gazeta-vp.ru сӑнӳкерчӗкӗ

Ҫурла уйӑхӗн ҫурри тӗлне илсен пирӗн республикӑра 23 ача чӳречерен ӳкнӗ. Шел те, 4 ача ӗмӗрлӗхе куҫ хупнӑ.

Ҫул-йӗр ҫинчи инкеке лекнипе те пӗчӗккисен кун-ҫулӗ татӑлать. Ун пеккине пирӗн тӑрӑхра 2 тӗслӗхе шута илнӗ.

Ӑшӑ ҫанталӑкра пирӗнтен кашниех шыв-шур хӗрне туртӑнать. Ача-пӑча пушшех те. 4 ача шыва путса вилнӗ.

Тепӗр хӑрушӑ инкек — пушар. «Хӗрлӗ автан» никама та, ниме те шеллемест. Кун пек инкекре 3 ача пурнӑҫӗ сарӑмсӑр татӑлнӑ.

Чукун ҫул урлӑ каҫнӑ чух та асӑрханмалла. Пирӗн республикӑра ачасемпе кӑҫал хальлӗхе ун пек пӑтӑрмах пулса иртмен.

​

#статистика, #инкексем, #ачасем, #сывлӑх, #асӑрханулӑх