Сайта кӗр | Регистраци | Сайта кӗрсен унпа туллин усӑ курма пулӗ
 +0.3 °C
Ӗнен сӗчӗ чӗлхе вӗҫӗнче.
[ваттисен сӑмахӗ]
 

Хыпарсем: яваплӑх

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Йӗпреҫ поселокӗнчи 30 ҫулти арҫынна пӗтӗмӗшле режимлӑ юсанмалли колоние 3,5 ҫуллӑха ӑсатнӑ.

Вӑ этем пӗлтӗрхи юпа уйӑхӗнче арӑмне тата унӑн 14 ҫулти ывӑлне темиҫе хутчен те хӗненӗ. Тапса-ҫапса пӗтернӗ. Хӗрарӑм пусмӑра чӑтайман — кун пирки полицие кайса пӗлтернӗ.

Пӑтӑрмах тӗлӗшпе пуҫиле ӗҫ пуҫарнӑ. Халӗ суд пулса иртнӗ. Арҫынна 3,5 ҫуллӑха кирпӗч шутлама ӑсатнӑ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Пӗлтӗрхи утӑ уйӑхӗн 11-мӗшӗнче Шупашкар районӗнчи пӗр предприятири арманта рабочие ток ҫапнине хӑй вӑхӑтӗнче пӗлтернӗччӗ-ха.

Аса илтерер: унта пӗр арҫын ҫӑнӑх миххине ҫӗлессишӗн явапли пулнӑ. Аппаратчик должноҫӗнче тӑрӑшаканскер ӗҫе электричество оборудованийӗпе пурнӑҫланӑ. Анчах ҫав хатӗр патне пыракан ҫутӑ пӑралукӗ юсавсӑр пулнӑран ӑна ток ҫапнӑ. Шар курни вилнӗ.

Предприятире ӗҫ хӑрушсӑрлӑхӗшӗн 77 ҫулти арҫын, техника директорӗ, яваплӑ пулнӑран ун тӗлӗшпе суд пулнӑ. Ӑна тӗрмене хупса хумасӑр ҫулталӑклӑха ирӗкрен хӑтарма йышӑннӑ, арҫын ҫав вӑхӑтра хӑйне епле тытнине ҫур ҫул сӑнаса тӑрӗҫ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Кӑрлач уйӑхӗн 18-мӗшӗнче Шупашкарта пӗр водитель ҫул урлӑ каҫакан ачана ирттерсе яман. Пӑтӑрмах видеокамера ҫине лекнӗ.

9 ҫулти хӗрача Хусанкай урамӗнче, ҫуран ҫӳрекенсем каҫса ҫӳремелли, анчах светофор ҫук вырӑнта, ҫул урлӑ каҫма тӑнӑ. Ун ҫине «AudiА4» автомобиль пырса кӗнӗ. Водитель ачана пулӑшма та, тухтӑрсемпе патшалӑх автоинспекцийӗн ӗҫченӗсене чӗнсе илме те шухӑшламан.

Инкек хыҫҫӑн хӗрача пульницӑна кайнӑ. Турра шӗкӗр, ача суранланса пӗтмен.

Ҫул-йӗр правилине пӑхӑнман водитель 23 ҫулти каччӑ пулнине тупса палӑртнӑ. Ӑна административлӑ майпа иртнӗ ҫул 5 хутчен явап тыттарнӑ, чылай чухне – хӑвӑртлӑха ӳстернӗшӗн.

 

Хулара
cap.ru сӑнӳкерчӗкӗ
cap.ru сӑнӳкерчӗкӗ

Шупашкар хулинчи Мускав районӗн территорийӗнче йӗркене пӑсса пулӑ, чӑрӑш турачӗ тата пиротехника сутнӑ. Ҫакна ятарлӑ тӗрӗслевсем вӑхӑтӗнче тупса палӑртнӑ.

Саккуна пӑсса тавар сутакансене Энтузиатсен урамӗнчи 34-мӗш тата 29-мӗш «а», Элкер урамӗнчи 11-мӗш ҫуртсен тӗлӗнче асӑрханӑ.

Йӗркене пӑсакан сутуҫӑсен тӗлӗшпе административлӑ протоколсем шӑрҫаланӑ. Саккун уйрӑм ҫынсене 1 пинрен пуҫласа 2 пин тенкӗ таран, должноҫри ҫынсене 3 пинрен пуҫласа 7 пин тенкӗ таран, предприяти-организацисене 30 пинрен пуҫласа 50 пин тенкӗ таран штрафлама ирӗк парать.

 

Пӑтӑрмахсем
r21.fssp.gov.ru сӑнӳкерчӗкӗ
r21.fssp.gov.ru сӑнӳкерчӗкӗ

Ҫӗнӗ Шупашкарта пурӑнакан арҫын кӳршине кӳрентерсе пӗтернӗ. Хӑй ҫамрӑк та мар, 57 ҫулта. Ҫамрӑк чух ҫын хӗрӳ-ха, ҫулсем кайнӑҫемӗн этем тени лӑпланакан, ӑсланакан.

Ҫӗнӗ Шупашкарти арҫын тӗлӗшпе ҫыхӑннӑ пӑтӑрмах суда, унтан суд приставӗсем патне ҫитнӗ. Приставсем ӑна кӳршинчен каҫару ыйтма хушнӑ.

Арҫын каҫару ыйтса ҫырнӑ хута Пӗлтерӳ хӑми ҫине вырнаҫтарнӑ. Унсӑр пуҫне вӑл ҫынна кӑмӑл-сипет тӗлӗшӗнчен сиен кӳнӗшӗн 15 пин тенкӗ тӳленӗ.

 

Ҫул-йӗр
avtoguru.net сӑнӳкерчӗкӗ
avtoguru.net сӑнӳкерчӗкӗ

Вӑрмар районӗнчи прокуратура вырӑнти ҫул-йӗр хӑрушсӑрлӑхӗн инспекторӗсемпе пӗрле районти автоҫулсене тӗрӗслеме тухнӑ.

Регион пӗлтерӗшлӗ «Аниш», район пӗлтерӗшлӗ «Вӑрмар-Арапуҫ-Кӗтеснер» тата «Вӑрмар-Тикеш-Большие Кайбицы» ҫулсене тивӗҫлипе тытса тӑманнине асӑрханӑ. Хӑш-пӗр вырӑнта ҫул ҫине хӑйӑрпа тӑвар хутӑшӗ сапман. Ҫул-йӗр пӑрлакланса ларсан автомашинӑсем ним мар инкеке лекме пултараҫҫӗ.

Ҫул-йӗре тытса тӑракан «ДорТех» тата «Инвест-строй» подряд организацийӗсен тӗлӗшпе асӑрхаттару хучӗ ҫырнӑ. Вӗсен тӗлӗшпе пуҫарнӑ административлӑ ӗҫсене суда ярса панӑ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Красноармейски районӗнчи Именкасси ялӗнче пурӑнакан 34 ҫулти арҫынна тӗрмене ӑсатнӑ. Вӑйпитти кӑҫалхи авӑн уйӑхӗнче хӑйӗн ватӑ ашшӗне хӗнесе пӗтернӗ. Специалистсем палӑртнӑ тӑрӑх, 47 хутран кая мар пуҫӗнчен тапса ҫапнӑ. Пӑтӑрмах хыҫҫӑн ватӑ ҫынна сакайне пенӗ.

Арҫын виллине авӑн уйӑхӗн 24-мӗшӗнче тупнӑ. Вӑл ҫухални пирки тӑванӗсем йӗрке хуралҫисене пӗлтернӗ. Ҫавӑн хыҫҫӑн ватта шырама тытӑннӑ.

34 ҫулти вӑйпиттие суд РФ Пуҫле кодексӗн 111-мӗш статйин 4-мӗш пайӗпе явап тыттарса ҫирӗп режимлӑ колоние 10 ҫуллӑха ӑсатнӑ.

 

Хулара
lenin.cap.ru сӑнӳкерчӗкӗ
lenin.cap.ru сӑнӳкерчӗкӗ

Шупашкар хулинче ҫул-йӗр службисене урамри юра тасатма кансӗрлесе ларакан машинӑсене штрафстоянкӑна ӑсатнӑ.

Шупашкар хула администрацийӗн ҫурт-йӗрпе коммуналлӑ хуҫалӑх тата хӑтлӑх кӗртессипе ӗҫлекен пай специалисчӗсем, ҫул-йӗр хӑрушсӑрлӑхӗн инспекторӗсем тата Гараж хуҫалӑхӗсене тӑвассипе тата тытса тӑрассипе ӗҫлекен дирекци ӗҫченӗсем пӗрлехи рейда тухнӑ.

Гладков тата Строительсен урамӗсенче яланах машинӑсем йышлӑ-мӗн тата унти кварталсенче ҫулсем ансӑр, ҫавна май автомобильсем юр тасатакансене кансӗрлеҫҫӗ. Лартма юраман вырӑнта ларакан 4 машинӑна штрафстоянкӑна ӑсатнӑ.

 

Пӑтӑрмахсем
 ukhtagrad.ru сӑнӳкерчӗкӗ
ukhtagrad.ru сӑнӳкерчӗкӗ

Красноармейски районӗнче пӗр хӗрарӑм суд ларӑвӗ вӑхӑтӗнче усал сӑмахпа перкелешме тапранса кайнӑ. 42 ҫулти хӗрарӑма кӗҫӗн суд приставӗ асӑрхаттарнӑ-ха, анчах кӑмӑлсӑр хӗрарӑм хӑйӗн тарӑхӑвне шӑнӑҫтарайман, ҫавна вӑл усал сӑмахпа палӑртнӑ.

Каланине итлемен ҫын тӗлӗшпе административлӑ протокол шӑрҫаланӑ. Хӗрарӑма е штрафлама, е 15 талӑк таран хупса хума пултараҫҫӗ.

Сӑмах май каласан, влаҫ ҫыннине кӳрентерсен е ӑна хирӗҫ тӑрсан пуҫиле майпа та явап тыттарма юрать.

 

Пӑтӑрмахсем
ru.freepik.com сӑнӳкерчӗкӗ
ru.freepik.com сӑнӳкерчӗкӗ

Кӑҫалхи ҫурла уйӑхӗнчи пӗр каҫхине Куславкка районӗнче пурӑнакан арҫын автостоянкӑра ларакан фура водителӗпе эрех ӗҫнӗ. Икӗ арҫын пӗрне-пӗри ҫывӑх пӗлмен-палламан пулин те сӑра сакки вӗсене ҫывӑхлатнӑ.

«Скания» фура водителӗ эрех ӗҫнӗ хыҫҫӑн ҫывӑрса кайнӑ. Унӑн ҫӗнӗ тусӗ вара салонти «ТТ-Т» пистолета вӑрланӑ. Пистолетра 10х28 калибрлӑ пилӗк патрон пулнӑ.

Вӑрра часах тупса палӑртнӑ. Тӑкака 8 пин те 550 тенкӗ тесе палӑртнӑ.

Куславкка районӗнчи суд вӑрра РФ Пуҫиле кодексӗн 226-мӗш статйин 1-мӗш пайӗпе айӑпласа 50 пин тенкӗ штраф хурса панӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 26
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
кил-йышри арҫын
хӑни ҫулне ахаль те пӗлет, ӑсатмасӑр та
хуҫа хӑй
хуть те кам тухсан та
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хуҫин ҫитӗннӗ ачисем
хуҫа тарҫи
хуҫа арӑмӗ