Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Ҫиччӗ виҫ те пӗрре кас.
[ваттисен сӑмахӗ]
 

Хыпарсем: политика

Политика
Юрий Шакеев тунӑ сӑн
Юрий Шакеев тунӑ сӑн

Шупашкарта самбо енӗпе Раҫҫей чемпионачӗ пырать. Вӑл ӗнер пуҫланнӑ, ыран вӗҫленӗ.

«Шупашкар-Арена» пӑр кӗрменне ҫӗршыври 1 пин ытла самбист килнӗ. Ӑмӑртӑва тӳре-шара та курма ҫитнӗ. Общество ӗҫне хутшӑнакан Юрий Шакеев хӑнасен йышӗнче ЧР Элтеперӗ пулнӑ Михаил Игнатьева та унта асӑрханӑ.

Юрий Шакеев Михаил Васильевичпа сывлӑх суннӑ, вӑл халӗ ӑҫта ӗҫленипе кӑсӑкланнӑ. «Хальлӗхе эп ӗҫсӗр», - хуравланӑ Михаил Игнатьев. Унтан Михаил Васильевич патне Пӗтӗм Раҫҫейри самбо президенчӗ Сергей Елисеев пынӑ, вӗсем иккӗшӗ пӗр-пӗрне сывлӑх сунсан куҫран кайса ҫухалнӑ.

Хыпар ҫӑлкуҫӗ: https://pg21.ru/news/62859
 

Политика
cap.ru сайтри сӑн
cap.ru сайтри сӑн

Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев Михаил Игнатьев вӑхӑтӗнче ӗҫленӗ тепӗр ҫынна пуҫлӑхран кӑларнӑ. Нарӑс уйӑхӗн 28-мӗшӗнче влаҫ органӗсен порталӗнче Олег Алексеевич Конкурентлӑ политика тата тариф патшалӑх службин ертӳҫине Марина Кадиловӑна ӗҫрен кӑларасси пирки хушу кӑларнӑ. Хальлӗхе ун вырӑнне кам йышӑнасси паллӑ мар-ха. Сӑмах май, Марина Кадилова ведомствӑна 2016 ҫулхи кӗркуннеренпе ертсе пынӑ.

Олег Алексеевич Элтепер тивӗҫӗсене вӑхӑтлӑх пурнӑҫлама тытӑнсан пур министра та тенӗ пекех улӑштарнӑ. Темиҫе министерствӑна Николай Федоров президент пулнӑ вӑхӑтра ӗҫленӗ ҫынсем ертсе пыма тытӑннӑ.

Хыпар ҫӑлкуҫӗ: https://pg21.ru/news/62854
 

НАР
29

«Чӑваш намӑсӗ, инкекӗ...»
 Валери Туркай | 29.02.2020 10:23 |

Харпӑр шухӑш Политика

Чӑваш намӑсӗ, инкекӗ

Халь ларать-тӗр килӗнче,

Иртнине аса илет-тӗр

Выртнӑ чух диван ҫинче.

 

Ӑнсӑртран «ҫулпуҫ» вӑл пулчӗ.

Чӑн та пулчӗ ӑнсӑртран.

Влаҫӗпе пайтах ыр курчӗ,

Ыр курма юратнӑран.

 

Халӑха шута хумарӗ.

Кулчӗ ҫеҫ лӗх-лӗх унран.

Ун пек ӑслӑ ҫын та ҫукчӗ, —

Вӑл ҫапла шутланӑран.

 

Никама та пулӑшмарӗ, —

Ҫын лексен йывӑрлӑха.

Ӑслине вӑл ҫул памарӗ,

Пачӗ ҫул пур йӑх-яха.

 

...Аҫа ҫапрӗ те кӗрлерӗ

Аслати кӗтмен ҫӗртен!..

Ҫук «ҫулпуҫӑн» текех влаҫӗ!..

Ҫук ӑна хӗрхенекен!..

 

Ыттисем халь пысӑк влаҫлӑ.

Ман шанас килет: вӗсем

Халӑха, тен, шута хурӗҫ,

Пулмӗҫ нишлӗ йӗксӗксем...

 

...Чӑваш намӑсӗ, инкекӗ

Халь ларать-тӗр килӗнче.

Иртнине аса илет-тӗр

Выртнӑ чух диван ҫинче.

 

Валери ТУРКАЙ,

Чӑваш халӑх поэчӗ

29.02.20

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Малалла...

 

Политика

Чӑваш Енре пурӑнакансем политик тата саккун кӑларакан пулас текенсен конкурсне хутшӑнайӗҫ. Ҫӗнӗ конкурс пирки РФ Президент Администрацийӗн Ертӳҫин пӗрремӗш ҫумӗ Сергей Кириенко нарӑс уйӑхӗн 25-мӗшӗнчи брифингра пӗлтернӗ.

«Лидеры России. Политика» (чӑв. Раҫҫей лидерӗсем. Политика) конкурса пурнӑҫне обществӑпа политика ӗҫӗ-хӗлне, влаҫ органӗсен суйлавне хутшӑнас текенсем хутшӑнаяҫҫӗ.

Сергей Кириенко ӗнентернӗ тӑрӑх, ку проект чи маттуррисене суйласа илме кирлӗ.

Конкурсра тӗрлӗ политика партийӗсен пайташӗсем, тӗрлӗ шухӑшлавлӑ ҫынсем хутшӑнайӗҫ.

Унта хутшӑнас кӑмӑллисен заявкисене пуш уйӑхӗн 16-мӗшӗччен йышӑнӗҫ. Пуш-ака уйӑхӗсенче конкурсҫӑсен ӗҫсене инҫет мелпе пурнӑҫламалла. Унтан ҫурма финалӑн куҫӑн тапхӑрӗ пулӗ, ҫу уйӑхӗнче — финал.

Конкурса хутшӑнас тесен политическиелидеры.рф сайтра регистрациленмелле.

 

Политика
pasmi.ru сайтран илнӗ сӑн
pasmi.ru сайтран илнӗ сӑн

Чӑваш Енри МИХсем пӗлтернӗ тӑрӑх, республикӑн тӗп прокурорӗ Василий Пословский отставкӑна кайма шутланӑ, рапорт ҫырнӑ. Нарӑсӑн 25-мӗшӗнче, сӑмах май, Тӗп прокуратурӑран тӗрӗслевпе килмелле. Хальлӗхе Пословский ӗҫрен кайни пирки официаллӑ мелпе ҫирӗплетни ҫук-ха.

Юлашки вӑхӑтра Василий Пословскин «хура йӗр» тейӗн. Пӗлтӗр раштав уйӑхӗнче Раҫҫейри унчченхи тӗп прокурор Юрий Чайка ӑна ҫирӗп выговор панӑ (кун пирки сайтра пӗлтернӗччӗ). Кӑҫал нарӑс уйӑхӗнче прокуратурӑри пилӗк ӗҫчен Раҫҫейри хальхи тӗп прокурор Игорь Краснов патне ҫыру янӑ, унта хӑйсен пуҫлӑхӗ тӳрккес пулнине пӗлтернӗ. Кун хыҫҫӑн Пословские пӑхӑннӑ пӗр ҫын журналистсене интервью панӑ, ҫакна РФ Тӗп прокуратурине тата РФ Следстви комитетне официаллӑ майпа хыпарлани тесе йышӑнма, Пословский тӗлӗшпе пуҫиле ӗҫ пуҫарма ыйтнӑ. Вӑл журналистсене каласа панӑ тӑрӑх, Пословский Кипрти офшортлӑ счетсем ҫине миллион-миллион евро кӑларнӑ ҫӗре хутшӑнма пултарнӑ.

 

Политика

Ҫынсен пӗр ушкӑнӗ нарӑс уйӑхӗн 29-мӗшӗнче Борис Немцева аса илсе Шупашкарти тӗп урамсем утма палӑртнӑ. Ку ыйтӑва хула администрацине ярса панӑ. Анчах ку ыйтӑва тивӗҫтермен: саккунпа килӗшӳллӗн, Ленин проспектӗнче тата К.Маркс урамӗнче унашкал мероприятисем ирттерме юрамасть.

Тӳре-шара Борис Немцева масар ҫинче, политика репрессийӗсенче вилнӗ ҫынсене халалласа лартнӑ палӑк умӗнче, (вӑл Б.Хмельницкий урамӗнче вырнаҫнӑ) ирттерме сӗннӗ. Семен Кочкин хастар кунпа пачах килӗшмест. Вӑл хирӗҫ ҫӑхав ҫырнӑ. Семен Кочкин ӗнентернӗ тӑрӑх, нарӑсӑн 29-мӗшӗнче мероприяти пулать, анчах масар ҫинче мар.

Сӑмах май, Борис Немцева 2015 ҫулхи нарӑс уйӑхӗн 27-мӗшӗнче Мускавра вӗлернӗ.

 

Вӗренӳ

Чӑваш Ен Правительствинче кадр улшӑнӑвӗсем малалла пулса иртеҫҫӗ. Министр тивӗҫне пурнӑҫланисене унччен пӗр вӑхӑт ҫине-ҫинех ылмаштарнӑ хыҫҫӑн пӗр вӑхӑт никама та тӗкӗнменччӗ. Ҫавна кура ытти министр хӑй пуканне ҫухатмӗ тесе шухӑшлакансем те пулчӗҫ.

Ӗнер, нарӑсӑн 20-мӗшӗнче, черетлӗ йышӑну тунӑ. Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев вӗренӳ тата ҫамрӑксен политикин министрӗн тивӗҫӗсене пурнӑҫланӑ Сергей Кудряшова ӗҫрен кӑларнӑ. Министр тивӗҫне пурнӑҫлама Сергей Яковлева шаннӑ.

Famous-scientists.ru сайтра Сергей Яковлев ятлӑ ҫын тупӑнчӗ. Вӑл — юридици ӑслӑлӑхӗсен кандидачӗ. 1977 ҫулта Шупашкарта ҫуралнӑ. Питӗрти патшалӑх экономика университечӗн Шупашкарти филиалӗн директорӗнче ӗҫлет тесе ҫырнӑ. «Ҫыхӑнура» форумра Сергей Яковлев юлашки ҫулсенче Чӑваш патшалӑх ял хуҫалӑх академийӗн проректорӗ пулнине асӑннӑ.

 

Политика

Ӗнер, нарӑс уйӑхӗн 18-мӗшӗнче, Чӑваш Ен Элтеперӗн тивеҫӗсене вӑхӑтлӑх пурнӑҫлакан Олег Николаев «Раҫҫей 24» федераци каналӗн ыйтӑвӗсене хуравланӑ.

Чӑваш Ен ертӳҫипе Олег Николаевпа Вера Красова журналист тӗл пулса калаҫнӑ. Олег Николаев Чӑваш Республикин ҫӗнӗ правительствине йӗркеленӗ чух мӗне тӗпе хуни ҫинчен каласа кӑтартнӑ, ӗҫ тӑвакан влаҫ органӗсен умне лартнӑ тӗллевсемпе паллаштарнӑ.

Чӑваш Ен Пуҫлӑхӗн Администрацийӗ пресс-служби пӗлтернӗ тӑрӑх, калаҫура ҫавӑн пекех ялсенчи тата хуласенчи демографи лару-тӑрӑвӗпе, сывлӑх сыхлавӗпе тата ҫурт-йӗрпе коммуналлӑ хуҫалӑх отраслӗпе ҫыхӑннӑ ыйтусене хускатнӑ.

Интервью хӑҫан эфира тухассине Чӑваш Енӗн влаҫ органӗсен официаллӑ порталӗнчи кӗске хыпарта асӑнманччӗ.

 

Политика
forum.na-svyazi.ru сайтран илнӗ сӑнӳкерчӗк
forum.na-svyazi.ru сайтран илнӗ сӑнӳкерчӗк

Паян Шупашкарти Ленин районӗн прокуратури ЧР экономика министрӗ пулнӑ Владимир Аврелькин тӗлӗшпе приговор вуланӑ. Унпа пӗрле пӗр шухӑшлӑ пулнӑ Сергей Анисимов («Тасатакан биологи сооруженийӗн» экс-директорӗ) тата «Ордер» тулли мар яваплӑ общество директорӗ Ольга Филиппова та суд сакки ҫине ларнӑ.

Судья Владимир Аврелькина пӗтӗмӗшле режимлӑ колоние 4,5 ҫуллӑха яма йышӑннӑ. Унӑн кунсӑр пуҫне 3 ҫул патшалӑх тата муниципалитет службинче должноҫ йышӑнма юрамӗ. Анисимовпа Филипповӑна пӗтӗмӗшле режимлӑ колоние 3,5 ҫуллӑха ӑсатнӑ.

Палӑртмалла: прокурор Аврелькина колоние 6,5 ҫуллӑха ӑсатма, 500 пин тенкелӗх штрафлама ыйтнӑ.

Хыпар ҫӑлкуҫӗ: https://pg21.ru/news/62673
 

Республикӑра

Ҫӗнӗ Шупашкар хулинчи Депутатсен пухӑвӗн сайтӗнче Саккунлӑх тата вырӑнти хӑй тытӑмлӑх енӗпе ӗҫлекен комисси ертӳҫин Игорь Иголкинӑн ҫырӑвне ӗнер пичетленӗ. Унта сӑмах муниципалитет служащийӗсен шалӑвне ӳстересси пирки пырать. Хула пуҫлӑхӗ тата депутатсем ҫапла шухӑшланине палӑртнӑ унта.

Асӑннӑ категорие кӗрекен тӳре-шаран шалӑвӗ пӗчӗкки пирки нарӑсӑн 14-мӗшӗнче шӑрҫаланӑ ҫырӑва Игорь Иголкин (вӑл — «Пӗрлӗхлӗ Раҫҫей» парти пайташӗ) Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев патне ӑсатнӑ.

Политика вӑййине тӗшмӗртекенсем ҫак ҫырӑва провокаци тесе хаклаҫҫӗ. Олег Николаев пурӑнма кирлӗ чи пӗчӗк укҫа виҫине чакарма хирӗҫ пулнине, вӑрҫӑ ветеранӗсене республика хыснинчен Ҫӗнтерӳ кунӗ тӗлне 25-шер пин тенкӗ пама йышӑннине Чӑваш халӑх сайчӗ те пӗлтерчӗ-ха. Социаллӑ пурнӑҫ енчен халӑхӑн сахал хӳтлӗхлӗ пайне пулӑшма тӑрӑшнӑ вӑхӑтра тӳре-шара шалу ӳстерме ыйтни, чӑн та, тӗлӗнмелле пек туйӑнать.

 

Страницӑсем: 1 ... 54, 55, 56, 57, 58, 59, 60, 61, 62, 63, [64], 65, 66, 67, 68, 69, 70, 71, 72, 73, 74, ... 197
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 15:00) пӗлӗтлӗ ҫанталӑк, атмосфера пусӑмӗ 742 - 744 мм, 8 - 10 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 05

1961
64
Чӑваш Республикин ҫамрӑк строителӗсен слёчӗ (ака, 5-6) пуҫланнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫа арӑмӗ
хӑнана ӑсатма никам та тухмасть
хуҫин ҫитӗннӗ ачисем
хуть те кам тухсан та
хуҫа тарҫи
ӑсатма тухни — ҫылӑх, юрамасть
хуҫа хӑй
пӗтӗм кил-йышпа тухаҫҫӗ
кил-йышри арҫын