Пирӗн ентеш, Йӗпреҫ округӗнче ҫуралса ӳснӗ Андрей Малай режиссер ҫӗнӗ фильм ӳкерсе пӗтернӗ. Вӑл кӗҫех, кӑҫал ҫуркунне, экран ҫине тухӗ.
Ку кинокартина – ҫемьеллӗ мӑшӑр пирки ӳкернӗ романтика камичӗ. Тӗп рольсене выляканӗсем Ксения Бородина тата Алексей Чадов пулнӑ. Ҫавӑн пекех кадрсенче Роза Сябитова, Марк Бартон, Оксана тата Лея Самойловсем, Александр Рогов ӳкерӗннӗ.
Шӑмӑршӑра пурӑнакансем халӗ пысӑк экран ҫинче кино курма пултараҫҫӗ. Ҫак кунсенче унта кинозал уҫӑлнӑ.
Вӑл Шӑмӑршӑри культура керменӗнче вырнаҫнӑ. Ӑна уҫнӑ кун «Август» ятлӑ кино кӑтартнӑ.
Палӑртмалла: шкул ачисем тата студентсем унта фильмсене «Пушкин карттипе» пӑхма пултараҫҫӗ.<s></s>
Кӗҫех ТНТ каналпа чӑваш каччи ӳкерӗннӗ сериала кӑтартӗҫ.
Елчӗк тӑрӑхӗнчи Аслӑ Таяпа ялӗнче ҫуралса ӳснӗ Владимир Тяптушкин ҫӗнӗ кинопроекта хутшӑнать.
Хальхинче вӑл «Тля» сериалта ӳкерӗнӗ. Сериал режиссерӗсем – Сэм Литовчин тата Артем Гончаров.
Тӗп рольсене Владимир Тяптушкинсӑр пуҫне Дмитрий Журавлев, Анна Хилькевич, Борис Хвошнянский, Андрей Пынзару вылӗҫ.
Юпа уйӑхӗн 27-мӗшӗнче ТНТ телеканалпа «День семьи» (чӑв. «Ҫемье кунӗ») сериал кӑтартма пуҫлӗҫ. Пӗр эпизодра хамӑрӑн ентеше, Дмитрий Матвеева, курма май пулӗ.
Дмитрий Шупашкарта ҫуралса ӳснӗ. ГИТИСран вӗренсе тухсан вӑл Мускаврах тӗпленнӗ. Хальччен Дмитрий «Чернобыль» тата «Галактика» сериалсенче ӳкерӗннӗ.
Ҫӗнӗ сериал вара ӑна сценарийӗпе илӗртнӗ. «Ку истори – ҫемье, ҫынлӑх, пулӑшу пирки», – ҫапла пӗлтернӗ Дмитрий.
Юпа уйӑхӗн 18-мӗшӗнче Шупашкарта ГТО фестивалӗ иртӗ. Ун чухне ҫӑлтӑрпа зарядка пулӗ.
Хальхинче ӑна Голливудри паллӑ актер Игорь Жижикин ирттерӗ. Вӑл вун-вун Америка фильмӗнче ӳкерӗннӗ. Мероприяти юпа уйӑхӗн 18-мӗшӗнче, шӑматкун, Шупашкарти «Спартак» стадионта 11 сехетре пуҫланӗ.
Палӑртмалла: Игорь Жижикин 1965 ҫулта Мускавра ҫуралнӑ. 1989 ҫулта Мускав циркӗпе пӗрле АПШна кайнӑ. Фильмри пӗрремӗш роль – «Обезьяний бизнес» (АПШ, 1998 ҫул). 2001 ҫултанпа Раҫҫей фильмӗсемпе сериалӗсенче ӳкерӗнме тытӑннӑ.
Шупашкарта пурӑнакан, Элӗк районӗнче ҫуралнӑ, кӑҫалхи ҫу уйӑхӗнче 100 ҫул тултарнӑ Агриппина Янович вӑрҫӑ ветеранӗ ҫинчен ӳкернӗ фильм «Небесный град и земное Отчество – 2025» пӗтӗм Раҫҫейри фестивальте лауреат ятне тивӗҫнӗ.
Фестиваль Можайск хулинче иртнӗ, конкурса 132 кинолента тӑратнӑ. Михаил Ножкин поэт ертсе пыракан тӳресем 22 ӗҫе финал валли суйласа илнӗ.
«Через века – помните. Откровения участника ВОВ А.А. Янович» документлӑ фильм лауреат пулса тӑнӑ, ӑна ҫутӗҫ киновӗ категорире палӑртнӑ. Кинолента режиссёрӗ — Марина Янова.
Фильма Чӑваш Енӗн Наци телекуравӗ юпа уйӑхӗн 11-мӗшӗнче 17 сехетре кӑтартӗ.
Шупашкарта пурӑнакан, Элӗк районӗнче ҫуралнӑ, кӑҫалхи ҫу уйӑхӗнче 100 ҫул тултарнӑ Агриппина Янович вӑрҫӑ ветеранӗ ҫинчен ӳкернӗ фильм «Небесный град и земное Отчество – 2025» пӗтӗм Раҫҫейри фестивальте лауреат ятне тивӗҫнӗ.
Фестиваль Можайск хулинче иртнӗ, конкурса 132 кинолента тӑратнӑ. Михаил Ножкин поэт ертсе пыракан тӳресем 22 ӗҫе финал валли суйласа илнӗ.
«Через века – помните. Откровения участника ВОВ А.А. Янович» документлӑ фильм лауреат пулса тӑнӑ, ӑна ҫутӗҫ киновӗ категорире палӑртнӑ. Кинолента режиссёрӗ — Марина Янова.
Фильма Чӑваш Енӗн Наци телекуравӗ юпа уйӑхӗн 11-мӗшӗнче 17 сехетре кӑтартӗ.
Андрей Кончаловский режиссерӑн сериалӗнче Шупашкарта ҫуралса ӳснӗ актерсем вылянӑ. Вӑл «Хроники русской революции» ятлӑ. Сериала юпа уйӑхӗнче «Россия 1» телеканалпа кӑтартма пуҫлӗҫ.
Унта Раҫҫейре 1905-1924 ҫулсенче пулса иртнӗ ӗҫ-пуҫа сӑнласа кӑтартнӑ. Сериалта пирӗн ентешсем, Дмитрий Матвеевпа Даниил Иванов актерсем, ӳкерӗннӗ. Палартмалла: Дмитрий хальччен «Чернобыль», «Империя: Александр I» тата ытти кинокартинӑра вылянӑ. Даниила вара «Слово пацана. Кровь на асфальте», «СашаТаня» тата ытти фильмра курма май пур.
Сӑмах май, сериалта II Николай патшана Никита Ефремов вылять. Вӑл — Иван Яковлевӑн мӑнукӗн мӑнукӗ.
Чӑваш Енре ҫуралса ӳснӗ актер Владимир Тяптушкин каллех кинопроектра ӳкерӗнет. Кун пирки вӑл хӑйӗн телеграм-каналӗнче пӗлтернӗ.
Анчах хальлӗхе Владимир мӗнле проекта хутшӑннине каламан, вӑрттӑнлӑхра хӑварнӑ. Сӑнӳкерчӗксене пӑхсан вара Владимир ӗлӗкхи пурнӑҫа сӑнлакан фильмра ӳкерӗннине тавҫӑрма пулать.
Аса илтерер: Владимир Тяптушкин Елчӗк районӗнчи Аслӑ Таяпара ҫуралса ӳснӗ.
Йӗпреҫре ҫуралса ӳснӗ Андрей Михайловӑн (Малай) фильмӗнче Ксения Бородинӑпа Алексей Чадов ӳкерӗнеҫҫӗ. Фильм «За любовь» ятлӑ. Вӑл 2026 ҫулта экран ҫине тухӗ.
Андрей режиссурӑпа Чӑваш Енре пурӑннӑ чухне кӑсӑкланма тытӑннӑ. Вӑл ку таранччен кӗске метражлӑ фильм, сериал ӳкернӗ. Унӑн ӗҫӗсем кинофестивальсенче те ҫӗнтернӗ.
Палӑртса хӑварар: хальхи вӑхӑтра режиссёр ҫемйипе Мускавра пурӑнать. Ҫапах Чӑваш Ен пирки манмасть, ӑна ырӑпа кӑна аса илет.
+13.3 °C