Вӑрнар муниципаллӑ округӗнче Катӑш ялӗнче пурӑнакан 50 ҫулти хӗрарӑма шырани пирки хыпарланӑччӗ. Аса илтерер: вӑл килтен кӑрлач уйӑхӗн 19-мӗшӗнче тухса кайнӑ та таврӑнман. Килтен кайнӑ кун вӑл тӗрлӗ тӗслӗ куртка, угги тӑхӑннӑ пулнӑ. Хӗрарӑма «Лиза Алерт» шыравпа ҫӑлав отрячӗн нимеҫисем шыранӑ.
Хӗрарӑма тупни пирки кӑрлачӑн 28-мӗшӗнче пӗлтернӗ. Анчах, шел те, унӑн виллине. «Лиза Алерт» сайтӗнче нимеҫӗсем тӑванӗсемпе пӗрле хурланнине пӗлтернӗ.
Шупашкарта пурӑнакан хӗрарӑм ывӑлӗ ӑҫта пулнине чӳк уйӑхӗнченпе пӗлмест. Вӑл полицие пулӑшу ыйтма пынӑ.
Руслан Любинарский чӳк уйӑхӗн 23-мӗшӗнче килтен тухса кайнӑ. Унтанпа вӑл килсе курӑнман, тӑванӗсемпе ҫыхӑнӑва тухман. Хӑйӗнпе ҫумӑн докуменчӗсем те пулман унӑн.
Ҫухалнӑ кун Руслан хура куртка, сарӑ кофта, сӑрӑ джинс шӑлавар, хура пушмак тӑхӑннӑ пулнӑ. Унӑн сулахай куҫ харши ҫийӗн суран йӗрӗ пур. Руслана куракансене полицие 02 номерпе шӑнкӑравлама ыйтаҫҫӗ.
Муркаш муниципаллӑ округӗнчи Автанкасси ялӗнче арҫынна шыраҫҫӗ. Унран виҫҫӗмӗш кун хыпар ҫук.
71 ҫулти Юрий Васильев раштавӑн 27-мӗшӗнче килтен тухса кайнӑ та таврӑнман. Юрий Иванович 170 сантиметр ҫӳллӗш, туллирех кӗлеткеллӗ, ҫӳҫӗ тата усси шуралнӑ. Вӑл ӑсӗпе арпашма, ҫухалса кайма пултарать. Килтен кайнӑ чухне тӗттӗм кофта, шӑлавар, резин атӑ, хӑлхаллӑ калпак тӑхӑннӑ.
Ҫак номерсемпе шӑнкӑравлама ыйтаҫҫӗ: 8(800)700-54-52 е 112. «Лиза Алерт» инфоргӗ: Леонид (Енот) 89003319602.
Шупашкарта 21 ҫулти хӗр ҫухалнӑ. Ӑна «Лиза Алерт» хастарӗсем шыраҫҫӗ.
Ирина Мерзлайкина раштав уйӑхӗн 17-мӗшӗнче килтен тухса кайнӑ. Вӑл ӑҫти халӗ те паллӑ мар.
Хӗр 155 сантиметр ҫӳллӗш, вӑтам кӗлеткеллӗ, куҫӗ хӑмӑр, ҫӳҫне хӗрлӗ тӗслӗ сӑрланӑ. Килтен кайнӑ кун хура кӗске куртка, хура кофта, хура джинс шӑлавар, хура-шурӑ кроссовка тӑхӑннӑ пулнӑ.
Ҫак хӗре куракансене ҫак номерсемпе шӑнкӑравлама ыйтаҫҫӗ: 8(800)700-54-52 е 112. «Лиза Алерт» инфоргӗ: Леонид (Енот), 89003319602.
«Лиза Алерт» шыравпа ҫӑлав отрячӗн хастарӗсем Шупашкарти Александр Владимирович Матвеева шыраҫҫӗ. 50 ҫулти арҫын раштав уйӑхӗн 8-мӗшӗнче килтен тухса кайнӑ.
Ҫав кун вӑл тӗттӗм хура тӗслӗ куртка, тӗттӗм спорт шӑлаварӗ, тӗттӗм карттус тӑхӑннӑ. Хӑй 170 сантиметр ҫӳллӗш, туллирех кӗлеткеллӗ, куҫӗ сӑрӑ-симӗс тӗслӗ, ҫӳҫӗ ҫутӑ ҫырӑ.
Ҫак арҫын пирки мӗн те пулине пӗлекенсене ҫак номерсемпе шӑнкӑравлама ыйтаҫҫӗ: 8(800)700-54-52 е 112. «Лиза Алерт» инфоргӗ: Елена (Касатка), 89520203557.
Патӑрьел муниципаллӑ округӗнчи Турхан ялӗнче 52 ҫулти арҫын ҫухалнӑ. Лифанов Николай Дмитриевич килтен чӳк уйӑхӗн 17-мӗшӗнче тухса кайнӑ та таврӑнман.
Вӑл 170 сантиметр ҫӳллӗш, вӑтам пӳ-силлӗ, ҫӳҫӗ шуралнӑ, куҫӗ кӑвак тӗслӗ. Килтен кайнӑ чухне хура куртка, тӗттӗм кӑвак свитер, хура хулӑн шӑлавар, «Раҫҫей» тесе ҫырнӑ хура калпак тӑхӑннӑ пулнӑ.
Ҫак арҫынна куракансене ҫак номерсемпе шӑнкӑравлама ыйтаҫҫӗ: 8(800)700-54-52 е 112.
Шупашкар муниципаллӑ округӗнче 29 ҫулти хӗрарӑма «Лиза Алерт» хастарӗсем виҫӗ кун шыранӑ. Тӑванӗсем вӑл ӑҫта пулнине чӳк уйӑхӗн 12-мӗшӗнченпе пӗлмен.
Хӗрарӑма тупнӑ. Анчах, шел те, унӑн виллине. Кун пирки отряд хастарӗсем хӑйсен сайтӗнче хыпарланӑ. "Тупӑннӑ. Вилнӗ. Тӑванӗсемпе пӗрле хурланатпӑр", - тесе ҫырнӑ сайтра ӗнер 15 сехет иртсен.
Шупашкарта пурӑнакан Надежда Яковлева йӗп те ҫип ҫухалнӑ. «Лиза Алерт» шыравпа ҫӑлав отрячӗн нимеҫисем ӑна тӑваттӑмӗш кун шыраҫҫӗ.
58 ҫулти хӗрарӑм юпа уйӑхӗн 29-мӗшӗнче ҫухалнӑ. Вӑл ӑҫталла кайнине паянхи кун та пӗлмеҫҫӗ. Килтен тухса кайнӑ чухне мӗн тӑхӑнни те паллӑ мар.
Надежда Яковлева 156 сантиметр ҫӳллӗш, туллирех кӗлеткеллӗ. Куҫӗ хӑмӑр, ҫӳҫӗ хура. Эсир ӑна курнӑ тӑк ҫак номерсемпе шӑнкӑравласа пӗлтерӗр: 8 800 700 54 52 е 112.
«Лиза Алерт» шыравпа ҫӑлав отрячӗн хастарӗсем Шупашкарти 37 ҫулти арҫынн пиллӗкмӗш кун шыраҫҫӗ. Дмитрий Вячеславович Герасимов юпа уйӑхӗн 15-мӗшӗнче килтен тухса кайнӑ та таврӑнман.
Вӑл 175 сантиметр ҫӳллӗш, куҫӗ кӑвак, ҫӳҫӗ тӗттӗм. Килтен кайнӑ чухне тӗттӗм кӑвак куртка, кӑвак джинс шӑлавар, сӑрӑ кроссовка тӑхӑннӑ.
Дмитрий Герасимов пирки мӗн те пулин пӗлетӗр тӗк ҫак номерсеме шӑнкӑравлама ыйтаҫҫӗ: 8(800)700-54-52 е 112. Лиза Алерт» инфоргӗ Ольга (Рыба), 89278443533.
Муркаш районӗнчи Тури Тӑмлай ялӗнче пурӑнакан Вениамин Лукич Кудряшов авӑн уйӑхӗн 25-мӗшӗнче килтен тухса кайнӑ та таврӑнман. Вӑл 66 ҫулта.
Килтен кайнӑ кун арҫын тӗттӗм хура тӗслӗ куртка, хура калуш тӑхӑннӑ пулнӑ. Ӑна тӑванӗсемпе пӗрле «Лиза Алерт» хастарӗсем те шыраҫҫӗ.
Вениамин Кудряшова курнисене ҫак номерсемпе шӑнкӑравлама ыйтаҫҫӗ: 8(800)700-54-52 е 112. «Лиза Алерт» инфоргӗ: Ольга (Рыба), 89278443533
+18.3 °C