Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Пушӑ пучах каҫӑр пулать.
[ваттисен сӑмахӗ]
 

Хыпарсем: сывлӑх

Сывлӑх
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Шупашкар хулинчи ӳрӗк ватӑсен ватӑсен ватӑлма та вӑхӑт ҫук. Вӗсенчен хӑшӗсем Шупашкар хулинчи халӑхӑн соцаллӑ ыйтӑвӗсене тивӗҫтерекен центрӗнчи Ӑс-тӑн арпашасран пулӑшакан центра (вырӑсла ӑна Центр профилактики когнитивных расстройств теҫҫӗ) ҫӳреҫҫӗ.

76 ҫулти Эльвира Зеленцова (сӑнӳкерчӗкре — сытӑм енче, кӗрен футболкӑпа) центра пӗр вӑхӑт ҫӳренӗ, кайран пӑрахнӑ, халӗ вӑл каллех кунта кӑмӑлтан ҫӳрет. Кинемей каланӑ тӑрӑх, ватӑсене психолог занятийӗсем уйрӑмах килӗшеҫҫӗ. Вӗсем кашни тӗлпулӑва кӑсӑклӑ йӗркелеме тӑрӑшаҫҫӗ, занятисен формачӗ те тӗрлӗрен.

 

Сывлӑх
Гелия Гемалиева. cap.ru сайтри сӑн
Гелия Гемалиева. cap.ru сайтри сӑн

Чӑваш Енри икӗ тухтӑр Раҫҫейри чи лайӑх медиксен йышне кӗнӗ. Вӗсем тӗрлӗ номинацире 3-мӗш вырӑн йышӑннӑ.

«Чи лайӑх инфекционист» номинацире Республикӑри ӳтпе венерологи диспансерӗн дерматовенерологӗ Гелия Гемалиева 3-мӗш пулнӑ. «Чи лайӑх офтальмолог» номинацире Улатӑр районӗн тӗп пульницинче ӗҫлекен 59 ҫулти Наталья Кононцева 3-мӗш вырӑна тухнӑ. Вӗсене иккӗшне те 200-шер пин тенкӗ парса хавхалантарӗҫ.

Палӑртмалла: конкурсра 1-мӗш вырӑншӑн – 500 пин, иккӗмӗшӗшӗн 300 пин тенкӗ параҫҫӗ.

 

Сывлӑх
cap.ru сайтри сӑн
cap.ru сайтри сӑн

Хӗрлӗ Чутай районӗнче пурӑнакан 70 ҫулти арҫынна питӗ васкавлӑ медпулӑшу кирлӗ пулнӑ. Кӑкӑрӗ тӗлӗнчен ыратма пуҫласан ӑна васкавлӑ медпулӑшупа Ҫӗмӗрлери медицина центрне илсе килнӗ.

Тухтӑрсем сывлӑхне тӗрӗсленӗ хыҫҫӑн ӑна кардиологи уйрӑмне яма йышӑннӑ. Арҫыннӑн миокард инфаркчӗ пулнине палӑртнӑ. Кун хыҫҫӑн пациента санавиаци вертолечӗпе Республикӑри клиника пульницине коронографи тумашкӑн ӑсатма йышӑннӑ.

Ҫак арҫын темиҫе ҫул каялла инфаркт чӑтса ирттернӗ. Халӗ ӑна операци тума йышӑннӑ.

 

Сывлӑх

Чӑваш Енри йӗрке хуралҫисем больницӑра выртакан хӗрарӑмӑн тӑванӗсене шыраҫҫӗ.

Ҫулланнӑ хӗрарӑма ҫу уйӑхӗн 12-мӗшӗнче Шупашкарти «Энергозапчасть» общество чарӑнӑвӗнче асӑрханӑ. Ун ҫумӗнче документсем пулман, ҫынпа вӑл калаҫмасть.

Сӑнпа пӑхсан, хӗрарӑм 70-сенче пек курӑнать, хӑй 155-160 сантиметр ҫуллӗш, начаркка кӗлеткеллӗ, ҫутӑ ҫӳҫӗ кӑвакарнӑ, куҫӗ сӑрӑрах кӑвак тӗслӗ.

Хӗрарӑмӑн алли ҫинче татуировкӑсем пур. Ятсӑр пӳрнин шал енне «чӗре+чӗре=Л» евӗр паллӑсем ӳкерсе хунӑ.

Йӗрке хураҫисем хӗрарӑмӑн тӑванӗсене шыраҫҫӗ.

Хыпар ҫӑлкуҫӗ: https://t.me/mvd_chuvashia/1369
 

Пӑтӑрмахсем
21.mchs.gov.ru сайтран илнӗ сӑнӳкерчӗк
21.mchs.gov.ru сайтран илнӗ сӑнӳкерчӗк

Ҫулталӑк пуҫланнӑранпа пирӗн республикӑра 15 ҫын шыва путса вилнӗ. 15 ҫынтан пиллӗккӗшӗ — ачасем.

Шӑматкун, утӑ уйӑхӗн 8-мӗшӗнче, 16 сехет те 30 минутра 39 ҫулти арҫын пурнӑҫӗ татӑлнӑ. РФ Инкеклӗ ӗҫсен министерствин Чӑваш Енри управленийӗнче пӗлтернӗ тӑрӑх, шар курнӑ Улатӑр арҫынни ӳсӗр пулнӑ тесе шухӑшлаҫҫӗ.

Специалистсем шывра асӑрхануллӑ пулмалли пирки аса илтереҫҫӗ, ятарлӑ вырӑнсенче ҫеҫ шыва кӗме сӗнеҫҫӗ.

 

Сывлӑх
«Про Город» сайтри сӑн
«Про Город» сайтри сӑн

Утӑ уйӑхӗн 2-мӗшӗнче 18 сехет те 20 минутра ҫамрӑк арҫын «Медик» коллектив садӗнче секаторпа пӳрнине татса илнӗ. Васкавлӑ медпулӑшӑва шӑнкӑравланӑ та диспетчен пулӑшма хиреҫленӗ, Шупашкарти васкавлӑ медпулӑшу пульницине хӑй тӗллӗн ҫитме каланӑ.

Анчах арҫын Ишлее ҫити кӑна хӑрах алӑпа руле тытса ҫитейнӗ. Унта вӑл ҫул-йӗр патрулӗнчен пулӑшу ыйтнӑ. Арҫын юн нумай ҫухатнине кура вӗсем ӑна хӑйсен машинине лартнӑ та Шупашкара илсе кайма тухнӑ. Анчах ҫул ҫинче васкавлӑ мудпулӑшу машинине курнӑ та чарнӑ. Фельдшер пӗрремӗш медпулӑшу панӑ.

Хыпар ҫӑлкуҫӗ: https://pg21.ru/news/88347
 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Нумаях пулмасть Чӑваш Енре "Халӑх вӗрентекенӗ" ята пама йышӑннӑ. Халӗ тухтӑрсене те ҫавнашкал ят пама тытӑнасшӑн. Ҫапла пӗлтернӗ ЧР сывлӑх сыхлавӗн министрӗ Владимир Степанов.

Министр ҫӗнӗ ят тухтӑрсен сумне ӳстернине, вӑл медицинӑна ҫамрӑк специалистсене илӗртме пулӑшнине, опытлӑ медиксене хавхалантарнине палӑртнӑ.

 

Хулара
t.me/pro_cheby каналти видеоран илнӗ сӑнӳкерчӗк
t.me/pro_cheby каналти видеоран илнӗ сӑнӳкерчӗк

Тӗнче тетелӗпе халӑх тетелӗсем вӑйлӑ аталаннӑ саманара ҫынсем йӑлтах кураҫҫӗ-илтеҫҫӗ, пӗлеҫҫӗ-вулаҫҫӗ ҫеҫ мар, хӑйсене тӗлӗнтерекен пулӑмсене тӳрех ӳкерсе е ҫырса илеҫҫӗ. Хӑйсем пӗлнипех ҫырлахмаҫҫӗ, халӑх тетелӗсем урлӑ ыттисем патне те ҫав хыпара ҫитерме васкаҫҫӗ.

Телеграмри каналсенчен пӗринче хыпарланӑ тӑрӑх, Шупашкарти 1-мӗш троллейбус водителӗ ҫула тухсан пирус туртса тата телефонпа калаҫса пынӑ.

...Хулари маршруткӑсен водителӗсем ҫул ҫинче телефонпа калаҫса пынинчен пирӗнтен чылайӑшӗ тӗлӗнме пӑрахнӑ пулӗ. Ялсене ҫӳрекен автобуссемпе маршруткӑсен водителӗсем руль умӗнче пирус туртса пынине те хӑнӑхрӑмӑр пулӗ. Анчах троллейбус водителӗсем пирус туртни тата телефонпа калаҫни тӗлӗнтерме пӑрахман иккен.

Хыпар ҫӑлкуҫӗ: https://t.me/pro_cheby/6130
 

Хулара
cheb-centr.soc.cap.ru сӑнӳкерчӗкӗсемпе усӑ курса курнӑ
cheb-centr.soc.cap.ru сӑнӳкерчӗкӗсемпе усӑ курса курнӑ

Ырӑ кӑмӑллӑ ҫынсем ватӑлсан та ҫавӑн пекех тӑрса юлаҫҫӗ. Вӗсем шӳтлесе кулма, хавасланса савӑнма пӗлеҫҫӗ, кирлӗ-кирлӗ маршӑн тарӑхса ҫӳремеҫҫӗ. Шупашкарти халӑхӑн социаллӑ ыйтӑвӗсене тивӗҫтерекен центрӑн «кӗмӗл» волонтёрӗсем пирки те ҫавнах калама пулать.

Хастар ватӑсем паян хулари 127-мӗш ача пахчине ҫӳрекен шӑпӑрлансемпе тӗл пулнӑ. Центр ӗҫченӗсем ку тӗлпулу тӗллевне ачасене спортпа, сывӑ пурнӑҫ йӑли-йӗркипе паллаштарасси тесе палӑртнӑ-ха. Ватӑсем ҫак ӗҫе хӑйне май йӗркеленӗ. Вӗсем шӑпӑрлансемпе Сывлӑх сукмакӗ тӑрӑх утнӑ, тренажёрсем ҫинче тӗрлӗ хускану тунӑ. Унтан ачасемпе пӗрле асфальт ҫинче тӗрлӗ тӗслӗ пурӑпа ӳкернӗ.

«Тӗлпулу калама ҫук хаваслӑ иртрӗ», – тесе палӑртнӑ ушкӑнри чи аслӑ кинемей, 85 ҫулти Зинаида Васенёва. Вӑл, сӑмах май каласан, ӗмӗрӗпех учитель пулса ӗҫленӗ.

 

Сывлӑх
t.me/pro_cheby каналтан илнӗ сӑнӳкерчӗк
t.me/pro_cheby каналтан илнӗ сӑнӳкерчӗк

Чӑваш Енре пурӑнакансене магнит тӑвӑлӗ пирки асӑрхаттараҫҫӗ. Ҫутҫанталӑкӑн «K-index 6» класӗллӗ ҫак пулӑмӗ 14 куна тӑсӑлӗ.

Геомагнит витӗмӗ утӑ уйӑхӗн 8-мӗшӗ хыҫҫӑн сисӗне пуҫлӗ. Электромагнит хумӗсен шкали ҫав вӑхӑтра 2 балтан пуҫӑнса 6 бала (асӑннӑ улшӑнӑва 9 баллӑ шкалапа виҫеҫҫӗ) ҫитӗ. Электромагнит хумӗсем утӑ уйӑхӗн 26-мӗшӗнче ҫеҫ лӑпланса ҫитӗҫ.

Асӑннӑ тапхӑрта тӑварлӑ тата ҫуллӑ апат-ҫимӗҫ сахалтарах ҫимелле, шыв нумайрах ӗҫмелле, улма-ҫырлапа пахча-ҫимӗҫ ҫимелле.

Ҫӗтӗлекен тата кутӑнлашакан, пули-пулмишӗн тарӑхакан, ҫын йӑнӑшне шырама юратакан, ыттисене тиркесе те хурлакан, япӑххине ҫеҫ асӑрхакан ҫынсен ку тапхӑрта уйрӑмах асӑрхануллӑ пулмалла, хӑйсене май килнӗ таран лӑпкӑ тытма тӑрӑшмалла, тулашса ҫӳремелле мар, пурнӑҫпа киленсе те савӑнса пурӑнма май тупмалла.

Хыпар ҫӑлкуҫӗ: https://t.me/pro_cheby/6085
 

Страницӑсем: 1 ... 4, 5, 6, 7, 8, 9, 10, 11, 12, 13, [14], 15, 16, 17, 18, 19, 20, 21, 22, 23, 24, ... 228
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуть те кам тухсан та
ӑсатма тухни — ҫылӑх, юрамасть
хуҫа тарҫи
хуҫа арӑмӗ
хуҫа хӑй
кил-йышри арҫын
хуҫин ҫитӗннӗ ачисем
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та