Сайта кӗр | Регистраци | Сайта кӗрсен унпа туллин усӑ курма пулӗ
 +3.2 °C
Ҫӑхан куҫне ҫӑхан сӑхмасть.
[ваттисен сӑмахӗ: 2523]
 

Хыпарсен ҫыххи: Сывлӑх

Сывлӑх

Ҫӗмӗрлери Зинаида Зуйкова фармацевт чун юратнӑ ӗҫре 43 ҫул ӗнтӗ тӑрӑшать. «Аптека — чун юратнӑ вырӑн манӑн», — тет вӑл. Малтан вӑл «Фармаци» предприятин Ҫӗмӗрлери район пульници ҫумӗнчи 126-мӗш аптекинче ӗҫленӗ, кайран 75-мӗшне куҫнӑ. Паян та унтах тӑрӑшать вӑл.

Ҫынсене ӑшӑ кулӑпа кӗтсе илекенскер патӗнчен халӑх татӑлмасть теҫҫӗ Чӑваш Ен Сывлӑх сыхлав министерствинче. Йӗри-тавра коммерци аптекисем йышлӑ пулин те Зинаида Зуйкова патне кӗреҫҫӗ.

Сӑмах май каласан, пирӗн ҫӗршывра ҫӗнӗ йышши аптека организацийӗсем пулӗҫ. Саккун проектне РФ Сывлӑх сыхлав министерстви сӗннӗ. «Парламентская газета» хаҫат пӗлтернӗ тӑрӑх, пӗрисем халӑха эмел тавраш сутакансем пулӗҫ, теприсем — медицина организацийӗсем ҫумӗнче, вӗсен структура подразделенийӗсем.

 

Сывлӑх
magis-sport.ru сӑнӳкерчӗкӗ
magis-sport.ru сӑнӳкерчӗкӗ

Кӑшӑлвирус алхаснине пула Чӑваш Ен чылай вӑхӑт чару мерисен саманинче пурӑнчӗ. Тинех пӗрремӗш тапхӑр вӗҫленчӗ. Иккӗмӗш тапхӑр ҫине куҫасси ҫинчен калакан хушӑва Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев паян алӑ пуснӑ.

Ку тапхӑрта 800 тӑваткал метртан пысӑк мар лаптӑклӑ суту-илӳ точкисем ӗҫлеме пуҫлӗҫ. Унсӑр пуҫне лицензиллӗ автошкулсем те вӗренекенсене йышӑнӗҫ. Раҫҫей Федерацийӗн тата Чӑваш Енӗн пӗрлештернӗ спорт командисен пайташӗсене тренировкӑсене пухӑнма ирӗк панӑ. Анчах пӳлӗмри 4 тӑваткал метр лаптӑк пуҫне 1 ҫын тивмелле.

Санаторипе курортсем те уҫӑлӗҫ. Вӗсем кӑшӑлвируспа чирленисене реабилитацилӗҫ.

 

Сывлӑх

Чӑваш Енре кӑшӑлвируспа чирлекенсем тупӑнсах тӑраҫҫӗ-ха. Лавккасенче, общество транспортӗнче халӑх маскӑсӑрах йышлӑн ҫӳрет. Маска тӑхӑнмалли пирки пысӑк суту-илӳ центрӗсенче приемникпа асӑрхаттарса тӑраҫҫӗ те, анчах халӑхӑн самай пайӗ ӑна итлемест, лавкка хуралҫисем те маска пирки аса илтермеҫҫӗ.

Фейсбукра пӗри ҫырнӑ тӑрӑх, унӑн Мускавра ӗҫлекен хӗрне пуҫлӑх Чӑваш Ене ярасшӑн пулман. Вӑл ӑна пирӗн тӑрӑхра эпидемиологи лару-тӑрӑвӗ начар, апла пулсан ҫӗршывӑн тӗп хулине таврӑнсан икӗ эрне карантинта ларма тивӗ тесе асӑрхаттарнӑ.

Мускаври организацире ӗҫлекен Шупашкар хӗрӗн пуйӑс ҫине туяннӑ билета каялла тавӑрса пама, канмалли кунсене ҫӗршывӑн тӗп хулинчех ирттерме тивнӗ.

 

Сывлӑх
max4u.ru сайтри сӑн
max4u.ru сайтри сӑн

Юлашки талӑкра Чӑваш Енре миҫе ҫын кӑшӑлвируспа чирленӗ? Стопкоронавирус.рф сайт пӗлтернӗ тӑрӑх, пирӗн республикӑра юлашки талӑкра 45 ҫын инфекциленнӗ. Чирлисен йышӗ 6529 ҫынна ҫитнӗ.

Паянхи кун валли тепӗр 49 пациент сывалнӑ. Ку таранччен 3562 ҫын инфекцие парӑнтарнӑ.

Республикӑра 51 ҫын каварлӑ вируса парӑнтарайман, юлашки талӑкра вилнисем пулман. Юлашки вӑхӑтра республикӑра кӑшӑлвирусран вилнӗ ҫынсен шучӗ тӑрук нумайланнӑ. Ҫавна май влаҫри ҫынсем ҫак ыйтӑва тишкерӗҫ.

Хыпар ҫӑлкуҫӗ: https://pg21.ru/news/65776
 

Сывлӑх

Чӑваш Енре кӑшӑлвирус сарӑлнине хирӗҫ йышӑннӑ чару мерисен иккӗмӗш тапхӑрне куҫасси пирки калаҫаҫҫӗ-ха. Ҫав вӑхӑтрах ҫак вируспа чирлекенсем ҫав-ҫавах йышлӑ.

Официаллӑ статистикӑна ӗненсен, иртсе кайнӑ талӑкра пирӗн республикӑра кӑшӑлвирус диагнозне тата тепӗр 44 ҫынӑнне шута илнӗ. COVID-19 диагнозне пӗтӗмпе 6484 тӗслӗх тупса палӑртнӑ. Сӑмах май каласан, социаллӑ учрежденисенче те пысӑк йышпа чирлекенсем пур. Аса илтерер: Кӳкеҫри ваттисемпе сусӑрсен ҫуртӗнче 22 ҫын кӑшӑлвируспа чирленӗ, ҫав шутра 11 ҫын – ваттисен ҫуртӗнче ӗҫлекенсем.

3516 ҫын сывалнӑ, ҫав шутран 31-шӗ – юлашки тапхӑрта.

Кӑшӑлвирус 51 ҫыннӑн пурнӑҫне татнӑ. Юлашки талӑкра вилнисене шута илмен.

 

Сывлӑх
like29.ru сайтри сӑн
like29.ru сайтри сӑн

Ҫӗнӗ Шупашкарти ача пахчинче кӑшӑлвируспа чирлӗ ҫын ӗҫленӗ. Ҫавна май унта чирлекенсен йышӗ те ӳснӗ. Кун пирки Роспотребнадзорӑн Чӑваш Енри управленийӗн ертӳҫи Надежда Луговская пӗлтернӗ.

Сӑмах – Первомайски урамӗнче вырнаҫнӑ «Калинка» ача пахчи пирки. Унти ӗҫчен кӑшӑлвируспа чирлӗ ҫынпа хутшӑннӑ, анчах килте карантинра ларман. Унӑн анализӗ те вӑл инфекциленнине палӑртнӑ. Ҫакна пӗлсех вӑл ӗҫе килнӗ. Ача пахчин должноҫри ҫынни тӗлӗшпе протокол ҫырнӑ.

Аса илтерер: Чӑваш Ен кашӑлвируса пула йышӑннӑ чарусене пӑрахӑҫламалли иккӗмӗш тапхӑра кӗме хатӗрленет.

 

Сывлӑх
Владимир Степанов министр
Владимир Степанов министр

Паян Чӑваш Енре кӑшӑлвирус сарӑлнине хирӗҫ ӗҫлекен оперативлӑ штабӑн черетлӗ ларӑвӗ иртнӗ. Унта ҫынсем вилесси нумайланни пирки те сӑмах хускатнӑ. Ҫавна май республикӑра ку ыйтупа ятарласа канашлу ирттермелле. Ҫавӑнта федераци органӗсенче тӑрӑшакансене хутшӑнма ыйтӗҫ.

Ҫынсем вилнин сӑлтавне тишкерес тӗллевӗллӗ канашлу ирттерме Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев Правительствӑн вице-премьерне Алла Салаевӑна тта республикӑн сывлӑх сыхлав министрне Владимир Степанова хушнӑ.

«Республикӑра вилекенсен йышӗ ӳснин сӑлтавне палӑртмалла пирӗн», – тенӗ Олег Николаев. Республика ертӳҫи яваплӑ службӑсем епле ӗҫленине тишкерме сӗннӗ.

 

Сывлӑх

Кӳкеҫри ваттисемпе сусӑрсем интернат-ҫуртӗнче кӑшӑлвируспа пысӑ ушкӑнпа чирлеҫҫӗ.

Асӑннӑ чир сарӑлассине кӗрешекен оперативлӑ штаб паян ларӑва пухӑннӑ. Роспотребнадзорӑн Чӑваш Енри управленийӗн пуҫлӑхӗ Надежда Луговская пӗлтернӗ тӑрӑх, ваттисен ҫуртӗнче COVIDпа 22 ҫын чирленӗ. Вӗсен йышӗнче учреждени ӗҫченӗсем те, пурӗ 11 ҫын, пур.

Надежда Луговская каланӑ тӑрӑх, вируса учреждени ӗҫченӗ ҫаклатнӑ, ун урлӑ ыттисене ернӗ. Ваттисен ҫуртӗнче чире сарас мар тесе кирлӗ мерӑсем вӑхӑтра йышӑнман. Вирус ернисене уйрӑм тытмалла пулнӑ. Роспотребнадзор санитарипе эпидемие хирӗҫ мерӑсем йышӑнма, чирлисене уйрӑм тытма хушнӑ.

Ҫу уйӑхӗнче чир Кӳкеҫри сусӑр ачасен ҫуртӗнче сарӑлнӑ. Ун чухне 14 тӗслӗх шута илнӗ.

 

Сывлӑх
yandex.ru сӑнӳкерчӗкӗ
yandex.ru сӑнӳкерчӗкӗ

Чӑваш Енри пульницӑсенче хальхи вӑхӑтра вырӑнпа выртакансем патне те кӗртмеҫҫӗ. Кун пирки Маргарита Красотина журналист Фейсбукра ҫырнӑ.

«Паян кашни пульница-стационар, кашни!, крепость евӗр пулса тӑчӗ. Пульницӑра выртакан ҫывӑх ҫынни патне палатӑна кӗртмеҫҫӗ ҫеҫ мар, пульницӑн холне е коридорне те иртейместӗн. Пандеми правилисем стационарсене тата вырӑнпа выртакан чирлӗ ҫынсене пӑхакансемсӗр хӑварчӗ», — хыпарланӑ журналист.

Чӑн та, вырӑнпа выртакансене пӑхакансем пульницӑсене ахаль те ҫукчӗ. Ун пекккисене, мӗн пытармалли, ҫывӑх ҫынсемсӗр йышӑнасшӑн та марччӗ маларах. Кун пеккине ҫак йӗркесен авторӗ хӑй те курнӑччӗ. Халӗ, ав, кӗрес-пӑхас тесен те ирӗк памаҫҫӗ иккен. Хуралҫӑ тытса чарать. Мӗн тӑвас, йӗрки ҫапла. Кӑшӑлвирус...

 

Сывлӑх

Раҫҫей Патшалӑх Думи Ӗҫ кодексне улшӑну кӗртме йышӑннӑ. Хальхи ҫӗнӗлӗх 40 ҫултан иртнӗ ҫынсене диспансеризаци тухма канмалли кун парассипе ҫыхӑннӑ. Вӗсене ун пек куна кашни ҫулах, ҫулталӑкра пӗр хутчен, памалла. Саккуна улшӑну кӗртес сӗнӳпе Патшалӑх Думине РФ Правительстви тухнӑ. Ҫакна ҫынсен сывлӑхӗшӗн тӑрӑшнипе сӑлтавланӑ. Унсӑр пуҫне тата тепӗр ҫӗрте пуҫлӑхсем ҫынсене пульницӑна ярасшӑнах мар.

Диспансеризаци тухма илнӗ куншӑн тӳлемелле. Ҫын чӑннипех те пульницӑра пулнине ӗненмен хуҫасем валли сывлӑх сыхлав учрежденийӗнче справка илмелле.

Саккуна улшӑну кӗртиччен диспансеризаци тухма виҫӗ ҫулта пӗр хутчен канмалли кун пама пӑхса хӑварнӑччӗ.

 

Страницӑсем: 1 ... 81, 82, 83, 84, 85, 86, 87, 88, 89, 90, [91], 92, 93, 94, 95, 96, 97, 98, 99, 100, 101, ...170
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 03:00) пӗлӗтлӗ ҫанталӑк, атмосфера пусӑмӗ 746 - 748 мм, -1 - 1 градус сивӗ пулӗ, ҫил 5-7 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуть те кам тухсан та
хуҫа хӑй
хуҫа арӑмӗ
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
кил-йышри арҫын
хуҫа тарҫи
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем