sensaciy.net сайтри сӑн

Паян каллех кӑшӑлвирусран ҫынсем вилнине палӑртнӑ. Хальхинче – 12 ҫын. Вируса пула вилнин кӑтартӑвӗ ҫаплипех пысӑк-ха.

Ку таранччен республикӑра 819 ҫын ҫак вируса ҫаклатса вилнӗ. Ку таранччен 19009 ҫын инфекциленнӗ. Вӗсенчен 17105-шӗ сывалнӑ. Эппин, чирленисен 90 проценчӗ сывалнӑ.

Юлашки талӑкра 93 ҫын сывалнӑ. Пӗр талӑкра 95 ҫын кӑшӑлвируспа чирленине палӑртнӑ.

Аса илтерер: нумаях пулмасть республикӑна кӑшӑлвирусран хӳтӗленмелли вакцинӑн тепӗр партийӗ килнӗ.

(Таврапӗлӳҫӗ типтерӗнчен)

Ватлӑх кунра савӑнӑҫ нумаях тупӑнмасть. Ҫавӑнпа пӗр савӑнӑҫ ҫинчен каласа хӑварас килчӗ.

Сакӑрвуннӑран иртсен тухтӑрсемпе, шураппасене (сестрасемпе санитаркӑсене эпӗ ҫапла чӗнетӗп — Aqabasar ятлать пулсан та) самаях чӑрмантарма тиврӗ. Васкавлӑ пулӑшу сыватӑшӗн Ҫурҫӗрти уйрӑмӗнче, Шупашкарти Ленин проспектӗнчи тӗп сыватӑшра тата Тракторҫӑсен аслӑ урамӗнчи Радислав Максимов ертсе пыракан уйрӑмри ӑстасене тимлӗхӗшӗн, чӑтӑмлӑхӗшӗн, ӑшӑ кӑмӑлӗшӗн мухтаса пӗтерейместӗп. Ятран каласа тухаймӑп — пӗри те тепри чӑваш хӗрӗсем (пӗтӗмпе пекех вӗсем ӗҫлеҫҫӗ) ырӑ кӑмӑлли, ӗҫченни курӑнать. Ҫак маттур та чӑтӑмлӑ шураппасене мӗнле медаль, мӗнле орден тивӗҫет-ши? тесе шухӑшласа выртаттӑм.

Ҫынна курса савӑнмалли килте те тупӑнать. Пӗринче юн пусӑмӗ итлеми хӑпарса кайрӗ те, васкавлӑ пулӑшӑва чӗнме тиврӗ. Часах ҫитрӗ, пӗртте кӗттермерӗ. Ушкӑнри Валентина Юрьевна Ерофеева, унӑн пулӑшаканӗ Дмитрий Ермаков вӑр-вар та тавҫӑруллӑ пулни тӳрех курӑнчӗ (ку хушӑра манӑн тӗрлӗ пулӑшуҫӑсене курма тиврӗ ҫав!

Малалла...

mk.ru сайтри сӑн

Чӑваш Енре юлашки талӑкра 13 ҫыннӑн пурнӑҫӗ кӑшӑлвируса пула татӑлнӑ. Ку таранччен каварлӑ вируса пула 807 ҫын вилнӗ.

Паянхи кун тӗлне 18914 ҫын инфекциленнӗ. Вӗсенчен 17012-шӗ сывалнӑ. Юлашки талӑкра 102 ҫын кӑшӑлвируспа чирленӗ. Сывалакансем кӑшт нумайрах пулнӑ: 104 ҫын.

Кӑҫал ҫулталӑк пуҫланнӑранпа 279 ҫын каварлӑ инфекцие пула вилнӗ. Ку – сахал мар кӑтарту, мӗншӗн тесен 3 эрне ҫурӑ ҫеҫ иртнӗ.

Чӑваш Енре чирлисене пульницӑна кӑҫал та вертолетпа илсе кайӗҫ. Пӗлтӗр вертолета пирӗн республикӑпа Мари Эл пӗрле арендӑна илнӗччӗ. Республикӑн Сывлӑх сыхлав министерствинче пӗлтернӗ тӑрӑх, санитари авиацийӗ валли пирӗн республика 25 миллион тенкӗ тӑкакланӑ, маларах эпир асӑннӑ кӳршӗллӗ регион — 15 миллион. Вертолет пӗр сехет вӗҫнӗшӗн 231 пин те 066 тенкӗ тухса кайнӑ.

Пӗлтӗр вертолетпа 52 пациента пульницӑна илсе кайнӑ. Кӑҫал санавиаципе 53 хутчен усӑ курӗҫ. Кӑҫал вертолет валли тата тепӗр икӗ лапам тӑвӗҫ: Ҫӗмӗрлере тата Канашра. Пӗлтӗр Шупашкарта тата Улатӑрта тунӑ.

Паян кӑшӑлвируспа кӗрешекен оперштабӑн черетлӗ ларӑвӗ иртнӗ. Роспотребнадзор унта пӗлтернӗ тӑрӑх, Шупашкарти экономикӑпа технологи колледжӗн студенчӗсем кӑшӑлвируспа чирленӗ.

Ведомство палӑртнӑ тӑрӑх, хальхи вӑхӑтра Чӑваш Енре вӗренӳ организацийӗсенче кӑшӑлвируспа чирленӗ 14 тӗслӗх тупса палӑртнӑ. Шупашкарта – 9, Ҫӗнӗ Шупашкарта – 11, Канашра 2, районсенче 2 тӗслӗх.

Ҫавӑн пекех ача пахчисенче те чирлекенсем пур. Ултӑ шкулта, виҫӗ техникум-колледжра кӑшӑлвируспа аптӑранӑ ҫынсене тупса палӑртнӑ. Шупашкарти экономикӑпа технологи колледжӗнче виҫӗ студент инфекциленнӗ.

Ку таранччен республикӑна кӑшӑлвирусран хӳтӗленмелли вакцинӑн темиҫе партийӗ килнӗ. Вӗсене ҫынсене туса пӗтернӗпе пӗрех.

Кӗҫех республикӑна тепӗр пысӑк парти ҫитмелле. Пӗтӗмпе – 17,5 пин доза. Ку – «Спутник V» вакцина. Нарӑс уйӑхӗнче тепер парти – 25 пин ытла доза – килмелле. Ҫавӑн пекех «векторлӑ» вакцина ЭпиВакКорона килме пултарать. Ҫапла майпа республикӑри ҫынсем хӑш вакцинӑна тӑвассине суйлама пултараҫҫӗ. Палӑртмалла: вакцинӑсене упрамалли морозильниксем те туяннӑ.

clinica-opora.ru сайтри сӑн

Кӑрлач уйӑхӗ пуҫланнӑранпа Чӑваш Енре кӑшӑлвирус рекорд лартать. 20 кунра 219 ҫын чире парӑнтараймасӑр вилнӗ. Юлашки талӑкра 11 ҫыннӑн пурнӑҫӗ татӑлнӑ. Пандеми пуҫланнӑранпа 747 ҫын каварлӑ вируспа чирлесе вилнӗ.

Паянхи кун тӗлне республикӑра 18399 ҫын инфекциленнӗ. Вӗсенчен 16501-шӗ сывалнӑ.

Юлашки талӑкра 108 ҫын кӑшӑлвируспа чирленӗ. 88 ҫын сывалса тухнӑ. Хальхи вӑхӑтра 1151 ҫынна тухтӑрсем сӑнаса тӑраҫҫӗ. Вӗсен кӑшӑлвирус дигнозӗ ҫирӗпленнӗ.

zyuzinomedia.ru сайтри сӑн

Тепӗр 11 ҫын кӑшӑлвирусран вилнӗ. Ку – федераци информаци центрӗн статистики. Паянхи кун тӗлне 736 ҫын кӑшӑлвирусран вилнӗ.

Кӑрлач пуҫланнӑранпа 208 ҫыннӑн пурнӑҫӗ каварлӑ вируса пула татӑлнӑ. Ку таранччен 18291 ҫын инфекциленнӗ. Вӗсенчен 16413-шӗ сывалнӑ.

Юлашки талӑкра 110 ҫын кӑшӑлвируспа чирленӗ. 77 ҫын сывалнине палӑртнӑ. Хальхи вӑхӑтра 1142 пациента тухтӑрсем сӑнаса тӑраҫҫӗ. Вӗсен кӑшӑлвирус диагнозӗ ҫирӗпленнӗ. Кунсӑр пуҫне ӳпке шыҫҫипе чирлекенсем нумаййӑн.

clinica-opora.ru сайтри сӑн

Паян тепӗр 13 ҫыннӑн пурнӑҫӗ кӑшӑлвируса пула татӑлнӑ. Ку таранччен республикӑра 725 ҫын каварлӑ вируса пула вилнӗ.

Паянхи кун тӗлне 18181 ҫын инфекциленнӗ. Вӗсенчен 16336-шӗ сывалнӑ. Юлашки талӑкра 114 ҫын кӑшӑлвируспа чирленӗ. Юлашки вӑхӑтра инфекциленнисен йышӗ каллех кӑшт ӳснӗ. Паянхи кун тӗлне тепӗр 93 ҫын сывалнӑ. Кӑрлач уйӑхӗнче кӑшӑлвирусран вилекенсем нумай пулнӑ: 18 кунра 197 ҫыннӑн пурнӑҫӗ татӑлнӑ. Палӑртмалла: республикӑра кӑшӑлвируспа чирленисен 90 проценчӗ сывалнӑ.

Сӑмах май, нарӑс уйӑхӗнче ЧР Элтеперӗ Олег Николаев кӑшӑлвирусран прививка тума палӑртнине пӗлтернӗ.

Кӑшарни тӗлне хатӗрленӗ шыва кӗмелли вырӑсенче паянтан тытӑнса кӑрлач уйӑхӗн 20-мӗшӗччен васкавлӑ пулӑшу машинисем дежурствӑра тӑрӗҫ.

Ҫӗнӗ Шупашкарти Ҫветтуй Улатимӗр кнеҫ соборӗ патӗнчи купель ҫывӑхӗнче васкавлӑ пулӑшу машини кӑрлач уйӑхӗн 18-мӗшӗнчи 22 сехетрен тытӑнса кӑрлачӑн 19-мӗшӗнчи 8 сехетчен, кӑрлачӑн 19-мӗшӗнчи 16 сехетрен кӑрлачӑн 20-мӗшӗнчи 06 сехетчен дежурствӑра пулӗ.

Шупашкарти виҫӗ купель ҫывӑхӗнче кӑрлачӑн 19-мӗшӗнчи 16 сехетчен васкавлӑ пулӑшу машинисем пулӗҫ.

Районсенче те тухтӑрсен бригадисем дежурствӑра тӑрӗҫ.