Сайта кӗр | Регистраци | Сайта кӗрсен унпа туллин усӑ курма пулӗ
 +18.3 °C
Вӑрман пек пуянни ҫук, хир пек асли ҫук.
[ваттисен сӑмахӗ]
 

Хыпарсен ҫыххи: Хулара

Хулара
ШӖМ тунӑ сӑн
ШӖМ тунӑ сӑн

Нарӑсӑ 23-мӗшӗнче ирхи 5 сехетре 16 ҫулти каччӑ икӗ тусӗпе каферен тухнӑ та руль умне ларнӑ. Вӑл ӳсӗр пулнӑ.

Полицейскисем ӑна курнӑ, чарӑнма ыйтнӑ. Анчах ӳсӗрскер итлемен - тарнӑ. Йӗрке хуралҫисем - ун хыҫҫӑн.

Хайхи каччӑ тарнӑ чухне кӗрт ҫине пырса тӑрӑннӑ. Водитель тата икӗ пассажир салонран тухса тарма пуҫланӑ. Йӗрке хуралҫисем вӗсене хӑваласа ҫитнӗ.

16-ри каччӑн водитель прави пулман. Халӗ ӗҫ-пуҫа тишкереҫҫӗ.

Хыпар ҫӑлкуҫӗ: https://t.me/mvd_chuvashia/946
 

Хулара
"Про Город" сайтӗнчи сӑн
"Про Город" сайтӗнчи сӑн

Паян, Тӑван ҫӗршыв хӳтӗлевҫин кунӗнче, Шупашкарта автобусра икӗ арҫын ҫапӑҫнӑ.

"Про Город" хаҫата халӑх корреспонденчӗ пӗлтернӗ тӑрӑх, 13 сехет ҫурӑра Ҫӗнӗ Шупашкара ҫӳрекен 331-мӗш автобусра ӳсӗр арҫын ҫывӑрнӑ. "Модӑсен ҫучӗ" чарӑнӑва ҫитсен водитель ӑна вӑратнӑ та тухма ыйтнӑ. Лешӗ киӗшмен. Водитель ӑна ҫамкипе ҫапнӑ. Хӑйӗн куҫ харши ҫурӑлса кайнӑ. Пассажирӑн вара пичӗ суранланнӑ. Кун хыҫҫӑн ӳсӗр арҫын салонран тухнӑ.

Хыпар ҫӑлкуҫӗ: https://pg21.ru/news/85220
 

Хулара
cap.ru сӑнӳкерчӗкӗ
cap.ru сӑнӳкерчӗкӗ

Шупашкарта пурӑнакан пӗр хӗрарӑм хӑйӗн кушаккине питӗ юратнӑ. Анчах пӗр кунхине чӗрчун килне таврӑнман. Пӗр кун иртнӗ, иккӗ. Пӗр кунхине хӗрарӑм уҫӑлма тухнӑ. Ҫавӑн чухне вӑл йывӑҫ тӑрринче кушак ларнине асӑрханӑ.

Хӗрарӑм шухӑшланӑ тӑрӑх, унта кушак йытӑсенчен хӑранипе тарса хӑпарса кайма пултарнӑ. Кушакӑн макӑрма та вӑйӗ юлман.

Хӗрарӑм Республикӑн ҫӑлавпа шырав службин ӗҫченӗсене чӗнсе илнӗ.

 

Хулара
"Про Город" сайтӗнчи сӑн. Видео скринӗ
"Про Город" сайтӗнчи сӑн. Видео скринӗ

Шупашкарта хӗрарӑм ачипе ансӑр ҫулпа утнӑ. Вӗсене хирӗҫ машина пынӑ.

Водитель ирттерсе ярас тесе машинӑна чарнӑ. Хӗрарӑм вара лӑпкӑ иртсе кайман - машинӑна ҫапма, кӑшкӑрашма пуҫланӑ. Ҫакна унӑн ачи сӑнаса тӑнӑ.

Ҫак видео Ютубра сарӑлнӑ. Водитель ӑнлантарнӑ тӑрӑх, хӗрарӑм машинӑна ҫапнӑ вӑхӑтра тепӗр ҫын ҫав вырӑнтан чӑрмавсӑрах иртсе кайнӑ.

Хыпар ҫӑлкуҫӗ: https://pg21.ru/news/85203
 

Хулара
cap.ru сайтри сӑн
cap.ru сайтри сӑн

Атӑл ҫинче тетелпе пулӑ тытнӑ ҫынна тытса чарнӑ. Ӑна транспорт полицийӗн Чӑваш Енри лини уйрӑмӗн ӗҫченӗсем асӑрханӑ.

Ку мелпе Ҫӗнӗ Шупашкарта пурӑнакан арҫын тытнӑ. Вӑл – 35 ҫулта. Хайхискер Шупашкар ГЭСӗ патӗнче юраман вырӑнта тетелпе пулӑ тытса ларнӑ.

Йӗрке хуралҫисем тетелне, пулла туртса илнӗ. Халӗ кун тӗлӗшпе тӗрӗслев иртет.

 

Хулара

Канмалли кунсенче Ҫӗнӗ Шупашкарта "Сокол" чарӑнура пысӑк "Волгабас" автобуссем тӑнине асӑрханӑ. Ахӑртнех, вӗсем маршрут ҫине тухнӑ.

Аса илтерер: кунашкал 15 автобус 2021 ҫулхи авӑн уйӑхӗнче ҫӳреме пуҫланӑ. Вӗсен "Шупашкар (Университет) - Ҫӗнӗ Шупашкар (Сокол)" маршрут пулнӑ. Анчах 2022 ҫулхи ҫу уйӑхӗнче автобуссем маршрут ҫинчен ҫухалнӑ, вӗсен вырӑнне кӑвак "Ивекӑсем" ҫӳреме пуҫланӑ. УФАС вара маршрут ҫине пысӑк автобуссене тавӑрма ыйтнӑ.

 

Хулара
trans-continental.ru сайтри сӑн
trans-continental.ru сайтри сӑн

Ӗнер, нарӑс уйӑхӗн 16-мӗшӗнче, Шупашкарта пурӑнакан арҫын, 1952 ҫулта ҫуралнӑскер, Атӑл урлӑ йӗлтӗрпе каҫма шутланӑ та чутах путса вилмен.

Республикӑри ҫӑлавпа шырав служби пӗлтернӗ тӑрӑх, арҫын йӗлтӗрпе пынӑ чухне ҫӳхе пӑр тӗлӗнче анса кайнӑ. Юрать-ха, йӗлтӗр патакӗсем пулӑшнипе тухайнӑ. Кун хыҫҫӑн вӑл леш енчи дачӑсем патне ҫитсе типӗ тум тӑхӑннӑ.

Арҫын шыва кӗрсе ӳкни пирки ҫӑлавҫӑсем патне те хыпар ҫитнӗ. Вӗсем ӑна дачӑсем патӗнче шыраса тупнӑ. Арҫын медпулӑшу илме хирӗҫленӗ.

 

Хулара
Ҫыхӑнура форумри сӑнӳкерчӗк
Ҫыхӑнура форумри сӑнӳкерчӗк

Ҫӗркаҫ, нарӑс уйӑхӗн 16-мӗшӗнче, Шупашкар хулинчи «Ҫӗнӗ хула» микрорайонта пурӑнакансем ҫутӑсӑр тӑрса юлнӑ. Ку хыпара «Ҫыхӑнура» форумра пӗлтернӗ.

Асӑннӑ ҫӑлкуҫ ҫӗркаҫ хыпарланӑ тӑрӑх, ҫутӑ 21 сехет те 2 минутра сӳнсе ларнӑ. Тепӗр сехетрен те ҫутӑ пулман.

Сӑмах май каласан, хулара ҫутӑ сӳнсе ларсан

8 (8352) 58-01-28, 58-03-01 телефон номерӗсемпе шӑнкӑравлама сӗнеҫҫӗ. Асӑннӑ номерсем Шупашкар хулин электросечӗн хӗрӳ линийӗ шутланаҫҫӗ.

 

Хулара
ШӖМ тунӑ сӑн
ШӖМ тунӑ сӑн

Пӗлтӗрхи чӳк уйӑхӗнче Шупашкарта пурӑнакан 63 ҫулти арҫын пыл туяннӑ. Тавара хваттерех пырса панӑ.

Хайхи сутуҫӑ кайсан кил хуҫи 700 пин тенки ҫухалнине асӑрханӑ. Кайран аса илех кайнӑ: сутуҫӑ банкӑна пушатма ыйтсан кил хуҫи ҫав ӗҫпе кӑштӑртатнӑ. Ҫав вӑхӑтра сутуҫӑ хваттерти 700 пин тенке йӑкӑртнӑ.

Ставрополь крайӗн арҫыннине часах ярса тытнӑ. Полицейскисем ку тӗллевпе ятарласа командировкӑна кайнӑ. 41 ҫулти арҫынна тытса чарнӑ.

 

Хулара
sreda24.ru сайтри сӑн
sreda24.ru сайтри сӑн

Шупашкарти 32 ҫулти таксист ултавҫӑсен тӗлне лекнӗ. Ун патне саккас килнӗ: хӗре Канаша леҫсе ямалла.

Клиента кӗтсе ларнӑ чухне ун патне шӑнкӑрав килнӗ - хӗрӗн ӗҫри пуҫлӑхӗ-мӗн. Хайхискер уншӑн укҫа куҫарса парассине каланӑ. Ҫапла таксист картта номерне те, смспа килнӗ кодсене те пӗлтерне. Кун хыҫҫӑн унӑн номерӗ ҫинчен 24 пин тенкӗ ҫухалнӑ.

Ултавҫӑ кунпа ҫырлахман-ха. Вӑл каллех шӑнкӑравланӑ. Кун хыҫҫӑн картта ҫинчен тепӗр 9 пин тенкӗ ҫухалнӑ.

Ку тӗслӗх тӗлӗшпе пуҫиле ӗҫ пуҫарнӑ.

Хыпар ҫӑлкуҫӗ: https://pg21.ru/news/84961
 

Страницӑсем: 1 ... 53, 54, 55, 56, 57, 58, 59, 60, 61, 62, [63], 64, 65, 66, 67, 68, 69, 70, 71, 72, 73, ...327
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.07.2025 03:00) уяр ҫанталӑк, атмосфера пусӑмӗ 750 - 752 мм, 15 - 17 градус ӑшӑ пулӗ, ҫил 0-2 м/ҫ хӑвӑртлӑхпа ҫурҫӗр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ҫывӑх ҫынсемпе ирттермелле. Ҫемьепе пӗрле апатланӑр е эрнен пӗрремӗш ҫурринче туссемпе уҫӑлса ҫӳре. Ку эрне юратнӑ ҫын валли вӑхӑт уйӑрма та аван - хӑвӑра та савӑнӑҫ пулӗ. Шел те, эрнен иккӗмӗш ҫурринче япӑх хыпарсем илтетӗр е тӑшмана тӗл пулатӑр. Ку кӑмӑла пӑсӗ.

Утӑ, 30

1898
127
Ют Николай Яковлевич, критик, халӑх пултарулӑхне пухакан, публицист ҫуралнӑ.
1933
92
Мурашковский Владимир Григорьевич, сӑвӑҫ, ҫыравҫӑ, тӑлмач ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хуҫа хӑй
хуть те кам тухсан та
хӑнана ӑсатма никам та тухмасть
хуҫин ҫитӗннӗ ачисем
кил-йышри арҫын
хуҫа тарҫи
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
пӗтӗм кил-йышпа тухаҫҫӗ