Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Тумлам шыв та тинӗсе пулӑш.
[ваттисен сӑмахӗ]
 

Хыпарсен ҫыххи: Ҫул-йӗр

Ҫул-йӗр

Хӗрле Чутай районӗнчи Иккӗмӗш Хурашаш тата Тури Ҫӗрпӳкасси ялӗсен хушшинчи 1600 метрлӑ ҫула юсӗҫ. Ҫавӑнпа аукцион ирттересси пирки пӗлтернӗ.

Ку ҫула 115 миллион та 131 пин те 509 тенкӗпе юсама палӑртнӑ. 1 ҫухрӑм ҫул 72 пин тенке ларӗ.

Аукциона ҫӗртме уйӑхӗн 20-мӗшӗнче пӗтӗмлетӗҫ. Подрядчик ӗҫсене 3 ҫулта пурнӑҫлӗ.

Ҫакна палӑртмалла: ҫак ҫул ҫинче асфальт юлманпа пӗрех.

 

Ҫул-йӗр
t.me/gcheb сӑнӳкерчӗкӗ
t.me/gcheb сӑнӳкерчӗкӗ

Ҫу уйӑхӗ ҫитрӗ те ҫул-йӗрҫӗсем ҫине тӑрса ҫул-йӗр юсама пикенчӗҫ. Ку ӗҫе хуласенче те пурнӑҫлаҫҫӗ. Республикӑмӑрӑн тӗп хулинче ҫак ӗҫе пуш уйӑхӗн вӗҫӗнчех пуҫланӑ. Хула мэрийӗнче пӗлтернӗ тӑрӑх, ҫапла тума ҫутҫанталӑк май панӑ.

Паянхи куна илсен асфальта 9 ҫӗрте ҫӗнӗрен сараҫҫӗ: М.Горький проспектӗнче; Диагностика центрӗ тӗлӗнчи Мускав проспектӗнче; Спиридон Михайлов, Талвир, Волков, Никитин, Коллективлӑ, Киров, Магницкий урамӗсенче.

Ашмарин урамне тӗплӗн юсама тытӑннӑ, Октябрь кӗперне юсасси малалла пырать, Граждан урамӗнче ӗҫсем вӗҫленсе пыраҫҫӗ.

Хула администрацийӗнче ӗнентернӗ тӑрӑх, ҫул-йӗрҫӗсем ӗҫе хӑвӑрт тата пысӑк пахалӑхпа пурнӑҫлама тӑрӑшаҫҫӗ.

Хыпар ҫӑлкуҫӗ: https://t.me/gcheb/4581
 

Ҫул-йӗр
t.me/chuv_prok каналтан илнӗ сӑнӳкерчӗк
t.me/chuv_prok каналтан илнӗ сӑнӳкерчӗк

Пӑрачкав районӗнчи япӑхса пӗтнӗ ҫулшӑн яваплисене тупнӑ. Вӗсене вырӑнти прокуратура явап тыттарӗ.

Чӑваш Енӗн прокуратуринче пӗлтернӗ тӑрӑх, асӑннӑ тӑрӑхри Рындино тата Шадриха ялӗсем хушшинчи ҫул шӑтӑк-путӑкланса пӗтнӗ.

Пӑтӑрмахшӑн надзор органӗ Чӑвашупрдорпа «Дортех» организацие асӑрхаттару хучӗсем ҫырса панӑ. Ҫула тивӗҫлипе тытса тӑманшӑн вӗсене административлӑ майпа явап тыттарса штрафлама палӑртаҫҫӗ.

Хыпар ҫӑлкуҫӗ: https://t.me/chuv_prok/1580
 

Ҫул-йӗр
cap.ru сайтри сӑн
cap.ru сайтри сӑн

Сӗнтӗрвӑрри тата Куславкка районӗсене ҫыхӑнтаракан асфальт ҫула тӑвас ӗҫ пырать. Вӑл 3 ҫухрӑм тӑршшӗ пулӗ.

Ҫула «Воддорострой» тӑвать. Ӑна кӑҫал чӳк уйӑхӗн 30-мӗшӗ тӗлне туса пӗтермелле. Хальлӗхе унта строительство лапамне хатӗрлеҫҫӗ. Ку асфальт ҫула тума 189 миллион та 619 пин тенкӗ уйӑрнӑ.

Палӑртмалла: хальхи вӑхӑтра икӗ района ҫыхӑнтаракан хытӑ сийлӗ кӗске ҫул ҫук.

 

Ҫул-йӗр
t.me/nikamran каналтан илнӗ сӑнӳкерчӗк
t.me/nikamran каналтан илнӗ сӑнӳкерчӗк

Сургута Шупашкартан самолет вӗҫме пуҫлӗ.

Ҫурҫӗрти ҫав хулана пирӗн республикӑран авиарейс ҫӗртме уйӑхӗн 6-мӗшӗнче уҫӑлӗ. Самолет эрнере пӗрре — ытларикунсерен — вӗҫӗ.

Самолёт Сургутран Шупашкара 9 сехет те 40 минутра килсе ҫитӗ, Сургута 10 сехет те 30 минутра вӗҫсе кайӗ.

Хыпар ҫӑлкуҫӗ: https://t.me/nikamran/5927
 

Ҫул-йӗр
"На связи" форумри сӑн
"На связи" форумри сӑн

Ҫул ҫинче кӑҫалхи пек шӑтӑк-путӑк нихӑҫан та пулман. Ҫапла пӗлтернӗ ЧР Элтеперӗ Олег Николаев хӑйӗн Телеграм-каналӗнче.

"Кӑҫал республикӑра 600 пин тӑваткал метр ҫул ҫинчи шӑтӑк-путӑка юсамалла. Кун пекки унччен пулман", - ҫапла ҫырнӑ Олег Алексеевич каналта.

Кӑҫал ҫулсем мӗншӗн вӑйлӑ арканнӑ-ха? Республика влаҫӗ ҫакна ҫанталӑк условийӗсемпе тата М-12 федераци ҫулне тунипе ҫыхӑнтарать.

Хальччен 1,5 пин тӑваткал метр ҫул ҫинче шӑтӑк-путӑка сапланӑ. Ку ӗҫе ҫӗртмен 1-мӗшӗ тӗлне вӗҫлеме палӑртнӑ.

Хыпар ҫӑлкуҫӗ: https://t.me/oanikolaev
 

Ҫул-йӗр
ridus.ru сӑнӳкерчӗкӗ
ridus.ru сӑнӳкерчӗкӗ

«Шупашкар – Мускав» маршрутпа ҫӳрекен 71/72 номерлӗ пуйӑса икӗ хутлипе ылмаштарӗҫ. Паянхи куна фирма пуйӑсӗ икӗ хутли ҫӳрет-ха.

«Раҫҫейӗн чукун ҫулӗсем» холдинг икӗ хутлӑ пуйӑссем ҫӳрекен полигона анлӑлатасшӑн. Сӑмахран вӗсем «Ӗпхӳ – Имерет курорчӗ» тата «Екатеринбург – Мускав» маршрутсемпе хутлӗҫ.

Тверьти вакунсем тӑвакан завод холдинга 550 ҫӗнӗ вакунпа тивӗҫтерӗ, ҫав шутран 100-шӗ икӗ хутлисем пулӗҫ.

 

Ҫул-йӗр

Чӑваш Енре, Чулхула облаҫӗнче тӳлевлӗ М-12 ҫула тӑвас ӗҫ хӗрсех пырать. Халӗ ӗҫсен улттӑмӗш тапхӑрне пурнӑҫлаҫҫӗ.

«Автодор» ГК правленийӗн пуҫлӑхӗ Вячеслав Петушенко пӗлтернӗ тӑрӑх, ҫул ҫинчи специалистсем талӑкӗпех ӗҫлеме пуҫлӗҫ. Ҫул-йӗр тата строительство объекчӗсене тума хушма ресурсем уйӑрӗҫ.

Палӑртмалла: «Мускав – Чулхула – Хусан» М-12 федераци трассин пур участокне те 2023 ҫулхи раштав уйӑхӗччен туса пӗтермелле.

 

Ҫул-йӗр

Пӑрачкав районӗнчи Кудеиха ял тӑрӑхӗнче пурӑнакансем ҫул хӑрушӑ пулса кайнӑшӑн кӑмӑлсӑрланаҫҫӗ. Асфальт мӗнле лару-тӑрура пулнине сӑн ӳкерсе вӗсем тӗнче тетелне вырнаҫтарнӑ.

Ҫак ҫулпа М-12 автотрассӑна тумашкӑн стройматериалсем турттараҫҫӗ. Ҫавна май вӑл аркансах пӗтнӗ. Вырӑнти халӑх пӗлтернӗ тӑрӑх, унта халӗ шкул автобусӗ те ҫӳремест: шӑпӑрлансем Кожевенное тата Сиява ялӗсенче ҫитеймеҫҫӗ. Ачасене те ача пахчине илсе ҫӳреймеҫҫӗ. Мӗншӗн тесен ҫул питӗ хӑрушӑ лару-тӑрура.

Сӑнӳкерчӗксем тӗнче тетелӗнче сарӑлнӑ хыҫҫӑн прокуратура ҪҪХПИпе пӗрле тӗрӗслеве тухнӑ.

Хыпар ҫӑлкуҫӗ: https://vk.com/wall-213627934_702
 

Ҫул-йӗр

Вӑрмар районӗнчи Мӑнҫырмаран Тикаша каякан ҫул йӑлтӑртатса кӑна выртать. Ҫынсем унта конькипе те ярӑнма тухнӑ. Ҫакна ӳкернӗ видеона тӗнче тетелне вырнаҫтарнӑ.

Ку ҫула «Инвест-Строй» пӑхса тӑрать. Чӑвашупрдор директорӗ комментари панӑ: ГОСТпа килӗшӳллӗн, транспорт сахал ҫӳрекен ҫул ҫинче юр пулма пултарать. Анчах видеона пӑхсан унта юр мар, пӑр пулни курӑнать.

Транспорт министерстви вырӑнти тӳре-шарана ҫулсене тивӗҫлӗ пӑхса тӑма чӗнсе каланӑ: «Лару-тӑрӑва тишкерме тата хаклама хӑйсен тӑтӑшах тухса ҫӳремелле».

 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ...71
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
кил-йышри арҫын
хуҫа хӑй
хуҫин ҫитӗннӗ ачисем
хуть те кам тухсан та
хӑнана ӑсатма никам та тухмасть
хуҫа арӑмӗ
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа тарҫи