Элӗк — Элӗк районӗн тӗпӗ, район администрацийӗ кунта вырнаҫнӑ. Элӗк ял тӑрӑхӗн тӗпӗ те ку ялтах.

Элӗк

Пурӑннӑ тет ҫак тӑрӑхра тӗне кӗмен Элӗк ятлӑ чӑваш. Унан 12 ывӑл пулнӑ тет, пӗри тепринчен маттур. Йӗри-тавара сӗм вӑрман кашланӑ, унта упа чылай пулнӑ. Ҫак йӗкӗтсем час-часах сунара кайса упа тыта-тыта килнӗ тет. Элӗк старик 12 ывӑлне те пӗр кунтах авлантарнӑ та ҫав кунхинех вӗсене ҫывӑх вырӑнсене уйӑрса кӑларнӑ. Ҫапла вара Элӗк тӑрӑхӗнчи ялсем пуҫланса кайнӑ тет.

Ю. Терентьевӑн «Хӑҫан пуҫланнӑ Сарпӑлат» статйинчен илнӗ. – Ленин ҫулӗпе. 1979. Чӳк, 27.

Элӗкре пурӗ 10 урам: Октябрь 40 ҫулӗн, Парк, Прохор Иванов, Коммуна, Тухӑҫ, Ҫурҫӗр, Колхоз, Совет, Сад, Хыр урамӗсем. Ялта пӗтӗмӗшле илсен ытларах пӗр хутлӑ ҫуртсем вырнаҫнӑ. Ҫавӑн пекех икӗ-виҫӗ хутлисем те пур.

Тавралӑх

Сӑнсем

Элӗкри Перекет банкӗн уйрӑмӗ	Элӗкри урам	Пӗве

Вӗренӳ, культура, сывлӑх

Элӗкре И.Я. Яковлев ячӗллӗ вӑтам шкул, музыкӑпа ӳнер шкулӗсем, литературӑпа таврапӗлӳ музейӗ, икӗ вулавӑш, культурӑпа кану центрӗ пур.

«Пурнӑҫ ҫулӗпе» чӑвашла хаҫат тухса тӑрать.

Районӑн Элӗк районӗн тӗп пульници_тӗп пулници те кунтах вырнаҫнӑ.

Ҫул-йӗр

Элӗк ялӗ Шупашкартан 67 ҫухрӑмра вырнаҫнӑ. Элӗке ҫыхӑнтаракан автомобиль ҫулӗсем: Шупашкар-Элӗк-Етӗрне, Шупашкар-Нурӑс-Элӗк.

Хуҫалӑх

Паллӑ ҫыннисем

• Кириллова Ирина Юрьевна — филологи ӑслӑлӑхӗсен кандидачӗ.
• Ларионов Никита Ларионович — чӑваш ҫыравҫи, сӑвӑҫи.
• Чигаева Светлана Ивановна — философ-тӗпчевҫӗ.

Каҫӑсем

• Элӗк сӑнӗсем (чӑвашла)
• Элӗк ҫинчен Википедин чӑваш уйрӑмӗнче (чӑвашла)
• Элӗкпе ҫыхӑннӑ хыпарсем (чӑвашла)