Ftimes.ru сайтри сӑн

Чӑваш Енре тепӗр ҫын кӑшӑлвирусран вилнӗ. Ҫапла майпа пирӗн республикӑра чире пула 74 ҫын пурнӑҫран уйрӑлнӑ.

Паянхи кун тӗлне 8014 ҫын инфекциленнӗ, вӗсенчен 6635-шӗ сывалнӑ. Юлашки талӑкра 31 ҫыннӑн коронавирус пуррине палӑртнӑ.

Ҫак кун тӗлне 1305 ҫын каварлӑ вирусран сипленет. Чӑваш Енре кӑшӑлвирус сарӑлнине индексӗ 0,98-па танлашать.

Аса илтерер: ку эрнере республикӑра ача пахчисем унчченхи пекех, тулли режимпа, ӗҫлеме пуҫланӑ.

Чӑваш Енре пурӑнакансене грипран привика тума пуҫланӑ. Паянхи кун тӗлне 19 пине яхӑн ачана тата 360 ытла йывӑр хӗрарӑма вакцинациленӗ.

Кӑҫал хамӑр ҫӗршывра кӑларнӑ «Совигрипп» вакцинӑпа усӑ кураҫҫӗ. Ӑна ачасемпе йывӑр ҫынсем валли ятарласа туса кӑларнӑ. Чӑваш Ен Сывлӑх сыхлав министерствинче препаратра консервант тата чӗрӗ вирус ҫук, ҫавӑнпа ун хыҫҫӑн чирлеместӗн тесе ӗнентереҫҫӗ.

Прививка усси 2-3 эрнерен палӑрӗ, унӑ витӗмӗ 12 уйӑх таран пырӗ.

Вакцинӑна пульницӑсене валеҫсе панӑ. Унӑн иккӗмӗш партийӗ ҫак уйӑхӑн иккӗмӗш вунӑкунлӑхӗнче килсе ҫитмелле.

Ковида пула пандеми тесе йышӑннӑранпа кӑшӑлвирусран вилнисен шучӗ Чӑваш Енре 73-е ҫитнӗ. Ҫав шутран тата тепӗр ҫын иртсе кайнӑ талӑкра пурнӑҫран уйрӑлнӑ. Кун пирки федерацин информаци центрӗ пӗлтернӗ.

Кӑшӑлвируспа чирленисене юлашки талӑкра пирӗн тӑрӑхра тепӗр 28 ҫӗнӗ тӗслӗх шута илнӗ. Эпидеми тапхӑрӗ пуҫланнӑранпа, официаллӑ статистикӑна ӗненсен, кӑшӑлвируспа пӗтӗмпе 7923 ҫын чирленӗ. Ҫав шутран 6553-шӗ сывалнӑ, вӗсенчен 21-шӗ – иртсе кайнӑ тапхӑрта.

Чирлекенсем те тупӑнсах тӑраҫҫӗ. Ку вирусран хальхи вӑхӑтра 1297 ҫын сипленет.

Prosvetlenie7.ru сайтри сӑн

Паян кӑшӑлвируспа кӗрешессипе ӗҫлекен опрштабӑн ларӑвӗ иртнӗ. Роспотребнадзорӑн Чӑваш Енри управленийӗн пуҫлӑхӗ Надежда Луговская каланӑ тӑрӑх, республикӑри вӗренӳ учрежденийӗсенче кӑшӑлвируспа чирленӗ 10 тӗслӗх пулнӑ. Вӗсене ҫурла уйӑхӗн 18-31-мӗшӗсенче шута илнӗ.

Асӑннӑ тапхӑрта ҫичӗ вӗрентекенӗн, шкула ҫӳрекен пӗр ачан тата аслӑ шкулта ӑс пухакан икӗ студентӑн кӑшӑлвирус пурри палӑрнӑ. Вӗсем ҫак кунсенче вӗренме ҫӳремен.

Авӑн уйӑхӗн 1-3-мӗшӗсенче вӗренеткенсен тата шкул ачисен хушшинче инфекциленнӗ тӗслӗх пулман.

2gis.ru сӑнӳкерчӗкӗ

Чӑваш Енри ача пахчисем унчченхилле ӗҫлеме тытӑнӗҫ. Кӑшӑлвирус сарӑлассипе кӗрешес енӗпе ӗҫлекен оперативлӑ штабӑн паянхи ларӑвӗнче республикӑн вӗрентӳ министрӗ Сергей Яковлев каланӑ тӑрӑх, ака уйӑхӗнчен пуҫласа хальччен дежурнӑй ушкӑнсем ҫеҫ уҫӑ пулнӑ. Вӑл пӗлтернӗ тӑрӑх,ачасене шкул ҫулне ҫитменнисен 281 учрежденийӗ йышӑннӑ. Ҫав вӑхӑтра шӑпӑрлансен 28 проценчӗ ҫӳренӗ.

Роспотребнадзорӑн Чӑваш Енри управленийӗ вара хӑрушсӑрлӑхшӑн пӑшӑрханать. Управлени ертӳҫи Надежда Луговская пӗчӗккисем хушшинче ОРВИпе чирлекен сахаллине пӗлтернӗ. Кӑшӑлвируспа чирлекенсем хушшинче пневмонипе, бронхитпа чирлекен нумаййине те асӑнса хӑварнӑ вӑл.

Шупашкарта вырнаҫнӑ Республикӑн каридологи диспансерӗнче Свердловск облаҫӗнчи 23 ҫулти хӗре операци тунӑ. Чӗре чирне пула вӑл кӗтмен ҫӗртен кирек хӑш вӑхӑтра вилме пултарать. Сипленсен вӑл амӑшӗ пулма ӗмӗтленет.

Шупашкарти тухтӑрсем ҫамрӑк пациентӑн ӳчӗ айне ятарлӑ монитор вырнаҫтарнӑ. Пӗчӗк флеш-карта пысӑкӑш регистратор электрокардиограмма ҫырса илӗ. Ун пек монитора 1-3 ҫуллӑха вырнаҫтараҫҫӗ.

Маларах хӗр тӗрлӗ клиникӑри никама пӑхӑнман 8 кардиохирург патне ҫитнӗ. Вӗсенчен чылайӑшӗ ятарлӑ прибор лартмаллине каланӑ-ха, анчах вырнаҫтарма килӗшмен. Пирӗн патри кардиохирургсем хӗре тӗрӗсленӗ хыҫҫӑн монитора вырнаҫтарнӑ.

Ҫурла уйӑхӗн 27-мӗшӗнче, кӑнтӑрла иртни 14 сехет те 45 минутра, Канашри пӗр предприятире слесарь ӗҫре суранланнӑ. 62 ҫулти арҫын ял хуҫалӑх оборудованийӗ кӑларакан предприятире тӑрӑшнӑ. Преспа ӗҫленӗ чухне вӑл суранланнӑ, сылтӑм аллинчи тӑватӑ пӳрнисӗр юлнӑ.

Производствӑри инкек хыҫҫӑн РФ Следстви комитечӗн Чӑваш Енри тӗпчевҫисем тӗрӗслев пуҫарнӑ. Инкек вырӑнне следствипе оперативлӑ ушкӑн пырса ҫитнӗ. Вӗсем инкек вырӑнне тишкернӗ, кӳнтеленсемпе калаҫнӑ. Ҫывӑх вӑхӑтра судпа медицина экспертизи ирттермелле. Инкек сӑлтавне тишкернӗ май ӗҫ хӑрушсӑрлӑхӗшӗн яваплисене палӑртӗҫ.

фотоболезней.рф сайтри сӑн

ЧР сывлӑх сыхлавӗ пӗлтернӗ тӑрӑх, Чӑваш Енре кӑшӑлвируспа чирлекенсен йышӗ чаксах пырать. Юлашки талӑкра ку йыша 33 ҫын хушӑннӑ. Иртнӗ эрнере ку кӑтарту 30-40 ҫынпа танлашнӑ.

Ҫулталӑк пуҫланнӑранпа 7836 ҫын кӑшӑлвируспа чирленӗ. Вӗсенчен 6477-шӗ сывалнӑ. Юлашки талӑкра 28 ҫын чире парӑнтарнӑ. Ҫак кун тӗлне 1284 ҫын чиртен сипленет. 71 ҫын инфекцие пула вилнӗ. Ҫак кунсенче 1 ҫын чире пула пурнӑҫран уйрӑлнӑ.

Чӑваш Енре кӑшӑлвирус сарӑлнин индексӗ 0,96-па танлашать.

Кӑшӑлвируспа чирлесе юсаннисенчен хӑшӗсен сывлӑхӗ самай хавшанӑ. Чӗре, юн тымарӗсен, сывлӑш ҫулӗсен чирӗсемпе тата ытти ҫавӑн пек амакпа нушаланакансен сывлӑхне вирус уйрӑмах халсӑрлатса хӑварнӑ.

Кӑшӑлвируспа чирленисене ҫирӗпленсе ҫитме ҫӗршыв шайӗнче ковид хыҫҫӑнхи программа йышӑннӑччӗ. Халӗ пирӗн тӑрӑхри 45 ҫын ку программӑпа усӑ курнӑ та. Тепӗр 52 ҫын малалла сипленет, 77-ӗн хӑйӗн черечӗ ҫитессе кӗтет.

Ковид хыҫҫӑнхи программӑна Хулари 1-мӗш клиника тата П.Н. Осипов ячӗллӗ Шупашкарти пӗрремӗш хула пульницисенче, ҫавӑн пекех «Надежда» тата «Чувашиякурорт»а санаторисенче ӗҫлеттерсе янӑ. Сиплев курсӗ 10 куна пырать. Стационарсенче сипленнишӗн медицина страхованийӗн шучӗпе саплаштараҫҫӗ. Санаторие каякансен тӑкакӗн 70 процентне республика хысни хӑй ҫине илнӗ. Пациентсемшӗн ҫӑмӑллӑхлӑ путевка хакӗ 10-11 пин тенке ларать.

Ку ҫулталӑк кӑларса тӑратнӑ чи пысӑк хӑрушлӑх вӑл, паллах, COVID-19 кӑшӑлвирус. Унӑн витӗмне пула тӗнче экономики ҫеҫ мар, нефть хакӗ те чакрӗ, ҫынсен пурнӑҫ йӗрки йӑлт арпашӑнса кайрӗ.

Чи малтанах, республикӑра пӗр ҫын та чирлемен чухне, ҫак кӑшӑлвирус питӗ хӑрататчӗ. Пӗрремӗш чирлисене тупнӑ чухне халӑх питӗ тӗлӗнетчӗ — анализ кӑшӑлвирус пуррине палӑртнӑ пулсан ма вара ӑна республикӑна илсе килмелле-ха? тесе ыйтатчӗ. Ним явапӗ те ҫук тесе вӑрҫатчӗҫ ҫав ҫынсене. Уйрӑмах Мари Эле пирӗн республика урлӑ каҫнӑ пӗр хӗрарӑма астӑвасса ятлатчӗҫ.

Чире сарас мар тесе уйӑх ытла халӑх килте ларчӗ. Ресторансемпе кафесене хупса лартрӗҫ... Ӗҫлеме чарнине пула чылай предприниматель шар курчӗ. Юрать-ха каярах вӗсене майӗпен уҫӑлма ирӗк пачӗҫ, анчах хӑшӗ-пӗри халь те ӗҫе пуҫлаймасть. Калӑпӑр, чӑваш эстрада юрӑҫисем пысӑк шар курчӗҫ — хӗлренпе вӗсем пӗр концерт та ирттермен. Ҫак сӑлтава пулах ман укҫа конверчӗсем те сутӑнма пӑрахрӗҫ...

Тем каласан та COVID-19 хӑратакан пулӑм.

Статистикӑна пӑхас пулсан ку чир сана ҫакланмӗ тесе шухӑшлама пулать.

Малалла...