Сайта кӗр | Регистраци | Сайта кӗрсен унпа туллин усӑ курма пулӗ
 +24.3 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Хыпарсен ҫыххи: Сывлӑх

Сывлӑх
life.ru сайтри сӑн
life.ru сайтри сӑн

Республикӑра пурӑнакан тепӗр 3 ҫыннӑн пурнӑҫӗ кӑшӑлвируса пула татӑлнӑ. Ҫапла вилнисен йышӗ 109 ҫынна ҫитнӗ. Ку таранччен 9027 ҫын инфекциленнӗ, вӗсенчен 7539-шӗ сывалнӑ.

Пӗр талӑкра чирленисен йыше ӳссех пырать. Унччен 25-30 ҫын пулнӑ тӑк паян – 38. Сывалакансен йышӗнче 28 ҫын. Сӑмах май, пӗр кунра пӗр ҫын ҫеҫ сывалнӑ тӗслӗх те пулнӑ.

Палӑртмалла: Раҫҫей кӑшӑлвируспа чирлес енӗпе рекорд лартать. Паян, пӗр талӑкра, 14 пин те 231 ҫыннӑн инфекци пуррине палӑртнӑ. Кунашкалли пандеми пуҫланнӑранпа пулман.

 

Сывлӑх
youtube.com сайтри сӑн
youtube.com сайтри сӑн

Республикӑра юлашки талӑкра кӑшӑлвирусран 1 ҫын ҫеҫ сывалнӑ. Чирлекенсем вара 35-ӗн пулнӑ.

Чӑваш Енре кӑшӑлвируспа чирлекенсен йышӗ 9 пине ҫывхарать – пӗтӗмпе 8954 ҫын инфекциленнӗ. Вӗсенчен 7477-шӗ сывалнӑ. Юлашки вӑхӑтра вилекенсен йышӗ нумайланнӑ – 105 ҫыннӑн пурнӑҫӗ кӑшӑлвируса пула татӑлнӑ.

Палӑртмалла: Раҫҫейре талӑкра 13592 ҫын инфекциленнӗ. Кунашкали ку таранччен пулман.

 

Сывлӑх
iz.ru сайтри сӑн
iz.ru сайтри сӑн

Федераци информаци центрӗ пӗлтернӗ тӑрӑх, республикӑра кӑшӑлвируспа чирлесе сывланисен йышӗ 7476 ҫынна ҫитнӗ. Пӗтӗмпе вара 8919 ҫын инфекциленнӗ.

Юлашки вӑхӑтра вилекенсен йышӗ ҫине-ҫинех пулнӑ: 105 ҫын пурнӑҫран уйрӑлнӑ. Ҫакна палӑртса хӑвармалла: юпа уйӑхӗнче республикӑра 12 ҫын кӑшӑлвирусран вилнӗ.

Пӗр талӑкра сывалакансен йышӗ нумай пулман – 8 ҫын каварлӑ вируса парӑнтарнӑ. Чирлекенсем вара нумайланнӑ: 33 ҫын инфекциленнӗ.

Хальхи вӑхӑтра 1338 ҫын килте е пульницӑра сипленет.

 

Сывлӑх

Чӑваш Енре кӑшӑлвирусран каллех вилнӗ. Хальхинче – 3 ҫын. Ҫапла майпа республикӑра чирлисен йышӗ 105 ҫынна ҫитнӗ.

Пӗр талӑкра 31 ҫын инфекциленнӗ, 23 ҫын сывалнӑ. Ку таранччен 8886 ҫын кӑшӑлвируспа чирленӗ, вӗсенчен 7468-шӗ сывалнӑ.

Палӑртмалла: юлашки вӑхӑтра Раҫҫейре чирлекенсен йышӗ нумайлансах пырать. Пӗр талӑкпа 12846 ҫын инфекциленнӗ. Ку – рекорд. Чӑваш Енре, пӗтӗмӗшле илсен, лару-тӑру йӗркеллех, кунсерен 30 яхӑн ҫын инфекциленет.

 

Сывлӑх

Шупашкар районӗнче икӗ пульницӑна тӗплӗн юсама палӑртнӑ. Ку хыпара республикӑн Сывлӑх сыхлав министерстви паян пӗлтернӗ.

Ӗнер Шупашкар районӗнче сывлӑх сыхлав министрӗ Владимир Степанов пулнӑ. «Перекетлӗ поликлиника» наци проектне пурнӑҫа кӗртнӗ май район пульницинчи стационарта тивӗҫлӗ ӗҫсем туса ирттермелле. Министр пульницӑн путвалӗнче юсав ӗҫӗсем епле пынипе те паллашнӑ.

Маларах асӑннӑ наци проекчӗпе килӗшӳллӗн Ишлейри 2-мӗш номерлӗ район пульницине тата Тутаркассинчи участокри пульницӑна та тӗплӗн юсаса ҫӗнетме палӑртнӑ.

 

Сывлӑх
sakhaparliament.ru сайтри сӑн
sakhaparliament.ru сайтри сӑн

Республикӑра кӑшӑлвируса пула тепӗр икӗ ҫыннӑн пурнӑҫӗ татӑлнӑ. Ҫапла майпа вилнисен йышӗ 102 ҫынна ҫитнӗ.

Паянхи кун тӗлне Чӑваш Енре 8855 ҫын инфекциленнӗ, вӗсенчен 7445-шӗ сывалнӑ. Юлашки талӑкра 29 ҫын вируса парӑнтарнӑ, 32 ҫын чирленӗ.

Хальхи вӑхӑтра 1308 ҫын кӑшӑлвирусран сипленет. Вӗсенчен 1147-шӗ пульницӑра выртать. 860 пациентӑн сывлӑхӗ йывӑртарах. 287 пациентӑна вара сывлӑхӗ питӗ йывӑр. Ӳпкене сывлаттармалли аппарат айӗнче 28 ҫын выртать. Пульницӑри койкӑсен 43,5 проценчӗ пушӑ.

 

Сывлӑх
yandex.ru сайтран илнӗ сӑнӳкерчӗк
yandex.ru сайтран илнӗ сӑнӳкерчӗк

Кӑшӑлвирус сарӑлассипе кӗрешекен республикӑри оперативлӑ штаб паян черетлӗ ларӑва пухӑннӑ. Иртнӗ эрнере ӑна Чӑваш Ен Министрсен Кабинечӗн Председателӗн ҫумӗ Алла Салаева ертсе пынӑччӗ, хальхинче Чӑваш Ен Элтеперӗ Олег Николаев хӑй хутшӑннӑ.

Республика Элтеперӗ тимлӗ пулмаллине аса илтернӗ. Кунта дезинфекци тӑвасси, маска тӑхӑнасси, гигиена кӗрет.

Роспотребнадзорӑн Чӑваш Енри управленийӗн ертӳҫи Надежда Луговская вӗҫемех рейдсем ирттернине ӗнентернӗ. Автобус-троллейбуссен водителӗсене перчеткесемпе, антисемпитксемпе тивӗҫтерменни, пассажирсенчен ҫурри маска тӑхӑнманни ҫиеле тухнӑ.

 

Сывлӑх
krchet.cap.ru сайтри сӑн
krchet.cap.ru сайтри сӑн

Ҫулталӑк вӗҫлениччен республикӑра тепӗр виҫӗ ФАП тума палӑртнӑ. Ҫавна май виҫӗ аукцион ирттересси пирки пӗлтернӗ.

ФАПсем Патӑрьел районӗнчи Кӗҫӗн Арапуҫра, Шупашкар районӗнчи Шуркассинче, Етӗрне районӗнчи Янӑмра пулӗҫ. Аукционри малтанхи хак – 4 миллион ытла тенкӗ. Аукционсем юпа уйӑхӗн 15-мӗшӗнче иртӗҫ. Унта ҫӗнтернӗ подрядчиксен ФАПа кӑҫалхи раштав уйӑхӗн 21-мӗшӗччен туса пӗтермелле.

ФАП пӗр хутлӑ пулӗ. Унта йышӑнмалли пӳлӗм, процедура тумалли пӳлӗм, эмел упрамалли пӳлӗм тӑвӗҫ. Сӑмах май, кӑҫал республикӑра 6 ФАП тума пуҫланӑ ӗнтӗ.

 

Сывлӑх
39rus.org сайтри сӑн
39rus.org сайтри сӑн

Чӑваш Енре кӑшалвирусран вилекенсен йышӗ татах нумайланнӑ – 100 ҫынна ҫитнӗ. Паянхи кун тӗлне икӗ ҫын вируса парӑнтараймасӑр вилнӗ. Кун пирки федераци информации центрӗ пӗлтерет.

Юпа уйӑхӗн 7-мӗшӗ тӗлне чирлисен йышне 30 ҫын хушӑннӑ. Кӑтарту 8789 ҫынпа танлашнӑ. Вӗсенчен 7385-шӗ сывалнӑ. Юлашки талӑкра 25 ҫын кӑшӑлвируса парӑнтарнӑ.

Хальхи вӑхӑтра республикӑри 1304 ҫын кӑшӑлвирусран сипленет. Чӑваш Енри кӑшӑлвирус сарӑлнин индексӗ 1,02-пе танлашать.

 

Сывлӑх

Хӗрлӗ Чутай районне куҫса ҫӳрекен флюорограф ҫитнӗ. Унта вӑл иккӗмӗш эрне ӗнтӗ ӗҫлет.

Республикӑн туберкулезпа кӗрешекен диспансерӗн ӗҫченӗсем район центрӗнчен аякра вырнаҫнӑ ялсене каяҫҫӗ. Хальлӗхе вӗсем Штанаш, Вӑрманкасси, Кӗрлев, Ҫӗнӗ Атикасси, Яманкасси, Кушлавӑш, Чурпай, Анат Ҫӗрпӳкасси, Акташ, Кивӗ Атикасси, Вырӑсушкӑнь, Сӗнтӗкҫырми тата ытти ялта пулнӑ.

Паян флюрограф Сӗренкасси, Калуккасси, Акчикасси, Шулю, Пӗрремӗш Липовка ялӗсенче ӗҫленӗ. Ыран, юпа уйӑхӗн 8-мӗшӗнче, Мишеркасси пӗтӗмӗшле практика врачӗн офисӗнче, юпан 9-мӗшӗнче Атнарти офисра пулӗ.

 

Страницӑсем: 1 ... 79, 80, 81, 82, 83, 84, 85, 86, 87, 88, [89], 90, 91, 92, 93, 94, 95, 96, 97, 98, 99, ...178
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.07.2025 15:00) сайра пӗлӗтлӗ ҫанталӑк, атмосфера пусӑмӗ 745 - 747 мм, 24 - 26 градус ӑшӑ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере тӑшмансем ура хурасран асӑрханмалла, сирӗн тавра элек сарма пултараҫҫӗ. Сӑмах пама асӑрханӑр. Вӑхӑта ӗҫре ытлашши нумай ирттермелле мар. Чылай ӗҫ пурнӑҫлама ӑнӑҫлӑ эрне. Ӗҫ хыҫҫӑн киле ҫемье патне васкамалла,пӗччен пулмалла мар.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хуҫа арӑмӗ
хӑнана ӑсатма никам та тухмасть
хуть те кам тухсан та
кил-йышри арҫын
ӑсатма тухни — ҫылӑх, юрамасть
хуҫа хӑй
хуҫа тарҫи