Чӑваш автономине йӗркелесе янӑранпа 105 ҫул ҫитнӗ. Ҫавна май Республика кунне анлӑн уявлама палӑртаҫҫӗ.
Шупашкарта кӑҫал та пӗтӗм чӑвашсен Акатуйӗ иртӗ. Вӑл 16 сехетре пуҫланӗ. Ӑна пирӗн республикӑра кӑҫалхипе 13 хут йӗркелеҫҫӗ.
Уява Чӑваш Енри коллективсем ҫеҫ мар, Пушкӑртстанри, Тутарстанри; Пенза, Самар, Чӗмпӗр облаҫӗсенчи, Санкт-Петербург тата Мускав хулисенчи чӑвашсем те хутшӑнӗҫ.
Ҫав кунах ача-пӑча Акатуйӗ те иртӗ.
Мускавра Альбина Юратун «Пӗр ывӑҫ канфет» кӗнекин хӑтлавӗ иртнӗ.
Кӗнеке пӗлтӗр Чӑваш кӗнеке издательствинче пичетленсе тухнӑ.
Хӑтлавра Мускавра пурӑнакан чӑвашсем, Альбина Васильевнӑн тусӗсемпе тӑванӗсем хутшӑннӑ. Пултарулӑх коллективӗсем вара юрӑсемпе савӑнтарнӑ.
Альбина Юрату хӑтлавра пӗлтернӗ тӑрӑх, ҫитес вӑхӑтра унӑн тепӗр икӗ кӗнеки кун ҫути курмалла.
Шупашкар хулинчи халӑхӑн социаллӑ ыйтӑвӗсене твиӗҫтерекен комплекслӑ центрӑн пай заведующийӗ ӗҫлесе сипленме вӗренсе килнӗ.
Марина Петрова заведующи «Старость в радость» (чӑв. Ватлӑх савӑнма) ыркӑмӑллӑх фончӗ йӗркеленӗ икӗ кунлӑх курсра пӗлӗвне туптанӑ. Заняти «Внимание и забота» (чӑв. Тимлӗх тата тӑрӑшу) обществӑра иртнӗ. Хушма професси пӗлӗве паракан программа «Частые вопросы эрготерапии. Эрготерапия в системе социального обслуживания» (чӑв. Эрготерапинчи час-час тӗл пулакан ыйтусем. Социаллӑ пулӑшу сферинчи эрготерапи).
Веренӳ 72 сехет теори занятийӗнчен тата 2 кунла практикаран тӑнӑ.
Программа обучения была направлена на углубление знаний и навыков
Программа обучения была направлена на углубление знаний и навыков в области эрготерапии, что особенно важно для специалистов, работающих в сфере социального обслуживания
Ҫӗнӗ Шупашкарта пурӑнакан Ольга Савинова Мускавра ҫӗртме уйӑхӗн 1-6-мӗшӗсенче иртекен илем тата амӑшлӑх «Раҫҫей Тӗнче миссисӗ» конкурсӗнче Чӑваш Ен чысне хӳтӗлӗ. Унта Раҫҫейри 18-60 ҫулсенчи качча кайнӑ 150 хӗрарӑм хутшӑнать.
«Чӑваш Енре ҫуралса ӳснӗшӗн эпӗ яланах мухтаннӑ. Тӑван чӗлхене, культурӑна, несӗлсен йӑли-йӗркине чунран юрататӑп», - тет Ольга Савинова. Вӑл Чӑваш Ен чысне тӗнче шайӗнче хӳтелеме чыс лекнӗшӗн хӗпӗртенине палӑртнӑ.
Мускавра Чулхулари скрипка ӑстине Наталья Маурер виллине тупнӑ. Пӑтӑрмах ҫу уйӑхӗн 3-мӗшӗнче пулса иртнӗ.
Икӗ ача амӑшӗ ҫав каҫхине Алексей Паштаев офтальмолог патӗнче пулнӑ.
Асӑннӑ пӑтӑрмахпа ҫыхӑннӑ лару-тӑрӑва Пӗрремӗш каналпа «Пусть говорят» кӑларӑмра сӳтсе яврӗҫ.
Хӗрарӑм скрипка калама пӗлнисӗр пуҫне илем конкурсӗсене хутшӑннӑ. Унӑн упӑшки (иккӗшӗ нумаях пулмасть уйрӑлнӑ) — балет артисчӗ.
Алексей Паштаев — Николай Паштаев профессор ывӑлӗ. Наталья тата Алексей хӑй вӑхӑтӗнче Шупашкарти аслӑ шкулта пӗр вӑхӑтра вӗреннӗ, пӗрне пӗри палланӑ.
Алексей Мускавра ӗҫлесе пурӑннӑ.
Раҫҫейри артистка Юлия Переверзева Канн фестивалӗнче «Паха тӗрӗ» фабрика тумӗпе тухнӑ. Вӑл ку тума Япони режиссерӗн RENOIR ятлӑ фильмӗн премьерине тӑхӑннӑ.
Юлия Переверзева – 35 ҫулта, вӑл Алтай крайӗнче ҫуралнӑ. Унӑн ашшӗ – чӑваш. Юлия ВГИК пӗтернӗ, халӗ Мускавра пурӑнать. Вал 6 фильмра ӳкерӗннӗ.
Ҫакна та палӑртмалла: Юлия кӑҫал «Мускав тата Мускав облаҫӗн королеви» илем тата амӑшлӑх конкурсӗн гран-прине илнӗ.
Ӗнер Мускавра иртнӗ Ҫӗнтерӳ парадне чӑваш каччисем те хутшӑннӑ. Кун пирки «Пуринчен малтан» телеграм-канал пӗлтерет.
Парадра Даниил Николаев, Илья Игнатьев тата Никита Игнатьев (Тӑвай округӗнчи Тӑрмӑшри шкулта вӗреннӗ), Александр Петриков (Канаш округӗнчи Шӑхасанти шкулта пӗлӳ илнӗ), Канаш округӗнчи Чакаҫри шкулта вӗреннӗ Егор Патшин, Чӑваш кадет корпусӗнче вӗреннӗ Александр Сарбаев, Иван Улеев (Шупашкар округӗнчи Ҫӳлтикасси шкулӗнче пӗлӳ илнӗ), Никита Ларионов (Сӗнтӗрвӑрри округӗнчи Сӗнтӗрпуҫри шкулта вӗреннӗ), Елчӗкри шкулта вӗреннӗ Роман Ильин, Елчӗк округӗнчи Лаш Таяпари пӗртӑван Осиповсем, Йӗпреҫ округӗнчи Чӑрӑшкассинчи Станислав Григорьев, Елчӗк округӗнчи Ҫирӗклӗ Шӑхальти Артем Савиновов.
Сӑмах май, кӑҫал Мускаври Хӗрлӗ тӳремри парада 11 пин ытла ҫар ҫынни хутшӑннӑ.
Паян Мускавра юр ҫуса лартнӑ. Синоптиксем кун пек вӑйлӑ юр юлашки 116 ҫулта рекорд пулнине палӑртнӑ.
Йывӑҫсем тӳннӗ, юпасем те ӳккеленӗ. Вӗсене пула машинӑсемпе ҫуртсем сиенленнӗ.
Сӑмах май, пӗлтӗр ҫу уйӑхӗн пуҫламӑшӗнче Чӑваш Республикинче те юр ҫунӑччӗ. 2003 ҫулхи ҫӗртмен 4-мӗшӗнче Шупашкарта юр ҫуса лартнӑччӗ. Ун чухне симӗс ҫулҫӑллӑ йывӑҫсем юр йывӑрӑшне чӑтаймасӑр тӳнӗччӗ.
Варвара Николаева 8 ҫулта кӑна-ха. Вӑл вара тӗнче чемпионки пулма ӗлкӗрнӗ те! Нумаях пулмасть вӑл Мускавра каратэ енӗпе иртнӗ тӗнче чемпионатне хутшӑннӑ. Унта 10 ҫӗршыври спортсменсем хутшӑннӑ.
«Ката, 8-9 ҫулсенчи хӗрачасем» категорире Варя ылтӑн медаль ҫӗнсе илнӗ. Ҫавӑн пекех вӑл ушкӑнпа катӑра ӑмӑртса ылӑн медаль илнӗ.
Варьӑн пӗтӗмпе – 43 награда, вӗсенчен 30-шӗ – ылтӑн медаль. Унӑн тренерӗ – Сергей Сергеев.
Нарӑс уйӑхӗнче ЧР Элтеперӗ Олег Николаев хӑйӗн пресс-секретарьне Борис Краснова ӗҫрен яни пирки пӗлтернӗччӗ. Кайран вӑл И.Я.Яковлев ячӗллӗ ЧППУра студентсене вӗрентни пирки хыпар пулчӗ. Халӗ Борис Краснов Мускавра ӗҫлет, ҫарпа спорт хатӗрленӗвӗн тата ҫамрӑксене патриотлӑх воспитанийӗ паракан «Воин» центрӑн пресс-службине ертсе пырать.
Сӑмах май, «Воин» центра Раҫҫей Президенчӗ пуҫарнипе йӗркеленӗ. Ку программа хальхи вӑхӑтра 21 регионта ӗҫлет, ҫав йышра Чӑваш Ен те пур.
Олег Николаевӑн вара хальлӗхе пресс-секретарь ҫук. Элтепер администрацийӗ ку должноҫе ҫын шырани пирки «Раҫҫейри ӗҫ» портала хыпар панӑ. Пресс-секретаре 127-142 пин тенкӗ шалу шантараҫҫӗ.
-0.7 °C