Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсен ҫыххи: Апат-ҫимӗҫ

Апат-ҫимӗҫ
Вконтакте сайтри сӑн
Вконтакте сайтри сӑн

Шупашкар хула администрацийӗн ӗҫченӗсем лавккасенчи апат-ҫимӗҫ хакӗсене кашни эрнерех тишкереҫҫӗ. Ку ӗҫе хаксем тӑрук сӑлтавсӑрах хӑпарса каяран тӑваҫҫӗ.

Утӑ уйӑхӗн 12-19-мӗшӗсенче хулари лавккасенче пулӑ консервин хакӗ самай чакнӑ: 98 тенкӗ йӳнелнӗ. Услам ҫу хакӗ те палӑрмаллах пӗчӗкленнӗ: 52 тенкӗ чакнӑ. Рис вара 23 тенкӗ йӳнелнӗ.

Ҫавӑн пекех ҫӑратнӑ сӗт, тӗтӗмленӗ кӑлпасси, панулми, сӗт, ҫӑмарта, хура тул хакӗ кӑштах чакнӑ.

Хыпар ҫӑлкуҫӗ: aif.ru сайтри сӑн
 

Апат-ҫимӗҫ
Вконтакте сайтри сӑн
Вконтакте сайтри сӑн

Шупашкарти тӳре-шара кашни эрнерех апат-ҫимӗҫ, ытти тавар хакне тишкерсех тӑрать. Хула администрацийӗ юлашки эрнере мӗн йӳнелнине пӗлтернӗ.

Тӗрӗслев акӑ мӗн кӑтартнӑ: тӗтӗмленӗ кӑлпасси 81 тенкӗ йӳнелнӗ, сысна ашӗн хакӗ - 63 тенкӗ, чей 51 тенкӗ чакнӑ. Ҫавӑн пекех ҫӑмарта 5 тенкӗ йӳнелнӗ, кишӗр вара - 2 тенкӗ.

Хаксене Авокадо, Магнит, Калач, Санар, Перекресток, Пятерочка,

Карусель, Свой гастрономчик, Лента, Метро лавккасенче тишкернӗ.

 

Апат-ҫимӗҫ
t.me/nikamran каналтан илнӗ сӑнӳкерчӗкӗ
t.me/nikamran каналтан илнӗ сӑнӳкерчӗкӗ

Ҫаврӑнӑҫуллӑ ҫынсем темрен те укҫа тума пӗлеҫҫӗ. Ан ӳркен кӑна.

Пирӗн тӑрӑхра сиплӗ тӗрлӗ курӑк ӳсет. Ӑна пухмалла кӑна.

Канаш районӗнче чей туса кӑларма тытӑннӑ. Ҫав ӗҫпе ҫине тӑраканни – асӑннӑ тӑрӑхри «Мелилотус» тирпейлекен кооператив. Вӑл хӗлхен курӑкӗнчен хатӗрленӗ чее пӗчӗк хутаҫа тултарса сутать.

Ҫакна та палӑртмалла: Ҫӗнӗ Шелттӗмри ҫав кооператив унччен чӑваш пылне, пыллӑ квас тата пылак шыв туса сутма тытӑннӑ.

Хыпар ҫӑлкуҫӗ: https://t.me/nikamran/1564?single
 

Апат-ҫимӗҫ
agro.cap.ru сӑнӳкерчӗкӗ
agro.cap.ru сӑнӳкерчӗкӗ

Комсомольскинчи сӗт-ҫу комбиначӗ тӑпӑрчӑ хатӗрлемелли автоматизациленӗ ҫӗнӗ линие ӗҫлеттерсе янӑ. Производствӑпа республикӑн вице-премьерӗ — ял хуҫалӑх министрӗ Сергей Артамонов паллашнӑ.

Комбинатӑн ертӳҫисемпе технологӗсем предприятин производство хӑвачӗ талӑкра 250 тонна таран сӗт тирпейлеме май парать тесе пӗлтернӗ. Ҫу хисепӗ тӗрлӗ виҫеллӗ тӑпӑрча вара талӑкне 7,5 тонна таран хатӗрлейреҫҫӗ.

«Мӗнпур оборудование эпир Беларуҫ Республикинчен туяннӑ. Йӑлтах лайӑх ӗҫлет. Кӗвелӗке те унтанах илетпӗр, пире йӑлтах тивӗҫтерет», — хӑпартланса каласа кӑтартнӑ министра комбинатӑн тӗп технологӗ Татьяна Александровна. Паянхи куна илсен, предприятире 34 тӗрлӗ продукци туса кӑлараҫҫӗ.

Сергей Артамонов вара тепӗр ырӑ ене те асӑннӑ. Ку вӑл — чӗртавара вырӑнти ял хуҫалӑх предприятийӗсемпе хресчен-фермер хуҫалӑхсенчен туянни. Сӗте предприяти вӑтамран 28 тенкӗпе илет.

 

Апат-ҫимӗҫ
rdub21.ru сӑнӳкерчӗкӗ
rdub21.ru сӑнӳкерчӗкӗ

Чӑваш Республикин ача-пӑчапа ҫамрӑксен вулавӑшӗнче «Чӗвӗл-чӗвӗл чӗкеҫсем» клуб малалла ӗҫлет. Нумаях пулмасть иртнӗ занятисенчен пӗрне Шупашкарти 75-мӗш ача пахчине ҫӳрекен шӑпӑрлансем чӑвашсен наци апат-ҫимӗҫӗпе паллашма пухӑннӑ.

Вӗсене чӑвашсен хура ҫӑкӑр пӗлтерӗшлӗ вырӑн йышӑнни ҫинчен каласа кӑтартнӑ. Чылай чухне вӑл пӗртен-пӗр апат пулнӑ. Ҫӑкӑр пӗҫерме кашни хӗрарӑмах пӗлнӗ. Кил хуҫи хӗрарӑмӗсем ҫавӑн пекех кукӑль пӗҫернӗ: кӗрпепе, купӑстапа, ҫырлапа. Каярах ҫӗр улми тата тӑпӑрчӑ икерчи (пӳремеч) пӗҫерме пуҫланӑ.

Ачасене шӑрттан, хуран кукли, шӳрпе, яшка, пӑтӑ тата ытти ҫинчен те каласа кӑтартнӑ.

Хыпар ҫӑлкуҫӗ: https://rdub21.ru/?p=3754
 

Апат-ҫимӗҫ
ogorodnik24.ru сайтри сӑн
ogorodnik24.ru сайтри сӑн

Юлашки вӑхӑтра мӗн хакланнӑ? Чӑвашстат статистика хатӗрленӗ.

Ака уйӑхӗн 16-22-мӗшӗсенче шӑккалатлӑ канфет хакӗ - 7,73, хӑярпа помидор 5,67 процент хӑпарнӑ.

Ҫавӑн пекех хуҫалӑх супӑнӗ, шӑрпӑк хакланнӑ. Ытти тавар хакӗ 5 процентран ытларах хӑпарман. Иртнӗ эрнери пекех, каллех чӗрчунсен типӗ апачӗн хакӗ ӳснӗ. Хальхинче - 4,53 процент.

Самай йӳнелнӗ таварсен йышӗнче - купӑста, ача-пӑча джинс шӑлаварӗ, аслӑ ӳсӗмри ҫынсен кроссовки. Ҫавӑн пекех чылай эмел хакӗ чакнӑ.

 

Апат-ҫимӗҫ
youtube.com сайтри сӑн
youtube.com сайтри сӑн

Юлашки вӑхӑтра мӗн хакланнӑ, мӗн йӳнелнӗ? Чӑвашстат ака уйӑхӗн 9-15-мӗшӗсенче хаксем мӗнле пулнине тишкернӗ.

Ҫак тапхӑрта тӑрук маргарин тата шӑл тасатмалли паста хакланнӑ. Ытти тавар 5 процентран ытларах хакланнине асӑрхаман.

Акан 9-15-мӗшӗсенче сосиска, сарделька, шӑл щетки, хӗрлӗ кӑшман кӑштах хакланнине палӑртнӑ. 22 тавар йӳнелнӗ. Вӗсен йышӗнче юлашки вӑхатра питӗ хакланнӑ купӑста пур. Халӗ хакӗ 10 процент чакнӑ. Ҫавӑн пекех йӳнелнӗ таварсен йышӗнче - хӗрарӑмсен колготки, пуҫлӑ сухан.

 

Апат-ҫимӗҫ
rsnadzor21.rchuv.ru сӑнӳкерчӗкӗ
rsnadzor21.rchuv.ru сӑнӳкерчӗкӗ

Чӑваш Енри предприятисенчен пӗри вӑхӑчӗ тухса кайнӑ сӗтрен тӑпӑрчӑ туса кӑларнӑ предприятие тупса палӑртнӑ. Кӑлтӑка Россельхознадзор спецпалисчӗсем асӑрханӑ. Вӗсем «Меркурий» информаци тытӑмӗпе усӑ курнӑ.

Кӑлтӑка ака уйӑхӗн 10-мӗшӗнче асӑрханӑ.

Ака уйӑхӗн 2-мӗшӗнче «Аккондмолоко» тулли мар яваплӑ общество упрамалли вӑхӑт тухнӑ икӗ парти чӗрӗ сӗтрен 600 килограма яхӑн тӑпӑрчӑ хатӗрленӗ. Сӗтӗн вӑхӑчӗ ака уйӑхӗн 1 тата 2-мӗшӗсенче тухнӑ.

Тӑпӑрчӑ тума мӗнле сӗтпе усӑ курнине вара кӑтартман.

 

Апат-ҫимӗҫ
pravdapfo.ru сӑнӳкерчӗкӗ
pravdapfo.ru сӑнӳкерчӗкӗ

Чӑвашстат пуш уйӑхӗн 19-мӗшӗнчен пуҫласа пуш уйӑхӗн 25-мӗш таран пирӗн республикӑра апат-ҫимӗҫ хакӗ мӗн чухлӗ хӑпарнине тишкернӗ. Хӑвӑрт хакланнисенчен йышӗнче — пахчаҫимӗҫпе улма-ҫырла.

Шӑл сухан хакӗ пӗр эрнере 23,3 процент хакланнӑ, купӑста — 22,2%, панулми — 9,9 процент, кишӗр — 7,6%, кӑшман — 4,2%.

Пулӑ хакӗ 4 процент ӳснӗ, риспа кайӑк-кӗшӗк ашӗ — 3,4%, сысна ашӗ — 3,2%, ҫӑнӑх, банан тата чей — 2,6%, пӗҫернӗ кӑлпасси – 2,2%, тӑвар – 2%.

Ҫав вӑхӑтрах хӑяр 9 процент, помидор 6,2 процент йӳнелнӗ.

Эмелсенчен корвалол 4,3 процент хакланнӑ, левомеколь — 2,8%, поливитаминсем — 2,5%, алохол — 2,1%.

 

Апат-ҫимӗҫ
Яндекс.Дзен сайтри сӑн
Яндекс.Дзен сайтри сӑн

Чӑваш Енри тӳре-шара кунсерен суту-илӳ вырӑнӗсене тухса ҫӳресе тавар хакӗсене тишкерет. Вӗсем социаллӑ пӗлтерӗшлӗ 32 апат-ҫимӗҫ тата 20 ытти тавар хакӗсене танлаштараҫҫӗ.

Ҫакӑ паллӑ: пуш уйӑхӗнче лавккари хаксем чӑнах та улшӑннӑ. Тӑрук 9 тавар хакӗ улшӑннӑ: аш-какай консерви (12%), тӑвар (10%), вир (12%), купӑста (14%), хура тул (12%), пуҫлӑ сухан (17%), кишӗр (18%).

Ҫавӑн пекех ӗне ашӗ, тип ҫу, ҫӑмарта, ҫӑкӑр таврашӗ, чӑх какайӗ хакланнӑ. Чи вӑйлӑ хакланнӑ тавар – сахӑр. Вӑл 57 тенкӗ тӑнӑ пулсан халӗ – 85 тенкӗ.

Ҫынсем лавккаран хӑйсене кирлӗ таварсене купи-купипех туянса хунӑ ахӑртнех, мӗншӗн тесен юлашки кунсенче «ажиотаж» текенни палӑрман.

Хыпар ҫӑлкуҫӗ: https://pg21.ru/news/78073
 

Страницӑсем: 1, 2, [3], 4, 5, 6, 7, 8, 9, 10, 11, 12, 13, ...21
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хуҫин ҫитӗннӗ ачисем
ӑсатма тухни — ҫылӑх, юрамасть
хуҫа арӑмӗ
хуҫа хӑй
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хуҫа тарҫи
хуть те кам тухсан та