Сайта кӗр | Регистраци | Сайта кӗрсен унпа туллин усӑ курма пулӗ
 +27.0 °C
Ялта ял пек пулмалла, ҫынра ҫын пек пулмалла.
[ваттисен сӑмахӗ]
 

Лазарева Александра Назаровна

Лазарева Александра Назаровна (упӑшкин хушамачӗпе Агакова) — чӑваш ҫыравҫи. 1917 ҫулхи ҫу уйӑхӗн 5-мӗшӗнче Муркаш районӗн Тури Тӑмлай ялӗнче ҫуралнӑ. 1978 ҫулхи чӳкӗн 24-мӗшӗнче Шупашкарта вилнӗ.

1960 ҫултанпа СССР ҪП членӗ. «1941-1945 ҫулсенчи Тӑван Ҫӗршывӑн Аслӑ вӑрҫи вӑхӑтӗнче хастар ӗҫленӗшӗн» медале, Чӑваш АССРӗн Аслӑ Канашӗн (1967), КПСС обкомӗн, Чӑваш АССРӗн Министрсен канашӗн хисеп хучӗсене тивӗҫнӗ.

Кун-ҫулӗ

Анат Кӗнерти колхоз ҫамрӑкӗсен шкулӗнче, Балашоври авиаци техникумӗнче вӗреннӗ. Анчах сывлӑх ҫитейменнипе пилот ӗҫне хӑварма тивнӗ. Ленин ҫулӗпе журналӑн литература сотрудникӗ вырӑнӗнче вӑй хунӑ. Вӑрҫӑ ҫулӗсенче Чӑваш радиокомитечӗн литература передачисен редакторӗ пулнӑ.

Пултарулӑхӗ

«Ырӑ ӗмӗт» калавӗ «Сунталта» 1938 ҫулта пичетленнӗ. Вӑл ытларах ача-пӑчасем валли ҫырма тӑрӑшнӑ.

Пурӗ 15 кӗнеке тухнӑ:

  • «Савӑнӑҫ» (1955);
  • «Чипер Анна» (1956);
  • «Ҫутӑ пӗве»;
  • «Ырӑ ӗмӗт» (1960);
  • «Пирӗн таврара» (1963)
  • «Хӗр чӗри» (1971);
  • «Телейлисем» (1977);
  • «Савӑнтар ҫынсене» (повесть, 1978);
  • «Санӑн ҫитмӗл ҫичӗ тус»;
  • тата ыттисем.

Унӑн кӗнекисем мари, мӑкшӑ, удмурт, вырӑс тата ытти чӗлхепе тухнӑ.

Хӑй те ытти ҫыравҫӑсен ӗҫӗсене куҫарнӑ, вӑл тӑрӑшнипе Карим Мустай, В. Осеева, В. Розов ӗҫӗсем чӑвашла тухнӑ.

Вуламалли

  • Малов А. Ӑна вулакансем килӗштереҫҫӗ // Тӑван Атӑл. 1967. 3№;
  • Юрьев М. Ҫутӑ ӗмӗтпе // Коммунизм ялавӗ. 1967. Ҫӳ уйӑхӗн 5-мӗшӗ.
  • Моргаушский район. Краткая энциклопедия, 2002 — 79 стр.


 
 
Статья каҫми :: Пичет версиӗ

Admin тӳрлетнӗ, информацие 2011-02-06 19:17:47 вӑхӑтра улӑштарнӑ. 3033 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org