Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Пӗр хулӑ хуҫӑлать, пин хулӑ хуҫӑлмасть.
[ваттисен сӑмахӗ]
 

Хыпарсем: ачасем

Республикӑра
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ӗнер, ҫу уйӑхӗн 30-мӗшӗнче, кӑнтӑрла иртсен 14 сехетре Шупашкар районӗнчи Оппукасси ялӗнче икӗ хутлӑ ҫурт ҫунма тытӑннӑ. Ҫав вӑхӑтра кил хуҫи, 67 ҫулти хӗрарӑм, килте пулман, аякка кайнӑ.

Кӳршисен 7 ҫулти мӑнукӗ пӳртре ҫулӑм тухнине пӗрремӗш асӑрханӑ. Вӑл кун пирки аслисене каланӑ. Вӗсем вара тӳрех пушарнӑйсене чӗннӗ.

Ҫӑлавҫӑсем пушара 11 минутра сӳнтернӗ. Ҫулӑм тӗпеле кӑна сиенлетсе ӗлкӗрнӗ.

 

Пӑтӑрмахсем
Кармалти пӗве. "Ҫыхӑнура" порталти сӑн
Кармалти пӗве. "Ҫыхӑнура" порталти сӑн

Куславкка районӗнчи Кармал ялӗнче тата Красноармейски районӗнчи Ҫеҫмерте 2020 ҫулта ҫуралнӑ арҫын ачасем путса вилнӗ.

Кармалта инкек ҫу уйӑхӗн 29-мӗшӗнче пулнӑ, Ҫеҫмерте вара – ҫу уйахӗн 30-мӗшӗнче.

Палӑртмалла: юлашки эрнере республикӑра 5 ача путса вилнӗ. Аса илтерер: Канаш районӗнчи Шӑхасан ялӗнче 8-9 ҫулсенчи 3 хӗрача шыва анса кайнӑ. Вӗсем Кӗҫӗн Ҫавалта шыва кӗнӗ.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ҫу уйӑхӗн 29-мӗшӗнче ҫурҫӗр иртни 2 сехетре Шупашкар районӗнчи Ҫатракасси ялӗнче пӳрт ҫуннӑ. Ҫурт йӑлтах ҫунса кайнӑ. Шел те, кил хуҫи те, 50 ҫулти арҫын, вилнӗ. Малтанлӑха палӑртнӑ тӑрӑх, пушар пирус асӑрханмасӑр туртнӑран тухнӑ.

Ҫу уйӑхӗн 27-мӗшӗнче ирхи 10 сехетре Шупашкарти Лебедев урамӗнчи 66-мӗш ҫуртра виҫӗ пӳлӗмлӗ хваттер ҫуннӑ. Малтанлӑха палӑртнӑ тӑрӑх, ҫулӑм электропралука пула тухнӑ. 39 ҫулти хӗрарӑм икӗ ачине ҫавӑтса хваттертен тухма ӗлкӗрнӗ.

 

Пӑтӑрмахсем
Шыравпа ҫӑлав служби тунӑ сӑн
Шыравпа ҫӑлав служби тунӑ сӑн

Ҫу уйӑхӗн 28-мӗшӗнче Патӑрьел районӗнчи Анат Тӑрмӑш ялӗнче арҫын путса вилнӗ. Кун пирки Инкеклӗ лару-тӑру министерстви пӗлтерет.

Арҫын 1996 ҫулта ҫуралнӑскер пулнӑ. Унӑн виллине вырӑна ҫитнӗ водолазсем шыраса тупса ҫыран хӗррине илсе тухнӑ.

Аса илтерер: нумаях пулмасть Канаш районӗнчи Шӑхасан ялӗнче пысӑк инкек пулнӑ. Унта 8-9 ҫулсенчи 3 хӗрача путса вилнӗ.

 

Пӑтӑрмахсем
wikimapia.org сайтри сӑн
wikimapia.org сайтри сӑн

Вӑрмар районӗнӗнче шкул ачи пуйӑс айне лекнӗ. Мӗнле майпа? ЧР Вӗренӳ министерстви ҫакна уҫӑмлатман.

Ведомство ҫапла кӑна палӑртнӑ: "Ҫуркунне ачасемшӗн тата ҫамрӑксемшӗн яланах йывӑр тапхӑр. Уйрӑмах - экзаменсем пуҫлансан. Ҫак вӑхӑтра ашшӗ-амӑшӗн ачин психологине, кӑмӑл-туйӑмне лайӑх сӑнаса тӑмалла, кӑмӑлӗ улшӑннине пӑхмалла".

Ведомство ку инкек ҫывӑх ҫыннисен, тӑванӗсен, пӗр класра вӗренекенсен трагедийӗ пулнине палӑртса вӗсене пурне те психологи пулӑшӑвӗ парассине каланӑ.

Хыпар ҫӑлкуҫӗ: https://t.me/minobr21
 

Пӑтӑрмахсем
ЧР прокуратури тунӑ сӑн
ЧР прокуратури тунӑ сӑн

Ӗнер Канаш районӗнче 8-9 ҫулсенчи 3 хӗрача шыва путса вилнӗ. Кун пирки РФ Следстви комитечӗн Чӑваш Енри управленийӗ хыпарлать.

Вӗсем кӑнтӑрла Шӑхасан ялӗнчен инҫех мар юхса выртакан Кӗҫӗн Ҫавала шыва кӗме кайнӑ. Каҫхине хӗрачасен виллисене ҫыран хӗррине кӑларнӑ. Вӗсен кӗлетки ҫинче криминал йӗрӗ ҫук. Тумтирӗ, харпӑр япалисем тата телефонӗсем ҫыран хӗрринчех пулнӑ.

Вырӑна оперативлӑ следстви ушкӑнӗ ҫитнӗ. Халӗ ӗҫ-пуҫа уҫӑмлатаҫҫӗ.

Хыпар ҫӑлкуҫӗ: https://t.me/chuvashia_sledcome/1229
 

Культура
vk.com/mintrud_21 страницинчен илнӗ сӑнӳкерчӗксем
vk.com/mintrud_21 страницинчен илнӗ сӑнӳкерчӗксем

Кӳкеҫри ачасен интернат-ҫуртӗнче пурӑнакансем «Национальное достояние – 2023» (чӑв. Наци пуянлӑхӗ — 2023) Пӗтӗм тӗнчери телевидени конкурс-фестивалӗнче лауреат ятне ҫӗнсе илнӗ.

Конкурсӑн финалӗ ака уйӑхӗн 28-мӗшӗнчен пуҫласа ҫу уйӑхӗн 1-мӗшӗсенче Шупашкарта иртнӗ. Конкурса хутшӑнакансене Мускаври профессиллӗ тӳресем хакланӑ.

Конкурса хамӑр ҫӗршыври тӗрлӗ регионтан тата ют ҫӗршывсенчен хутшӑннӑ.

Кӳкеҫри ачасен интернат-ҫуртӗнче пурӑнакансем «Ӳнер тата декораципе прикладной пултарулӑх» номинацире хӑйсен тантӑшӗсен хушшинче I степеньлӗ лауреат ятне тата кубока ҫӗнсе илнӗ.

Ольга Крайкина тата Валентина Морышкина сусӑр ачасем Татьяна Афанасьевӑпа Татьяна Харитонова педагогсем ертсе пынипе чӑваш пуканисене ӑсталанӑ, конкурса ҫавӑнпа хутшӑннӑ.

 

Сывлӑх
cap.ru сайтри сӑн
cap.ru сайтри сӑн

Республикӑри 27 ачана вӑрӑм туна ҫыртнӑ хыҫҫӑн тухтӑрсен пулӑшӑвӗ кирлӗ пулнӑ. Вӗсен аллерги реакцийӗ пуҫланнӑ.

Ку хисеп – юлашки эрнери. Ачасен вӑрӑм туна ҫыртнӑ вырӑнти ӳт хӗрелнӗ, хӑмпӑланнӑ, суран пек пулса ларнӑ. Ҫавӑнпа вӗсене ашшӗ-амӑшӗ тухтӑр патне илсе пынӑ.

Шурӑ халатлисем каланӑ тӑрӑх, варӑм туна ҫыртнӑ вырӑнӑн кӑшт кӑна хӗрелмелле, кӗҫӗтмелле. Ҫӳлерех асӑннӑ паллӑсем пур-тӑк, ку – аллерги.

 

Республикӑра

Ҫу уйӑхӗн 21-мӗшӗнче Улатӑрти технологи колледжӗн студенчӗ Никита Холуев тата 9-мӗш шкулти 10-мӗш класс вӗренекенӗ Александр Князькин путакан ачана ҫӑлнӑ.

Пӗчӗк арҫын ача ҫыранран инҫе ишсе кӗрсе шыв ҫӑтса тултарнӑ та тӑнне ҫухатма пуҫланӑ. Ҫав вӑхӑтра Александрпа Никита киле кайма хатӗрленнӗ, анчах темшӗн 5 минутлӑха тытӑнса тӑнӑ. Ҫакӑ путакан ачан телейӗ пулнӑ та. Каччӑсем ӑна ҫӑлма васканӑ. Ҫамрӑксем пӗчӗк ача патне ҫитиччен вӑл тӑнне ҫухатнӑ, путма тытӑннӑ.

Александрпа Никита пӗчӗкскере ҫыран хӗррине илсе тухнӑ. Часах ачан ашшӗ чупса пынӑ. Арҫын ача тӳрех тӑна кӗмен, вӑйран кайнӑ. Ҫапах ӑна тухтӑрсен пулӑшӑвӗ кирлӗ пулман.

 

Республикӑра
Телеграми t.me/spirincheb страницӑран илнӗ сӑнӳкерчӗк
Телеграми t.me/spirincheb страницӑран илнӗ сӑнӳкерчӗк

Чӑваш Ен Элтеперӗ Олег Николаев шкултан вӗренсе тухакансене саламланӑ. Салама республикӑн влаҫ органӗсен официаллӑ порталӗнче вырнаҫтарнӑ.

Олег Николаев ачасене пӗлӳ илме ӑнтӑлнӑшӑн, педагогсемпе ашшӗ-амӑшне вара яш-кӗрӗме тӗнчене пӗлсе ҫитме пулӑшнӑшӑн, ҫӗршыва юрӑхлӑ ӑру ҫитӗнтернӗшӗн тав тунӑ.

«Сирӗншӗн пур ҫӗрте те — чи лайӑх аслӑ пӗлӳ паракан ҫуртсенче, колледжсенче, техникумсенче — ҫул уҫӑ», — тенӗ Элтепер.

«Кирек мӗнле профессие суйласа илсен те, хуть те мӗнле ӗҫ тусан та ҫакна асра тытӑр — суйласа илнӗ тивӗҫе хисеплени тата яваплӑ пурнӑҫлани, ҫӗршыва, унӑн паттӑрла историне, йӑли-йӗркине юратни, Аслӑ Раҫҫее хӳтӗлеме кирек хӑҫан та хатӗр пулни яланах хаклӑ пулнӑ», — палӑртса хӑварнӑ республика ертӳҫи.

 

Страницӑсем: 1 ... 29, 30, 31, 32, 33, 34, 35, 36, 37, 38, [39], 40, 41, 42, 43, 44, 45, 46, 47, 48, 49, ... 324
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 21:00) сайра пӗлӗтлӗ ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуҫа тарҫи
хуть те кам тухсан та
хуҫа хӑй
хӑнана ӑсатма никам та тухмасть
кил-йышри арҫын
хуҫа арӑмӗ