Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Ҫӑхан куҫне ҫӑхан сӑхмасть.
[ваттисен сӑмахӗ: 2523]
 

Хыпарсем: политика

Чӑвашлӑх
Виталий Петровича медальпе чысланӑ самант
Виталий Петровича медальпе чысланӑ самант

Чӑваш Республики Пуҫлӑхӗн тивӗҫне вӑхӑтлӑх пурнӑҫлакан Олег Николаев паян чӑвашлӑхшӑн тӑрӑшакан чылай хастара Чӑваш автономине туса хунӑранпа 100 ҫул ҫитнӗ ятпа кӑларнӑ медальпе чысларӗ. Вӗсен шутӗнче Виталий Петрович Станьял та пулчӗ.

Ҫавӑн пекех Чӑваш наци конгресӗн хастарӗсене те медальпе чысларӗҫ. Вӗсен шутӗнче Эдуард Бахмисов, Петр Ивантаев, Олег Мустаев, Алексей Леонтьев, Геронтий Никифоров, Зоя Яковлева, Николай Лукианов, Анатолий Ухтиаров тата ыттисем пулчӗҫ.

Чыслав Чӑваш наци музейӗн пысӑк залӗнче иртрӗ. Тухса калаҫакансен йышӗнче ЧНК президенчӗ Николай Угаслов, Чӑваш Республики Пуҫлӑхӗн тивӗҫне вӑхӑтлӑх пурнӑҫлакан Олег Николаев, чӑваш ҫыравҫи Анатолий Кипеч, Чӗмпӗр Ен чӑвашӗсен автономине ертсе пыракан Олег Мустаев тата ыттисем пулчӗҫ. Анатолий Кипеч, сӑмахран, республикӑмӑрӑн тӗп хулинче чӑвашлӑх сахалланса пыни пирки чарӑнса тӑчӗ, Олег Алексеевич ку ыйту тавра ӗҫлени пирки пӗлтерчӗ.

Аса илтеретпӗр, чӑвашлӑхшӑн самай вӑй хунӑ Виталий Петровича кӑҫал ҫавӑн пекех «Шупашкар районӗн хисеплӗ ҫынни» ята та панӑччӗ. Ку вӑл ҫу уйӑхӗнче пулса иртрӗ.

Малалла...

 

Политика
Евгений Григорьев
Евгений Григорьев

Чӑваш эстрада артисчӗсем депутата суйланасшӑн. Ку хыпара эпир Тутарстанри «Сувар» хаҫат хыпарлани тӑрӑх пӗлтмӗр.

Унта ҫурла уйӑхӗн 1-мӗшӗнче ҫырнӑ тӑрӑх, «Андрей Кузнецов, Алексей Московский тата Евгений Григорьев муниципаллӑ фильтртан самовыдвиженецсем пек иртес тесе хӑйсен округӗсенче алӑ пуснисене пуҫтараҫҫӗ. Евгений Григорьев Шупашкарти 2-мӗш округра, Алексей Московский 10-мӗшӗнче, Андрей Григорьев 3-мӗш округра».

«Депутат опычӗ вӗсенчен Андрей Кузнецовӑн кӑна пур», — тесе Константин Малышев тӗрӗсех палӑртнӑ. Андрей Кузнецов Сӗнтӗрвӑрри районӗнчи Депутатсен пухӑвӗн депутачӗ пулнӑ. Выртан каска мӑкланнӑ теҫҫӗ те. талпӑнмалла, шикленмелле мар. Никам та депутат пулса ҫуралмасть.

 

Персона

Чӑваш Ен финанс министрӗ пулнӑ Светлана Енилина Питӗр хулинче ӗҫлеме тытӑннӑ. Ҫӗнӗ ҫӗрте ӗҫе вӑл паянтан, утӑ уйӑхӗн 30-мӗшӗнчен, кӳлӗннӗ. Светлана Енилина Питӗр хулинче финанс комитечӗн ертӳҫин ҫумӗ пулса тӑрӑшӗ. Ку хыпара асӑннӑ хула администрацийӗн сайтӗнче пӗлтернӗ.

Ҫӗнӗ ӗҫре Енилина хысна политикин тӑватӑ пайӗншӗн яваплӑ: халӑх социаллӑ хӳтлӗх пайӗшӗн; вӗрентӳшӗн; сывлӑх сыхлавӗшӗн; культурӑшӑн, ҫамрӑксен ӗҫӗшӗн тата спортшӑн.

Светлана Енилина Чӑваш Ен Элтеперӗ пулнӑ Михаил Игнатьевпа пӗр командӑра ӗҫленӗччӗ. Республика Элеперӗн тивӗҫӗсене вӑхӑтлӑха пурнӑҫлама Олег Николаева шансан ӑна ӗҫрен хӑтарнӑччӗ. Светлана Енилина кӑҫалхи ака уйӑхӗнчен пуҫласа утӑ уйӑхӗччен Ленинград облаҫӗнче финанс комитечӗн ертӳҫин ҫумӗнче тӑрӑшнӑ.

 

Политика

Сӗнтӗрвӑрри районӗн администрацийӗн пуҫлӑхӗ Анатолий Мясников кӑҫалхи ҫӗртме уйӑхӗн 11-мӗшӗнче ӗҫрен кайнӑ хыҫҫӑн сити-менеджер тилехепине вӑхӑтлӑха Владимир Мустаева шанчӗҫ. Унччен вӑл райадминистрацире пуҫлӑхӑн пӗрремӗш ҫумӗ — экономика тата пурлӑх хутшӑнӑвӗсен пайӗн пуҫлӑхӗ пулса тӑрӑшнӑ. Елчӗк районӗнче ҫуралнӑскер Шупашкар районӗнче тӗрлӗ должноҫре чылай ҫул ӗҫленӗ.

Нумаях пулмасть Сӗнтӗрвӑрринче Депутатсен пухӑвӗн ларӑвӗ иртнӗ. Унта пуҫлӑх пулма республика шайӗнче сӗннӗ кандидата тишкернӗ. ЧР вӗренӳ тата ҫамрӑксен политикин министрӗн ҫумӗ Алевтина Федоров ертсе пыракан комисси Владимир Мустаева сити-менеджер пулма сӗннӗ. Анчах районти Депутатсен пухӑвӗн депутачӗсем яхӑнне те яман. 17 депутатран 6-шӗ ҫеҫ Владимир Муставшӑн сасӑланӑ. Ҫапла вара вӑл тивӗҫе пурнӑҫлакан пулса юлнӑ.

Пуҫлӑха авӑн уйӑхӗн суйлав хыҫҫӑн ҫеҫ палӑртӗҫ.

 

УТӐ
29

Этем тата влаҫ
 Леонид Сильвестров | 29.07.2020 14:09 |

Харпӑр шухӑш Политика

(Ҫухату пулнӑранпа хӗрӗх кун ҫитнӗ май)

 

Ҫӳле кайни — ҫӳлтен ӳкет,

Ӳксессӗн йывӑр, ҫӳллӗшрен…

Ун чух кашни ӗмӗтленет

Ӑна ҫапмашкӑн ӗнсерен.

 

Мӗн чуль ӗҫленӗ ҫын малтан —

Ҫакна никам аса илмест.

Кӑшт ӑнсӑртран вӑл такӑнсан

Темме пӗри те хӗрхенмест.

 

Вӗслетнӗ йытӑсем пекех

Сиксе ӳкеҫҫӗ ун ҫине:

Ҫын шутӗнче мар эс текех —

Кашни ҫӗклет ав чӑмӑрне.

 

Христос пекех хӗрес ҫине

Ҫакса хурсассӑн тин вара

Кармакасем уҫаҫ куҫне,

Сапаланаҫҫӗ сӑх сӑхса:

 

«Каҫармаллаччӗ мӗскӗне —

Ӗҫленӗ чух кам йӑнӑшмасть?

Ӑнланмассӑн пӗр-пӗрне

Ҫумра юлташ та вӗт юлмасть».

 

…Ҫӳле кайсан манатпӑр ҫав:

Камсем пире тытса тӑраҫ.

Мӑнна хума пурах сӑлтав —

Пӑсать ҫынна пыл евӗр влаҫ!

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.
 

Политика
dosug.md сӑнӳкерчӗкӗ
dosug.md сӑнӳкерчӗкӗ

Чӑваш Ен Элтеперӗ пулнӑ Михаил Игнатьева республика ертӳҫинчен кӑларнипе ҫыхӑннӑ ӗҫ лӑпланса пӗтмен. «Новости» Раҫҫейӗн информаци агентстви пӗлтернӗ тӑрӑх, Михаил Васильевичӑн мӑшӑрӗ Лариса Игнатьева суда ҫӑхав шӑрҫаланӑ.

Аса илтерер: Михаил Игнатьева ҫӗршыв Президенчӗ Владимир Путин «шанчӑкран тухнӑ» тесе кӑҫалхи кӑрлачӑн 29-мӗшӗнче ӗҫрен кӑларнӑччӗ. Михаил Васильевич РФ Президенчӗпе килӗшмесӗр ҫӗршывӑн Аслӑ судне тавӑҫ шӑрҫаланӑччӗ. Мускаврисем суд кунне те палӑртнӑччӗ. Анчах Михаил Игнатьев пурнӑҫран уйрӑлчӗ. Ҫавӑн хыҫҫӑн ӗҫе чарса лартнӑ. Республика ертӳҫи пулнӑ ҫыннӑн мӑшӑрӗ ку йышӑнупа килӗшмен. Лариса Игнатьеван ҫӑхавне авӑн уйӑхӗн 15-мӗшӗнче тишкермелле.

Хыпар ҫӑлкуҫӗ: https://ria.ru/20200728/1575060476.html
 

Политика

Куславкка район администрацийӗн пуҫлӑхӗ Андрей Васильев ӗҫрен кайнӑ. Ку хыпара асӑннӑ муниципалитет сайтӗнче хыпарланӑ. Пуҫлӑх район ҫыннисене чӗнсе каланине утӑ уйӑхӗн 24-мӗшӗнче вырнаҫтарнӑ.

«Эпӗ район администрацийӗн пуҫлӑхӗн тивӗҫне пурнӑҫлама пӑрахма йышӑнтӑм. Ҫавӑн пирки Депутатсен пухӑвӗн ӗнерхи черетсӗр ларӑвӗнче пӗлтертӗм, ман йышӑнӑвӑма ырлама ыйтрӑм», – тесе ҫырнӑ вӑл.

Андрей Васильев депутатсен командипе, Чӑваш Ен Патшалӑх Канашӗн депутачӗпе Юрий Зоринпа килӗштерсе ӗҫлеме май килнине палӑртнӑ. Район пуҫлӑхӗнче 3,5 ҫул ытларах ӗҫленӗ вӑхӑтра тӑван тӑрӑхшӑн нумай тума ӗлкӗрнишӗн мӑнаҫланнине пӗлтернӗ.

 

Политика

Паян, утӑ уйӑхӗн 24-мӗшӗнче, Чӑваш Ен Элтеперӗн суйлавне хутшӑнма кӑмӑл тунӑ кандидатсенчен документсене юлашки кун йышӑннӑ. Политика партийӗсем сӗннипе суйлава хутшӑнакансенчен тӑваттӑшӗ те Тӗп суйлав комиссине документсене тӑратнӑ.

Аса илтерер: ӗнер Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев тата Сергей Матвеев («Раҫҫей патриочӗсем») хӑйсемшӗн сасӑ пухса документсене Чӑваш Ен Тӗп суйлав комиссине тӑратнӑ. Унсӑр пуҫне Николай Степанов («Пенсионерсен социаллӑ тӗрӗслӗхӗшӗн партийӗ»), Александр Андреев (Раҫҫей Федерацийӗн коммунистсен партийӗ) тата Константин Степанов (либерал-демократсен партийӗ) кирлӗ чухлӗ сасӑ пухайнӑ.

Ҫапла вара суйлава хӑй тӗллӗн хутшӑнас тенӗ мӗнпур кандидат тенӗ пекех кирлӗ чухлӗ сасӑ пухайман. Юрий Шакеев сасӑ пухма хӑтланнӑ, анчах документсене Тӗп суйлав комиссине тӑратман. Ыттисем муниципалитет «али» витӗр тухма тӑрӑшман та. Николай Коклейкин темиҫе ял тӑрӑхне ҫитнине ӗнентернӗ-ха. Андрей Ильдеменов та ҫине тӑман курӑнать. Юрий Сидоров хӑйӗн заявленине каялла илнӗ. Роман Васильев, Максим Чепель тата Петр Петрянкин сасӑ пухма та тӑрӑшман теҫҫӗ.

Малалла...

 

Политика
life.ru сайтри сӑн
life.ru сайтри сӑн

Чӑваш Ен Элтеперӗн суйлавне хутшӑнас тесе 12 ҫын документсем панӑ. Паня пӗри вӗсене каялла илнӗ. Вӑл – Юрий Сидоров.

«Регнум» информаци агентстви пӗлтернӗ тӑрӑх, документсем тӑратнӑ кандидатсен хушшинче судпа айӑпланнӑ ҫынсем те пур. Роман Васильев ҫын сывлӑхне асӑрханмасӑр йывӑр сиенн кӳнӗшӗн айӑпланнӑ, айӑпне 2010 ҫулта каҫарттарнӑ.

Палӑртмалла: паян суйлава хутшӑнма кӑмӑл тунӑ кандидатсенчен документсене юлашки кун йышӑннӑ.

 

Политика

Чӑваш Ен Правительствинче паян кадр улшӑнӑвӗ пулса иртнӗ. Аса илтерер: утӑ уйӑхӗн 17-мӗшӗнче Иван Моторин яваплӑ ӗҫрен кайнӑ хыҫҫӑн экономика аталанӑвӗн тата пурлӑх хутшӑнӑвӗсен министрӗн пуканӗ пушаннӑччӗ. Министр тилехпине вӑхӑтлӑха Инна Антоновӑна тыттарнӑччӗ.

Паян, утӑ уйӑхӗн 24-мӗшӗнче, Чӑваш Ен Министрсен Кабинечӗн Ертӳҫин ҫумӗ — экономика аталанӑвӗн тата пурлӑх хутшӑнӑвӗсен министрӗн тивӗҫӗсене пурнӑҫлама Дмитрий Краснова шаннӑ. Кӑҫалхи нарӑс уйӑхӗнченпе вӑл Чӑваш Ен аталанӑвӗн корпорацийӗн ертӳҫин тивӗҫне пурнӑҫланӑ.

ЧР Элтеперӗн тивӗҫӗсене вӑхӑтлӑх пурнӑҫлакан Олег Николаев алӑ пуснӑ хушӑва республикӑн влаҫ органӗсен официаллӑ порталӗнче вырнаҫтарнӑ.

 

Страницӑсем: 1 ... 46, 47, 48, 49, 50, 51, 52, 53, 54, 55, [56], 57, 58, 59, 60, 61, 62, 63, 64, 65, 66, ... 197
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 03:00) тӗтреллӗ ҫанталӑк, атмосфера пусӑмӗ 739 - 741 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫин ҫитӗннӗ ачисем
хуҫа хӑй
кил-йышри арҫын
хӑнана ӑсатма никам та тухмасть
хуҫа тарҫи