|
Кӑсӑклӑ
Культура
Чӑн пулни
Ӗлӗкрен пыракан йӑлапа, писательсемпе журналистсенчен чылайӑшӗ хушма ят (псевдоним) йышӑнать. Пирӗн редакцире те ҫак йӗрке пурнаҫланса пынӑ. Николай Осипович Падиаров, акӑ хӑй ҫырнӑ статья-заметка айне «Каю» е «Осенин» тесе алӑ пусатчӗ. Петр Иванович Фомин малтан «Хумма Петӗрӗ», каярахпа «Тусли» ятпа ҫыратчӗ. Василий Федорович Чураков «Сарри» хушма хушамат йышӑннӑ. Геннадий Семенович Смаев «Гендоз» пулса тӑчӗ. Мана ӗҫе пуҫӑнсанах юлташсем «Анаткас» ят пачӗҫ. «Купӑс Иванӗ» те, «Ивмих» та, «Упиади» те эпех. Владимир Николаевич Михайлов «Ула Тимӗр» пулса сӑвӑ хыҫҫӑн сӑвӑ шӑрантаратчӗ... Пӗр сотрудник тивӗҫлӗ канӑва кайрӗ те, ун вырӑнне ҫӗннине йышӑнтӑмӑр. Ҫынни паллӑччӗ-ха районта: унӑн сӑввипе Шӑмӑршӑ гимне ҫырнӑ. Виталий Николаев ҫаннисене тавӑрсах ӗҫе пуҫӑнчӗ. — Ҫынсен пурин те псевдоним пур, мана та тупса парӑр-ха! — терӗ вӑл ирхи планеркӑра. Хайхи пурте пуҫ ватма тытӑнтӑмӑр: мӗнле хушма ят шыраса тупмалла-ха ун валли? Чимӗр-ха, чимӗр, Виталий шӑп та лӑп «операция «Ы» и другие приключения Шурика» кинокомедири тӗп сӑнар пекех вӗт! |
|
Персона
 cap.ru сӑнӳкерчӗкӗ Ҫӗнӗ Шупашкарта пурӑнакан Анна Январева ҫак кунсенче 100 ҫулхи юбилейне паллӑ тунӑ. Анна Ивановна - Тӑван ҫӗршывӑн Аслӑ вӑрҫин ветеранӗ, вӑрҫӑ вӑхӑтӗнче госпитальте ӗҫленӗ, унтан - шкулта. Вӑл 10 класс пӗтернӗ, унтан - Канашри педучилищӗне. Хӑй вӑл Пӑрачкав районӗнче ҫуралса ӳснӗ. 1941 ҫулта Мускавра прожектористкӑра ӗҫленӗ. 1942-1945 ҫулсенче Вышный Волочек хулинче госпитальте вӑй хунӑ. Вӑрҫӑ хыҫҫӑн Ҫӗмӗрле районӗнче пуҫламӑш классене вӗрентнӗ. Анна Ивановнӑн 2 хӗр, 5 мӑнук тата 7 кӗҫӗн мӑнук. Хыпар ҫӑлкуҫӗ:
|
|
Вӗренӳ
 Чӑваш наци конгресӗн "Контактри" сӑнӳкерчӗкӗ 2023 ҫула Раҫҫей Президенчӗ Вӗрентекен тата вӗрентӳҫӗ ҫулталӑкӗ тесе йышӑннӑ. Республикӑри Чӑваш чӗлхипе литератури учителӗсен ассоциацийӗ сӗннипе килес ҫул пирӗн тӑрӑхра «Чӑваш Республикин халӑх учителӗ» хисеплӗ ят пама тытӑнӗҫ. Ҫав хисеплӗ ят Чӑваш Республикин педагогикинче чи пысӑк патшалӑх награди шутланӗ. «Чӑваш Республикин халӑх учителӗ» хисеплӗ ята «Чӑваш Республикин тава тивӗҫлӗ вӗрентекен» ята тивӗҫнӗ учительсене, преподавательсене тата вӗренӳ организацийӗн ытти ӗҫченне парӗҫ. Хыпар ҫӑлкуҫӗ:
|
|
Пӑтӑрмахсем
 Вӑрнар районӗнчи Шӑхаль ялӗ ҫывӑхӗнче паян газ пӑрӑхӗ сирпӗнни пирки хыпарланӑччӗ. Инкеклӗ лару-тӑру министерстви пӗлтернӗ тӑрӑх, самай вӑйлӑ пушара сӳнтернӗ. Шел те, вилнисем пур. Инкек пуличчен ҫав вырӑнта 4 ҫын ӗҫленӗ. Виҫҫӗшӗ вилнӗ, пӗри суранланнӑ. Хамӑрӑн ҫӑлкуҫ пӗлтернӗ тӑрӑх, вӗсем пурте Красноармейски районӗнчен, вилнисем – ҫамрӑксем. Водитель чӗрӗ юлнӑ. Вӑл газовиксене ҫав вырӑна илсе ҫитерекенни пулнӑ. Прокуратура тӗрӗслев ирттерет. Халӗ ҫав вырӑнта тӗрӗслев пуҫарнӑ. Газ пӑрӑхне йӗркене кӗртме 3 кун кирли пирки пӗлтереҫҫӗ. Хыпар ҫӑлкуҫӗ:
|
|
Политика
 cap.ru сӑнӳкерчӗкӗ Паян Чӑваш Енӗн экономика аталанӑвӗн тата пурлӑх хутшӑнӑвӗсен министрӗ пулма Дмитрий Бельцова ҫирӗплетнӗ. Уҫӑ ҫӑлкуҫсене тишкерсен, ҫавӑн пек ятлӑ ҫын юридици наукисен кандидачӗ пулни палӑрать. Вӑл 1979 ҫулхи ҫу уйӑхӗн 2-мӗшӗнче Ҫӗмӗрле районӗнчи Якуртушкӑнь ялӗнче ҫуралнӑ. РФ Шалти ӗҫсен министерствин Юридици институчӗн Шупашкарти филиалӗнче вӗреннӗ. 1996 ҫултанпа шалти ӗҫсен органӗсенче ӗҫлет. Кунсӑр пуҫне вӑл И.Н. Ульянов ячӗллӗ ЧПУра юридици факультетӗнче преподаватель пулса тӑрӑшни паллӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Ӗнер Канашра гараж ҫуннӑ. Инкеклӗ лару-тӑру министерстви пӗлтернӗ тӑрӑх, Чукунҫул урамӗнчи икӗ хутлӑ харпӑр ҫурт айӗнчи гаражра ҫулӑм тухнӑ. Ҫӑра тӗтӗм пӳртри пӳлӗмсене те кӗнӗ. Ӑна пула 10 ҫулти арҫын ача шар курнӑ. Тӗтӗмпе наркӑмӑшланнӑскере Шупашкара, Республикӑри ача-пӑча клиника пульницине, илсе ҫитернӗ. Хыпар ҫӑлкуҫӗ:
|
|
Пӑтӑрмахсем
 rbc-ru сӑнӳкерчӗкӗ Чӑваш Енри Шӑхаль ялӗнче паян газ пӑрӑхӗ сирпӗннӗ. Инкек «Уренгой — Помары — Ужгород» магистраль газ пӑрӑхӗ ҫинче пулса иртнӗ. Газ пӑрӑхӗ хыпса иличчен унта эксплуатацилекен организаци ӗҫленӗ-мӗн. Асӑннӑ пӑрӑха иртнӗ ӗмӗрӗн 80-мӗш ҫулӗсен пуҫламӑшӗнче хута янӑ. Унпа газ Хӗвеланӑҫ Ҫӗпӗртен Украина урлӑ Европӑна каять. Асӑннӑ линипе Турцие тата Вӑтам Ази е каякан газ пӑрӑхӗсем ҫыхӑннӑ. Хыпар ҫӑлкуҫӗ:
|
|
Политика
 Паянтан Вӑрмар районӗн администрацине Василий Шигильдеев ертсе пырӗ. Унччен ку должноҫре Дмитрий Иванов ӗҫленӗ. Василий Викторович 1966 ҫулта ҫуралнӑ, Мускавра ФСБ Академине пӗтернӗ. Хальхи вӑхӑтра «НПП «Каскад-ГРУП» тӗп директорӗнче вӑй хурать. Хӑй Чупай ялӗнче пурӑнать. Унччен ҫак ял тӑрӑхӗн депутачӗ пулнӑ. Аса илтерер: Дмитрий Иванов администрацие 2020 ҫулхи ҫурлан 21-мӗшӗнченпе ертсе пынӑ. Хыпар ҫӑлкуҫӗ:
|
|
Культура
 Чӑваш патшалӑх филармонийӗнче тӗлӗнмелле концерт иртессине пӗлтереҫҫӗ. Программӑна халӑх тата авторсен юррисенчен хатӗрленӗ. «Тӑван халӑх сасси» концерт паян, раштав уйӑхӗн 20-мӗшӗнче, иртӗ. Сцена ҫине «Ҫеҫпӗл», «Ҫавал» ансамбльсем, «Дуняша Style» фолк-группа тата «Nota «G» ташӑ ушкӑнӗ тухӗҫ. Концерт 19 сехетре пуҫланӗ. Вӑл икӗ сехет пырӗ. Хыпар ҫӑлкуҫӗ:
|
|
Республикӑра
 www.ntrk21.ru видеовӗнчен илнӗ сӑнӳкерчӗк Нумаях пулмасть Шупашкарти «Каскад» суту-илӳпе кану центрӗнче «В тишине» (чӑв. Шӑплӑхра) Мускаври музейӑн куравӗ уҫӑлнӑ. Вӑл кӑрлач уйӑхӗн 29-мӗшӗччен ӗҫлӗ. Асӑннӑ музея икӗ ҫул каярах Мария Айзина уҫнӑ. Маларах курав 9 хулара ӗҫленӗ, халӗ, ав, — Шупашкарта. Курава пыракансен алӑпа кӑтартса пӗр-пӗринпе калаҫмалла, куҫпа пӑхса пӗрне-пӗри ӑнланмалла, ӳт-пӳ хусканӑвне сӑнамалла. Куравра интерактивлӑ 4 лапам ӗҫлет. Хыпар ҫӑлкуҫӗ:
|
+30.3 °C
