Сайта кӗр | Регистраци | Сайта кӗрсен унпа туллин усӑ курма пулӗ
 +12.3 °C
Пӗччен пыл ҫиме аван, йышпа ӗҫ тума аван.
[ваттисен сӑмахӗ]
 

Хыпарсем: ачасем

Республикӑра

Ҫӗмӗрле хулинче 10 уйӑхри ача сантехника тасатмалли шӗвеке ӗҫнӗ. Ӑна тухтӑрсен пулӑшӑвӗ кирлӗ пулнӑ.

Тухтӑрсем ун патне 5 минутранах ҫитнӗ, зонд лартса хырӑмлӑхне тасатнӑ. Унтан вӗсем ӑна пульницӑна илсе кайнӑ, шурӑ халатлисем ачана тӗплӗнрех тӗрӗсленӗ. Телее, ачана урӑх пулӑшу кирлӗ пулман, ӑна киле илсе кайма ирӗк панӑ.

Специалистсем ӑнлантарнӑ тӑрӑх, уксуспа, йӑлара усӑ курмалли химипе наркӑмӑшлансан ҫынна хӑстармалла мар, унсӑрӑн пырӗ те пиҫсе каять. Кун пек чухне часрах тухтӑрсене чӗнмелле, вӗсем зонд урлӑ хырӑмлӑха тасатаҫҫӗ.

Хыпар ҫӑлкуҫӗ: https://pg21.ru/news/73264
 

Пӑтӑрмахсем
"Про Город" сайтран илнӗ сӑн
"Про Город" сайтран илнӗ сӑн

Ҫӗнӗ Шупашкарта паян 15 сехет ҫурӑра ача-пӑча пульницине хирӗҫ авари пулнӑ. «Шевроле» машина картише кӗнӗ чухне велосипедиста асӑрхамасӑр ун ҫине пырса кӗнӗ. Вӑл вара 15 ҫулти ача пулнӑ.

Юрать-ха, ача чӗрӗ-сывах юлнӑ. Ача суранланманпа пӗрех, кӗлетки ҫинче шӑйрӑксем ҫеҫ пулнӑ. Велосипед вара машина айнех кӗрсе кайнӑ.

Ҫакна курнӑ ҫынсем каланӑ тӑрӑх, ача велосипедпа тротуарпа пынӑ.

Хыпар ҫӑлкуҫӗ: https://pg21.ru/auto/73233
 

Республикӑра

Патӑрьел районӗнче 8 ҫулти арҫын ачасен ашшӗ-амӑшне административлӑ майпа явап тыттарӗҫ. Шӑпӑрлансем стелӑн ҫутатмалли вырӑнӗсене кирпӗчпе персе ҫӗмӗрнӗ.

Патӑрьеле кӗнӗ ҫӗрте вырнаҫнӑ стела ҫутисене ҫӗмӗрни пирки пӗр хӗрарӑм полицие пӗлтернӗ. Полицейскисем ҫак ӗҫе 8 ҫулти икӗ ача тунине палӑртнӑ. Пӗри Ҫӗнӗ Шупашкартан ҫуллахи каникула канма килнӗ.

Ачасем ӑнлантарнӑ тӑрӑх, вӗсем пӗр-пӗрне кирпӗчпе пеме тытӑннӑ. Ҫав вӑхӑтра стелӑна лектернӗ-мӗн. Кун пирки вӗсем аслисене каласа кӑтартман.

Ку ӗҫе ҫул ҫитменнисемпе ӗҫлекен комисси пӑхса тухӗ. Ашшӗ-амӑшне вара явап тыттарӗҫ.

 

Пӑтӑрмахсем
ҪҪХПИ тунӑ сӑн
ҪҪХПИ тунӑ сӑн

Ӗнер Йӗпреҫ районӗнчи Энӗш ҫулӗ ҫинче авари пулнӑ. Унта ачасем шар курнӑ.

Малтанлӑха пӗлтернӗ тӑрӑх, «Спектрӑпа» пынӑ 31 ҫулти водитель «Шкода Октавиӑпа» ҫапӑннӑ. Пӗрремӗшӗ ӳсӗр пулни палӑрнӑ.

«Шкодӑра» 3 ача пулнӑ. 3-ри комӑра, 9 ҫулти ача суранланнӑ. 7-ри шӑпӑрлан вӑйлах аманман.

ҪҪХПИ чан ҫапать. Утӑ уйӑхӗнче кашни кунх ачасемпе ҫыхӑннӑ аварисем пулнӑ. Чылайӑшӗнче аслисем айӑплӑ.

 

Республикӑра

Хӗрарӑм ҫавӑн пек хӑвӑрт ҫуратассине шутламан-тӑр. Вӑл васкавлӑ медпулӑшӑва утӑ уйӑхӗн 14-мӗшӗнче 19 сехет те 45 минутра шӑнкӑравланӑ. Хӑй – Етӗрне районӗнчен.

Хӗрарӑм тухтӑрсене кӗтсе илеймен – мунчарах ҫӑмӑлланнӑ. Вӑл 5-мӗш ачине кун ҫути кӑтартнӑ. Тухтӑрсем ҫул ҫинче хӗрарӑмӑн тӑванӗсемпе телефонпа калаҫсах тӑнӑ, мӗн тумаллине вӗрентнӗ.

Сӑмах май, кӑҫал экстреннӑй медицина ӗҫченӗсем 15-мӗш ҫавнашкал хӗрарӑма пулӑшнӑ.

 

Ӳнер

Чӑваш Енӗн Наци вулавӑшӗнче 14 ҫулти яшӑн куравӗ уҫӑлнӑ.

«Я дарю вам свой мир» (чӑв. Хамӑн тӗнчене сире парнелетӗп) ят панӑ ӑна.

Куравра Федор Багановӑн ӗҫӗсемпе паллашма пулать. Ҫав ача керамикӑран тӗрлӗ япала ӑсталать. Тӑмӗ — Чулхула облаҫӗнчи Дивеево ялӗ патӗнчен илсе килнӗскер иккен.

Светлана Гордеева ҫыравҫӑ Фейсбукра пӗлтернӗ тӑрӑх, «ҫамрӑк ӑстан ку куравӗ — пӗрремӗш, анчах юлашки мар».

Федор Баганов Куславккари ача-пӑча ӳнер шкулӗнче вӗренет. Ача тӗрлӗ шайри конкурсра унччен пӗрре ҫеҫ мар ҫӗнтернӗ. Курав авӑн уйӑхӗн 30-мӗшӗччен ӗҫлӗ.

 

Статистика

Кӑҫалхи кӑрлач-ҫу уйӑхӗсенче Чӑваш Енре 7570 ҫын вилнӗ. Пӗлтӗрхи ҫак тапхӑрпа танлаштарсан, 939 ҫын ытларах. Пӗлтӗр малтанхи 5 уйӑхра 6631 ҫын вилнӗ.

Ҫуралакансем те сахалрах пулнӑ. Пӗлтӗр кӑрлач-ҫу уйӑхӗсенче 4494 ача ҫуралнӑ пулсан кӑҫал – 4292. Ҫапла майпа халӑх йышӗ 3278 ҫын чакнӑ. Пӗлтӗр ку кӑтарту 2137 ҫынпа танлашнӑ.

Уйрӑлакансем те тӑрук нумайланнӑ. Пӗлтӗр ку тапхӑрта 982 ҫемье арканнӑ, кӑҫал 2 хут ытларах – 1718 ҫын. Пӗрлешекенсем ытларах пулнӑ: кӑҫал – 1488 ҫемье чӑмӑртаннӑ, пӗлтӗр – 1262.

 

Республикӑра

Нумаях пулмасть, утӑ уйӑхӗн 8-мӗшӗнче, Сӗнтӗрвӑрри районӗнче пурӑнакан 25 ҫулти хӗрарӑм ҫул ҫинчех ҫуратни пирки пӗлтернӗччӗ. Хӗрарӑма тата упӑшкине пульницӑна ҫитме ҫул-йӗрпе патруль службин инспекторӗсем пулӑшнӑ.

Хӗрарӑмпа ачине киле янӑ. Пульницӑран тухнӑ чухне вӗсене ҫав инспекторсем саламлама пынӑ. Вӗсем тин ҫуралнӑ ачана машинӑра ҫӳремелли ятарлӑ кресло парнеленӗ.

Ашшӗпе-амӑшӗ ачана Виктория ят панӑ.

Хыпар ҫӑлкуҫӗ: https://pg21.ru/news/73031
 

Пӑтӑрмахсем

Иртнӗ канмалли кунсенче республикӑра икӗ ача ҫӳллӗшӗнчен ӳкнӗ. Пӗрремӗш тӗслӗх утӑ уйӑхӗн 10-мӗшӗнче пулнӑ. Шупашкарта 2 ҫулти хӗрача москитлӑ сетка ҫине таянса 3-мӗш хутран персе аннӑ. Вӑл лавкка тӑррине ӳкнӗрен вӑйлах суранланман.

Ҫав кунах каҫхине Йӗпреҫре 4-ри арҫын ача 3-мӗш хутри чӳречерен ӳкнӗ. Ӑна Шупашкарти пульницӑна илсе ҫитернӗ. Ача амӑшӗпе уҫӑлса таврӑннӑ. Киле кӗрсен алӑк хупӑнса ларнӑ, аслисем тулта юлнӑ, ача – хваттерте. Аслисем алӑка уҫнӑ самантра ача чӳречерен ӳкнӗ.

 

Хулара
kto-chto-gde.ru сайтри сӑн
kto-chto-gde.ru сайтри сӑн

Утӑ уйӑхӗн 8-мӗшӗнче ҫур ҫӗр иртни 2 сехетре Ҫӗнӗ Шупашкарта Совет урамӗнче машинӑран арҫын сиксе тухнӑ та пулӑшу ыйтнӑ. Арӑмӗ машинӑрах тин кӑна ҫуратнӑ-мӗн.

Ҫул-йӗр инспекторӗсем тухтӑрсемпе ҫыхӑннӑ, машинӑна больница таран леҫнӗ. Унта амӑшӗпе ачана тухтӑрсем йышӑннӑ.

Сӗнтӗрвӑрри районӗнче пурӑнакан 25 ҫулти хӗрарӑм пӗр кӗтмен ҫӗртен ҫуратма тытӑннӑ. Вӗсем васкавлӑ медпулӑшу бригадине кӗтсе илеймен, хӑйсемех ҫула тухнӑ. Ҫапла хӗрарӑм машинӑрах ҫӑмӑлланнӑ.

Халӗ ҫул-йӗр инспекторӗсем Олег Швардаковпа Сергей Арсентьев амӑшӗпе ачана киле ярасса кӗтеҫҫӗ – вӗсене саламлӗҫ.

 

Страницӑсем: 1 ... 83, 84, 85, 86, 87, 88, 89, 90, 91, 92, [93], 94, 95, 96, 97, 98, 99, 100, 101, 102, 103, ... 331
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.08.2025 03:00) тӗтреллӗ ҫанталӑк, атмосфера пусӑмӗ 754 - 756 мм, 11 - 13 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 30

1905
120
Мясников Александр Фёдорович, живописец, график, скульптор ҫуралнӑ.
1975
50
Максимов-Кошкинский Иоаким Степанович, пӗрремӗш чӑваш драматургӗсенчен пӗри вилнӗ.
1976
49
Герасимов Василий Герасимович, гоелоги-минералоги ӑслӑлӑхӗсен докторӗ вилнӗ.
1991
34
«Хыпар» хаҫат хӑйӗн малтанхи ятне тавӑрнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуҫин ҫитӗннӗ ачисем
пӗтӗм кил-йышпа тухаҫҫӗ
кил-йышри арҫын
хуть те кам тухсан та
хуҫа арӑмӗ
хуҫа тарҫи
хӑни ҫулне ахаль те пӗлет, ӑсатмасӑр та
хуҫа хӑй
ӑсатма тухни — ҫылӑх, юрамасть