Сайта кӗр | Регистраци | Сайта кӗрсен унпа туллин усӑ курма пулӗ
 -0.7 °C
Мулкачӑн хӑлхи вӑрӑм та хӳри кӗске.
[ваттисен сӑмахӗ]
 

Хыпарсем: асӑрханулӑх

Пӑтӑрмахсем

Патшалӑхӑн ҫул-йӗр хӑрушсӑрлӑхӗн инспекцийӗнче ӗҫлекенсем инкеке лекнӗ ҫынсене пулӑшни пирки хӑйсен Инстаграмри страницинче час-часах пӗлтереҫҫӗ. Паян та вӗсем ҫынна ырӑ тунӑ.

«Ҫул ҫинче фура ҫапса хӑварнипе вилесси хӑрушӑ», — тесе ҫырнӑ @gibdd21 пабликра. Ҫухату ҫыннӑн ҫемйине пысӑк хуйхӑ илсе ҫитерет. Хамӑр пирки шухӑшламасан та тӑвансемшӗн пӑшӑрханар.

Ҫуран ҫӳрекен пӗр ҫын федераци ҫулӗн хӗррипе утнӑ. Вӑл ҫула май транспорт ҫӳрекен енпе пынӑ. Ун ҫумӗнче машинӑсем аякран курӑнмалли нимле паллӑ та пулман. Ҫавӑншӑн ун тӗлӗшпе административлӑ протокол шӑрҫаланӑ. Ара, водительсене тӗттӗмре ҫынна асӑрхама йывӑр-ҫке.

Ҫуран ҫӳрекене пакунлисем Хусан енне каякан ҫула май машинӑпа лартса янӑ.

Хыпар ҫӑлкуҫӗ: https://www.instagram.com/p/CIqUWU8pmga/
 

Сывлӑх
kultura.krasnodar.ru сӑнӳкерчӗкӗ
kultura.krasnodar.ru сӑнӳкерчӗкӗ

Кӑшӑлвирус сарӑлнӑ саманара хӑрушсӑрлӑх мерисене пӑхӑнма хистенине ӑнланма пулать темелле.

Шупашкарти Вырӑс драма театрӗн артисчӗсене ӗнер пӗр хушупа паллаштарнӑ. Унта ҫырнӑ тӑрӑх, пӳлӗмре маскӑпа ҫеҫ ҫӳремелле, кулиса хыҫӗнче театр ӗҫченӗсен тӑван-пӗтенӗ е пӗлӗш-таврашӗ пулмалла мар иккен. Ку хыпара Маргарита Красотина журналист Фейсбукра ӗнер тӗлӗнсе пӗлтернӗ.

Журналист ҫырнӑ тӑрӑх, тепӗр 10 кунран театрта премьера тухмалла. Анчах репетицие маска чӑмласа ирттерме тивет-тӗр тесе ҫырнӑ пост авторӗ. Хушупа паллашни ҫинчен артистсем алӑ пусма килӗшмен иккен.

 

Сывлӑх

Паянтан пуҫласа пирӗн республикӑра пурӑнакан 65 ҫултан аслӑрах ҫынсене, чӗрепе юн тымарӗсен, сывлӑш ҫулӗсен чирӗсемпе аптӑракансене килтен питех тухса ҫӳреме сӗнмеҫҫӗ. Вӗсен пульницӑна е аптекӑна каймалла, суд органӗсене е лавккана ҫитсе килмелле пулсан, йытӑ уҫӑлтарма, физкультурӑна тата зарядка тума ҫеҫ урама тухмалла. Ӗҫе каякан ватӑсене те ҫул ҫӳреме чармӗҫ. Ыттисен урам тӑрӑх питех ҫӳремелле мар.

Ҫакӑн пек йышӑнӑва тӳре-шара ҫынсен сывлӑхӗшӗн пӑшӑрханнипе сӑлтавлаҫҫӗ. Кӑшӑлвирус пирӗн республикӑра та аптӑратать.

 

Сывлӑх
letar-nn.ru сӑнӳкерчӗкӗ
letar-nn.ru сӑнӳкерчӗкӗ

Чӑваш Енре кӑшӑлвируспа чирлекенсен шучӗ ӳссех пырать. Ҫакӑн пирки паян Чӑваш Ен Правительство ҫуртӗнче иртнӗ оперштаб ларӑвӗнче палӑртнӑ. Унта Роспотребнадзорӑн республикӑри управленийӗн ертӳҫи Надежда Луговская, сывлӑх сыхлав министрӗ Владимир Степанов тата ыттисем хутшӑннӑ.

Республика Элтеперӗ Олег Николаев шухӑшланӑ тӑрӑх, чирлекенсен шучӗ ӳсни хӑрушсӑрлӑх мерисене ҫителӗксӗр пӑхӑннипе ҫыхӑннӑ: маскӑсемпе перчеткесем тӑхӑнманни, пӗр-пӗринпе ҫума-ҫумӑн тӑни (ларни), сывлӑша сиенсӗрлетменни.

Олег Николаев обществӑлла апатлану предприятийӗсенче банкетсем, туйсем ирттерме тата ҫын вилсен асӑнма пухӑнма тытӑнса тӑма сӗнсе каланӑ.

«Эпир ресторансемпе кафесене хупасси пирки каламастпӑр, халӑх йышлӑ пухӑнакан мероприятисене ирттерме тытӑнса тӑма сӗнетпӗр», – тенӗ республика ертӳҫи.

 

Сывлӑх
yandex.ru сайтран илнӗ сӑнӳкерчӗк
yandex.ru сайтран илнӗ сӑнӳкерчӗк

Кӑшӑлвирус сарӑлассипе кӗрешекен республикӑри оперативлӑ штаб паян черетлӗ ларӑва пухӑннӑ. Иртнӗ эрнере ӑна Чӑваш Ен Министрсен Кабинечӗн Председателӗн ҫумӗ Алла Салаева ертсе пынӑччӗ, хальхинче Чӑваш Ен Элтеперӗ Олег Николаев хӑй хутшӑннӑ.

Республика Элтеперӗ тимлӗ пулмаллине аса илтернӗ. Кунта дезинфекци тӑвасси, маска тӑхӑнасси, гигиена кӗрет.

Роспотребнадзорӑн Чӑваш Енри управленийӗн ертӳҫи Надежда Луговская вӗҫемех рейдсем ирттернине ӗнентернӗ. Автобус-троллейбуссен водителӗсене перчеткесемпе, антисемпитксемпе тивӗҫтерменни, пассажирсенчен ҫурри маска тӑхӑнманни ҫиеле тухнӑ.

 

Пӑтӑрмахсем
gazeta-vp.ru сӑнӳкерчӗкӗ
gazeta-vp.ru сӑнӳкерчӗкӗ

Ҫурла уйӑхӗн ҫурри тӗлне илсен пирӗн республикӑра 23 ача чӳречерен ӳкнӗ. Шел те, 4 ача ӗмӗрлӗхе куҫ хупнӑ.

Ҫул-йӗр ҫинчи инкеке лекнипе те пӗчӗккисен кун-ҫулӗ татӑлать. Ун пеккине пирӗн тӑрӑхра 2 тӗслӗхе шута илнӗ.

Ӑшӑ ҫанталӑкра пирӗнтен кашниех шыв-шур хӗрне туртӑнать. Ача-пӑча пушшех те. 4 ача шыва путса вилнӗ.

Тепӗр хӑрушӑ инкек — пушар. «Хӗрлӗ автан» никама та, ниме те шеллемест. Кун пек инкекре 3 ача пурнӑҫӗ сарӑмсӑр татӑлнӑ.

Чукун ҫул урлӑ каҫнӑ чух та асӑрханмалла. Пирӗн республикӑра ачасемпе кӑҫал хальлӗхе ун пек пӑтӑрмах пулса иртмен.

 

Республикӑра

Ӗнер кӑнтӑрла хыҫҫӑн пирӗн тӑрӑхра сивӗ ҫанталӑк хуҫаланма пуҫларӗ. Ҫавна май Чӑваш Енӗн ҫул-йӗр службисем водительсене руль умӗнче асӑрхануллӑ пулма чӗнсе калаҫҫӗ.

Асӑннӑ тытӑмра ӗҫлекенсем ҫул-йӗр ҫинчи тӑрӑм ӑна епле тасатса тӑнипе пӗрлех транспорт хуҫисем хӑйсене мӗнле тытнинчен те килнине палӑртаҫҫӗ. Асӑрханса ҫӳресен, ҫул-йӗр правилине пӑхӑнсан инкек те пулмӗ.

Ҫанталӑк пирки сӑмах май каласан, кӑрлачӑн 21-22-мӗшӗсенче хӑрушсӑрлӑхӑн «сарӑ» шайӗ тесе йышӑннӑ: ҫанталӑк хӑвӑрт сивӗтсе янӑ май сывлӑшӑн талӑкри вӑтам температури 5 градусран ытла чакнӑ.

Ҫакна та шута илмелле. Ҫул-йӗре тытса тӑрассипе ҫыхӑннӑ ыйтусемпе «Чӑвашупрдор» хысна учрежденийӗн тӗп диспетчерскине (8352) 54-05-00, 8-917-679-23-16 телефон номерӗсемпе шӑнкӑравламалла.

 

Хулара

Ҫул-йӗр ҫинче инкексем, шел пулин те, час-часах пулкалаҫҫӗ. Пур чухне те пысӑк пӑтӑрмахпа вӗҫленменни этем кипкепе суралнине пӗлтерет пулинех.

Акӑ, Шупашкарта пулса иртнӗ пӗр тӗслӗх. Ӑна «За рулем» (чӑв. Руль умӗнче) порталта паян кӑнтӑрла хыҫҫӑн вырнаҫтарнӑ.

Машинӑри видеорегистратор тӑрӑх хакласан, пӗр хӗрарӑм таҫта питӗ васкани сисӗнет. Вӑл автомобиль ҫулӗ патне ҫитичченех чупса пыни курӑнать. Ҫуран ҫӳрекенсене каҫмалли ҫул ҫине ҫитсен те хӑвӑртлӑхне чакармасть — унталла-кунталла пӑхмасӑрах вирхӗнсе кӗме ӑнтӑлать. Унччен те пулмасть — такӑнса ҫул варрине персе анать. Юрать-ха, автомашина хуҫи чарса ӗлкӗрет.

Ҫуран ҫӳрекенсене каҫмалли вырӑнта кӑрлачӑн 12-мӗшӗнче Шупашкарта 28-ти хӗрарӑма машина ҫапса хӑварнине Чӑваш халӑх сайчӗ пӗлтернӗччӗ.

 

Ӗнер Шупашкарти Университет урамӗнчи 11-мӗш ҫуртра пурӑнакансем хытах сехӗрленнӗ — виҫҫӗмӗш тата тӑваттӑмӗш подъездсенче пурӑнакансем тӗтӗм шӑршине сиснӗ иккен. Аялти хутра пурӑнакансене сывлама уйрӑмах йывӑр пулса кайнӑ.

Хӑраса ӳкнӗскерсем часрах урама чупса тухнӑ. Вӗсемпе пӗрле — асӑннӑ ҫуртра вырнаҫнӑ аптека, банк, парикмахерски ӗҫченӗсем. Кӗҫех пушарнӑйсем те персе ҫитнӗ — ара, вӗсене пӗр арҫын путвалтан тӗтӗм тухни пирки хыпарланӑ-ҫке. Ҫӑлавҫӑсем икӗ автоцистерна шывпа тата пушар пусмипе ҫитсе тӑнӑ. Вырӑнта вӗсем путвала анса пӑхнӑ та ҫулӑм асӑрхаман. Кайран управляющи компани ҫыннисем ку ҫуртра пӑрҫаран дезинсекци ирттернине пӗлтернӗ. Ҫурт-йӗрпе коммуналлӑ хуҫалӑх ӗҫченӗсем ун пирки ҫынсене асӑрхаттарнӑ теҫҫӗ-мӗн, лешсем вара курман, илтмен, пӗлмеҫҫӗ иккен.

Хыпар ҫӑлкуҫӗ: http://pg21.ru/newsv2/63495.html
 

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (19.03.2024 03:00) тӗтреллӗ ҫанталӑк, атмосфера пусӑмӗ 757 - 759 мм, -1 - 1 градус сивӗ пулӗ, ҫил 2-4 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ăнăçлă эрне, халĕ сире улталама, витĕме кĕртсе ÿкерме йывăр. Тен, çивĕч ăслă çынпа кăсăкланма пуçлатăр. Юрату пĕлтерешлĕ вырăн йышăнать - хутшăну çине алă сулмалла мар. Харпăр пурнăçра, ĕçре тĕл пулакан йывăрлăхсене парăнтарма тăрăшăр.

Пуш, 19

1936
88
Корнилов Геннадий Емельянович, чӑваш чӗлхеҫи ҫуралнӑ.
1954
70
Шиманский Михаил Петрович, Чӑваш патшалӑх оперӑпа балет театрӗн директорӗ ҫуралнӑ.
1960
64
Деверинская Александра Тимофеевна, чӑваш спорт ӑсти ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
кил-йышри арҫын
хӑнана ӑсатма никам та тухмасть
ӑсатма тухни — ҫылӑх, юрамасть
хуҫин ҫитӗннӗ ачисем
хуҫа тарҫи
хуҫа арӑмӗ
хӑни ҫулне ахаль те пӗлет, ӑсатмасӑр та
хуть те кам тухсан та
пӗтӗм кил-йышпа тухаҫҫӗ