа килӗшӳллӗн хута янӑ. Шкул виҫӗ хутлӑ, унта 375 ача вӗренме пуларать. Вӑл Ломоносов урамӗнче вырнаҫнӑ пӗлӳ ҫурчӗ вырӑнне пулӗ. Унти ҫуртӑн 51 проценчӗ кивелнӗ. Паян шкула уҫма ЧР Элтеперӗ Олег Николаев тата ытти тӳре-шара ҫитнӗ. Пӗлӳ кунӗнче ачасем ҫӗнӗ шкулта парта хушшине ларнӑ. Хыпар ҫӑлкуҫӗ:
|
Шупашкарта ҫывӑх вӑхӑтра (07.10.2024 03:00) тӗтреллӗ ҫанталӑк, атмосфера пусӑмӗ 754 - 756 мм, 8 - 10 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.
| Андрей Петтоки, чӑваш сӑвӑҫи, тӑлмачӗ ҫуралнӑ. | ||
| Гаврилова Агафья Гавриловна, чӑваш журналисчӗ, наци ирӗкӗшӗн кӗрешӳҫине персе пӑрахнӑ. | ||
| Данилов Анатолий Васильевич, чӑваш ӳнерҫи ҫуралнӑ. | ||
| Бойко Иван Яковлевич, Чӑваш АССРӗн тава тивӗҫлӗ зоотехникӗ вилнӗ. | ||
Пулӑм хуш... |