|
Чӑвашлӑх
 Паян Наци вулавӑшӗнче Чӑваш ҫамрӑкӗсен форумӗ виҫҫӗмӗш хут иртрӗ. Ӑна «Хавал» пуҫару ушкӑнӗ «Ҫамрӑксен хаҫачӗпе» пӗрле йӗркеленӗ. Форума пултаруллӑ чӑваш ҫамрӑкӗсем пухӑннӑ. Раҫҫейӗн тӗрлӗ хулинчен ҫитнисем те пулчӗҫ: Хусантан, Мускавран, Чӗмпӗртен. 25 спикер хӑйсен ӗҫӗ, проекчӗсем,чун киленӗҫӗ пирки чӑвашла каласа кӑтартрӗҫ. Тӗслӗхрен, Шупашкарти Артем Григорьев пӗлтӗр форумра пулнӑ хыҫҫӑн хавхаланса кайнӑ, хӑй хулари тӗрлӗ вырӑнта вырнаҫтарнӑ кофе аппаратсене чӑвашлатнӑ, «Лайӑх кофе» ят панӑ. Анжелика Еремеева Хусантан ҫитнӗ. Вӑл «Ӗмӗт» этноушкӑн ертӳҫи, хӑйӗн пултарулӑхӗ пирки каласа кӑтартрӗ. |
|
Чӑвашлӑх
 "Контактри" сӑн «Хавал» пуҫару ушкӑнӗ тата «Хыпар» Издательство ҫурчӗн «Ҫамрӑксен хаҫачӗ» ака уйӑхӗн 5-мӗшӗнче, ку шӑматкун, Чӑваш ҫамрӑкӗсен форумне чӗнеҫҫӗ. Вӑл Наци библиотекинче 10 сехетре пуҫланать. Форумра ҫамрӑк спикерсем хӑйсен ӗҫӗ-хӗлӗ, проекчӗсем пирки чӑвашла каласа кӑтартӗҫ. Вӗсем – тӗрлӗ тытӑмра палӑрнӑ яш-хӗр. Форума йыхравлатпӑр! Хыпар ҫӑлкуҫӗ:
|
|
Чӑвашлӑх
 Паян «Ҫамрӑксен хаҫачӗ» «Поэзи баттлӗ» конкурс ирттерчӗ. Кӑҫал унта 15-ӗн хутшӑнчӗҫ. Чи кӗҫӗнни Шупашкарти 5 ҫулти Айдар Иванов пулчӗ. Унӑн кукамӑшӗ Татьяна Иванова та конкурса хутшӑнчӗ. Чи асли – Элӗк салинчен килнӗ Любовь Константинова, вӑл – 76 ҫулта. Тупӑшу питӗ хӗрӳ иртрӗ. Финала Вӑрмар тӑрӑхӗнчи Александр Кузьмин тата Ҫӗмӗрле хулинчи Татьяна Иванова тухрӗҫ. Ҫӗнтерӳҫӗ ятне Александр Кузьмин тивӗҫрӗ. Вӑл Чупайри шкулта акӑлчан чӗлхине вӗрентет. Александр Иванович тӗп парнене - музыка колонкине – тивӗҫрӗ. Татьяна Иванова вара - «Ҫамрӑксен хаҫатне» ҫур ҫуллӑх ҫырӑнмалли сертификата. Конкурса килнӗ кашни ҫыннах пӗчӗк парнеллӗ пулчӗ. |
|
Чӑвашлӑх
 «Пуринчен малтан» телеграм-канал пӗлтернӗ тӑрӑх, чӑваш хӗрӗ «Науруз Гузеле» конкурса хутшӑннӑ Вӑл – илем тата пултарулӑх конкурсӗ. Унта тӗрӗк халӑхӗсен хӗрӗсем хутшӑнаҫҫӗ. Кӑҫал конкурсра 10 чиперкке пулнӑ. Пирӗн чӑваш хӗрӗ Лика Кашкарова «Ачашлӑх мисӗ» ята тивӗҫнӗ. Тӗп коронӑна таджик хӗрӗ Хуснура Таирова ҫӗнсе илнӗ. Хыпар ҫӑлкуҫӗ:
|
|
Чӑвашлӑх
 Чӑваш Енре пурӑнакансем Таиландра чӑваш юррине янӑратнӑ. Тӗрӗссипе, сцена ҫинче янӑраман-ха. Мототаксире. Ӑшӑ ҫав ҫӗршывра тук-туксем урам тӑрӑх хутлаҫҫӗ. Таиланда канма кайнӑ чӑвашсем Пхукет хулипе мототаксипе вӗҫтерсе пынӑ чухне чӑваш юррине ярса пама ыйтнӑ. Ара, тук-тукра Bluetooth-колонка пулнӑ та, таксист каланине итленӗ. Хыпар ҫӑлкуҫӗ:
|
|
Чӑвашлӑх
 "Контактри" сӑн Пуш уйӑхӗн 10-мӗшӗнче Шупашкарта Халӑх туслӑхӗсен ҫуртӗнче чӑваш ҫамрӑкӗсем пухӑннӑ. Вӗренӳ семинарне Хусанти эксперт, Регионсен хушшинчи чӑваш ҫамрӑкӗсен форумӗн ертӳҫи Юлия Еремеева, Хусанти «Ӗмӗт» этноушкӑн ертӳҫи тата алӑ ӑсти Анжелика Еремеева, чӑваш ҫамрӑкӗсен «Аталан» юхӑмӗн лидерӗ Елизавета Савелькина ҫитнӗ. Ҫамрӑксем Тутарстанра чӑваш чӗлхипе ҫыхӑннӑ мероприятисене йӗркелемелли опытпа пайланнӑ. Юлия Еремеева вара этнокультура енӗпе грант проекчӗсене мӗнле ҫырмаллине ӑнлантарнӑ. Чӑваш блогерӗсем «ҫавра сӗтел ирттернӗ, унта ӗрлехи проектсене сӳтсе явнӑ, Чӑваш Республикинчи ҫамрӑксен халӑх ассамблейине кӗме йышӑну тунӑ. Хыпар ҫӑлкуҫӗ:
|
|
Чӑвашлӑх
 «Пуринчен малтан» телеграм-канал пӗлтернӗ тӑрӑх, Калининградра чӑвашсем ҫинчен видеороликсем ӳкереҫҫӗ. Ку - вырӑнти чӑвашсен пӗрлешӗвӗн хастарӗсен пуҫарӑвӗ. Вӗсем видеороликсене Тӑван ҫӗршывӑн Аслӑ вӑрҫи хыҫҫӑн Чӑваш Енрен Калининград облаҫне куҫса кайнӑ ҫынсем пирки ӳкереҫҫӗ, вӗсен аса илӗвӗсене ҫырса илеҫҫӗ. Вӗсенчен пӗри — 91 ҫулти Роза Иванова. Вӑл 1946 ҫулта ҫемйипе пӗрле Вӑрнар тӑрӑхӗнчи Кӳстӳмӗр ялӗнчен Калининград облаҫне куҫса кайнӑ. Халӗ вӑл Февральское поселокра пурӑнать. Хыпар ҫӑлкуҫӗ:
|
|
Чӑвашлӑх
 "Контактри" сӑн АПШра 19 ӗмӗрти чӑваш кӗпин лифӗ упранать. Кун пирки халӑх тетелӗнче Рина Ежергина каласа кӑтартнӑ. Вӑл каланӑ тӑрӑх, кӗпене пиртен ҫӗленӗ, тӗррӗ вӗҫлемен. АПШри музея епле лекнӗ-ха вӑл? Ӑна 19-мӗш ӗмӗрте Америка археологӗ Зелия Натолл «Вырӑс экспедицийӗ» вӑхӑтӗнче туяннӑ. Чӑваш Енри эксперт палӑртнӑ тӑрӑх, кӗпене кофтӑн ҫӳлти пайӗ пӗк хӑвӑрт ҫӗлеме пултарнӑ. Анчах ҫитсӑ айӗнче ӗлӗкхи тӗрӗ пулма пултарать. Хыпар ҫӑлкуҫӗ:
|
|
Чӑвашлӑх
 Александр Степанов страницинчен илнӗ сӑнӳкерчӗк Нарӑс уйӑйӗн 18-мӗшӗнче Шупашкар хулин 60-мӗш шкулӗнче чӑваш чӗлхипе литературине вӗрентекенсен хула шайӗнчи семинарӗ иртнӗ. Александр Степанов учитель халӑх тетелӗнчи хӑйӗн страницинче хыпарланӑ тӑрӑх, ӑна Тӑван чӗлхесен пӗтӗм тӗнчери кунне халалласа ирттернӗ. Унта вӗрентекенсен «Чӑваш чӗлхипе литературине чи лайӑх вӗрентекен 2025» хула шайӗнчи ҫӗнтерӳҫисем хӑйсен урокӗсемпе паллаштарнӑ. Вӗсем ҫаксем: 40-мӗш шкулти Алёна Митрофанова, 62-мӗш шкулти Нина Егорова, 56-мӗш шкулти Надежда Серебрякова, 37-мӗш шкулти Светлана Емельянова, 60-мӗш шкути Наталия Александрова. Хыпар ҫӑлкуҫӗ:
|
|
Чӑвашлӑх
 culture.cap.ru сӑнӳкерчӗкӗ Ыран, нарӑс уйӑхӗн 12-мӗшӗнче, Чӑваш патшалӑх филармонийӗнче «Ма хитре-ши Шупашкар урамӗ» концерт иртӗ. Ӑна Чӑваш музыкин XIV республикӑри фестивальне йӗркеленӗ май ирттерӗҫ. Концерт вӑхӑтӗнче халӑх юррисем тата хальхи вӑхӑтри авторсем илемлетнӗ юрӑсем янӑрӗҫ. Программӑна, сӑмахран, чӑваш эстрадин иртнӗ ӗмӗрӗн 70-мӗш ҫулӗсенче хит шутланнӑ «Мӗншӗн-ши эп сана пит юратрӑм», «Куҫ харшисем»; с«Шупашкар», «Анне», «Ахаль мар», «Ырӑ сунар» хальхи эстрада юррисем янӑрӗҫ. Вӗсене Александр Сергеев, Геннадий Борисов, Николай Казаков, Андрей Галкин, Сергей Степанов тата ытти композитор хайланӑ. Концерта «Ҫеҫпӗл», «Ҫавал» ансамбльсем тата «Nota «G» таша ушкӑнӗ хутшӑнӗ. Хыпар ҫӑлкуҫӗ:
|
+20.3 °C