Сайта кӗр | Регистраци | Сайта кӗрсен унпа туллин усӑ курма пулӗ
 +16.3 °C
Айван ҫыннӑн турти кӗске теҫҫӗ.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Шупашкарта пурӑннӑ ҫамрӑк хӗрарӑма 8,5 ҫуллӑха кирпӗч шутлама ӑсатнӑ. 27 ҫултискер тепӗр ҫын пурнӑҫне татнӑ. Ӑна вӑл ҫӗҫӗпе чиксе пӗтернӗ.

Кӑҫалхи ҫӗртме уйӑхӗн 24-мӗшӗнче кӑнтӑрла ӳсӗр ҫамрӑк хӗрарӑм Шупашкарти нумай хваттерлӗ ҫуртсенчен пӗрин картишӗнче хӑйӗн пӗлӗшӗпе хирӗҫме тапранса кайнӑ. Ҫавӑн чухне вӑл хайхине ӑҫтан май килнӗ ҫавӑнтан ҫӗҫӗпе чиксе пӗтернӗ. Йывӑр суранланса пӗтнӗ арҫын вырӑнтах вилсе кайнӑ.

Хӗрарӑма суд пӗтӗмӗшле режимлӑ колоние 8,5 ҫулӑха ӑсатма йышӑннӑ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Паян, юпа уйӑхӗн 26-мӗшӗнче, Шупашкар муниципаллӑ округӗнче ҫул ҫинче инкек пулса иртнӗ. Унта арҫын пунӑҫӗ татӑлнӑ.

«Кӳкеҫ-Тутаркасси-Ҫӗнӗ Шупашкар» ҫулпа пынӑ чухне Тренккасси ялӗ тӗлӗнче «ВАЗ-2107» тата «Урал» автомашинӑсем пырса ҫапӑннӑ. Инкек ирхи 7 сехет те 20 минутра пулнӑ.

Малтанласа палӑртнӑ тӑрӑх, «ҫиччӗмӗшӗн» водителӗ руле пӑрса янӑран хирӗҫ килекен ҫул ҫине тухса кайнӑ. Унта вӑл пысӑк машинӑпа пырса ҫапӑннӑ.

52 ҫулти арҫын (Чӑваш Енӗн Шалти ӗҫсен министерствин сайтӗнчи хыпарта хӑш машина водительне палӑртман. Сӑнӳкерчӗк тӑрӑх хакласан, ҫӑмӑл машина лапчӑнсах ларнӑ. Апла пусан унӑн водителӗн пурнӑҫӗ сарӑмсӑр татӑлнӑ тесе пӗтӗмлетмелле-тӗр) инкек вырӑнӗнчех вилсе кайнӑ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Ӗнер каҫхине 6 сехетре Ҫӗмӗрле муниципаллӑ округӗнче «Шупашкар – Сӑрҫи» ҫул ҫинче, Турхан ялӗ ҫывӑхӗнче, «Лада Ларгус» ҫынна таптаса кайнӑ.

Малтанлӑха пӗлтернӗ тӑрӑх, 30 ҫулти водитель ҫулпа утакан ҫын ҫине пырса кӗнӗ. Лешӗ тӗттӗм тум тӑхӑннӑ пулнӑ. Арҫын ҫавӑнтах вилнӗ.

Ҫакӑ паллӑ: водитель урӑ пулнӑ. Халӗ ӗҫ-пуҫа уҫӑмлатаҫҫӗ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Красноармейски районӗнче ӳсӗр пӗр водителе тытса чарнӑ. Вӑл «Шупашкар-Сурски» ҫул ҫинче груз турттармалли машина умне сиксе тухнӑ. Машина унталла та кунталла пӑркаланса пынӑ.

Ҫавна асӑрханӑ тепӗр водитель «ВАЗ-21041» машина пирки йӗрке хуралҫисене шӑнкӑравласа пӗлтернӗ, хӑй машина хыҫҫӑн кайнӑ. Ҫӑмӑл машина Красноармейски муниципаллӑ округӗнчи Йӗпрем ялӗ еннелле ҫул тытнӑ.

65 ҫулти водитель тухтӑрсем патне кайса тӗрӗсленме килӗшмен. Ҫавна май ун тӗлӗшпе административлӑ ӗ пуҫарнӑ.

 

Пӑтӑрмахсем
t.me/mchs_chuvashia сӑнӳкерчӗкӗсем
t.me/mchs_chuvashia сӑнӳкерчӗкӗсем

Юпа уйӑхӗн 23-мӗшӗнче Ҫӗнӗ Шупашкарта 2 пӳлӗмлӗ хваттер ҫунма пуҫланӑ. Инкек 16 сехет иртсен сиксе тухнӑ.

Хулари Завод урамӗнчи 11-мӗш ҫуртри 3-мӗш хутра вырнаҫнӑ. Тӗтӗм-сӗрӗм сарӑлнӑ подъезран 5 ҫынна урама кӑларнӑ. Вӗсен йышӗнче 2 ҫынпа 3 ача пулнӑ.

Пушар 3 тӑваткал метр лаптӑк ҫинче алхаснӑ. Вут-ҫулӑмпа кӗрешекенсем ӑна сӳнтернӗ. Инкек сӑлтавне специалистсем палӑртӗҫ.

Хыпар ҫӑлкуҫӗ: https://t.me/mchs_chuvashia/4370
 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Муркаш муниципаллӑ округӗнчи Мӑн Сӗнтӗр ялӗнче юпа уйӑхӗн 22-мӗшӗнче ирхи 4 сехетре мунча ҫунса кайнӑ. Инкеклӗ лару-тӑру министерстви пӗлтернӗ тӑрӑх, ҫулӑма сӳнтерсен арҫын виллине тупнӑ. Вӑл 46 ҫулта пулнӑ.

Юпан 22-мӗшӗнче ҫур ҫӗр иртсен Шупашкарти «Промлит» савутра та пушар пулнӑ. Унти 30 рабочи хӑйсем тӗллӗн урама тухнӑ. Пушар цехра 15 тӑваткал метр лаптӑк ҫинче алхаснӑ.

 

Пӑтӑрмахсем
Прокуратура тунӑ сӑн
Прокуратура тунӑ сӑн

Ӗнер 16 сехет те 55 минутра Улатӑртан Алтышево поселокне кайма тухнӑ ПАЗик аварие лекнӗ. Вӑл малта пыракан, пӗренесем тиенӗ трактор ҫине пырса кӗнӗ.

Автобус ун ҫине питӗ вӑйлӑ пырса тӑрӑннӑ. Салонра 3 ҫын пулнӑ. 13 ҫулти хӗрача малта амӑшӗпе ларса пынӑ, ҫывӑрса пынӑ. Шел те, ача вилмеллех аманнӑ. Ҫакӑ паллӑ: тракторӑн габаричӗсем ҫунман.

ПАЗри 40-ри водитель тата 66-ри тракторист урӑ пулнӑ.

 

Пӑтӑрмахсем

Паян 9 сехет те 47 минутра Комсомольски муниципаллӑ округӗнчи Александровка ялӗнче икӗ машина ҫапӑннӑ.

ШӖМ малтанлӑха пӗлтернӗ тӑрӑх, ВА№-2111 рулӗ умӗнче ларнӑ 35 ҫулти хӗрарӑм хирӗҫ ҫул ҫине тухса кайнӑ та тепӗр машинӑпа ҫапӑннӑ. Тепӗр транспорт рулӗ умӗнче 31 ҫулти арҫын пулнӑ. Аварире икӗ водитель те аманнӑ. Кунсӑр пуҫне 4 пассажир суранланнӑ: ҫав шутра – 4-ри тата 5 ҫулти ачасем. Вӗсем салонра ятарлӑ креслӑра ларман.

Халӗ ведомство ӗҫ-пуҫа уҫӑмлатать.

Хыпар ҫӑлкуҫӗ: https://t.me/mvd_chuvashia/1665
 

Пӑтӑрмахсем
ШӖМ видео скринӗ
ШӖМ видео скринӗ

Паян ирхине 5 сехет те 12 минутра Шупашкарти Мир проспектӗнче автовокзала пӑрӑннӑ ҫӗрте ПАЗик 63 ҫулти арҫынна вилмеллех таптаса кайнӑ.

Арҫын светофор симӗс ҫутнӑ вӑхӑтра ҫул урлӑ каҫнӑ. ПАЗ водителӗ вара вокзал енне пӑрӑннӑ чухне ӑна асӑрхаман – таптаса кайнӑ.

Арҫын васкавлӑ медпулӑшу киличчен вилнӗ. Халӗ тӗрӗслев ирттереҫҫӗ.

 

Пӑтӑрмахсем
russian.rt.com сайтран илнӗ сӑнӳкерчӗк
russian.rt.com сайтран илнӗ сӑнӳкерчӗк

Шупашкар хулинче пурӑнакан, кунти военкоматра ӗҫлекен 24 ҫулти Александр Моряков вырӑнти тӳре-шара пулӑшманран «RT» МИХран пулӑшу ыйтнӑ.

Александр Воркутаран. Унта повар-кондитера вӗренсе тухнӑ хыҫҫӑне малтан ҫара кайнӑ, кайран контрактпа службӑна юлнӑ. Мускав облаҫӗнчи Наро-Фаминскра тата Мурманск хулинче пулнӑ. Украинӑри ятарлӑ ҫар операцине хутшӑннӑ чух вӑл мина ҫине лексе икӗ урасӑр тӑрса юлнӑ. Вӑл Паттӑрлӑх орденне тивӗҫнӗ.

Шупашкарта нумай хваттерлӗ ҫуртсенчен пӗринче пӗрремӗш хутра, хваттер туяннӑ. Анчах унта инвалид валли пандус ҫук иккен. Хӑмаран ҫапса туса панӑ. Анчах ун тӑрӑх ҫамрӑк арҫын хӑй тӗллӗн анса хӑпараймасть.

Таҫта та ҫырнӑ, комиссисем те пырса пӑхнӑ. Ыйту татӑлман. Ҫавӑнпа вӑл ыйтӑва урӑх шайра хускатма йышӑннӑ.

 

Страницӑсем: 1 ... 60, 61, 62, 63, 64, 65, 66, 67, 68, 69, [70], 71, 72, 73, 74, 75, 76, 77, 78, 79, 80, ...415
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (17.07.2025 03:00) уяр ҫанталӑк, атмосфера пусӑмӗ 746 - 748 мм, 12 - 14 градус ӑшӑ пулӗ, ҫил 0-2 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Хӑвӑр пӗлмен ӗҫе пуҫӑнма сӗнмеҫҫӗ. Информаци ҫителӗксӗрри тата кирлӗ опыт ҫукки палӑртнине ҫӗнсе илме чӑрмантарӗҫ. Иккӗленӳллӗ мероприятисене хутшӑнма ан тӑрӑшӑр. Хальхи вӑхӑтра асӑрханулӑх - ӗҫри чи лайӑх канашҫӑ.

Утӑ, 17

1889
136
Курак Иван Игнатьевич, чӑваш сӑвӑҫи ҫуралнӑ.
1965
60
Яковлев Константин Геннадьевич, Тутарстанри ЧНКА ертӳҫи ҫуралнӑ.
1967
58
Айзман Николай Спиридонович, чӑваш драматургӗ ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
пӗтӗм кил-йышпа тухаҫҫӗ
хуҫа арӑмӗ
хуть те кам тухсан та
ӑсатма тухни — ҫылӑх, юрамасть
хуҫин ҫитӗннӗ ачисем
хуҫа тарҫи
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
хуҫа хӑй
кил-йышри арҫын