|
Пӑтӑрмахсем
 t.me/pro_cheby каналтан илнӗ сӑнӳкерчӗк Шупашкарта пурӑнакан ҫамрӑк арҫын маркетплейсра ӗҫлесе илес тенӗ те укҫасӑр юлнӑ. 32 ҫулти арҫын йӗрке хуралҫисене пӗлтернӗ тӑрӑх, ун патне хушма укҫа ӗҫлесе илме сӗнсе ҫырнӑ ҫыру мессенджерсенчен пӗринче ҫитсе выртнӑ. Кунне 15-шер пин тенкӗ таран хушма укҫа тума пулать тесе ӗнентернӗ хайхисем. Ҫапла путӑр тесен нумаях та кирлӗ мар-мӗн, тавар айне «килӗшет» текен паллӑ лартмалла тата хӑш-пӗр продукцие туянмалла. Тӑкака ӗҫ укҫипе пӗрле саплаштарма шантарнӑ. Арҫын 164 пин тенкӗлӗх тавар туяннӑ. Укҫана каялла тавӑрма май килмен. Хыпар ҫӑлкуҫӗ:
|
|
Пӑтӑрмахсем
 https://vk.com/wall-134917368_15092 сӑнӳкерчӗкӗ Красноармейски районӗнче ватӑ хӗрарӑм ҫухалнӑ. 72 ҫулти Людмила Федоровӑна «Лиза Алерт» шырав отрячӗн хастарӗсем шыраҫҫӗ. Хӗрарӑм ӑҫтине унӑн ҫывӑх ҫыннисем утӑ уйӑхӗн 13-мӗшӗнченпе пӗлмеҫҫӗ. Хӗрарӑм 150 сантиметр ҫӳллӗш, начар кӗлеткеллӗ, хӑмӑр куҫлӑ, кӑвакарнӑ ҫӳҫлӗ. Килӗнчен тухса кайнӑ чухне вӑл мӗн тӑхӑннине пӗлмеҫҫӗ. Людмила Фёдорова ӑҫтине пӗлекенсене 8(800)700-54-52 е 112 телефон номерӗсемпе ҫыхӑнма сӗнеҫҫӗ. Хыпар ҫӑлкуҫӗ:
|
|
Сывлӑх
 kartinki.pibig.info сайтри сӑн "Пациент яланах тӗрӗс". Хулари 1-мӗш клиника пульницинче ҫакнашкал ятлӑ проект старт илнӗ. Ӑна медпулӑшӑва вӑхӑтра тата пахалӑхлӑ парас тӗллевпе йӗркелеҫҫӗ. 10 кунра ҫынсенчен 92 ҫӑхав-сӗнӳ килнӗ. Тӗнче тетелӗнчен электронлӑ медицина докуменчӗсене уҫланӑ чухне кӑлтӑксем сиксе тухни, специалистсем патне ҫырӑннӑ чухне йывӑрлӑхсем пулни - ҫӑхавсенчен ҫурри ытла ҫак ыйтусемпе ҫыхӑннӑ. Кунсӑр пуҫне "Пациент яланах тӗрӗс" телефон линийӗ ӗҫлесе кайӗ. 23-57-18 номерпе ӗҫ кунӗсенче 8-17 сехесенче шӑнкӑравлама юрать. Хыпар ҫӑлкуҫӗ:
|
|
Сывлӑх
 tkr-info.ru сайтри сӑн Васкавлӑ медпулӑшу тухтӑрӗсем Шупашкар районӗнчи 45 ҫулти арҫынна леш тӗнчерен тавӑрнӑ темелле. Хайхискер путма пуҫланӑ. Телейӗ пулнах - ӑна иртен-ҫӳрен шывран кӑларнӑ. Анчах ҫав вӑхӑталла арҫын тӑнне ҫухатнӑ. Ҫынсем часрах васкавлӑ медпулӑшу чӗннӗ. Тухтӑрсем ҫитнӗ тӗле арҫын чӗрӗ пулни палӑрман та - вӑл шыв ҫӑтса тултарнӑ, комӑна кӗрсе ӳкнӗ. Тухтӑрсем унӑн сывлав органӗсене тасатнӑ, кислород ҫителӗклӗ пултӑр тесе уколсем тунӑ. Сывлӑхне йӗркене кӗртсен арҫынна больницӑна илсе кайнӑ. Хыпар ҫӑлкуҫӗ:
|
|
Ял хуҫалӑхӗ
 agro.cap.ru сӑнӳкерчӗкӗ Чӑваш Енре вырмана тухнӑ. Елчӗк районӗнчи «Яманчурино» тата Комсомольски районӗнчи «Сюрбеево» обществӑсенче кӗрхи тулла вырма пуҫланӑ. Хуҫалӑхсенче ӗҫҫи епле пынипе паллашма республикӑн ял хуҫалӑх министрӗ Сергей Артамонов вырӑна тухса кайнӑ. Министр каланӑ тӑрӑх, аграрисен пӗрчӗллӗ тата пӑрҫа йышши культурӑсене 750 пин тонна вырса илмелле. «Ҫӗр типсе ларнӑран эпр, шел пуин те, тухӑҫӑн пӗр пайне ҫухатрӑмӑр, апла пулин те хамӑр ума лартнӑ тӗллеве пурнӑҫлама ӗмӗтленетпӗр», – тенӗ министр. Хыпар ҫӑлкуҫӗ:
|
|
Республикӑра
 t.me/pro_cheby каналтан илнӗ сӑнӳкерчӗк Ҫулталӑк пуҫланнӑранпа пирӗн республикӑра 4776 пепке ҫуралнӑ, ҫав шутра 2409 арҫынг ача, 2367 хӗрача. Арҫын ачасене ашшӗ-амӑшӗ Артем, Матвей, Роман, Михаил, Александр, Максим, Иван, Кирилл, Егор, Лев, Даниил, Тимур, Дмитрий, Илья, Арсений, Тимофей, Марк, Давид, Никита и Павел ят пама кӑмӑллать, хӗрачасене — Адель, Анна, София, Виктория, Ксения, Дарья, Варвара, Мария, Милана, Анастасия, Полина, Валерия, Арина, Василиса, Елизавета, Мирослава, Кира, Екатерина, Алиса и Александра. Хыпар ҫӑлкуҫӗ:
|
|
Пӑтӑрмахсем
 t.me/mchs_chuvashia сӑнӳкерчӗкӗ Ӗнер, утӑ уйӑхӗн 16-мӗшӗнче, Шупашкарта пӗр машина ҫунса кайнӑ. «ГАЗ 2217» маркӑллӑ автомобиль Шумилов урамӗнчи 20-мӗш «в» ҫурт тӗлӗнче, «Шупашкар» пасартан инҫех мар вырӑнта ларнӑ. Инкеклӗӗҫсен министерствин респубикӑри управленийӗн пресс-служби Телеграмра хыпарланӑ тӑрӑх, машинӑна чӗртсе яма путарнӑ. Яваплӑ службӑсем пушар сӑлтавне палӑртӗҫ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Иртсе кайнӑ канмалли кунсенче пирӗн республикӑри патшалӑхӑн ҫул-йӗр хӑрушсӑрлӑхӗн автоинспекторӗсем 63 ӳсӗр водителе тытса чарнӑ. «Нетрезвый водитель» (чӑв. Ӳсӗр водитель) рейда утӑ уйӑхӗн 14-16-мӗшӗсенче ирттернӗ. Мероприятие волонтёрсемпе общественниксем хутшӑннӑ. Республикӑн аякри районӗсене ҫул-йӗр патруль службин уйрӑм ятарлӑ батальонне янӑ. Рейд вӑхӑтӗнче хӗрӗнкӗ 63 водителе тытса чарнӑ. Вӗсен транспортне ятарлӑ стоянкӑна ӑсатнӑ. Тытса чарнӑ водительсенчен 40 ытларахӑшӗн е водитель прави пулман, е вӗсен правине унчечн туртса илнӗ. Ҫул ҫитмен 7 ҫамрӑк та усӗрле руль умне ларнӑ. Сӑмахран, утӑ уйӑхӗн 16-мӗшӗнче 23 сехет те 30 минутра Йӗпреҫ районӗнче 16 ҫамрӑк мопедпа пынӑ. Хӑйӗн прави те пулман, ҫитменнине тата ӳсӗр пулнӑ. Хыпар ҫӑлкуҫӗ:
|
|
Пӑтӑрмахсем
 Инкелӗ лару-тӑру министерстви тунӑ сӑн Ку инекек те шыва кӗме юраман вырӑнта чӑмпӑлтатнӑран пулнӑ. Хӗрлӗ Чутай районӗнчи Арайкасси ялӗнче 43 ҫулти арҫын путса вилнӗ. Арҫын утӑ уйӑхӗн 15-мӗшӗнче 21 сехет те 20 минутра пӗвере шыва кӗнӗ те путма пуҫланӑ. Малтанлӑха пӗлтернӗ тӑрӑх, вӑл ӳсӗр пулнӑ. Унӑн виллине пӗртӑванӗ ҫыран хӗррине илсе тухнӑ. Палӑртмалла: республикӑра ҫулталӑк пуҫланнӑранпа 16 ҫын путса вилнӗ. Вӗсенчен 5-шӗ - ачасем. Хыпар ҫӑлкуҫӗ:
|
|
Пӑтӑрмахсем
 chuvashia.sledcom.ru сӑнӳкерчӗкӗ Шӑмӑршӑ районӗнчи Карапай Шӑмӑршӑ ялӗнче 53 ҫулти арҫынна ывӑлӗпе пӗлӗшӗ вӗлернӗ. Кӑҫалхи утӑ уйӑхӗн 10-мӗшӗнче арҫыннӑн 28 ҫулти ывӑлӗ тата хайхисемпе пӗр ялта пурӑнакан 37 ҫулти арҫын кил хуҫипе харкашма пуҫланӑ. Хӑна та, арҫыннӑн ывӑлӗ те ӳсӗр пулнӑ. Вӗсем арҫынна тапса-ҫапса пӗтернӗ. Суранланса пӗтнӗ арҫын кӑштахран вилсе кайнӑ. Алли-урине ирӗке янӑ арҫынсене пакунлисем тытса чарнӑ. Вӗсем тӗлӗшпе РФ Пуҫиле кодексӗн 111-мӗш статйин 4-мӗш пайӗпе килӗшӳллӗн пуҫиле ӗҫ пуҫарнӑ. Халӗ ӗҫе малалла тӗпчеҫҫӗ. Хыпар ҫӑлкуҫӗ:
|
+20.3 °C