Сайта кӗр | Регистраци | Сайта кӗрсен унпа туллин усӑ курма пулӗ
 +23.3 °C
Кивӗ кӗрӗк ҫил вӗрнипех ҫӗтӗлет.
[ваттисен сӑмахӗ]
 

Хыпарсен ҫыххи: Сывлӑх

Сывлӑх
history1.ru сайтри сӑн
history1.ru сайтри сӑн

Республикӑра кӑшӑлвирусран тепӗр тӑватӑ ҫын пурнӑҫран уйрӑлнӑ. Кун пирки федераци информаци центрӗ пӗлтерет.

Ку таранччен 8650 ҫын инфекциленнӗ, вӗсенчен 7298-шӗ сывалнӑ. Юлашки талӑкра 22 ҫын чире парӑнтарнӑ, 27 ҫын инфекциленнӗ.

Хальхи вӑхӑтра 1255 ҫын килте е пульницӑра сипленет. Симптомсемсӗр чирлекенсен йышӗ 28 процентран 17 процента ҫитнӗ. Республикӑра кӑшӑлвирус сарӑлнин индексӗ 1-пе танлашать. Пульницӑсенчи койкӑсен 41,2 проценчӗ пушӑ. 100 пин ҫын пуҫне 109,8-шӗ инфекци пуррипе ҫуккине тӗрӗслеме анализ парать.

 

Сывлӑх

Паян Чӑваш Ен Правительство ҫуртне республикӑра кӑшӑлвирус сарӑлнипе кӗрешес енӗпе ӗҫлекен оперативлӑ штабӑн черетлӗ ларӑвне пуҫтарӑннӑ.

Унта Роспотребнадзорӑн Чӑваш Енри управленийӗн ертӳҫин ҫумӗ Елена Прокопьева Шупашкарти 2 ача пахчинче тата 6 шкулта, Канаш, Пӑрачкав, Элӗк районӗсенчи шкулсенче, Патӑрьелти техникумра чирлекенсем тупӑннине пӗлтернӗ. Красноармейски районенчи Упири психоневрологи уйрӑмӗнче пневмонипе аптракансене 8 ҫын таран шута илнӗ. Вӗсенчен пӗри кӑшӑлвируспа чирлет.

Роспотребнадзор специалисчӗ чирлекенсен йышӗ ӳссе кайнине вӗсене пульницӑна вӑхӑтра ӑсатманнипе сӑлтавланӑ.

 

Сывлӑх

Нумаях пулмасть Республикӑри вӑрҫӑ ветеранӗсен клиника госпиталӗнчен 66 ҫулти хӗрарӑм сывалса тухнӑ. Вӑл ура ҫине тӑрасса тухтӑрсем малтанласа, тен, шанман та пулӗ. Апла пулин те вӗсем хӑйсен тивӗҫне тӳрӗ кӑмӑлпа тата таса чунпа пурнӑҫланӑ.

Республикӑн аякри районӗсенчен пӗринче пурӑнакан хӗрарӑм кӑшӑлвируспа чирленӗ. Унран та ытларах — сахӑр диабечӗ те пулнӑ унӑн, мӑнтӑр пирки те нушаланнӑ, чӗрепе юн тымарӗсен чирӗсем асаплантарнӑ. Хӗрарӑмӑн пневмоние пула ӳпки 100 проценчӗпе шыҫнӑ. Йывӑр чирлӗскере анестезиологипе реанимаци уйрӑмне вырттарнӑ. Унта уйӑх ытла сипленӗ. Хӗрарӑм пурнӑҫне ҫӑлса хӑварнӑ-хӑварнах.

Тухтӑрсем вируспа инфекци чирӗсенчен асӑрханма чӗнсе калаҫҫӗ.

Хыпар ҫӑлкуҫӗ: https://vk.com/feed?w=wall-96636200_1714
 

Сывлӑх
mnepomog.ru сайтри сӑн
mnepomog.ru сайтри сӑн

Юлашки талӑкра республикӑра 30 ҫын кӑшӑлвируспа чирленӗ. Кун пек хисеп тахҫанах пулман, авӑнӑн 8-мӗшӗнче ҫеҫ чирлисен йышӗ ҫавӑн чухлех пулнине палӑртнӑччӗ. Унтанпа пӗр талӑкра чирлекенсен йышӗ 22-28 ҫын пулнӑ.

Ку таранччен 8570 ҫын инфекциленнӗ, вӗсенчен 7229-шӗ сывалнӑ. Паянхи кун тӗлне тепӗр 22 ҫын кӑшӑвируса парӑнтарнӑ. Хальхи вахӑтра 1248 ҫын чирлет, вӗсем килте е пульницӑра сипленеҫҫӗ.

Эпидеми пуҫланнӑранпа Чӑваш Енре 93 ҫын кӑшӑлвируса пула вилнӗ. Республикӑра кӑшӑлвирус сарӑлнин индексӗ 1,06-па танлашать.

 

Сывлӑх

Чӑваш Енри маттур кардиохирургсенчен пӗри, Николай Трофимов, Республикӑри кардиохирурги диспансерӗнче тӑрӑшать. Чӗрепе юн тымарӗсен хирургӗ ҫак енӗпе вӑл 2011 ҫултанпа ӗҫлет. 34-ра кӑна пулин те кӑткӑс операцисене ӑнӑҫлӑ ирттерет. Уйӑхсерен 15-20 операци тӑвать. Кашниех хӑйне евӗрлӗхпе, кӑткӑслӑхпа уйрӑлса тӑрать. Кашнинчех тимлӗ те пысӑк профессионал пулнине ҫирӗплетме тивет.

Ҫамрӑк кардиохирург ӑслӑлӑхпа тӗпчев ӗҫӗпе кӑсӑкланать. Вӑл ҫӗршыври тата тӗнче шайӗнчи чӗрепе юн тымарӗсен тата аритмологи конференцийӗсенче тухса калаҫать. Николай Трофимов — каридохирурги енӗпе 4 патент авторӗ. Сӑмах май каласан, паян — Пӗтӗм тӗнчери чӗре кунӗ.

Хыпар ҫӑлкуҫӗ: https://www.instagram.com/p/CFtjJPGAV8k/
 

Сывлӑх

Шупашкар районӗнчи пульницӑра ӗҫлекен участокри врача кӑшӑлвируса хирӗҫ ӗҫсене кирлӗ пек пурнӑҫламаншӑн явап тыттарӗҫ. Кун пирки Роспотребнадзорӑн республикӑри управленийӗн ертӳҫин ҫумӗ Елена Прокопьева оперштабӑн ларӑвӗнче пӗлтернӗ. Аса илтерер: кӑшӑлвируспа кӗрешекен оперативлӑ штаб эрнекун ларӑва пухӑннӑччӗ.

Шупашкар районӗнчи пульницӑра ӗҫлекен тухтӑр кӑшӑлвирус тупса палӑртнӑ хыҫҫӑн профилактика ӗҫӗсене пурнӑҫлассипе ҫине тӑман. Чирлӗ ҫынпа хутшӑннӑ ҫынсене вӑл вӑхӑтра шута илмен тата COVID-19 анализне илме яма васкаман.

Направлени пулсан та анализ пама кайманнисем те пулнӑ пирӗн республикӑра. Ун пеккисен тӗлӗшпе иртнӗ эрнере икӗ протокол ҫырнӑ.

Вӑрмарти лавккасенчен пӗринче администратор маскӑсӑр ӗҫленӗ. Ун тӗлӗшпе те протокол ҫырнӑ.

 

Сывлӑх
premier.region35.ru сайтри сӑн
premier.region35.ru сайтри сӑн

Европӑра тата Раҫҫейри хӑш-пӗр регионта кӑшӑлвируспа чирлекенсем нумайланнӑран Чӑваш Енри тӳре-шара маларах сисчӗвленнӗ, инфекцие сарӑлма парас мар тесе мерӑсене вӑйлатасшӑн.

Ют ҫӗршывран килекенсем анализ параҫҫӗ-ха, анчах ют регионсенчен килекенсемпе мӗнле пулмалла? Мускавран тата Мускав облаҫӗнчен вахта мелӗпе ӗҫлесе килекенсене вӑйлӑрах тӗрӗслесшӗн. Ку ӗҫе ял тӑрӑхӗн пуҫлӑхӗсене, ял старостисене явӑҫтарасшӑн.

Шупашкарти тата Ҫӗнӗ Шупашкарти, шӑпах ҫак муницbпалитсенче чирлекен нумай, общество вырӑнӗсенче тата транспортра профилактика мерисене вӑйлатасшӑн. Шкула тата ача пахчине ҫӳрекен ачасен ашшӗ-амӑшӗпе те калаҫу ирттересшӗн: чирлӗ шӑпӑрлансене ҫавӑтса ан килччӗр. Педагогсен вара медицина маски тӑхӑнмалла.

 

Сывлӑх
nikatv.ru сайтри сӑн
nikatv.ru сайтри сӑн

Республикӑра юлашки вӑхӑтра кӑшӑлвируспа ҫине-ҫинех вилеҫҫӗ. Паянхи кун тӗлне ав тепӗр ҫын пурнӑҫран уйрӑлнӑ. Ҫапла майпа ку таранччен ҫак каварлӑ инфекцие пула 93 ҫыннӑн пурнӑҫӗ татӑлнӑ.

Паянхи кун тӗлне Чӑваш Енре 8486 ҫын кӑшӑлвируспа чирленӗ. Юлашки талӑкра 27 ҫыннӑн анализӗ организмра ҫак инфекци пуррине кӑтартнӑ. 21 ҫын вара сывалнӑ. Пӗтӗме ку таранччен 7195 ҫын кӑшӑлвируса парӑнтарнӑ.

Хальхи вӑхӑтра 1198 ҫын инфекцирен сипленет. Республикӑра кӑшӑлвирус сарӑлнин индексӗ 1-пе танлашать.

 

Сывлӑх
cheboksari.bezformata.com сӑнӳкерчӗкӗ
cheboksari.bezformata.com сӑнӳкерчӗкӗ

Кӑшалвирус инфекцийӗ сарӑлнипе кӗрешекен оперативлӑ штаб паян каллех ларӑва пуҫтарӑннӑ. Эрнесерен пухакан ӗҫлӗ канашлура палӑртнӑ тӑрӑх, кӑшӑлвируспа чирлекенсем Шупашкар, Ҫӗнӗ Шупашкар тата Улатӑр хулисенче, Шупашкар, Етӗрне, Комсомольски районӗсенче нумайрах. Ларура пӗлтернӗ тӑрӑх, чирпе ватӑ ҫынсем ытларах нушаланаҫҫӗ.

Иртнӗ эрнере пирӗн республикӑри 5 шкулта тата 1 ача пахчинче ку вируспа чирлисем пуррине шута илнӗ. Шупашкарта «Малютка» ача ҫуртӗнче те ҫав вирус ернӗ ҫынна тупса палӑртнӑ.

Республика Элтеперӗ Олег Николаев хӑрушсӑрлӑх мерисене ҫирӗп пӑх пирки аса илтернӗ.

 

Сывлӑх
polis812.ru сайтри сӑн
polis812.ru сайтри сӑн

Чӑваш Енре каллех кӑшӑлвирусран вилнӗ. Хальхинче тепӗр виҫӗ ҫын пурнӑҫран уйрӑлни пирки пӗлтереҫҫӗ. Ҫапла майпа ку таранччен республикӑра 92 ҫын инфекцие парӑнтарайман.

Ҫулталӑк пуҫланнӑранпа 8459 ҫын кӑшӑлвируспа чирленӗ. Вӗсенчен 7174 ҫын сывалнӑ. Хальхи вӑхӑтра 1193 ҫын сипленет. Вӗсенчен 25-шӗ ӳпкене сывлаттармалли аппарат айӗнче выртать. Палӑртмалла: кӑшӑлвируспа чирлекенсенчен 185-шӗ – 18 ҫул тултарман ачасем.

Республикӑра кашӑлвирус сарӑлнин индексӗ 1-пе танлашать. Кайка фончӗн 62,1 проценчӗ пушӑ.

 

Страницӑсем: 1 ... 81, 82, 83, 84, 85, 86, 87, 88, 89, 90, [91], 92, 93, 94, 95, 96, 97, 98, 99, 100, 101, ...178
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (25.07.2025 15:00) сайра пӗлӗтлӗ ҫанталӑк, атмосфера пусӑмӗ 746 - 748 мм, 21 - 23 градус ӑшӑ пулӗ, ҫил 3-5 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере хӑнана чӗнсен ан хирӗҫлӗр — унта усӑллӑ паллашусем пулӗҫ, ҫӗнӗ туссем тупатӑр, Пуҫри «таракансене» йӗркене кӗртессишӗн ан тӑрӑшӑр, юратнӑ ҫынна та ку енӗпе ан тарӑхтарӑр - кӑмӑл хуҫӑлӗ кӑна. Ку эрнере кӑмӑл вара лайӑх, ҫӑлтӑрсем лайӑх хыпар е кӑмӑллӑ тӗлпулу пулассине систереҫҫӗ.

Утӑ, 25

1913
112
Емельянов Прохор Канонович, чӑваш ҫыравҫи, драматургӗ ҫуралнӑ.
1925
100
«Сунтал» журналӑн пӗрремӗш кӑларӑмӗ тухнӑ.
1943
82
Сваев Владимир Ильич, экономист, Чӗмпӗр облаҫӗн чӑвашӗсене ертсе пынӑскер (хх–2016) ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хуҫа тарҫи
хуть те кам тухсан та
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа хӑй
хуҫин ҫитӗннӗ ачисем
хӑнана ӑсатма никам та тухмасть
кил-йышри арҫын
хуҫа арӑмӗ