Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Вӗренни мулран хаклӑ теҫҫӗ.
[ваттисен сӑмахӗ]
 

Хыпарсен ҫыххи: Ҫул-йӗр

Ҫул-йӗр
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Чӑваш Енӗн патшалӑхӑн ҫул-йӗр хӑрушсӑрлӑхӗн автоинспекцийӗн инспекторӗсем пӗр кунхине Шупашкартан Йошкар-Олана каякан автобуса чарнӑ. Салонта 15 ҫын ларса пынӑ. Вӗсем ҫул укҫине тӳленӗ-ха, анчах алӑра нихӑшӗн те билет пулман.

Инспекторсем капла ҫӳреме хӑрушӑ, алӑри билет хӑйне май страховка тесе ӑнлантарса панӑ.

Асӑннӑ тата ытти тӗрӗслеве республикӑра «Автобус» профилактика мероприятийӗ ирттернӗ май йӗркеленӗ.

Рейд вӑхӑтӗнче 300 ытла автобуса тӗрӗсленӗ. Правӑна тӗрлӗ енчен пӑснӑ тӗслӗхпе 94 протокол ҫырнӑ. Йӗркене пӑсни шутӗнче транспорт юсавсӑрлӑхне те, патшалӑх регистрацийӗ витӗр тухман перевозчиксемех усламҫӑ ӗҫӗпе аппаланнине те асӑнса хӑварма пулать.

 

Ҫул-йӗр
foto.cheb.ru сӑнӳкерчӗкӗ
foto.cheb.ru сӑнӳкерчӗкӗ

Шупашкартан Ҫӗнӗ Шупашкара тата Кӳкеҫе ҫӳрекен маршруткӑсен маршручӗсен схеми улшӑннӑ. Ку хыпара республикӑн Транспорт тата ҫул-йӗр хуҫалӑхӗн министерстви пӗлтернӗ.

Муниципалитетсен хушшинчи 234-мӗш маршрут пассажирсене «Шупашкар-Ҫӗнӗ Шупашкар-Шупашкар» ҫулпа турттарать. Республикӑн тӗп хулинчи В.И. Чапаев ячӗллӗ производство пӗрлешӗвне кайнӑ чухне вӑл Энтузиастсен, Грасис, Граждан тата Социалистически урамсем тӑрӑх кайма тытӑннӑ; каялла ҫаврӑнса килнӗ чухне — Социалистически, Граждан, Эльмень тата Энтузиастсен урамӗсемпе.

Шупашкартан Кӳкеҫе хутлакан 325-мӗш маршрут «Хлеб» (чӑв. Ҫӑкӑр) общество патне ҫитет.

Улшӑну ҫурла уйӑхӗн 13-мӗшӗнчен вӑя кӗнӗ.

 

Ҫул-йӗр
cheb.ru cӑнӳкерчӗкӗ
cheb.ru cӑнӳкерчӗкӗ

Ҫурла уйӑхӗн 15-мӗшӗнчен «Валдай» карапсен расписанийӗ ылмашӗ. Вӗсен каҫхи рейсӗсем пӗр сехет иртерех пулӗҫ.

Аса илтерер: хальхи вӑхӑтра карапсем Шупашкартан Хусана тата Хусантан Шупашкара килме 8 сехетре тата 16 сехетре тухаҫҫӗ. Ҫурла уйӑхӗн 15-мӗшӗ хыҫҫӑн «Валдайсен» каҫхи рейсӗсем улшӑнӗҫ, карапсем пӗр сехет маларах (хальхи 16 сехет вырӑнне 15 сехетре) хускалӗҫ.

Сӑмах май каласан, вырсарникунсерен ҫӳрекен «Свияжск–Шупашкар» маршрутра та улшӑну пулса иртӗ.

 

Ҫул-йӗр
aerocheb.ru сӑнӳкерчӗкӗ
aerocheb.ru сӑнӳкерчӗкӗ

Чӑваш Енӗн тӗп хулинчен Ҫурҫӗре самолётсем вӗҫме тытӑнассине эпир унччен пӗлтернӗччӗ. Аса илтерер: «ЮВТ-Аэро» акционерсен обществи «Шупашкар-Сургут» авиамаршрута ҫирӗплетнӗ.

Асӑннӑ маршрутпа самолётсем ҫурла уйӑхӗн 1-мӗшӗнчен тытӑнса раштав уйӑхӗн 31-мӗшӗччен вӗҫӗҫ тенӗччӗ. Анчах нумаях пулмасть Шупашкарти аэропорт урӑхларах пӗлтернӗ: самолётсем ҫурла уйӑхӗн 11-мӗшӗнчен ҫула тухӗҫ.

«Bombardier» самолётсем Шупашкартан Сургута кӗҫнерникунсерен тата шӑматкунсерен хутлӗҫ. Пирӗн патран самолёт 18 сехет те 25 минутра вӗҫсе кайӗ.

 

Ҫул-йӗр
aerocheb.ru сӑнӳкерчӗкӗ
aerocheb.ru сӑнӳкерчӗкӗ

Тӗнчери тата ҫӗршыври лару-тӑрӑва пула Шупашкартан самолётсем кӑҫал кӑнтӑрти хӑш-пӗр хулана вӗҫме чарӑннӑ. Вӑл списокра — Симферополь, Краснодар, Минеральные Воды хулисем. Апла пулин те халӑх самолётпа вӗҫме юратать.

Кӑҫалхи ултӑ уйӑхра Шупашкарти аэропорт урлӑ 200 пине яхӑн пассажир ҫула тухнӑ. Пӗлтӗрхи кӑрлач-ҫӗртме уйӑхӗсенчинчен асӑннӑ кӑтарту 2 процент нумайрах.

Аэропорта юсаса ҫӗнетнӗ хыҫҫӑн аэропорт сехетре 200 пассажира йышӑнма пултарӗ, ҫавна май ҫулталӑкра – 500 пин ытла ҫынна. Ку цифрӑна республикӑн транспорт тата ҫул-йӗр хуҫалӑхӗн министрӗ Владимир Степанов палӑртса хӑварнӑ.

 

Ҫул-йӗр
trn-news.ru сӑнӳкерчӗкӗ
trn-news.ru сӑнӳкерчӗкӗ

Ҫул ҫӳреме юратакансем юлашки вӑхӑтра хамӑр ҫӗршыври илемлӗ вырӑнсемпе киленме кӑмӑллаҫҫӗ. Хӑш-пӗр региона хӗлле кайма уйрӑмах лайӑх, тепӗр ҫӗре — ҫулла, виҫҫӗмӗшӗсем ҫутҫанталӑкӑн кирек хӑш вӑхӑтӗнче те туристсене илӗртеҫҫӗ. Краснодар тӑрӑхӗ пирки те ҫавнах каламалла. Ҫулла унта шыв кӗме тата хӗвелпе хӗртӗнме аван, хӗлле — курса ҫӳренисӗр пуҫне туллӑ курортсенче йӗлтӗрпе ярӑнма.

«Nordwind» авиакомпани хӗлле те самолётсене Шупашкартан Сочие вӗҫтерме палӑртса хунӑ. Рейссене вӑл юпа уйӑхӗн 1-мӗшӗнче уҫӗ, самолётсене унта раштав уйӑхӗн 31-мӗшӗччен ҫӳретӗ. Самолётсем ытларикунпа эрнекун ҫула тухӗҫ. Шупашкартан вӗсем 18 сехет те 40 минутра хускалӗҫ. Чи йӳнӗ билет хакӗ — 1,5 пин тенкӗрен пуҫласа.

Хыпар ҫӑлкуҫӗ: https://t.me/air_cheb/30
 

Ҫул-йӗр
forum.na-svyazi.ru порталтан илнӗ сӑнӳкерчӗк
forum.na-svyazi.ru порталтан илнӗ сӑнӳкерчӗк

Ҫурла уйӑхӗн 4-мӗшӗнчен «Хусан–Чулхула–Хусан» маршрутпа ҫӳрекен виҫӗ электричкӑн расписанийӗ улшӑнӗ, унсӑр пуҫне тата тепӗр рейс хутшӑнӗ.

5501-мӗш номерпе ҫула тухакан «Шупашкар–Канаш» электропуйӑс 7:18 сехетре (хальхинчен 6 минут каярах) ҫула тухса Канаша 9:48 сехете ҫитӗ.

6351-мӗш номерлӗ «Хусан–Канаш» пуйӑс 4:00 сехетре (7 минут иртерех) хускалӗ, Канаша 6:43 сехете ҫитӗ (7 минут иртерех).

6194-мӗш номерлӗ «Ҫӗмӗрле–Канаш» пуйӑс 20:00 сехетре (48 минут каярах) ҫула тухса 21:31 сехете (48 минут каярах) Канаша ҫитӗ.

Хусанпа Чулхула хушшинче тепӗр электропуйӑс ҫӳреме тытӑнӗ. Вӑл унтан 05:10 сехетре тухӗ те Чулхулана 11:30 сехете ҫитӗ. Чулхуларан Хусана 16:08 сехетре тухса кайӗ, вырӑна 22:28 сехетре ҫитӗ. Асӑннӑ электропуйӑс юнкунсӑр пуҫне кашни кунах ҫӳрӗ. Ҫул ҫинче 6 сехет те 20 минут иртӗ.

Хальхи вӑхӑтра асӑннӑ икӗ хулана ҫыхӑнтаракан пуйӑссем ҫӗрле хускалса ирпе ҫитеҫҫӗ. Хусантан Чулхулана ҫитме 8 сехет те 37 минут иртет, Чулхуларан Хусана кайма — 9 сехет те 17 минут.

 

Ҫул-йӗр
forum.na-svyazi.ru порталтан илнӗ сӑнӳкерчӗк
forum.na-svyazi.ru порталтан илнӗ сӑнӳкерчӗк

«Шупашкар-Хусан» тата «Хусан–Шупашкар» маршрутпа «Валдай» карапсем ҫӳреме тытӑннӑранпа 205 рейс тунӑ, вӗсем 7,8 пин ытла пассажира турттарнӑ. Кашни рейс вӑтамран 95 процента яхӑн тулли — 45 вырӑнлӑ карапра вӑтамран 38 ҫын ларса ҫула тухать.

Кунсӑр пуҫне «Валдайсем» «Шупашкар–Свияжск» тата «Свияжск–Шупашкар» линипе пассажирсене 12 хутчен турттарнӑ.

Навигаци пуҫланнӑранпа Шупашкарти юханшыв порчӗ 1 154 билета каялла йышӑннӑ, вӗсенчен 385 билетне — карап рейса тухманран.

Аса илтерер: ҫӗртме уйӑхӗн 1-мӗшӗнчен «Шупашкар-Хусан» тата «Хусан-Шупашкар» маршрутпа «Валдай» карапсем кашни кун ирхи 8 тата каҫхи 4 сехетре ҫула тухаҫҫӗ.

 

Ҫул-йӗр
mintrans.uz сӑнӳкерчӗкӗ
mintrans.uz сӑнӳкерчӗкӗ

Утӑ уйӑхӗн 18-мӗшӗнчен Раҫҫее Узбекистанран автобуссем ҫӳреме тытӑннӑ. Асӑннӑ транспорт Ташкента Мускавпа, Питӗрпе тата Хусанпа ҫыхӑнтарнӑ.

Мускава автобуссем тунтикунсерен тата кӗҫнерникунсерен килӗҫ. Транспорт Ташкентран 12 сехетре ҫула тухӗ. Билет хакӗ — 1 млн сум.

Хусана автобуссем ытларикунпа эрнекун килӗҫ. Ташкентран вӗсем 11 сехетре хускалӗҫ. Билет хакӗ – 800 пин сум.

«Ташкент-Санкт-Петербург» маршрутпа автобуссем юнкунсерен тата шӑматкунсерен ҫула тухӗҫ. Транспорт Ташкентран 16:00 сехетре хускалӗ. Билет хакӗ – 1 250 000 сум.

 

Ҫул-йӗр
vk.com/dtpcheb сӑнӳкерчӗкӗ
vk.com/dtpcheb сӑнӳкерчӗкӗ

Паян Шупашкарти Эгер бульварӗнче виҫӗ машина пӗр-пӗринпе пырса ҫапӑннӑ. Инкекре ача аманнӑ.

Малтанласа палӑртнӑ тӑрӑх, грузовик «Ниссан» автомобильпе пырса ҫапӑннӑ, «Ниссан» – «Ларгуспа».

«Аварком 21» ҫӑлкуҫ пӗлтернӗ тӑрӑх, «Ларгус» автомобиль кӗтмен-туман ҫӗртен тепӗр йӗр ҫине кӗрсе кайнӑ. Ҫавна пула инкек сиксе тухнӑ тесе шухӑшлаҫҫӗ. Авари сӑлтавне специалистсем палӑртӗҫ.

Инкекре 2 ҫулхи ачана тухтӑрсен пулӑшӑвӗ кирлӗ пулса тухнӑ. Вӑл хӑш машинӑра ларса пынине хыпарта пӗлтермен.

Хыпар ҫӑлкуҫӗ: https://vk.com/dtpcheb
 

Страницӑсем: 1, 2, 3, 4, 5, 6, 7, 8, 9, [10], 11, 12, 13, 14, 15, 16, 17, 18, 19, 20, ...71
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 21:00) уяр ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуҫа арӑмӗ
ӑсатма тухни — ҫылӑх, юрамасть
хӑнана ӑсатма никам та тухмасть
хуть те кам тухсан та
хуҫин ҫитӗннӗ ачисем
хуҫа тарҫи
кил-йышри арҫын
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ